燚館特色粉麵 (已結業)

這條街兩旁其實都有不少食肆，有幾間應該都歷史悠久，這間比較新，平時做火鍋，但疫情下晚市不開，看見廚房裏邊弄了很多大型盆菜出來這次進去試試這些特色湯的午餐。本身湯底是豬骨湯，這麼普通好像不用特別來這兒，於是我點了個椰子湯，後來才想起以為它是椰子雞，一定又清又香又甜，但只有椰子，湯底不覺得太甜而且顏色不夠清澈，雖然略帶輕微甜味，但與之前在太子或是深圳吃過的椰子雞火鍋，味道相差甚遠。銀針粉賣光了，就吃米線，米線份量都不算少，起碼可以吃得飽。我點了豬腸及豬扒，豬腸都算大件，是厚切那種，質地厚身，但係輕微滷水味，不覺得肥膩，味道都不錯。不過豬扒就格外出色，有少許香茅醃過，但大塊的豬扒，放在湯來，都不會感到極之軟，肉質帶點肉香，是相當可口的。看見胡椒豬肚湯，胡椒味道都算挺濃，豬肚的份量極多，不過比較堅硬，咬到有啲牙較軟。不過吃完之後，回頭想想，就覺得是吃了碗豬扒豬腸的米線，不覺得有什麼特色，可能礙於它本身是火鍋店，沒有預料要午市賣客飯湯麵，因此沒有什麼特別的是正常的。

我覺得大埔一向是美食天堂，價錢又比較平，今天來了一間特別的餐廳小店， 名字都特別的叫燚館， 我點了椰子雞湯麵， 不錯味道又新鮮， 只是$50 左右平價美食呢！ 大埔南盛大廈

經過大埔墟呢頭唔知食乜好行過呢間米線店突然醒起好耐之前已經收藏左呢間鋪咁岩經過梗係要試下啦我叫左一碗藥膳雞米線黎到就梗係試番啖湯先啦 湯底只有好淡既藥材味絕對唔符合我心目中藥膳既感覺只可以解釋店鋪無落味精去調味雞肉無雪味 亦唔會煮到好韌不過冬菇好似浸得唔夠 有d 硬可能我對呢間米線期望過高 所以有點小失望

知道大埔墟開咗一間新嘅特色粉麵店，而且每次經過都見到粉紅色招牌好當眼，今晚有機會喺度食晚餐。餐廳環境簡潔乾淨，我哋就坐門口的四人枱，枱上的餐牌圖文並茂，每一款食物都好想試。最後我就揀選了藥膳雞湯米粉，而且只需要加$10就可以轉雞髀部位，飲一啖湯底很濃郁的藥膳味道，啖啖滋補養顏，配料仲有蟲草花、冬菇等，米粉索晒湯底嘅精華味道，而且雞髀肉質鮮嫩，很滑溜呢！餐飲我就揀咗杯特飲熱菊花薑蜜滋潤一下喉嚨，味道很濃郁。還點了一份小食炸燒賣，燒賣炸得香脆可口，配以泰式辣醬更加滋味。還有生菜可以清一清腸胃。總括而言食物質素高，難怪全場爆滿。

今日特登去食一間叫燚館嘅藥膳米線，「燚」字究竟點讀呢？！我特登上網查過，「燚」可以讀「亦」亦都可以讀「藝」，不過唔知啱唔啱呢？！🤔🤔好啦～都係講返食物先，我今日特登嚟到係試佢哋主打嘅藥膳米線，而我朋友就叫咗胡椒豬肚米線。呢間餐廳價錢平民化，其實喺得大埔舊墟做食肆，都以街坊生意為主，呢個價錢亦都好街坊價！係抵食嘅～好啦～嘢食到，我先試一下藥膳雞髀米線啖湯底（加$10可以轉雞髀），因為藥膳米線個湯係靈魂，一飲落去...好淡口，我從未試過食藥膳米線個湯會係咁淡，好似溝咗水；即刻試埋朋友叫嘅椒豬肚米線個湯底，一樣係好似溝咗水咁而個米線亦都好淋，好似煮耐咗咁！我唔知道佢哋係點樣煮個米線。究竟係放喺湯入邊煮？定係清水煮完再放落湯底？！如果係後者，佢哋極有可能未隔清煮米線嘅水，就直接放落湯底，所以湯底就溝咗多餘嘅水份變得淡口。但最終原因，係得佢哋先知😓評價：差！！湯底同米線差，基本上唔使再講個餸好唔好食，可以埋單走人～

