燒肉LIKE (新城市廣場一期)

營業中

休息中

平靚正、服務好，簡簡單單食得開心，新城市排隊是基本的，攞左飛排隊，同細姐周圍行吓買下野等左35-40分鐘有位，上菜快、服務好要乜有乜，食材佰幾蚊食靚牛肉，雖然追加幾拾元1碟，份量算OK合理！靚牛肉質地有入口即溶感覺，汁醬配料多又好味😋渡過1個開心的晚餐！會再去支持👏

喺呢間日式燒肉店，我一坐低就摩拳擦掌準備開動。首先來啲牛五花，個肉厚實得嚟又溫柔，一燒起嚟就噴香四溢，入口即化，每一啖都有少少甜，豉油嘅鹹香撲鼻。轉轉口味，啲豬五花煙韌得嚟肥瘦適中，咬落去唔只肉汁豐富，連啲香味都揸得住，真係豬豬得意！跟住係雞件，軟滑得來唔膩口，伴隨埋啲香料味，撈埋飯嘅話正到不得了。至於牛舌，呢個真係夠晒彈牙，微微嫩度配合着啲淡淡嘅醃味，精彩！六種調味品，我就點掂啲胡麻醬，撈啲沙律就靚到不得了。來啲BBQ醬同蒜香醬油，隨意轉換，不同嘅滋味扣住心口，香甜嘅BBQ醬同帶蒜味嘅醬油搭碰出新滋味，諗起都流曬口水。啲服務唔算太突出，但唔會影響我對食物嘅狂愛。這個價錢條條款款，我話你知，食得過癮，真係物有所值。要係閒時過嚟搏個肚仔，真係可以一試！🍖🥢👌

食物水準一般，有漏單，用膳時限不夠（限制60分鐘，又要燒又要食，有少少趕頭趕命），環境清潔一般（醬油樽黐立立），員工態度惡劣（再度溫馨提示時限，保證你一定要在壓力下完成！），應留意員工培訓。

下午4:10四位入座落好了單，食到一半，因為特別原因老婆要去接細路，接近 5:00 帶多兩個細路返到嚟。有位女員工開始鬧我老婆，話講明要人齊先可以入座。我當初都唔知道兩個細路想食，而佢成間餐廳仲有一半空位，你咁樣都可以攞嚟鬧我老婆真係對唔住冒犯晒，原來帶客俾你係唔啱，仲要俾你鬧嘅。跟住佢就轉另外一個話題，話我哋用餐時間只得60分鐘，你之前嗰台夠鐘㗎啦，要走啦。你又唔計自己上菜嘅時候又想漏嘢，你上菜都上咗十幾二十分鐘啦，你預60分鐘食晒，即係叫人唔好嚟食。加上我埋張單五百幾蚊，話貴唔貴話平唔平，但係原來係要包埋俾人鬧嘅，咁就太貴了。結果我帶埋另外兩個細路，六個人一齊去第二間餐廳繼續食，大人就食甜品。結果人哋張單係仲貴過你哋之前張單，但係起碼人哋服務好過你哋好多，食物都好食過你哋好多，我哋食得開心好多，我埋單都埋得順氣好多囉。做飲食總之唔好食到肚痛，基本上食物好唔好食都係其次，環境同埋服務係佔咗好大嘅成功因素。今之咁差嘅體驗跟本就 ruin 咗我哋同朋友嘅一個聚會。呢間餐廳如果唔係我老婆同細路鍾意去，佢啲食物嘅質素我根本就不屑去食。而家咁樣仲好，大條道理我以後唔使再同我老婆佢哋再嚟。你哋繼

有時晏晝想食好啲，又唔想食咁貴，就會嚟依間燒肉like！最鍾意一定係牛五花，油脂分布均勻，燒到燶燶地好香口！佢哋仲有多款醬汁選擇，真係唔知點揀好🤣如果唔食牛嘅朋友仔，亦都可以揀雞肉，一樣咁好味！

