爺爺雞飯 (金百利中心) (已結業)

老婆近排好鍾意食海南雞，今日我地行完Sogo就上Openrice搵左呢間位於金百利中心嘅海南雞專門店：爺爺雞飯食返餐醫醫肚。😁爺爺雞飯位於金百利中心7樓，餐廳裝修簡約清新，大部分座位都係卡位，感覺寬敞舒適。餐廳採用電子落單，落單前店員有提醒我地可以先用$85買$100餐廳現金劵，用Openrice Pay埋單仲可以購取$10 Cash Dollar。😍餐廳主打傳統東南亞菜，當中招牌菜式海南雞更加係拳頭產品，我地揀左兩個餐都有海南雞飯，跟飯可以半價配餐飲。👍🏻爺爺海南雞飯拼新加坡叻沙滲滲 $88雖然係雙拼，但海南雞同叻沙份量都唔少，海南雞雞肉熟度剛剛好，肉質嫩滑又多汁，沾上黑醬油及香口軟綿嘅黃油飯，非常惹味可口。😋新加坡叻沙湯底香濃又唔會太辣，油麵和米粉混的滲滲口感偏爽，配料有蝦、魚蛋片同埋豆卜，味道唔錯👍🏻爺爺海南雞飯拼馬來肉骨茶 $88海南雞配肉骨茶份量都係多，一個人食一份非常飽，肉骨茶的湯胡椒味唔會太重，仲帶有點甜味同少少藥材香味，肉骨嫩滑而且份量都多。👍🏻洛神玫瑰花茶 $12埋單用埋Openrice現金劵每位約$100，好抵食。😍

星期六係銅鑼灣行街，見到呢間爺爺雞飯係正銅鑼灣中心位置，Openrice又有$100現金卷用，所以就來一試啦😄 餐廳裝修環境新淨光猛，主打海南雞緊係要試試啦😄爺爺海南雞飯拼馬來肉骨茶 $88肉骨茶好足料😍 啖啖藥材味，仲有好多配料，冬菇金菇吸哂啲湯好好味😋 豬骨嘅肉好嫩又入味👍🏻 海南雞好軟嫩，醬油有三種，仲有蒜撈豆角，健康又好味😋 雞油飯粒粒香軟，好好下飯😃償城椰香咖哩雞飯配肉骨茶 $88咖喱醬汁香料十足味道濃香，雞件好滑，咖喱雞撈飯我男朋友最愛😂泰式奶茶

朋友早排見到Open Rice🍚入面有現金券💵做緊優惠🤩。85蚊就有100蚊現金券，計返即係有85折🥳。同朋友夾定今日一齊放假👭🏽去銅鑼灣Sogo感謝祭🛍之後去食😙。🍚 爺爺海南雞配油飯 - 少飯梗係要食佢招牌嘅海南雞🐔啦。飯係跟油飯🤤，但我唔係好肚餓，幸好有得叫少飯😉。無骨雞肉嫩滑又啖啖肉😍，連雞中翼都係無骨嫁🤭，值得一讚👍🏽！另外再比一碗好飲嘅補身雞湯🥰。🍛 檳城椰香咖哩雞飯配肉骨茶 (轉油飯)入味嘅有骨雞🤤 + 唔太辣嘅咖哩汁送飯一流😎。本身跟嘅係白飯，不過朋友都想食油飯，所以加多5蚊轉埋🤠。肉骨茶入面有抆到腍嘅豬肉排骨、豆卜、油炸鬼、腐竹、藥湯。想食辣嘅可以加埋辣椒🌶️。🥪 咖央多士多士烘得香脆，夾住大塊牛油 🧈 + 咖央醬。好邪惡！😈🥙 話梅巴樂自從台灣朋友👨🏽‍🦰介紹我食巴樂+話梅粉之後，我就好鍾意食❤️。呢間餐廳都有得食。😎🍞 脆皮叉燒包我地望住個menu，搵唔到脆皮叉燒包個圖。🤔好奇之下叫咗一個嚟睇下係咩樣。😜佢個外觀似酒樓食開嘅叉燒包，個皮炸到脆卜卜，入面好多叉燒肉。🫢脆皮仲可以蘸咖哩雞嘅汁食！😚飲品就叫咗”焙火烏龍茶”同”椰汁班蘭冰”。”椰汁班蘭冰”嘅班蘭味濃，再加埋椰

