燒烤堂 (已搬遷) 新店位置

嘢食其實唔錯，但員工態度太差，所以忍唔住寫低我人生第一個openrice食評⋯⋯臨尾check單時，發現上漏咗個牛小排串燒，我哋好肯定出漏咗因為我哋每串都會逐粒分出嚟share，同個戴眼鏡扎馬尾staff講，佢就掃視我哋枱上既碟，再叫另一個短髮staff過嚟討論。然後話「我哋有出過俾你地，會唔會係你哋唔記得咗？」我哋真係無食過，仍然好聲好氣地麻煩佢出番比我哋，佢就同廚房check。 個員工之後再出返嚟同我哋講：「我哋同咗廚房講，佢哋都好肯定有燒過，我哋依家會再俾多碟你哋試食，你哋食完就會記得返個味道係你哋食過。」我哋幾個好肯定無食過所以就駁返佢，我哋叫咗A4和牛同牛小排各兩串，而我哋只係食過2串和牛，無食過牛小排。個短髮員工就話：「因為我哋都有好多客人傾計傾得好開心，唔記得咗自己食咗啲咩，唔緊要呀依家當我錯。」比錢果陣，問佢fps係咪呢個number，佢就好串咁「唔」咗一聲，仲講咗句「我驚你哋唔記得俾錢姐」，激到我哋飛起⋯⋯好嬲，唔通呃你哋串牛咩大佬⋯⋯審犯咁審，搞到我哋食個飯都食到一肚氣！

嘢食其實唔錯，但員工態度太差，所以忍唔住開account寫低我人生第一個openrice食評⋯⋯臨尾check單時，發現上漏咗個牛小排串燒，我哋好肯定出漏咗因為我哋每串都會逐粒分出嚟share，同個戴眼鏡扎馬尾staff講，佢就掃視我哋枱上既碟，再叫另一個staff過嚟討論。然後話「我哋有出過俾你地，會唔會係你哋唔記得咗？」我哋堅持真係無食過，佢就同廚房check。 個員工之後再出返嚟同我哋講：「我哋同咗廚房講，佢哋都好肯定有燒過，我哋依家會再俾多碟你哋試食，你哋食完就會記得返個味道係你哋食過。」我哋幾個好肯定無食過所以就駁返佢，我哋叫咗A4和牛同牛小排各兩串，而我哋只係食過2串和牛，無食過牛小排。個短髮員工就話：「因為我哋都有好多客人傾計傾得好開心，唔記得咗自己食咗啲咩，唔緊要呀依家當我錯。」比錢果陣，問佢fps係咪呢個number，佢就好串咁「唔」咗一聲，仲講咗句「我驚你哋唔記得俾錢姐」，激到我哋飛起⋯⋯好嬲，唔通呃你哋串牛咩大佬⋯⋯審犯咁審，搞到我哋食個飯都食到一肚氣！

本身book左枱6點，塞車遲左少少6點13分到。個阿姐話:errr 你地遲咗喎，我哋最多留10分鐘咋（勁明顯係想趕人走）。遲咗少少佢問都唔問理由直接趕人走。我book左枱喎佢唔會係覺得我堂食15分鐘就走吖嘛，我遲到咁計返我早啲走唔得？如果因為我遲到而有其他人walk-in令佢full曬嘅話，我唔會出聲因為我遲到佢俾人入好合理。但重點係佢成個場得3張枱有客。冇食到佢嘅食物，但係我都會比一粒星

This skewer restaurant is a hidden gem along this “special street” in Mongkok. Please follow your Google map as its outer signage has no lighting, so you may give it a miss.Its signature dish is Goose’s liver roasted with green apple on the toast 鵝肝青蘋果多士.There are other fusion dishes such as minced octopus roll wrapped by chicken skin. Other dishes are culinary delights. There are occasionally buy-one-get-one free discounts on beers.Though it has a friendly vibe, the seating is quite packed due

每次黎到串燒店都會必叫燒茄子，但係依間串燒店就令肥妹仔🐷有d失望啦🥺茄子唔夠惹味，蒜蓉唔夠多，淨係得個辣字🙄🙄🔸川味蒜茸茄子 🍆$32🔸燒雞腎肥妹仔🐷認為係必點。雞腎算大舊，仲好爽口👍🏻肥妺仔仲encore左碟tim～🤗🔸惹味燒雞腎🐓 $18🔸牛舌唔算大舊，口感爽口，再旁邊有檸檬加少少檸檬汁，好味👍🏻🔸中切鹽燒牛舌芯🐮 $28🔸燒牛小排肥妹仔🐷亦認為係必點既👍🏻燒完既牛小排一d都唔硬，好軟，牛味重👍🏻👍🏻但價錢就有d貴啦🥺🥺🔸鹽燒prime牛小排🐮 $38🔸免治雞肉軟骨棒配搭雞蛋同燒汁，真係一個perfect match!!🥰不過燒汁略嫌有d咸，沾少少就可以。🔸燒汁免治雞肉🐔軟骨棒（付月見）$30🔸豚肉金菇卷肥妹仔🐷覺得有d普通，無驚喜，可以唔洗叫🙃🙃🔸燒汁豚肉🐽金菇卷 $22🔸燒羊架唔會燒得好乾juicy 的，有少少酒味，建議重口味既朋友可以自行加孜然粉，咁會正d🤪🔸秘制燒羊架🐑 $48🔸芝士年糕配搭埋甜奶，肥妹仔🐷第一次嘗試，依個配搭幾新鮮。但略嫌芝士年糕燒得唔夠脆口，唔夠香口，如果再燒耐d會更加分😆🔸日本芝士🧀年糕 $38🔸玉子燒令肥妹仔🐷好失望🙄🙄玉子燒外面有一層焦糖脆，一咬落