-#🐮燒肉LIKE 📍沙田正街18號新城市廣場一期4樓408號舖🔸人氣大熱✨ 牛小排&牛板腱套餐 hkd 158今次揀咗兩份牛嘅套餐 可以食到牛嘅唔同部位😆肉汁幾juicy 肉質都軟嫩嘅～牛小排佈滿網狀油花，入口即溶🌟牛板腱位於牛嘅肩胛部位，肉質較結實，牛肉味香濃🔥有幾款醬汁可以自助式調味 特別推介原味bbq醬&蒜香醬油🧄🥩北海道十勝豬五花腩 +hkd 9優惠做緊優惠，點上面嘅牛小排&牛板腱套餐加$9就食到嚟自北海道嘅豬五花腩😍大火逼出清爽而唔油膩嘅脂香，燒得滋滋脆聲烤到帶微焦嘅香味配上豚肉嘅清甜味道👅原來仲係優質日本豚商標嘅豬五花腩仲用咗黑椒做調味 唔怕好dry!唔想齋食牛都可以加錢試下😌🥚紫菜飯加溫泉蛋 hkd 22套餐包埋和風湯同一碟泡菜或迷你沙津 一人份啱啱好☺️溫泉蛋撈埋紫菜飯 麻香味一流😍🍵津路烏龍茶 hkd 12☕️STY CRAFT BOSS黑咖啡 hkd 25佢哋最近喺旺角MOKO同北角匯都開咗新舖，以後去開嗰頭可以再試～🕰️營業時間星期一至五 11:30-22:30星期六至日 11:00-22:30公眾假期 11:00-22:30@yakinikulikehk #y

新城市一樓長期堆滿人，今日終於行埋去睇吓呢間係咩舖頭🤣原來係一人燒肉😌見有時間就入去試吓啦！佢要齊人先可以入座，所以大家唔好旨意朋友攞位🤓同埋佢都長期多人等位，所以大家要俾啲耐性呀🥸今次叫咗壽喜燒牛小排套餐👅啲牛肉幾好食，枱上面亦都有好多唔同嘅醬料🤓大家可以因應自己喜好去加🙏🏼不過呢個餐有跟溫泉蛋，所以我就直接點蛋汁😎套餐跟咗個小食，可以揀泡菜或者沙律🥗回頭率：👅👅👅👅性價比：👅👅👅打卡值：👅👅👅

正如上圖所示，再好吃的餐廳，安排不妥已經係致命傷。當天的人流流量不多，但店員的安排及解釋完全失望。 三人行安排的桌面，中間的人只能伸手向左右發展，如果安排對坐都可以說服到我有半邊爐可以燒，左右開弓的燒法，我一生第一次體驗到！中間的朋友看著一樽樽調味樽，看著左右朋友燒，這個安排真的很貼心。問店員有無別的枱，他的解釋只是說安排唔到，一係你重申排過。一人燒肉，真的只適合一個人來燒肉。光顧這間分店都有四五次，一直都覺得性價不錯，可是今日這個體驗真的以後不了。

燒肉like之前都係旺角食過，行開見到沙田開左，都要去踩踩點😋鋪頭11:30開門，我11:45到已經滿座12:00門外已經排滿哂人叫左個豬五花牛五花雙拼，飯量都可以揀100g/200g/300g，都幾貼心，我就叫左200g就啱啱好💛豬五花牛五花雙拼豬五花肉厚，咬落半肥瘦，肉質鮮美，好好味牛五花稍薄，但牛味都好濃，都係好好味個餐包左飯、肉、沙律、湯200g肉加200g飯$80好抵食，得閒都會食下😋

呢間主打一人前燒肉店，終於第一次可以唔洗點排隊就食到佢喇~ 😃第一次食呢間燒肉店，用自己電話落單就唔係一件好新鮮嘅事（個人唔建議（唔鐘意）食肆要用客人自己部手機落單...），揀完野食之後要比咗錢先會送上食物~ 都唔緊要...但感覺不太良好，因為想再加嘢食係冇得追加，加上先比錢後送上食物好某國消費模式... Anyway ，之後比錢，要用自己手機比錢...由於慢活子就冇綁任何信用卡係部電話到，不過佢都可以用實體卡比錢嘅，如果冇嘅話諗住唔食㗎呆喇~~😆枱上有6種醬油、鹽同黑胡椒，胡麻醬最好加係沙津菜上面食，就更加好食喇~😃 若果你鐘意食淡味嘅話；BBQ醬同蒜香醬油就啱你喇~ 😁 鐘意食較濃味，辣味噌同韓式辣醬就👍🏻👍🏻喇。肉質方面，無論牛五花、豬五花腩、雞件、牛舌；都好好好好味！👍🏻👍🏻👍🏻燒完有好多肉汁，加埋飯一齊食就非常之好美味喇😋😋😋！ 唯一唔太鐘意，係服務員嘅語氣有點....唔耐煩咁....食物質素，呢個價錢，👌🏻啦。🙂