東南亞菜一字記之曰惹味,味道要做到重但又不太過份,平衡各方食材就最為重要。脆皮叉燒包,大家應要試一試,外皮炸到就完脆饅頭一樣,內裏的叉燒多汁帶一點甜味,有點不明白這餐廳竟然有這個炸叉燒包。馬來肉骨茶,味道比較淡口,但每一淡湯頭也有濃郁的藥材味道,還有一隻原隻的蒜頭,蒜頭浸在湯裏面吸收了精華,肉比較有咬口,腐竹沒有油膱味抵讚。爺爺海南雞飯拼亞參叻沙,海南雞配甜豉油後非常好吃,油飯配上薑蔥及辣椒醬味道夠惹味。亞參叻沙是第一次吃,用上了沙甸魚做湯底,還有菠蘿湯底甜中帶酸,開胃得來又可中和沙甸魚的腥味及轉化為鮮味,心心麵質爽而黏汁。味道: 可以一試衛生: 尚可服務: 尚可環境: 尚可價錢: 一般

在Open Rice看到「爺爺雞飯」有優惠，$85可購買$100現金券，於是購買使用！今天看畢畫展便到新店鋪嘗味傳統東南亞菜。新餐廳環境裝置與燈光感覺很柔和，有舒適感。先嘗輕盈小食：很有風味的印度薄餅，蘸醬汁吃，令胃口大開！香脆的咖央多士，厚片牛油與特色咖央，味道層次相比一般多士提升不少！很有新鮮感的脆皮叉燒包，食味不錯，笑口常開狀！海南雞飯拼新加坡喇沙，嫩滑海南雞飯與香滑油飯的確百吃不厭；濃郁的喇沙湯，滿滿的椰香味又帶點微辣，米粉和油麵很掛湯，豆卜吸收濃湯，啖啖好味。香茅豬扒煎蛋蔥油飯，厚厚的大片豬扒非常吸睛，肉質鬆軟可口，粒粒分明的爽口白飯配合豉油蔥油吃是十分美味的享受！近年流行的泠泡茶，焙火烏龍茶，冰凍解渴。椰汁班蘭冰，很舒服的綠悠悠色澤。 我的薄荷青瓜梳打，甚具東南亞風格，味道清新，有很喜愛的青瓜氣味。

行咗一陣sogo感謝祭，喺附近搵下有咩好食，見到呢間舖頭個名，應該係專門做海南雞飯嘅，而且上Openrice見到，呢間有Openrice Pay優惠，好抵，所以就揀咗呢間食tea喇………檯面有消毒用品供應既然呢間舖頭專門做海南雞飯， 咁就梗係要試下啦，首先個雞油飯勁好食， 有雞味，又有飯香，啲飯粒粒分明啲雞皮好薄， 雞肉煮到好嫰滑，好滑溜， 一啲都唔嚡，啖啖肉， 再點埋海南雞飯嘅醬料跟住就係個肉骨茶，裏面有兩大嚿肉，煲到好冧，入口即化，肉骨茶都好足料，味道好濃郁，好適合送飯凡惠顧主食可半價加配飲品， 揀咗熱嘅桔桔，睇返menu原來係金橘檸檬配酸柑汁酸酸甜甜， 好好飲叫咗1份下午茶餐之後，仲追加咗5款唔同嘅小食，第1樣係馬來沙嗲串燒，可以自己揀豬/牛/雞，我就揀咗豬，佢燒到啱啱好，好香口但係又完全冇燶點下啲沙嗲醬，好惹味第2樣係咖央多士，烘到完美嘅金黃色，夾咗塊厚牛油之外，裡面都均勻地搽咗咖央醬好食第3樣係椒鹽豆腐， 外脆內軟，咬落去，個豆腐仲做到好滑溜嘅效果第4樣係印度薄餅，薄餅多層酥脆，口感好好，配埋個醬好夾第5樣係話梅巴樂，巴樂新鮮爽脆，加埋啲話梅粉調味， 一啖接一啖，好快就食曬成