有日平日夜晚去咗依間小串燒店🍢地點就腳✔️旺角地鐵站行幾分鐘就到.整體野食都好味而且有啲獨家菜式幾特別.焦糖青蘋果鵝肝多士大大份 一份一件鵝肝唔會好騷配上微酸嘅青蘋果片🍏同焦糖帶嚟嘅微甜味道勁豐富得嚟又好和諧.鵝肝蘋果底下仲有烤過嘅多士表面焦脆 內裡仲有芝士粒🧀好有驚喜🤩而且可能因為烤過多士所以鵝肝放咗一陣多士都無因為吸曬啲油而林曬仲係好好味有特色又有心思推爆.鹽燒Prime牛小排🐮一串4件燒過嘅牛肉都仲好林保留到口感肉汁同味道一啲都唔乾好味😋.日本芝士年糕🥢平時食開炸嘅年糕餐廳用燒嘅用法比較少食到比起炸嘅口感林啲而且多咗啲煙韌感個人嚟講幾中意🥰另外配埋煉奶又一種新食法.蒜蓉茄子蜜糖菠蘿炸香芋丸全部都好味.芝士蒜蓉雜菇似係平時食芝士焗飯個種芝士嚟同雜菇唔太match擺咗一陣芝士就痴埋曬一舊依款唔太推薦.總體好滿意🥳下次嚟會試下海鮮類菜式

從未去過一間咁垃圾既餐廳，食物已經係麻麻地，價錢又超貴，又唔係任食，又要限時間食，6點30坐低8點就要人走，最後幾樣食物仲要係8點前先出到，之後就催人埋單趕人走，同服務員講時，還有一個好串既員工問返我咁點，又話唔夠時燒，唔夠時間時間燒又要限人地時間食，咁既服務態度真係一流啦！話啲野未食哂就幫我打包走，8點先出最後一個菜就要打包走，我駛乜係到堂食呀，我出街邊買仲抵食過佢啦！呢間垃圾食店，永遠都唔會再來，祝佢生意興隆吧！！

之前去過尖沙咀店食過好好味今次朋友生日 為咗方便 約咗旺角食好彩有book位 坐低咗已經full house如果想食嘅朋友一定要book定位舖頭堂食坐真係比較細但店員服務好好 見到我哋拎好多嘢仲特登搬咗張凳仔 俾我哋放野嘢食就當然非常之出色首先有鹽燒A4 宮崎和牛 入口真係有幸福嘅感覺可惜價錢偏貴 唔係朋友都想加單右邊都唔記得係咩 但都好yummy 仲有必食嘅焦糖青蘋果鵝肝多士鵝肝配青蘋果嘅清甜味道 一啲都唔肥膩呢個免治雞肉軟骨棒 完全無肉痴牙加埋蛋汁 好香 啲蛋汁仲可以用嚟點其他串燒👻👻簡直係超級抵！！燒蠔好新鮮 入口仲有海水嘅甜味唔會俾面後嘅蒜蓉搶走主菜嘅風頭仲有好多串燒都表現出色 因為上菜速度好快 掛住食都唔記得為佢地逐一影相雞軟骨 牛舌 鹹蛋黃煎墨魚滑 都值得推介但個茄子就表現麻麻 可能趕住上菜 未夠淋身平時對食冇乜要求嘅我 都覺得未夠熟總括而言，整體都表現比一般串燒好不過比得呢個價錢 就要對得起食物質素而燒烤堂 就做到✅✅✅絕對會再encore!!! 但會推薦大家去尖沙咀（銅鑼灣分店未去過）環境會比較好

