燒味工房(小廚) (已結業)

今日叫個涼瓜魚塊飯.豆腐火腩飯（黎到錯單變豆腐魚塊).黎到涼瓜魚食一啖已經知唔係魚.連豆腐魚都係.打落去問佢係咩黎.佢堅持話係魚塊，唔緊要我影埋相比佢.過左15分鐘無回覆.再打落去.一個伙記堆一個.結論話師傅搞錯左..其實係雞.心唸雞同魚都搞得錯咁神奇.仲悔氣大聲地叫我落去退錢(有錄音).其實上星期已經食過一次已經係咁.我當你搞錯.今日隔左成個星期都係咁.有可能嗎.擺明係雞肉上粉.落去退完錢之後佢又ws 我話今日無賣豆腐魚.問我係咪第二度買.大佬呀我有單架..錯咪錯囉坳咩..你咁樣做生意..好難有下次

今日心血來潮，諗住買個燒味飯食下，行過見到間鋪都算乾淨，入面就係佢哋整燒味嘅地方，跟住見到諗住收得四十八蚊雙拼飯應該都有返咁上下質素，點知啲燒肉肥到痴線，得油脂味，冇肉味，好似食緊一舊完完全全嘅脂肪咁。油雞陣味又係難以形容，同正常嗰啲陣味完全唔一樣。同埋佢舊燒腩骨就係有骨嘅燒肉，又唔係特別香，純粹多一舊骨，咁都好意思攞出黎做招牌賣多二十蚊。跟住例湯又係難飲到嘔，個樣好似好多料咁，但係一飲落去就係有少少味道嘅水。咁樣收一個雙拼飯就收四十八蚊，建議過隔離食和順記好過。

燒味工房都算係我同同事嘅食堂，出名燒味好食，但其他野食都十分有保證，疫情嘅關係我哋都會轉買外賣返公司食，可以WhatsApp落單，直接去拎就得啦， 十分方便今日星期三，我揀左G餐，豉汁蒸倉魚配飯+熱奶茶，我鍾意佢嘅魚係成條上，火候控制得非常好，剛剛熟十分嫩滑，蒸熟後灑上芫荽及蔥，然後再淋上豉油，賣相十分吸引，而且佢既豉油係自家製過，用來撈飯食超好食😋佢嘅熱奶茶亦十分濃滑，每次都必定叫奶茶，無論凍熱都一流

叉燒老過我伯爺 嗌個雙拼叉雞 啲雞就得兩三舊 仲要啲叉燒一舊大一舊細 依家玩大細呀？啲飯又爛又唔好食 比幾十蚊食埋啲垃圾 食來都把鬼 真係呃錢 又貴又唔好食 真係差中之差 如果想嘥錢可以去

由入座計算十分鐘完成一頓午餐，真係香港人最緊要快。今晚跟同事去油麻地燒味工房食午飯，疫情期間座位舒適闊落，睇完餐牌我們各自都點了雙拼飯。👍🥢叉燒燒肉飯 $60叉燒出名當然必食，油香腍滑入口鬆化肉汁豐盛，果然必食。😋燒肉皮脆肉香中層肥膏不算油膩，飯有米香非常滿意。😋遺憾是吃完碟飯想慢慢嘆杯茶落一落格，有位中年胖哥幫我哋收碟，抺檯之後不斷在我們附近遊來遊去，我杯茶喝了一杯放在檯上，他竟然問：唔要㗎啊？😓無言....😡都明白香港地舖租貴，但 $60 十分鐘午餐計落我仲貴。

呢排勁鍾意食叉燒蛋嘅combination，誤打誤撞入咗呢間菜記，本身係想食燒味飯，但睇menu見到有呢個飯就忍唔住嗌咗！估唔到個蛋又炒得幾好，滑得嚟又食到有獲氣！不過略嫌油膩咗啲，食到一半就漏漏地，同埋叉燒都係瘦叉冇咩特別，不過不失！

午餐叫左一碟叉燒油雞飯。不過除左白飯，無一樣野係熱呀！件雞又細，連叉燒都係凍冰冰重要收我$50一碟！有要求換過另一碟，但係佢竟然話佢地既野食係咁，天呀！燒味凍食呀？佢當佢自己依家煮fusion 菜咩？！？😰我真係即刻呆晒！我食落肚重得了？之後9秒9走人連杯奶茶都唔飲！到埋單個時個cashier 位有好多好多蚊之飛來飛去！係廚房個位見到勁多小強呀😱😱😱😱😱😱😱😱！佢地所有伙計都無人有反應？

今天公司安排了去油麻地區上堂，中午要自己搵地方吃飯，天時暑熱去間近近地鐵站附近餐廳燒味工房吃午餐佢個lunch價錢真係好鬼死貴要1舊水回2 蚊雞質素同價錢絕對吾成正比🤣🤣🤣叫咗個XO醬珍珠帶子瑤柱炒飯味道一般飲咗杯香滑奶茶希望上堂可以頂住眼訓啦！