在sogo返工的我，經常會幫襯金百利中心吃午飯，今日和同事一起過來試新嘢😚卡位坐得相當舒服，上菜速度也快。咖央多士脆卜卜的烘多士，夾著厚厚的牛油和咖央醬，大件飽肚又漂亮。外脆內軟，聽到鄰枱也有叫，更說比x媽媽更好吃。亞參叻沙口味好新穎，竟然材料有甜菠蘿🍍，加入魚肉幾特別，另外有洋蔥和青蔥芝麻作佐料。雖然很簡單，但加上油面和米粉索盡精華就十分滋味。湯頭充滿魚香，不會過咸，反而連菠蘿同吃，甜甜酸酸挺開胃，沒有吃到有啥辣味，只屬輕微。咖哩角精緻細細個一件，有點可愛。咖哩味出眾，肉涵味濃。香茅豬扒煎旦葱油飯份量可真大，豬扒煎得金黃，且有濃厚的香茅味，肉豆沒有草青，炒得翠綠。賣相出色，大豬扒入味吸睛又巨型，肉厚有嚼勁卻不肥膩，煎旦火喉剛好，和蔥油加飯是絕配，這價錢真是超值良心價。食後感:同事用openrice pay埋單,85蚊就買到100蚊現金券用😋抵喇👍🏻

同朋友夜晚去食，叫咗一人一個餐、一杯野飲同一份小食，已經食飽，啲野食整體都好好食！.【爺爺海南雞配油飯 $68】朋友叫咗呢個餐，啲雞好嫩好滑，啲飯好有油香，最抵讚係佢拌碟嘅四季豆，有用蒜茸炒過，估佢唔到咁爽脆👍🏻 .【馬來肉骨茶 $70】我本身都鍾意食肉骨茶，佢呢個都無令我失望，仲配咗少少油炸鬼，鍾意食辣嘅人一定要加啲辣椒！加完好好飲，但佢啲辣椒真係幾辣，唔好落得太多😂 .特別要提佢擺咗原隻大蒜頭落去，我地以為係吊味，點知店員提我地舊蒜皮剝開皮係食得，好新奇😂 食落幾軟綿，夾住啲蒜香同湯本身嘅香味，都幾特別！.另外所有餐跟野飲都係半價，朋友就揀咗烏龍茶，佢係一樽樽果啲，都幾香；我就揀咗泰式奶茶，好有茶香，而且唔會好甜，都唔錯👍🏻.【印度薄餅 $48】呢個好推薦，薄餅加埋個咖哩醬好香口，個咖喱醬好出色，香濃得嚟又唔會好辣，下次一定試埋佢啲咖喱！.價錢都好親民，我地用咗OpenRice 個現金卷優惠，埋單一人$100都唔洗，好抵！.佢個環境係非常乾淨舒服，啲裝修都幾別緻，少少文青feel，個店員仲好幽默又健談，仲主動提我地餐具喺枱側邊個櫃桶～

同朋友去左銅鑼灣行街搵食，仲用左OpenRice 現金卷，好抵，等於有85折！好好食，CP值好高！📌爺爺海南雞飯拼新加坡叻沙🇸🇬$88（用現金卷有折）雞飯，啲雞好嫩滑多汁，海南雞醬汁好味到不得了！叻滲可揀油麵/米粉/滲滲，我揀左滲滲，好吸湯好正！📌香茅豬扒煎蛋蔥油飯配肉骨茶$88 （用現金卷有折）豬扒相當厚肉，肉質軟嫩，好香，配煎蛋🍳蔥油，好滿足！肉骨茶勁香勁正，好足料，尤其啲冬菇，勁香！😍

