燒肉LIKE (新城市廣場一期)

營業中

休息中

沙田燒肉Like午餐沙律蔬菜冰凍新鮮爽脆，日式沙律豉油醬汁落太多鹽過鹹，如果少鹽帶酸味應該更加適合做飯前嘅醒胃菜。白飯係使用珍珠米，煑熟程度啱啱好，好可惜無飯味兼缺乏軟糯口感。雞肉切得太碎太細小片，燒烤時好容易跌落入鐵架爐內。肉質夠嫩但雞味淡薄，要用醬汁增鮮增味，豬頸肉有豬肉味，而且肉質非常爽脆嫩滑，加上豬頸肉內油脂十足，燒烤時香氣濃郁口感一流，值得食多幾塊。五花腩肉質粗糙，咀嚼口味一般般，雖然都有肥膏配搭，唔覺得自己係食緊五花腩，同豬頸肉無得比。牛五花肉味濃郁，連同醬汁蔴醬幾好食，牛肉與脂肪入口齒頰留香，配合蒜香醬油更加一流。牛肩胛肉粗有咬口，肉味十足，咀嚼時知道自己係食緊牛肉，同蒜香醬油一齊食較為合適。海藻湯帶微微海藻及鹽味，飲唔出層次感，例湯欠缺誠意。綠茶係茶包一個，茶味薄溫度太高帶微酸，但都要另外加收五個大洋。店內裝修簡單，設計為日式燒烤快餐店模樣，座位及通道較為逼夾，碗筷杯碟清潔乾淨可以，店員非常忙碌勤快有禮貌。而且空氣通風足夠強勁，食完燒烤之後衣服唔會有油煙味，抵讚!

早前風靡一時嘅燒肉like，自從開咗咗分店之後終於唔使排隊等好耐！今次自己一個去到沙田就試吓佢哋嘅燒肉套餐！完全係頹餐之選！因為一個人諗唔到食咩，可以點佢哋一啲套餐而且份量可以好大。講返個食物質素，我個人覺得幾好一個餐入面有飯，有湯，有沙律，最重要係主角牛肉！肉質非常有驚喜，完全係性價比之選！下次諗唔到食咩都可以一個人嚟呢度食飯。

平時成日見到門口好多人排隊，今日終於收早就即刻過去食。大概等左15分鐘就入到去坐啦🤗好彩我早左到轉頭未夠七點門口已經好多人😚咁我就揀左LIKE套餐 250kg 入面就有【牛舌·牛五花·橫膈膜肉·泡菜·麻油海帶湯·配上木魚絲紫菜生蛋飯】三個部位入邊我最鍾意橫膈肉，肉味濃又夠淋，牛舌好味有嚼頭，牛五花半肥瘦，食落去又唔會老，口感唔錯👍🏻餐廳提供左好多種醬料任君選擇😚我自己就鍾意黑椒&鹽同埋蒜香醬油🤗點埋牛肉一齊食就冇咁Dry😂仲好好餸飯添🤣不得不讚佢個湯好夠味之餘仲夠哂熱 正👍🏻另外，餐廳仲有好多款雞牛豬選擇有時間都會再黎再試吓😋

這家來自日本東京的一人燒肉專門店，大家都應該很熟悉，每天都是大排長龍😂(建議預早用Gulu app取票!)最近有新出期間限定，雖然是新品但同樣好抵食😚特別一讚就算不收加一服務費，而店內超繁忙，但店員還是很友善! ✿ 鹽蔥牛舌三重套餐 $88(150g)/$128(250g)• 包括白飯、湯、泡菜/沙律 (這套餐還配了生菜、檸檬!)齊集最想吃的部分：牛舌+牛板腱+牛五花😍主打的鹽蔥牛舌，要有技巧地包裹鹽蔥醬、全程保持對摺狀來燒，鎖緊香氣然後一口吃下，調味既豐富又清新😆牛五花柔軟帶油香，牛板腱相對肉味更重；一個套餐包括三款，不用做選擇🤣眼看份量還可以，但吃完其實超飽!🤣 牛板腱及牛五花可以連同生菜、泡菜、韓式辣醬包住吃若覺得不夠喉，追加鹽蔥牛舌，只是$50(50g)/$78(100g)😳 而且就算惠顧其他套餐，也可以追加! ✿ 壽喜燒牛小排+牛五花 200g $148友人的～ 很美的牛小排，忍不住嚐(搶😂)了一片，肉感最強是它!燒肉沾上蛋液，任誰都會吃得一臉滿足🤣 ✿ 牛油粟米 $8也是新品!個人推薦食法：一口飯+粟米+燒肉+泡菜+辣味噌醬😎 另有牛油芝士粟米選擇✿ S'more燒棉花糖

