燒肉LIKE (新城市廣場一期)

營業中

休息中

人氣極高嘅日本過江龍，主打一人一爐無煙燒肉嘅「燒肉LIKE」🥩每次經過都見到源源不絕嘅客人正排隊等候入座，餐廳提供多款精心設計嘅燒肉套餐，份量由50g至300g不等😚款款高質惹味，而且價錢親民，一眾燒肉控千萬不能錯過✅🔸牛舌&牛板腱&橫膈膜肉套餐150g（$118）🔺配：白飯200g (中)、和風湯、迷你沙律🔺加配：天日鹽窩夫雪糕（+$28）🔺加配：伊右衛門抹茶入煎茶（+$5）美味又豐盛嘅餐點✨牛舌肉質鮮嫩有嚼勁，入口即化👏🏻牛板腱口感彈牙，橫膈膜肉油脂豐富🐄三款牛部位各有特色，蘸上燒肉醬汁後更添風味😺除咗一般燒肉必備嘅黑胡椒同海鹽外，餐廳仲有供應香甜惹味嘅原味BBQ醬，非常適合配搭牛胸腹肉或豬肉🙆🏻‍♀️而鹽味醬則同牛舌成絕配，六款醬汁任君選擇，總有一種合你心意💕另配日本優質米🍚飯量可選150g、200g或300g，入口細膩軟綿，更散發陣陣米香💫最後再享受甜品，天日鹽窩夫雪糕🧇兩面各燒10秒後即可食用🔥窩夫酥脆帶絲絲甜蜜，清新嘅味道有助消除口腔油膩感👍🏻再飲啖消滯解膩嘅煎茶，令人相當滿足🍵🔸三部合奏套餐300g（$108）➿豬五花腩、豬頸肉、雞腿肉🔺配：白飯300g (大)、和風湯、迷

老實講我真係好細食但係我見加其他嘢都好抵食咁所以加加埋埋就叫咗好多嘢食🤗🤗🤗六點已經好多人啦好彩用app拎定飛先又方便又快捷又可以預時間入咗之後自己掃code俾錢非常快啲食物就送到啦價錢又唔貴喎不過啲牛小排肥咗少少有啲人鍾意食肥嘅就好啲不過燒吓燒吓就多油咗啲囉油脂再少啲啲就好啦牛舌我好鍾意😍😍加啲黑椒好惹味佢啲醬料好齊全如果加埋夜魅辣醬就好啲啦因為我覺得個辣醬唔夠辣整體感覺好衛生不過係啲位間隔迫少少

之前新開張嘅時候經常都會食呢一間餐廳呢間餐廳主打一人燒肉 套餐性價比都好高而且仲有超多人排隊 每日都有源源不絕嘅客人但係近幾次食，真係感覺到水準越嚟越差比客人嘅肉質係好恐怖切到爛晒 啲肉質咁恐怖都可以俾人食一上枱已經嚇親 肉質仲要暗黑色㗎反映過 最後拎出嚟都係類似咁樣即係成批牛肉都係咁？而家附上一張以前嘅圖片(以前好好多)以前全部都係鮮紅色 而且師傅力工都係正常，切得唔錯一定唔會好似而家咁切到爛晒對呢間餐廳真係好失望希望佢會改善

呢間嚟自🇯🇵日本東京嘅過江龍一人燒肉專門店 「燒肉 LIKE」，每次經過都見到大排長龍，今日去開沙田shopping一於試吓先！壽喜燒牛小排＆牛五花套餐🐮（$135/200g）牛肉新鮮、薄切，燒一陣就食得👍🏻 用咗地道嘅壽喜燒汁醃，味道正宗，仲有一隻溫泉蛋🥚、味噌湯同沙律🤤美國頂級西冷牛扒套餐🥩（$132/120g） 西冷牛肉質地細嫩，入口即化，而且牛味十足！前菜揀咗沙律🥗牛五花套餐（$80/200g）🐮牛肉有嚼勁，脂肪比例適中，點唔同醬汁食，味道更豐富～前菜揀咗泡菜🌶️🥬特大皇帝蟹柳（$12/碟）🦀蟹柳好鮮甜，用3度火燒一陣就變金黃色😋天日鹽窩夫雪糕（$28）🧇🍦窩夫酥脆，淺藍色嘅雪糕唔太甜，味道似芋頭雪糕😆✨值得一讚嘅係店內通風唔錯，食完燒肉都唔會成身燒肉味👏🏻。枱上仲有各式各樣嘅醬汁可以自由配搭，夠晒方便～🫙