話說突然之間心血來潮諗住叫外賣我一點半打過去結果佢兩點半先送到 重點係好近我等左40分鐘打電話問吓 佢仲要話返我轉頭 話咩已經送左出去 叫我等下 唔講以為沙田送過去 一條馬路你可以送咁耐 去買等成個鐘仲要受氣 啲叉燒飯肥到呢😐仲有啲奶茶倒到周圍都係 只可以講祝佢早日執笠

今日中午想食燒味飯，一行三人去燒味工房，門口大概有兩至三檯食客等緊位，唔會派飛俾你等，老闆憑記憶叫入座，當然等位環境近馬路，熙來攘往，一片混亂，總之先後次序是隨心的，總之有位就求其安排坐滿就算，等左15分鐘左右，就安排我地入座，但原來係分開2個搭落一張（已坐左2個客）四人檯，另一個要搭落隔離一張（已坐左3個客）四人檯，分隔兩檯坐，我地就同老闆講如果陣間有位就安排我地團聚啦，結果老闆望了我們一下，自然自語地細細聲說：「有得俾你坐已經好好啦！」佢以為我地聽唔到，但我地當然是耳朵健全的，一致決定去第二間，原來而家做飲食係咁唔憂做既！

去逛果欄前，先到附近廟街醫好五藏六府，心血來潮有點想吃燒味，又剛好碰到燒味工房，終是入去試一試。燒味工房的午餐選擇多，每天有八款，除了燒味外，還有炒粉、炒麵，如日式鰻魚炒飯、楊州炒飯、廈門炒米粉等，價錢四十八元至五十元，今次點三款，分別是燒鴨飯、叉燒飯和油雞飯。燒鴨飯－鴨肉外皮香脆，調味不淡太鹹，相當入味。油雞飯－油雞肉質嫩滑有咬口，有豉油味，配上薑蓉令人食慾大增。叉燒飯－叉燒肥瘦適中，味道好，有種特別的香甜味，肉質嫩而不柴。

食叉燒嚟講我都幾偏心燒味工房今朝我就去食叉燒油雞瀨粉瀨粉爽口彈滑但有唔難夾，點解？點解有啲夾到我用身體身麵咁？叉燒一貫水準，蜜汁唔會過多過甜，肉質係我鐘意嘅小肥偏瘦，但絕不乾柴(有啲餐廳標榜咩黑咩豬，但嗰啲肉質太鬆軟，無咗咬口，純粹個人喜好)油雞咸啲喎今日，完。

小弟20:30叫個切雞飯, 21:30先送到嚟到啲雞擺到黑曬D飯一粒粒, 凍㗎成個飯成個鐘粒up到啲肉又霉，又黑最後卒之成個飯丢咗叫過第二間外賣好心做唔到外賣就唔好接 係人都知道 雞咁樣up法唔食得㗎喇仲要天氣30幾度D雞咬落去霉嘅都唔知點食以後打死都唔會再幫襯佢

要不是弟弟想吃鯇魚腩煲，真的不會進去。因看見餐廳不多人！既然空出這麼多張枱，為什麼我們因空調太太，而要求換枱，卻遭到拒絕？最後擾攘了快10分鐘，才可以換枱！一共叫了４個餐，等了10-25分鐘，食物終於來齊了。先說說這個咖哩雞，咖哩汁入面加麻辣粉，我真的從沒吃過。試想想，咖哩加麻辣，會是什麼味道？雞經輕炸後，肉質帶點韌，不過還可接受。之後就是鯇魚腩煲，說真，真的只有這個比較好吃。魚腩味道剛剛好，肉尚算滑口。來到梅菜蒸鯇魚，梅菜味道尚可，但鯇魚沒有什麼味道，所以鯇魚配梅菜一起吃，也要點少少醬油。最後到北菇蒸雞，味道還可以，但是雞的肉質韌，而且好大件，好像沒有砍過的。價錢與食物質素，服務態度也不成正比吧！

曾文評新式燒味店的經營手法，近日找到新式燒味店的另一經營模式。位置近舊區住宅。新浪燒味如灣仔三寶，中環好燒味近商業區，此店在舊區落戶，早午晚有固定客源。離港鐵油麻地B2兩分鐘步程，有先天優勢。座位密集而多卡位。上述兩店重外賣，此店兼顧堂食客。設計了港人喜愛的卡位，但是密集式設計，方便搭檯，並令客人平均25分鐘離檯。燒味質素固定。以义燒為例，多數店舖半肥瘦，肥义供應量有限，乾瘦的卻有很多。此店半肥瘦甚多，义燒保持有20條供選擇。义燒汁無特別，相貌好，質素不及三寶。定價中上。义燒，燒肉120元一斤。比三寶98元，廣東78元貴，以保證利潤。每月每星期有特定菜式。很多燒味店要兼營碟頭飯，小菜以維持開支。為節省成本，此店每月限定數十款供應，大大收縮食材開支。試了粟米火腿茸焗班腩飯。粟米火腿茸汁較少餐廳供應，烹調技巧較難，易稀釋或太淡，此店水準很高，濃淡相宜。班腩舖滿整個飯面。咖哩海鮮炒飯鑊氣夠，惜太淡。靈活賣外賣。詳列燒味外賣價。有單張詳細介紹早，下午茶，晚餐。干炒牛河水準一般，牛肉則算多。