想飲靚湯，又想食麵？這裡的湯麵就可以滿足你的要求了。這間特色粉麵店的湯底有多種款式，例如有藥膳、五子毛桃椰子、胡椒、蕃茄、麻辣和芫茜等等。湯底除了用料足，並不加味精，所以每口湯都可以飲埋。五指毛桃椰子雞鮑翅米線（HK$48)👍👍👍👍湯底很清甜並帶有椰子的芳香，配料方面亦很豐富，有椰子、雞件、仿鮑片和仿魚翅，並配以自選的米線，整體來說既飽肚又健康，性價比高。如果想吃原隻雞髀，只需加$10。麻辣豬頸肉米線（HK$45)👍👍👍👍麻辣湯底果然既麻且辣，喜歡吃麻辣的朋友一定要試。薄切豬頸肉爽而不靭，並帶點嚼勁，索滿麻辣湯，味道相當夾，十分惹味。醉雞翼（+$10)👍👍👍👍小吃只需要加$10，醉雞翼有濃濃的酒香，雞肉結實嫩滑，雞皮爽口，這款涼吃小食，最適合夏天悶熱天氣食用。麻辣腎（+$10)👍👍👍👍雞腎切成薄片，口感超爽口，麻辣汁更令雞腎味道更加突出之餘，亦令人胃口大開。可樂（+$3)門面內在環境餐牌

餐廳標榜是沒有味精，除豬骨清湯外$18,另加$9還有6款特色湯選擇，分別係藥膳、椰子、蕃茄、胡椒、麻辣、芫荽，再加揀選自己喜愛的配料（$6起）及粉麵底，呢碗獨一無二自選粉麵就完成啦。有選擇困難症嘅我，最終决定藥膳雞湯米線$48,追加小食醉牛𦟌$10。湯底聞到好香當歸藥材味，飲落好舒服，雞肉都好滑有雞味，配上蟲草花、冬菇及青菜，色彩及營養都很均衡。牛𦟌泡在香氣十足的紹興酒內，肉質鮮嫩多汁不乾柴😋。

今日晚飯想食米線就去咗燚館食，叫咗藥膳雞米線，小食叫咗仿鮑片，麻辣腎， 椒鹽燒賣，同埋最加醉牛展，加一杯凍柑桔蜜。首先主角藥膳雞米線 一定係重點推介，因為個湯底藥膳味好濃，飲得出冇味精，絕對係養生之選，而藥膳雞嘅雞件就好嫩好滑，同埋係雞髀肉，正！而追加嘅牛展又係好入味，另外叫嘅麻辣腎就好重麻辣味，鍾意食辣嘅朋友最啱，同埋我覺得好啱送啤酒。而仿鮑片就一貫水準，冇咩太大特別，而椒鹽燒賣又係香口同埋外脆內軟，點埋個醬汁食又係一流。

周末晚訂左台跟朋友來呢間新開小店打邊爐,因為大家都比較注重養生,而且小店可以訂想食的食物,我前一日pre-order 左超級食物~羽衣甘藍, 桶蠔,有機甘筍, 雜菇呢間小店主打係食養生米線, weekend 晚人不多, 店員話因為開張有個大花牌招牌被標籤為圍村藍店, 其實佢地唔係圍村人, 所以被人罷食鳥... 其實我覺得就算真係圍村人都有好有壞人, 而且本身係乜人都冇得揀, 所以要理性, 我會繼續支持用心經營的小店!起爐前小食, 炸燒賣好好食, 我第一次食, 朋友話唔係到到有!還有醉雞亦, 酒香, 肉入味叫左椰子雞鍋清清地無味精係呢間小店標榜, 真係好清甜, 真材實料,個頭啖湯好好飲!份量不是很多, 價錢中價,大部分都新鮮! 除了送的肥牛有點啡啡地,好似唔夠新鮮 仲有烏冬好好食吸晒D 湯, 最後3個人食到好飽, 每人223, 小店冇得碌卡,但可以payme