雖然我唔知有無香港人唔識呢間或者未試過，但係我都簡單講下用餐體驗比大家有多個參考啦今天呢間坐落沙田新城市廣場第一期4樓位置，基本上一上電梯就睇到，起Lifetastic 隔離雖然話有二十間分店，但係都預左晚餐時間去要排隊，我估大部分都分店都係，大商場既更加唔洗講，一係就早少少去攞飛，如果唔系預翻1個鐘左右等入座（至少沙田呢間系）環境其實間間都差不多，座位叫坐得舒服，然後一人一個烤爐，自己燒自己食，幾好既係有檔可以隔絕所有無必要既眼神接觸，似一比一復刻日本拉麵店，適合一人用餐野食基本上都係一個套餐入面有飯有肉有湯有沙律，可以根據個人喜好/ 食量加錢增加肉量，換紫菜飯，加溫泉蛋等等，飲品不包起套餐入面，但係都不貴，多重選擇都不錯我地同行兩人叫左一人一個套餐：🥩牛小排 & 牛板腱套餐 $158 (200g) 🥩和牛LIKE 套餐 $148 (150g) 牛板腱 + 牛舌 + 日本產和牛肩骼肉其實d肉都無乜好講，百零蚊燒肉主要都係想過下口隱但係d肉既質素系ok既，融雪做得都幾好，基本上我地食果d 都無任何異常佢地仲有其中一個賣點就係枱頭有幾款調味汁/ 料可以自己任用，唔會齋燒無其他野做，我地都

今日又去咗食燒肉LIKE，原來佢哋喺香港已經有20間分店，第 20 間分店最近已經喺新蒲崗 Mikiki 商場開幕。7 月內仲有一連串優惠同活動添-即日起至 7 月 21 日：以$45/$65 優惠價享用「雞腿肉套餐」(100g/200g) （原價：$57/$89）-期間限定餐點：日本黑毛和牛前胸肉 & 牛板腱套餐、雞軟骨 配 香辣粉可惜上次去嘅時候試唔到，黑毛和牛真係好吸引，要趁仲有機會去燒肉LIKE試吓！而家喺燒肉 LIKE 嘅 IG page （@yakinikulikehk）更有以 MBTI 為主題嘅有獎遊戲，只需根據自己嘅 MBTI 個性特質喺指定活動帖文投票同留言，就有機會獲得「燒肉 LIKE」神秘優惠碼，以及贏取來回日本嘅機票✈️今次揀咗No.1 超人氣燒肉 LIKE 特選燒肉組合超爽口彈牙嘅牛舌、充滿嚼勁嘅牛横膈膜同超香油脂味嘅牛五花，一次過試晒三款精選嘅牛部位，絕對係過足口癮！和牛LIKE套餐包括我鍾意和牛肩胛肉，油花細緻均勻，肉質軟嫩，入口感受到濃郁嘅和牛香氣

生酮之旅食似瘦😂😂😂係屋企附近緊係要試下呢間燒肉啦🥩～Menu除左呢啲Set其實仲有好多單點嘅肉類、甜品而餐廳嘅座位都係咁樣高凳版自己燒又得，同埋朋友一齊燒又得😆牛小排Set🐄🥩評分：⭐️⭐️⭐️⭐️⭐️大理石紋脂肪，而且望落肉質好肥美，牛小排不單比肋排的肉多，牛小排的油脂分布平均，入口都係好juicy🤤豬肉片評分：⭐️⭐️⭐️⭐️⭐️一款醬汁燒一款鹽燒，我都係比較鍾意食醬汁燒，始終比較入味🤣兩款嘅肉質係一樣，都係咁薄薄一片，食落肉質都係比較軟腍👍🏻呢款我都唔記得係咩肉😂但就比較硬身少少🤏🏻

同朋友嚟食佢最愛嘅「燒肉 LIKE」，因為好味、快捷同高CP值，所以門口長期都係人龍！一人一爐，就算一個人嚟食都冇問題，有埋先進除煙技術，唔洗驚食完燒肉一身油煙味！今次除咗食常規Menu的「壽喜燒牛小排&牛五花套餐」外，仲試咗佢地今期嘅新搞作！由即日起至7月2日全線分店推出期間限定「墨魚&牛五花&牛板腱配喇沙醬」套餐同「墨魚配喇沙醬」單品，估唔到日式燒肉同海鮮竟然可以配喇沙，墨魚燒到兩邊都金黃帶焦香後沾上喇沙醬，再配埋溫泉蛋紫菜飯，身為喇沙控嘅我表示呢個新配搭真係好Match！依家以低至$88 超值價就體驗到南洋風Mix日式燒肉嘅新配搭啦！⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⊃✎⁾⁾Like+分享給愛吃嘅朋友仔啦( ´͈ ᗨ `͈ )◞‎♡⃛⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