朋友話想去食串燒，坐言起行，就去左燒烤堂的旺角分店！一入店，裝修簡陋，環境不是太好，幸好食物質素搭夠😋!焦糖青蘋果🍏鵝肝多士🥪完美組合焦糖青蘋果甜甜酸酸，中和鵝肝的油膩感，我覺得佢燒得俾出面西餐廳仲好食、仲惹味😋燒軟骨免治雞肉棒（月見）🐓軟骨細細舊好易入口，配埋燒汁同蛋汁，好好食🍯柚子蜜梳打配搭泰國象牌梳打水，CP值極高 ！睇返燒烤堂有好多分店，下次會選擇去銅鑼灣或尖沙咀分店，坐得好似比較舒服☺️

話說一早打電話嚟book咗張枱黃昏6:00，當天中午確認時間8:00前要交枱，兩個人係第一張枱到達，當時成間舖都未有客人，安排我哋坐一張好窄嘅兩人枱，我同個侍應講我想轉張枱，佢話啲枱7:00、7:30已經有人book咗，佢建議我坐張枱底係擺住啲石油氣罐嘅枱，佢話仲可以加多張凳俾我擺嘢，但嗰張凳係膠嘅圓凳，兩個人坐嘅嗰張凳都係膠嘅圓凳，我當然接受唔到啦！跟住我同佢講，你比嗰張7:00嗰張枱我啦，我7點前一定離開！嗰侍應一啲笑容都冇，但都幫我轉左張四人枱！食物呢大致上呢就好一般，上枱嘅碟都有嘣！另外，水都冇一杯嘅！最終響咁嘅環境氣氛之下，消費左$476，我6:45就離開啦，絕對相信冇可能有下次！

Book左930pm，差不多950先到，員工都好好禮貌招呼，食物方面都唔錯。個燒雞皮好食，燒牛肉粒都好食，唯一覺得麻麻哋既係個泰國生蝦。唯一唔舒服既地方係太嘈，有兩枱估計應該係老闆嘅朋友係到，我成餐飯就不停聽到骰盅聲，劈酒聲，亦有男士室內吸煙，最緊要係有一位女士要同另一位男士打車輪，係伸哂脷果隻，有一下真係覺得自己去左酒吧咁，近到連坐對面既女朋友我都聽唔到佢講野，其實咁樣真係好影響其他客人用膳心情，希望可以改善一下

個飯糰同係紅磡食既完全兩個樣！又散，明太子又得小小，唔講以為係狗糧。個雞皮墨魚滑 個雞皮一點d唔脆。個鵪鶉蛋4粒 最頭個粒冇鵪鶉蛋得肉！豚肉蘆筍卷冇味。對比起紅磡同尖沙嘴差太多！下次唔會再食旺角呢間！請好好反省。

同事帶過我嚟一次 今次第二次嚟🥰兩次都好好食 串燒即叫即做 同埋有好多選擇 重點係超級大杯嘅啤酒買一送一🍻服務亦都好好 疫情期間服務員會幫你探熱同埋提供消毒搓手液 座位亦有間隔店面比較細 所以比較難訂位 要預早少少打嚟訂位 但由於而家疫情關係訂位亦唔算太難除咗坐得迫少少之外完全冇嘢可以投訴🙇🏻‍♀️最鍾意嘅嘢食有免治雞肉棒，燒雞皮，七里香同燒大腸😋要重點介紹一下呢度有一個好特別嘅串燒叫七里香 即係雞臀部同雞皮軟骨混合 個人認為一定要試好香好好食我哋三個女仔食 叫咗好多嘢食 食得好飽仲要飲咗六杯啤酒 一人埋單$300左右 價錢適中👍🏻

睇完戲，同朋友附近搵到呢間串燒店。地方唔算大，座位唔算多，但都算坐得舒服。我地叫左唔少串燒，有牛舌，檸蜜牛油包，牛油蒜蓉焗金菇，海鮮等等。當中我地推薦韓式地道家庭料理生菜包-牛仔骨好入味，好鬆化，而且配菜份量好充足。另外麻辣雞翼都係值得一試！除左辣度好夠之餘，仲非常香口。至於其他串燒就覺得普普通通，牛油蒜蓉焗金菇燒得岩岩好，充滿牛油香，但就略嫌蒜蓉味唔夠重。檸蜜牛油包見外面好少見，所以試下，牛油太多，令到個包好快軟惗，唔太好味。海鮮方面，我地叫左燒元貝同蟶子，都尚算有海鮮既鮮味，但就燒既時間過長，令到兩者都太難咬開。其餘既串燒，例如牛舌，鱿魚鬚，雞軟骨則正正常常，沒太特別。飲料方面柚子蜜梳打同青檸波蘿梳打，兩耆唔算太甜，食串燒配梳打，一點都唔覺得油膩。

讚1. 味道的確好，燒魚好出鮑，外皮脆，魚肉濕潤，仲要入味，以港式串燒黎計，無投訴，燒雞心同肝都各自做到好既質感，真心難得2. 一啲都唔貴，咁食法都係位位三百幾，好食過好多串燒店彈1. 環境逼得不可思議2. 燒菜類唔太得，有啲乾身左