爵士拉麵

營業中

休息中

在7月1日的紅日，訓到自然醒，懶洋洋地出門，勞煩住在元朗的朋友來到聯和墟陪我睇戲，食晚飯。選了這個餐廳完全是意外，只是經過剛好有2個位，不用排長龍，就抱住試試的心態。店舖比較細，不過這就是聯和墟餐廳的特色，比較親密，用手指一伸，指2下，就可以指到服務員的手臂😂可以好方便地落單。睇到餐牌時超級糾結，中碗和大碗相差大約4-6左右（不太記得，只記得是幾蚊）。對於一個眼闊肚窄而的我，絕對是一個大難題，好在有同伴在，我就叫左大碗。直接叫左呢間餐廳名的爵士拉麵，好好食！（P.S:我想講碗麵真係好大碗！如果係一個女仔，千萬不要叫大碗，會浪費食物的^o^好在我同伴可以幫我食減d）另外叫左炸年糕，食落去感覺令我想起睇日本卡通片的兔仔打米糕😋口感都唔錯。*缺點*餐廳的冷氣很弱，食到大家出晒汗。食完後外面很多人排隊，我才知道原來呢度係好受歡迎的，的確味道係唔錯，而且價錢都好合理，重點！！份量很足！！結果我要由聯和墟散步去粉嶺火車站再坐回車回家，幫助消化。（條路幾好行，又可以邊行邊傾下計，係個好好的飯後活動😉）

叉燒拉麵 追加紫菜 首先有三種湯底可選有味噌,醬油 同辛味噌選擇,之後選擇份量可選分別係中或少,本人選了味噌湯叉燒拉麵中碗,因為佢寫了每日新鮮製的字眼,另外因為本人是紫菜控,所以會再追加紫菜😉 一於試一試佢有幾好食,食拉麵第一啖當然試湯底先,感覺味道適中唔會好咸飲完唔駛點飲水,再試麵質本人覺得麵質有點"林"身,因為本人鐘意食硬身的拉麵,最好食起身有嚼口的感覺會令人更開胃😎最後試一試佢的主角叉燒,新鮮製果然唔係唔同,每塊肉的質感都好有肉味又唔黐牙脂肪分佈都好平均,置於紫菜其實坦白講冇咩特別,只係本人鐘意食先追加😂😂😂

好耐冇食過拉麵喇，而喺香港食北海道風嘅拉麵機會極少，唯有遠征粉嶺聯和墟食拉麵。Jazz Ramen 爵士拉麵由香港土生土長嘅日本人主理，因為家族嘅承傳，接手拉麵舖，繼續喺香港推廣北海道風拉麵，而北海道風最出名就係味噌味同醬油味湯底，你可以喺爵士拉麵都可以食得到。.爵士拉麵 (中) 味噌湯底評分：🌟🌟🌟🌟⭐️今次選擇味噌湯底爵士拉麵嘅招牌拉麵 (看板メニュー)，上到枱真係嚇親，有肥牛、叉燒、蛋，好多料好豐富。當然食拉麵先試湯喇，清淡嘅味噌味都可以喺個湯都滲入口腔，而拉麵硬度足夠唔會一Pat嘢咁。食晒成個麵真係飽足一日。.香港食到正宗嘅日本拉麵多數都要搵日本人嘅舖頭，所以爵士拉麵係一間推薦嘅拉麵舖。

一直都有聽過粉嶺有間爵士拉麵個店名好吸引今晚終於有機會幫襯呢間小店我點選了义燒拉麵配辛味噌湯底另加配了一隻醬油溏心蛋及煎餃子一來到就即試义燒拉麵湯底湯底很香很濃豬骨味义燒比較薄身，肉質較淋但食落口感有點「鞋」加配醬油溏心蛋一咬做有流心感覺，味道不錯！拉麵質感只有一個程度我個人喜歡硬身的口感這個不算太軟身，口感適中另外點了一個煎餃子五隻餃子煎至黃金色很平均餃子為豬肉餃，餃子內加上爽口蔬菜配料口感好爽口，不錯👍🏻整合味道ok價格相對頗貴

又貴又黃，以後絕不幫襯！湯底一般，山下絕對好味過佢。叉燒冇味又鞋。一碗一般90蚊。因為加隻蛋仲要另計。細碗得2啖。起碼要叫中size !地方細，最多容納15人。不推薦！