一個人又想食燒肉，燒肉LIKE 就啱啱好，坐位獨立，份量大小可選，又性價比高。而家要用自助手機點餐及付款系統，即時埋單，仲方便。- LIKE 套餐 (牛舌，牛五花，橫膈膜肉)No.1 之選，全部都係牛，150g已經夠食。牛舌切成薄片，唔韌，加少少海鹽，已經好好食。牛五花油脂就多啲，容易燒焦，要小心啲。牛横膈膜就麻麻地，肉質實啲，難咬啲。全部套餐有飯，湯，泡菜，如果唔夠，可以隨時追加。泡菜配燒肉係幾好食。

我地四個人去食，星期日預咗要等位，攞飛⋯等叫⋯攞飛大約大半個鐘等到，侍應哥哥一叫就叫咗幾個號碼(因為冇人應機，一叫就要咗4、5個⋯)，同行嘅老人家喺同一層坐低等，已經即時叫老人家行過嚟，同時亦向侍應哥哥講行緊嚟仲有一分鐘到，但係侍應哥哥堅持「未齊人唔入得」(當時我地已有三個人企咗喺度) ，老人家真係一分鐘行到，仲叫咗幾個號碼之後先俾我地入！最好笑嘅係，老人家行到嚟直接問侍應哥哥可唔可以行開去洗手間，佢又話可以喎！究竟係一定要見到4個人認證一下人數，定係入去嗰陣一定要企齊4個人呢？如果侍應哥哥認為我地冇4個人但係要4個位，我都見到有2個人坐4人枱！我唔係因為佢俾人入咗先而唔高興，而係唔係好明點解唔等一分鐘？如果真係一分鐘行唔到嚟，俾其他人入先也應該⋯。我好想知點解，有人知正確原因請答吓我，想知答案！我個人認為，食品唔算特別好食，就係因為呢位侍應哥哥嘅處理手法，令我冇咩興趣再去食了！

一共4人食叫左4個餐..............................3個餐係250g 既肉，1個餐係300g 既肉60分鐘限時黎講，要燒晒依堆肉有少少少少少困難，因為爐偏細，而且2人用同一個爐。..............................過程中就瘋狂燒肉，食，燒肉，食唔太合適聚餐聚會悠閒人士食..............................但250g set 肉類味道真係唔錯，但油脂偏少少少少300g 既牛5花set就油脂豐富，仲燒到搶火而且好容易就燶。..............................除左食物，排隊等位方面。店員叫籌比較細聲，企係店門前都完全聽唔到。雖然立即補票，但仍然要等多十幾分鐘。前後等左大概45min

一間我非常喜歡的餐廳。他們的菜式多樣豐富，而我最喜歡的是他們的牛五花套餐、Like套餐以及牛舌。牛五花套餐是我在這裡的必點之一。這個套餐包含了美味多汁的牛五花肉，肉質鮮嫩，入口即化。肉片上的油脂和肉汁相互融合，讓每一口都充滿了濃郁的香味。配上新鮮的生菜和醬料，每一口都帶來了絕妙的口感。另外，Like套餐也是一個非常受歡迎的選擇。這個套餐包含了不同種類的肉片，例如豬肉、牛肉和雞肉，每一片都經過精心烹調，保持了肉質的鮮嫩。配上醬料，每一口都帶來了獨特的風味，令人回味無窮。而他們的牛舌更是一道絕對不能錯過的美食。牛舌切成薄片，口感嫩滑，肉質鮮美。每一片牛舌都帶有微妙的牛肉香氣，搭配上餐廳特製的醬料，絕對令人驚艷。無論是作為主菜還是配菜，牛舌都是一個絕佳的選擇。

我自己一個去食，都唔係第一次食，亦係當日第一個到嘅客人，咁排返以往排隊個位，但係職員冇理我就俾其他人入先，真係R曬頭，仲要望咗我一眼之後冇理我俾人地入先，繼續R曬頭