燒烤堂 (已結業)

之前因為朋友介紹東大街有間好正嘅串燒店今日特登同埋幾個朋友一齊去試吓但佢路有d難搵，去到東大街搵唔到路所以打左比老闆問路，老闆非常細心咁教我地點行去天后廟再轉上去小路，好貼心啊一去到就見到有個女服務生企係門口，見我地一行6個人即刻安排枱比我地坐幸好我地訂左枱，如果唔係實無枱因為真係好多人，我地估唔到夜晚9點半既時間，仲要係星期一喎，佢地都爆場一坐底個女侍應介紹左d招牌菜比我地食，我地諗都無諗就叫左一打開張menu唔知點落筆，真係太多野食今餐真係好滿足，差唔多食完既時侯，老闆請左我地食一個朱古力棉花糖多士，媽啊好邪惡聽老闆講原來燒烤堂已經開左4年，早兩年由街鋪做到入黎地鋪，點解我地唔早d發現呢間餐廳呢因為以前食過既串燒店比我既感覺係又熱氣食完又口乾同埋食唔飽人，d味又一模一樣，但今次食過呢間之後令我對串燒既感覺改變左，條泰式燒馬友真係好出色，魚質非常滑，配上佢哋自家製嘅泰式汁，好好味啊食埋個香葉飯，真係好正韓式牛仔骨又係必食，用生菜包住一齊食個感覺好清新，同出面食既韓燒係2回事呢間串燒朋友真係無介紹錯，老闆用心燒，員工用心服務，食物質素非常好，一定會番轉頭

同女朋友黎左好多次了 係女朋友發現的 好好吃的雞皮 每次同女朋友都會必點的燒雞皮。仲有推介一定要食既鮮奶油脆脆包，勁大份又脆又正，個包仲要有芝士係入面嫁一流 價錢尚算公道 可以話係簡值得推介既鋪頭

已經吾知第幾次特登過黎食串燒😍😍特別係收工勁攰就勁想過黎食，叫到一台都係野。雞皮係必叫既，呢到既雞皮夠味又香脆，我同男朋友必點，叫到每次黎到店員都話又係叫雞皮呀 重有啲茄子呀 魷魚呀都大件夾抵食 雞亦都燒得好入味好香口。一句講哂，係大件夾抵食

一班朋友去東大街搵食，無意中發現呢間。店員幾nice, 仲主動推薦牛肋骨同豬仔骨，叫左各一份黎試，味道唔錯。燒魷魚筒要讚一讚， 個汁味道岩岩好。豬仔骨個細幾特別。韓式牛肋骨用生菜包埋泡菜同蒜片青瓜，食落口唔會油膩，唔錯！一大班朋友一齊黎食叫多幾樣串燒，真心唔錯！

食左好年 由街鋪無位坐 食到佢變左地鋪欣賞老闆既勤力 可惜員工服務態度勁其差劣 黑口黑面 嫌我地得兩個客 難以再令我幫襯落去 希望老闆認真審視下啲妹妹仔服務員既態度 好趕客 真係食左都背脊骨落

再次到燒烤堂，首先是食物樣子比之前更吸引，我最喜歡的蟶子仍是一樣鮮甜美味！其他如燒茄孑也沒有失望！燒鰂魚也好好味，肉質很嫩滑，很值得吃！而全隻燒雞更是賣相一流，肉質也很嫩滑，但朋友喜歡吃雞則稍嫌欠雞味，其他都很好哩！

，以前在地鐵站口的街邊檔，搬入鋪頭後定位明顯提高了，好像請多了師傅，出品風格亦趨多元化，連近期大熱的韓風潮流都沾了一把；食物種類比一般串燒店多，有點出品擺碟比西餐廳還好，食品質素亦有用心進步，雖然處於橫街小巷內，亦見很多熟客帶朋友過來，整體性價比不錯

哇！幫襯了幾多次呢？原來搬了新店後，我已光顧了4次啦！說真的，本身並不多吃燒烤，但吃了燒烤堂後覺得又幾好味哦！尤其一直不愛吃茄子的我，發覺燒茄子原來可以好好味呢！然後，成為例牌必吃。燒蟶子更是本人最愛，因為爽口好味又啖啖肉。另外，燒芝士年糕和燒菠蘿也十分美味，本身其實也不愛芝士，但燒烤堂的燒芝士年糕又出奇地能接受哦！菠蘿則外帶少許脆，一啖咬落超多汁，碰巧有時更是十分甜添！至於另一驚喜則是燒豬頸肉，上台切得很薄片，配的醬汁更是美味，很難形容總之好味，要親身嚐嚐啦！可能女孩子的關係，喜歡多款少吃，所以申燒很好樣樣試d，好似食自助餐咁。吃著吃著就飽了，很滿足。因為成日掛住食，想起拍照已吃得七七八八，下次補上吧！美中不足，客多時食物水準會輕微下降，大部份食肆通病，但老闆很親切，又是個年輕靚仔，嘻……！加分！