粉嶺聯和墟搵黃色食肆都有幾間，呢間係其一Jazz Ramen感覺有音樂感，主打北海道拉麵以我認知，北海道拉麵好似係偏清淡味道無咁濃郁係正常，唔會太鹹味，反而咁先有當地風味拉麵店面積偏細，只適合少數人入內，一大班朋友就唔啱人流唔多，環境清靜，似日本鄉村風格嘅拉麵店拉麵湯底熱辣辣由豬骨熬製，加入胡椒粉，轉湯底要加$10湯底唔算濃厚，唔會好鹹，麵質都係掛湯嘅配料好夠，唔會好單調爵士拉麵係招牌拉麵，中$98/小$93算係餐牌入面最貴一款材料有肥牛+叉燒+雜錦初時見有肥牛都嚇一嚇，無諗過拉麵會有肥牛食過發覺原來肥牛配拉麵都唔錯日式叉燒配拉麵當然最好，其他餡料就同雜錦拉麵一樣雜錦拉麵係最平嘅一款，中$50/小$45配料有蟹柳+日式醬油蛋+海草+粟米價錢只係爵士拉麵一半無肥牛同叉燒若唔需要肥牛同叉燒最啱就係平平哋食碗雜錦拉麵

Excellent family run ramen restaurantEnvironmentStaying true to its name, it really is Jazz Ramen. Playing Jazz music in the background, it serves its unique type of ramen within a Japanese themed restaurant. inside you'll find a small number of seats with the staff and chef cooking in the middle.ServiceOkay service. Not the most attentive to your needs and you pay beforehand so you can only order once.FoodThey serve a good selection of Ramen with 3 types of soup, Miso, Oil and Spicy. They also

第一次幫襯，見openrice 有幾多like, 就去試吓啦⋯⋯反正附近都好似冇乜拉面店。叫咗標準义燒拉面，等面途中見個伙記求其chok 兩下個面，心知不妙，唔妨好食。等到碗麵來到面前，真係失望到極點，80元嘅面乜都冇，得粟米、义燒和几𢇃京蔥，湯頭即食嗰隻，义燒完全唔掂⋯⋯，你預咗起碼有嘅筍干、大量青綠色嘅䓤花、木耳⋯⋯統統都冇！！求求其其食完，仲要即刻要買罐可樂過一過難受嘅感覺。一定一定100%冇下次！未食過咁難食嘅拉麵

平時經過爵士就係普通一間餐廳，無話特別想去食。但係和你Eat見到佢，於是就去支持睇食評見到年糕拉麵、炸雞、炸豆腐正，就專登試呢3樣。通常抱住期望去，就會有失望既風險。但爵士完全無令我失望！！！2舊炸年糕非常大同埋厚身，放係味噌湯底上超級好食，重點係舊年糕相當煙韌炸雞賣相相當吸引，好大舊，炸得勁香口，但又唔會覺得炸既麵粉落得太多，落埋檸檬仲正炸豆腐都不錯，但未去到炸雞同年糕拉麵令人一食難忘既程度不過爵士拉麵反而就少伏，男友以為叫呢度既招牌拉麵實穩陣，點知隻蛋唔係流心，條蟹柳亦唔太吸引。雖然佢碗拉麵中伏，但男友都認為炸雞的確好食我慕名而來試既3樣野都無令我失望！！

2020年2月16日，香港新界氣温只得15至17度，天文台出示了寒冷警告，出街必定要著羽絨。大冷天吃熱辣辣的拉麵是最好的選擇，可惜的是因為武漢肺炎疫情嚴重，市民不願出街，消費力弱，香港拉麵界也作出了調整，有的將分店索性結業，有的縮短營業時間，有的將分店暫時停業，有的推出便宜套餐，有的響應疫情送口罩或消毒液，有的就靠標明自己是黄店依靠同道支持。粉嶺有兩間店子賣拉麵，東京拉麵兼賣烏冬同丼，唯一拉麵專門店爵士拉麵這夜依然滿座，我入去感到氛圍熱情温暖，這正正是寒夜最需要的東西。為何我會說一入這間麵店感到無比熱情温暖?首先是不論店長小村美樹又好，或是三名工作人員又好，雖然顯得忙碌，總是開開心心一邊工作，一邊帶著口罩傾談，舖內近九成食客似乎是附近的街坊，亦在等候拉麵送來或在食拉麵期間，與員工及鄰枱食客傾談互動：這邊有個食客不知哪有洗手間，那邊就有個食客指示路徑，員工亦即時送上洗手間鎖匙；門口處有食客入內示意外賣及點餐，員工忙於寫紙記錄，食客表示不要餐具收費是否減低$5，另一名食客笑笑口即出聲表示用碗只收$5，好不熱鬧。說起外賣，爵士拉麵是提供外賣服務，食客可以用麵店的卡片上的電話先致電，然後才