呢日收工同屋企人行大埔墟， 搵下附近有咩食， 經過南盛街附近， 見到有間新開嘅特色粉麵舖， 喺門口見到餐牌有特色嘅湯麵， 見到價錢唔貴就入去試下， 餐廳算係小店， 大約三至四十個座位左右， 餐廳環境幾乾淨企理。五指毛桃椰子雞鮑翅配銀針粉呢度嘅粉麵可以揀銀針粉， 依家出面比較少見， 上枱嘅時候已經聞到好香嘅椰子味， 個湯底幾清甜有雞同椰子嘅香味， 份量都算幾多。藥膳雞配銀針粉當呢個藥膳雞銀針粉上枱嘅時候， 已經聞到好香嘅當歸味， 個湯底都好夠藥材味， 雞肉唔會熟到個鞋。麻辣豬頸肉米線個湯都幾夠麻辣味， 辣嘅程度算係小至中辣， 豬頸肉都有煎過或者炸過幾香口， 米線嘅麵質都幾滑。醉牛展/醉雞翼兩款醉嘅小食嘅調味都做得唔錯， 酒味都幾香， 跟麵追加十蚊都算幾抵。

如果要食麵，不外乎都係魚蛋麵、米線類等等不過最近大埔新開咗呢間麵店，麵嘅口味同出面食到嘅好唔同見有藥膳雞、川芎白芷雞等等嘅材料做成嘅湯麵， 呢啲款式我都係第一次見仲有芫茜皮蛋魚腩、胡椒豬肚等等，感覺幾健康原來除咗湯麵，呢度仲有火鍋可以選擇唔食麵都仲有飯可以選擇惠顧粉麵就可以用$10加小食呢個係醉牛展花雕酒味好重，牛展唔會好韌，加咗少少杞子點綴，味道唔錯醉雞翼同樣用花雕酒醃製，雞翼有雪過，所以外皮爽脆麻辣豬耳豬耳本身爽脆，加上麻辣香味，令人食完一啖又一啖番茄手打牛滑魚滑食得多，牛滑就第一次試，食落口感似酒樓嘅蒸牛肉球番茄湯底似自己煲嘅番茄湯，味道清新唔太鹹麵底就揀咗平時少食嘅銀針粉，食落較有口感藥膳雞呢款湯麵較重藥材味，雞肉都索咗啲藥材味，份量亦唔錯五指毛桃椰子雞鮑翅呢款湯麵帶有椰子嘅甜香，除咗雞肉，真係有一塊塊鮑片同魚翅，睇落好矜貴成碗麵都夾到一條條魚翅，好落本錢我幾欣賞呢間麵店嘅用料，唔用太多加工食物，食材比較健康下次想食得健康啲講究啲，都可以再嚟呢度食麵

藥膳雞$48➕$10 麻辣腎首先講左藥膳雞🐔簡直啱晒想養血補虛 健脾益氣嘅朋友仔😉飲個湯底好似自己煲嘅湯一樣 真材實料啖啖都好濃郁嘅味道🤤雞肉好嫩！！！唔會“鞋挲挲”雞肉入曬味好好入口😋------------------------------胡椒豬肚$43➕$10豬耳🐷👂胡椒豬肚🐷尼個好啱d腸胃不適 成日胃痛嘅朋友仔👬一飲落就feel到好暖胃🥰D胡椒唔會太辣 啱啱好冬天尼食碗麵成個人即刻暖翻曬 好舒服🙆🏻‍♀另外豬肚好爽口 好有口感係尼個價錢可以食到咁嘅質素 唔馬虎 完全係超值🖖👍👍另外我地加左兩個小食🥢第一個係麻辣腎一擺上檯就聞到個香味🤤麻麻辣辣 好開胃D腎仲好脆好爽 同出面食開嘅完全唔同做到自己嘅特色完全好抵讚👍🥳🥳第二個小食係豬耳🐷👂本以為同以前食開差唔多點知尼個係甜甜地 好驚喜😎好啱一家大細尼食無論大人小朋友都會好鍾意值得一試呀🙆🏻‍♀總括尼講😌尼間餐廳主要係做街坊生意 好有人情味🥰服務好亦好抵讚 一碗可以飲曬嘅湯底無味精 唔洗擔心唔健康🖖反而仲養生！！大家不妨尼試下 價錢親民😋無論拍拖定家庭樂都可以打個卡養個生🥰😎😉