朋友話起Open Rice 購買左現金卷100元有8.5折優惠。約埋一齊去銅鑼灣試試新野食！餐廳位置好方便，起sogo 附近，座位都好舒適。餐廳主要係馬來西亞餐為主。幸好去唔到馬來西亞，可以滿足下當地風味！海南雞飯配叻沙滲滲加香濃凍咖啡套餐，抵食呀又飯又粉，雞好滑配薑絲，特出味道，飯係油飯，好香！檳城椰香咖哩雞飯配肉骨茶加薄荷青瓜梳打，椰香味加上咖哩好濃味，配飯一流，肉骨茶加上油條吸曬的味，如果胡椒味再重的就更好！薄荷加青瓜味的梳打水好清新，可以去除濃郁菜式！

放工約咗舊同事喺銅鑼灣食飯聚舊， 見金百利新開咗間馬來西亞菜就入嚟試下🤤因為大家都唔係好肚餓，所以我哋就叫咗個雙併同埋小食share！雙併：爺爺海南雞飯拼馬來肉骨茶($88)既然餐廳名叫爺爺雞飯梗係要試下佢哋嘅招牌雞飯啦，嫩滑又有雞味嘅雞肉搭配上三款醬汁！雞肉全部起晒骨，估唔到連雞翼都係，入口啖啖肉真係好細心！油飯粒粒分明有雞油嘅香又唔會覺得油膩👍🏻肉骨茶有好多配料，重有濃郁嘅藥材味！蒜頭粒吸收哂湯嘅味道好香濃，仲有冬菇、腐竹、豆卜同金菇！豬骨份量都唔少！再配上油炸鬼、辣椒同黑醬油，可以根據個人喜好加入湯裏面❤️雖然話係一人餐但其實份量一啲都唔少，相信大食嘅人都食得飽😆椒鹽豆腐($34)薄薄的脆漿包住非常嫩滑嘅豆腐，炸到外脆內嫩，灑上非常惹味嘅炸蒜粒，有乜可能唔好食🤤馬來春卷($28)又係熱辣辣脆卜卜上枱，雖然餡料全部都係蔬菜但係食落好juicy又香口😍桔桔($22@)跟餐其中一杯有半價，有桔仔嘅酸味又有蜜糖嘅清甜，酸酸甜甜好適合用嚟解熱氣🧊食物唔錯價錢又唔貴，下次可以再嚟試埋其他嘢食😚

醒神開胃嘅亞參叻沙🍀😋🍽難得放假去了一年一度崇光感謝祭～久違了嘅人山人海，市面逐漸恢復熱鬧🤩行到攰過隔離金百利廣場搵食，朋友情有獨鍾揀咗新開業嘅「爺爺雞飯」~ 正呀可以食叻沙😋原來個佢喺OpenRice買咗餐廳現金券，變相有八五折👍🏻，非常抵食！🍀爺爺海南雞飯拼亞参叻沙滲滲套餐$98難得想食嘅菜式竟然也有雙拼！海南雞飯賣相精美，三款蘸醬各有特色。其中薑蓉味道做得最好。海南雞件肉質嫩滑，油飯又香又軟熟。😋🍀亞参叻沙亞參醬獨有嘅味道，酸酸辣辣香味十足，仲有新鮮菠蘿片和檸檬葉，令整個湯底清新酸爽，開胃醒神。叻沙主要材料用上辣椒蕃茄沙甸魚~配搭新穎，味道有驚喜！原來這種食法特別惹味!揀咗滲滲，油麵入口滑嘟嘟，幼身米粉又夠爽口，雙重口感！同時吸滿亞參湯底，絕對令你愛上😍🍀泰式奶茶(凍)茶味唔算太濃，不過都飲到泰式茶葉獨有嘅香氣。🍀椰汁班蘭冰椰汁味也不算濃郁，還好不太甜，炎炎夏日透心涼！🍀新加坡叻沙有別於阿參湯底，椰香味較重，而且有濃郁的海鮮味道。大蝦啖啖肉，仲有豆卜，雞蛋，魚蛋…材料十分之豐富。份量也比雙併嘅大一點。🍀追加了「咖央牛油多士」小食咖央和牛油總是多士嘅絕配，一啖入口夾雜着牛油和椰香，