2024年1月25日打算去沙田燒肉like用餐， 8:00去拎位，已告知佢地嘅員工有輪椅，佢話到時先同佢講。等咗25分鐘，差唔多到我哋，然後佢話我有輪椅，佢地員工話要等多25分鐘😡.佢話因為舖頭好多輪椅都入唔到，我同佢講，點解我一嚟到拎飛就要同你講有輪椅，就係要你安排。原來你冇安排，咁我唔使同一早你講我有輪椅啦。淨係識同我講道歉，你要坐輪椅嗰個人有幾掃興你哋先至安落。好心你哋好好檢討吓你哋嘅問題啦，你哋絕對係歧視緊輪椅人士😡.最離譜係，喺社交平台 度PM投訴，佢只係回覆一句會跟進，跟住亦都冇後續嘅回覆，咁大間連鎖店，仲要係美心集團，都只有咁嘅回覆，只有對呢個美心集團失望。

次次經過呢間嚟自東京嘅燒肉專門店—「燒肉LIKE」都大排長龍，今次我哋打算早啲食晚飯，大概5點鐘左右就入座，終於唔使排隊喇🎉🤣見佢有期間限定新品推出，係嚟自匈牙利嘅鬈毛豬🐷燒肉LIKE係全港第一間推出鬈毛豬嘅日本燒肉店，而鬈毛豬仲係被譽為係世界三大最矜貴豬種，咁特別，當然要試下喇😋🥢MOE鬈毛豬五花腩套餐(250g) $138套餐肉肉有鬈毛豬五花腩、牛板腱同牛舌🐷鬈毛豬肉味濃郁，微微燒至表面金黃，口感軟嫩，入口即溶，甘香油脂從口腔中爆發，調味都只係輕輕灑上鹽及黑胡椒，味道已經足夠🐂牛板腱脂肪少，質地結實彈牙，有嚼勁👅牛舌口感爽彈同時亦有𡁻頭🥢牛小排＆牛板腱套餐(100 g) $118🐮原來呢款牛小排係有安格斯牛肉認證，油花豐盈，口感鮮嫩細緻🐂牛板腱脂肪少，質地結實彈牙，有嚼勁🍱套餐包咗泡菜或沙律、和風湯及白飯🍚木魚絲紫菜飯(150g )+ 溫泉蛋 +$15升級咗碗飯，有木魚絲又有紫菜碎仲有隻溫泉蛋，好豐富唔覺唔覺就食晒成碗飯🥣和風湯麻油味香濃，裏面亦有海帶🥗泡菜及沙律可以清清味蕾又可以中和燒肉嘅熱氣🍵伊右衛門 抹茶入煎茶(熱)+$5食完燒肉飲番杯煎茶，唔怕熱氣🧂調味醬料有原味BBQ醬、

今日lunch去咗燒肉like食，平日兩點幾去到，唔駛等位就可以入。燒肉like要手機QR code落單同付款，唔收現金，只可以電子支付。付款後至開始接order送餐。燒肉like可以單點肉或點套餐(包括1碗白飯、1碗和風湯、1份泡菜或迷你沙律)。我地點咗2份套餐，1份牛五花套餐(100g)，1份牛五花套餐(200g)，2份套餐都配迷你沙律。牛肉同五花肉嘅肉質都唔錯，肥瘦相間，燒完食落唔韌，沾滿枱上提供各款嘅醬汁，好惹味。蒜香醬油呢款醬汁配燒肉最夾。整體嚟講，呢間一人燒肉性價比高。

呢日終於嚟食好出名嘅一人燒肉—燒肉 LIKE(≧▽≦) 除咗可以食到一般嘅牛豬雞之外，佢哋最近仲出咗限定嘅近江牛套餐同韓式拌飯！咁抵食點可以唔試試～🍽食物✨近江牛套餐 $128 8/10呢個特選近江牛套餐，有唔同嘅部位，賣相已經睇得出好吸引🤩當中赤身嘅肉味濃郁，有口感得嚟都唔會好韌，牛肩肉嘅油脂分布比赤身更豐富，入口更加甘甜同柔軟，而我就最鍾意胸腹，入口油脂感爆發，但同時保留濃郁嘅肉味～另外仲有美國牛五花～100g真係有啲唔夠喉🤤👍🏻韓式拌飯 +$28 7.5/10呢個都係新出嘅menu~配料有泡菜、胡麻菠菜、紫菜、木魚絲同埋溫泉蛋，加埋枱面嘅韓式辣醬一齊撈，即刻還原正宗嘅韓式拌飯風味😚叫任何套餐都可以加$28加配✨牛小排&牛板腱 $158(200g) 8/10呢個套餐相信係最多食肉獸所點嘅套餐，肉既份量畀得好大方，牛小排呢個位置通常有嫩嫩嘅牛排骨肉，所以燒烤後都能保持軟嫩嘅口感～而牛板腱肉味就比較濃郁，脂肪較少比較爽口！套餐配菜可以揀沙律或者泡菜，兩樣都好清新解膩，食到覺得少少膩嘅時候可以refresh一下～同時飯嘅size都有細中大可以揀～⛩環境👍🏻店內好光猛，唔會有好大油煙味，同