環境： 自助手機點餐畀錢一條龍 座位有個人/共享式無煙烤爐，除煙技術出色，燒完都唔會成身油煙味.食物：牛肉選擇豐富，可隨心追加各項單品食物，我今次叫咗：.//LIKE 套餐150g//一次過食到三種牛部位，包括牛舌、牛五花同橫膈膜肉，牛舌爽口彈牙，牛横膈膜有嚼勁，胸腹肉油而不膩.//【稀有部位】「日本產和牛上級肩肉&牛五花」套餐//呢個餐正，牛肉全部都係取自和牛最精華嘅稀有部位—上級肩肉😍肉味濃郁，比其他部份有嚼勁，油花紋比例恰到好處。

想食燒肉，最近超人氣店 #燒肉LIKE 就有超高CP值又有水準嘅日式燒肉喇😛 除左有好抵食嘅燒肉套餐，仲可以因應食量單點燒肉，想每款都試下，就可以好似Caca今次咁，單點幾款燒肉，吃過夠喇✨🔥Caca今次食乜嘢？🐮壽喜燒牛 五花50g 溫泉玉子 $25 -醃製過的五花肉，燒烤至兩面轉色後，隨即沾蛋汁吃下，非常滋味！🐮牛舌50g $42 - 牛舌厚薄適中，不會韌！🐮牛五花100g $32 - 愛油脂感的可嘗試一下，油花從烤肉的火光可見。🐮美國頂級西冷牛扒120g $122 - 厚厚的西冷，切好一小件，更容易燒烤，肉質較厚實。🐮宮崎牛肩胛肉50g $88 - 吃起來有點嚼感。

香港有不少深受歡迎嘅日本燒肉餐廳🇯🇵 呢間就係喺我公司附近 新開咗無耐嘅日本過江龍一人燒肉專門店「燒肉 LIKE」💓午市食飯時間真係人山人海😂價錢性價比好高份量又多 設有單人座位 最緊要係一個人食都唔驚尷尬！「燒肉 LIKE」分店眾多 如銅鑼灣、旺角、中環信德中心等 同時憑著打造「美味、快捷、超值」嘅一人燒肉體驗😍令到舖頭長期都好多人🙌🏻 全線分店沿用「無接觸」自助手機點餐及付款系統 並具備除煙技術嘅個人及共享式無煙烤爐 成個環境唔會好侷促！▫️牛五花 300g 💰108(泡菜+紫菜飯200g+溫泉蛋+津路鳥龍茶)呢一款真係超值，推介！份量好多 呢款油脂比較豐富 食落都有咬口 配埋個靈魂蒜蓉醬油 味道一流！而且可以隨心追加各項單品食物 價錢有半份🙌🏻▫️壽喜牛小排、牛五花 200g 💰135(生蛋、泡菜、白飯200g、溫泉玉子、伊藤園綠茶)叫咗呢款正宗日本滋味嘅壽喜牛小排套餐 呢款牛小排肉質軟嫩 有肉汁 肥瘦適中 滿滿既油脂感 配埋生雞蛋 食落有種甜甜地 又不膩嘅口感！

咁啱經過見到難得唔使排隊，就行咗入去😂叫咗個牛舌牛板腱牛肩套餐，另加300g飯加蛋。整體味道不錯，醬汁嚟講我最鍾意蒜味嗰隻，但係略嫌個爐有啲細，燒起上嚟有啲唔方便。

同事LastDay，老細又請食嘢🌸我哋lunchtime時間有限同事揀咗呢間燒肉嘅外賣喺外賣平台，便當可以揀兩款、三款或四款肉另外飯可以揀紫菜飯/芝麻飯飯量仲有得選擇：150g/ 200g/ 300g便當包咗一碗紫菜湯同泡菜因為我唔食牛，牛肉以外嘅選擇就係雞同豬我呢個便當係兩款肉：雞腿肉+豬五花揀咗紫菜飯200g，加配多隻溫泉蛋肉嘅份量比想像中少🙈雞腿肉只有幾粒，豬五花大約三片雖然份量少，但味道唔錯，彌補返嗰份空虛感便當提供埋燒肉汁，鐘意重口味就非常適合不過唔點汁都已經好夠味👍🏻最後將溫泉蛋倒落紫菜飯，好治療😌佢慢慢滑落再爆開，同飯撈埋食好夾總結💭💭肉嘅味道唔錯，不過大食如我🙈兩款肉同200g飯有啲唔夠喉後來發現肉原來可以重覆叫同一款多過一次所以如果下次再叫佢哋嘅外賣可能會加多個雞腿肉🍗另外同事叫咗橫膈膜，話好好食食牛嘅朋友仔，可以點吓呢款🥩