秋高氣爽，又係出車（單車）嘅時候，順便去d街仔搵食，路過呢間店名咁特別嘅小店，望下價錢ok，就同老公入去醫肚～🔆想食火鍋，但有少少傷風，食唔食得呢？有川芎白芷藥膳湯底喎，合哂心意啦～個鍋一擺低就好濃嘅藥材味飄出黎啦！半隻雞份量好足！呢度個湯底應該無加味精，因為食完無口喝嘅感覺。叫左生菜$26、牛柏葉$36、比較少有嘅手打牛滑$48、鯇魚腩$68、稻庭烏冬$18；🔆生菜🥬新鮮，牛柏葉好爽脆，份量亦唔少；🔆最正係個鯇魚腩，係老板親自去揀嘅，少骨、大塊、新鮮，街市賣都唔平架！🔆仲有火鍋唔少得嘅烏冬，係真正幼身嘅日本烏冬，$18就有兩個，抵！🔆手打牛滑口感似平時食嘅彈牙山竹牛肉球；🔆柑桔蜜$18，鹹檸七$21 - 都ok，重柑桔味唔太甜。鹹檸檬好夠味，七喜係一罐上，咁就可以想飲先開，夠哂汽啦！小店無加一，客人老板伙記都有傾有講，見老板老板娘兩個無論收銀、招呼同傳菜都好有默契。無拘無束嘅一餐晚飯，溫馨又幸福～

今天突然想吃米線，就想去一間比較舒適的食肆。當然就是它啦，很喜歡這間小店，是絕對不加味精的。看到菜單有不少特色的湯底，我們點了川芎白芷魚頭、胡椒豬肚湯、特飲菠蘿青檸蜜，還有小吃椒鹽燒賣。椒鹽燒賣率先上枱，總共有8粒。溫度剛剛好，熱熱的，馬上吃它一粒，炸的不太油，椒鹽味很香。胡椒豬肚的胡椒味很重，湯底較辣，豬肚爽口彈牙，不錯不錯。川芎白芷魚頭，整個都要即叫即做，當上菜時，川芎白芷的味道立即湧入鼻腔，好厲害喔，湯好香，有中藥的味道，一定是養生之選，魚頭炸得又酥又香，魚頭肉嫩滑，蟲草花有口感，吃完麵線再把湯喝完，大滿足喔。

大埔向來有許多隱世美食🧐今次小編到訪左一間主打以藥膳為主既餐廳補一補弱弱既身子😝.🍲藥膳湯鍋黎到一定要試一試藥膳湯底既雞鍋🐥如果向來唔太喜歡偏甜藥膳鍋既你🤘🏻就要試試呢到既湯底 入口藥材味不會太重又帶少許回甘 對小編離講味道剛好🤤.若不太喜歡藥膳餐廳亦有提供其他口味既湯底可以選擇👍🏻.🐥🥩🌽火鍋材料店鋪既火鍋材料選擇不算多 但每款材料都十分新鮮 原隻大雞🐤每口都係滑嫩既肉😋.🥩特別推介肥牛🐮口感十分好薄薄的不會太多筋或太多肥脂令小編與同行友人都十分想encore🤙🏻.🐥花雕醉雞翼餐廳除了火鍋或麵食 亦有不少小食選擇😝其中花雕雞翼很不錯吃 十分入味 而且嫩嫩的❤.總括黎講 餐廳屬小店類型 人情味十分高🤳🏻而且價錢合理 食物新鮮 主打養生路線🛣如果唔鐘意養生👵🏽👵🏽可能無咁吸引😅不過整體CP值算高🤙🏻.人均消費：$150推介指數：👅👅👅👅👅👅👅😋（6.5/10）Encore指數：🤙🏻🤙🏻🤙🏻🤙🏻🤙🏻🤙🏻（6/10）