到沙田新城市廣場行完街，心思思又想食燒肉，東京過江龍「燒肉 LIKE」，佢主打日式一人燒肉，我哋6點前經過門口已經有人等緊位，幫襯過佢幾間唔同分店，最鍾意佢個品牌就係乾淨、快捷、美味、抵食，所以想食就唯有等一陣啦。一貫簡約木系設計，環境乾淨整潔，枱面、醬料樽，周圍都唔會黐𥹉𥹉，我覺得呢點好緊要，親眼目到店員之間合作無間，執枱勁有效率，清潔得好快又好乾淨。採用無煙烤爐抽氣真係好好，燒完唔會成身充滿油煙味，店員親切友善。❁ 醬油味虎蝦配韓式拌飯套餐 (200g) $188(醬油味虎蝦2隻、蒜香牛油醬、牛五花、牛板腱、韓式拌飯)臨近新年梗係要食返啲好意頭嘅嘢，呢款套餐係期間限定，咁嘅價錢食到呢個份量同質素，性價比高。⦿ 醬油味虎蝦 (2隻)原隻虎蝦用秘製醬油醃製，蝦肉肥厚都幾大隻，燒烤後爽口彈牙嘅口感，加上醬油鮮甜味，蝦頭膏多味濃，拌飯一流。錫紙兜放有蒜香牛油醬，喺爐上加熱香噴噴，蝦肉蘸上後更滋味，虎蝦2隻可以以$52單點。店員貼心提供燒烤小貼士，虎蝦先燒蝦肉後燒殼，咁樣隻蝦形就唔會捲曲。特別鍾意呢度嘅爐火控制得好好，唔知點解我好容易就燒得好靚，燒極都唔燶。⦿ 韓式拌飯套餐特別配埋韓式拌飯，

臨近新年 燒肉LIKE @yakinikulikehk 齊賀新春推出期間限定🧧醬油味虎蝦配韓式拌飯套餐以兩隻醬油味虎蝦 人氣牛五花及牛板腱組成加上韓式拌飯 附送和風湯及泡菜/迷你沙律一邊燒肉一邊撈起🐲龍年愈撈愈旺 好意頭→醬油味虎蝦(2件)可以$52單點其他套餐都可以$28優惠價加配韓式拌飯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯🪭醬油味虎蝦配韓式拌飯套餐選用原隻特大虎蝦 有成支筷子咁長！好誇張肉質肥厚爽口 蝦膏味濃 以香醇特製醬油醃製首先將原隻放入爐中🦐再把蝦頭 蝦身分拆蝦身燒約3分半鐘 而蝦頭就要燒大約6分鐘燒嘅時候 虎蝦味香濃撲鼻 流出滿滿的蝦膏蒜香牛油醬則燒5分鐘 沾上醬汁後昇華不少韓式拌飯色彩繽紛🍱將胡麻菠菜 泡菜 木魚絲紫菜碎及生蛋黄拌勻 加埋韓式辣醬 惹味開胃牛五花油脂均勻 輕烤至外層焦脆 油脂香四溢牛板腱則略帶嚼勁🥩烤至肉心熟成 肉味濃郁按喜好蘸醬料 配搭和風湯及泡菜/迷你沙律CP值高 非常豐盛滿足 新一年定能豐衣足食·🧨三部合奏套餐唔食牛肉嘅朋友 十分推薦這個新·三重滋味有齊豬五花腩 豬頸肉 雞腿肉 滿足不同肉望豬五花腩肥瘦相間🐖油脂豐腴 口感軟腍將兩面燒至金黃帶點焦香

今日同friend出咗沙田，去咗新城市廣場一期嘅燒肉like食lunch。我哋去到嘅時候大概十二點，出面好多人等位，我哋拎完飛之後等咗大概半個鐘至入到去。店舖內有二人枱，四人枱，中間有兩排高腳枱櫈。枱下有收納架可以放隨身物品。店內全部都係手機qr code掃描下單，下單後電子支付。我哋點咗一set牛五花&豬五花腩套餐(100g)同一set牛五花&豬五花腩套餐(200g)，每set可以配一份沙律/泡菜、一碗湯、一碗飯(小飯/中飯/大飯)。燒牛五花和豬五花腩都好食，枱上有多款嘅醬可以配搭，沙律味道亦唔錯。整體嚟講係一間性價比高嘅燒肉店。