幾年前經過都冇機會入黎食兩公婆打理 會不定期休息 而開店日子總有好多人聽講近年由下一代接手上網見到放哂開店同關店日子所以就刻意揸車入黎不過聯和墟既街 兩邊都泊滿哂車。。感覺都幾壯觀。。比較少見( ´▽｀)巴士應該就真係過唔到黎到緊係一定要叫最出名既爵士拉麵！所以推薦左同行者去食( ´▽｀)就係肥牛 蟹柳 蛋 粟米 葱同拉麵隻蛋冇平時見到流心既情況有少少失望 肥牛就係好普通既肥牛 好其實我係唔食牛既 所以我就叫左雜錦拉麵加叉燒奇怪既點黎啦( ´▽｀)叉燒拉麵同雜錦拉麵加叉燒 係同價錢但問到叉燒拉麵有冇雜錦既配菜又冇嫁喎！同爵士拉麵就差左肥牛我嗰半隻蛋就更加熟 拉麵都係流心蛋比較過癮叉燒係薄薄幾塊 本身冇額外調味湯都冇乜驚艷到我其實面既質感偏軟 冇乜咬口 但唔係難食所有野都好普通 大概同味千相約但真係又冇乜好彈叫左份餃子即煎既 每隻都煎得好平均菜肉餃黎既 包得好飽滿入面都有少少肉汁都係應有水準範圍既餃子最後再叫左份炸雞每一舊雞都好大舊即炸 粉漿唔厚 熱 入面好熱 小心辣親少鹹 味道良好如果想口感清新啲可以用埋檸檬總結一下 價錢其實都合理拉麵一向都唔係平 佢算料多同量多冇乜讚同彈既地方野食以

呢間拉麵店已經幫襯左超過十年以上，由昔日日本爸爸打理到近幾年阿囡承接，只要用心打理，食物水準依然出色炸物小食出色，油份收乾咖喱薯餅日式炸豆腐豆腐外脆內軟，最重要是醬汁調得非常出色是靈魂所在拉麵有兩款大小，湯底有三款味噌、醬油、辛辣，大多數我都會選擇辛辣，那種辣調味不會死辣叉燒是必選的，而且是每日新鮮製造，肥瘦適中，不會有罪惡感醬油味道更清澈雜錦拉麵👉🏻叉燒、蟹柳、粟米呢間拉麵我一直有幫襯，因為食店的拉麵是最簡單幸福的味道，也希望食物質素能保持下去

聽聞呢間小店上過報道，去到店門口見到入面都幾多人，對佢既期待都幾大🤪入面裝修好有日本傳統拉麵店既風味，圍住廚房既吧枱，廚房外有一個staff主要落單，落單既時候會一次過收埋錢既😛講番野食，湯既部份分三種，濃味既味噌（+$2），較清既醬油，同埋兩個程度既辣味（+$3），另外面份量都有中同細既分別朋友就叫左個中辣中size叉燒拉麵，食拉麵第一啖當然要試試湯底啦，辣味都叫唔錯，係種乾辣既感覺，係喉嚨位置速來速去。但主菜叉燒食落就好鞋口，份量都得兩塊唔算多，老實講未食過質素咁差既叉燒😵拉麵就係波浪蚊形，口質都幾彈牙算係唔錯，但叉燒的確係敗北點🤦🏻‍♂️我就食左個醬油味中size肥牛拉麵，醬油湯底的確好清新，唔太重味精，肥牛份量幾多但比較碎同散，同埋煮得有d老，食落都係一般🙊佢另外有個招牌爵士拉麵，包括左肥牛同叉燒兩種配料，但今次試左主打拉麵既兩種主菜都麻麻地，老實講的確幾失望，同埋份量價錢唔算好吸引，大家有機會食既話可以試下其他主菜既拉麵，始終湯底同拉麵都做得幾出色既😉

喺聯和墟好出名嘅呢一間拉麵店細細個就直到而家。好多人話佢質素下降，但係其實我又覺得冇咩分別。但係以前成日去都摸門釘，而家覺得服務好咗反而係一件好事。今日食咗呢個肥牛拉麵叫咗麵豉湯底，個湯底好有麵豉嘅香氣。我一嚟飲左幾啖湯先再食個麵，面底軟硬適中，食拉麵嘅面軟硬度非常之緊要。大部份嘅拉麵鋪都有得比顧客選擇佢鍾意軟硬度。爵士拉麵都唔例外。而肥牛不過不失啦，起碼唔會有好多雪藏味搞到個牛冇晒自己嘅味道。希望呢間小店可以繼續做落去，可以比我一直食返細個嘅味道啦！

呢間粉嶺嘅拉麵小店，佢嘅拉麵唔係做得10分出色，但係可能日本人廚師，令到成間鋪頭氣氛好嚴肅，冇咗一般街坊食肆嘅氣氛，叉燒切得好薄，份量唔係10分多，但價錢偏貴都係試一次就算啦！