星期二嘅晚上嚟到新城市廣場人流唔算十分多而餐廳選擇好多嘅同時大部份餐廳都唔駛排隊唯獨佢門口排滿人群 決定拎飛之後行陣先食可惜最後番到去過左10張要重新等過個陣時間都比較晏所以等多左大約15分鐘都入得呢間燒肉主打無煙燒肉就算食完出番黎 身同頭髮都唔會沾染上油煙味 十分好餐點主要以set為主 亦有份量選擇 唔夠亦可以另外單點手機落單即時付款 大約10分鐘後店員就會送上餐點今次叫左日本產和牛牛五花及肩胛肉同Like套餐(牛舌、牛五花、橫隔膜肉)每個套餐都會包括一小碟前菜(可選泡菜或沙律)、麵豉湯及一碗飯值得一提嘅係佢嘅麵豉湯唔似出面沖粉劑死咸個款 飲完唔會令你覺得有負擔而肉方面150g真係唔係好多 每款可能得2-3薄片下次會叫大份量個款肉質肉味以呢個價錢算正常 唔算特別出眾另外每張枱都會提供鹽、黑椒及4款醬汁(原味BBQ醬、蒜香醬油、鹽味醬、辣味噌醬)可以揀適合自己嘅口味

第一次食燒肉like，六點鐘係門口攞籌，都要等大概15分鐘先可以入座，似乎真係好受歡迎。門口接待員好有禮貌，我地隨行有個小朋友，店員姐姐主動提供baby chair真係好窩心。我地揀咗五花肉，牛舌嘅套餐，套餐唔同g有唔同收費，一個餐百零蚊，已經有肉，飯，湯，同泡菜。落單果陣發現佢係電子收費，可以收支付寶，信用卡等等，無找續問題，食完可以直接離枱。肉質鮮嫩，份量都好足，一人一爐燒得好方便，唔會好大油煙，仲可以自己揀爐火大細，唔怕好快燒燶。以後就算一個人想食燒肉，都唔會怕尷尬啦😂

牛舌、牛板腱&牛膈膜燒肉，是食肉獸的的最愛，加上經過加工的調味料，燒牛肉一流，白飯建議叫300g,泡菜有點冷，多肉的我最愛食多肉，有點貴，雖然Like常推新款，但我唯愛這一款，以前的收費方式比較好，電腦白痴的我，真的不會用如果比錢方式同排隊方式改一改就完美了

心郁郁好想食燒肉搵到沙田有一間燒肉門口仲大排長龍添雖然等咗好耐但係咁多人排隊應該都好好食所以我哋堅持繼續等等左個小時終於到我地啦平時成日都食韓國燒肉今日呢款就係日式燒肉佢唔係吃到飽嘅形式而係類似定食咁有肉, 飯, 湯同埋前菜妹妹唔食得牛肉所以我揀咗個牛五花&豬五腩套餐俾佢我負責食牛佢負責食豬最大份量300g都只係$98而家姐就食非常受歡迎嘅LIKE套餐有齊牛舌, 牛五花同埋橫膈膜肉150g $102兩款套餐都包括白飯, 和風湯, 泡菜或者迷你沙律上菜速度唔算好慢只係傾咗一陣間計就已經上枱擺盤好整齊好靚肉質望落去都好新鮮場內抽風系統尚算OK不過冷氣真係太凍啦爐火方便我覺得火力不算太勁所以肉類都需要燒一段時間先有得食總結我覺得好抵食價錢大眾化都有好多唁同套餐比你揀亦都可以加大份量如果唔想去食燒肉自助餐依度係一個唔錯嘅選擇

肉質柴，碗湯似飲油，用醃料遮醜，最初開時食，食過幾次都覺得真係OK，而家越食越差，越賺越開，越開就越縮，揾笨，不過吹佢吾漲，一樣排晒隊，個個以為百幾蚊好抵死，其實如果食佢呢D質素嘅肉，值幾十蚊磅，一磅起碼廿幾塊，佢哋仲要切細細塊得4-6塊，真無良，一直對食嘅價錢真係無所謂，最緊要係比幾錢就比番幾錢嘅質素我呀，呢間嘢，黑名單，我吾會再去，完

Like套餐 250g $135（牛舌、牛五花、橫隔膜肉）（木魚絲紫菜飯 150g +生蛋 另加$15）套餐包括白飯、和風湯、泡菜或迷你沙律。薄切牛舌有少少靭，唔夠彈牙；牛五花有筋，冇咩牛肉味，醃過嘅醬味較重；橫隔膜肉質纖維感強，有嚼勁，帶有少少牛肉味。牛小排 100g $98肉質軟腍有肉汁，但肉味不足。牛板腱 100g $65肉質有嚼勁但唔靭，滿滿肉汁，肉味濃郁。〰️〰️〰️〰️〰餐廳開11:30，我11:52分就㩒飛，票號已經係51號，最後12:48分就可以入得，差不多等咗一個鐘頭，留意返要齊人先入得。餐廳係自助落單嘅，掃code點單，網上比埋錢，之後等食就ok~ 食物質素普普通通，平時自己一個想過下燒肉癮係ok嘅，我覺得牛板腱相對地係比較好。但如果唔介意比多少少錢的話，就去食其他高質素少少嘅餐廳啦~〰️〰️〰️〰️〰️食物: 3/5性價比: 3/5 環境: 3.5/5服務: 3/5Revisit: No