雞癮發作，於OpenRice看到一家海南雞專門店現金卷正做八五折優惠，立即買下來在這週末光顧餐廳位於食肆林立的金百利中心，一出電梯便看到一大幅爺爺跟海南雞的壁畫裝潢別出心裁，以湖水綠和雲石互相襯托，感覺柔和午餐爺爺雞飯拼新加坡叻沙的海南雞用上了馬來西亞陳氏雞飯獨門秘方炮製，雞件嫩滑多汁，沾上黑醬油、酸辣汁及薑蓉，下一碗油飯也不夠爺爺海南雞配馬來肉骨茶的肉骨茶湯頭鮮甜，散發藥材香，肉骨經過醃製後特別嫩滑，肉味香濃惠顧主食可半價加配飲品！焙火烏龍茶醇厚甘韻足，飲後回韻無窮黃金大麥茶清香宜人

來試新店，兩個人點咗三項四款食物，因為其中一項是組合，味道幾正宗。椰香咖喱雞配肉骨茶有三款主食都可以優惠價配埋肉骨茶，我們挑了檳城椰香咖喱雞配肉骨茶，咖喱濃郁羔羔的，幾香，味道好，配白飯非常㚒。肉骨茶配幾粒紅辣椒，我以為好少事全部落晒，估唔到好辣；肉骨茶味道幾好唔太強，最好就係啲肉骨頭仲係幾好味道，食過好多間啲肉骨頭已經煲到冇晒味。爺爺海南雞配油飯是招牌必定要試，肉質很嫩，完全唔嚡，湯清清的，油飯非常香，好好食。點多個小吃，因為懷緬在馬來西亞食的叄巴蘿蔔糕，這個真是做得好，有當地風味，正呀！有着數值得一提，在 OpenRice 即時買$100優惠券有八五折，如此亦可以用openrice 再賺分，近排我周不時用，好好用

🤍銅鑼灣。馬來西亞老店的傳統滋味🤍...忙碌上班的OL日常，最喜歡在午餐時間找間美味餐廳補充一下早上用腦的時間。今天同事介紹我這間在金百利商場樓上的餐廳cp值好高的『 爺爺雞飯』 餐牌上寫著店家的故事，食譜原來是來自一間馬拉老店，在1938年已經在馬來西亞開業.如果吃馬來西亞菜我就會想吃 😋海南雞飯和肉骨茶但ㄧ個人無法ㄧ次叫兩份🤣吃不完不過這家餐牌居然可以一次完成我兩個貪吃的願望 「海南雞飯配肉骨茶」海南雞採用三黃雞，雞肉質感嫩滑、脂肪豐滿，油飯煙韌粒粒分明。搭配的三種醬料是自家秘製；薑蓉是每天用新鮮薑磨製成、辣醬即加入了馬來西亞桔仔，辣味溫和易入口。黑醬油的味道恰好.肉骨茶湯底全是藥材精華以甘草、當歸、玉竹、南棗和新鮮豬肉熬製，另外加入原球蒜頭令湯更香甜，味道更香濃。肉骨茶湯搭配冬菇、金菇、腐竹、豆卜和豬肋骨排並配上油條，配料非常多。 他們家肉骨茶真的好出色😲👍🏻👍🏻👍🏻✨.另外我還點了 「馬拉沙嗲串燒」肉質嫩多汁，配上的沙嗲汁好惹味 .「話梅芭樂」 這個可是我台灣人愛吃的方式 ， 芭樂配話梅粉，酸甜爽脆口感，剛好可以將剛剛的食物解解膩。. 「泰式奶茶」 奶香濃醇，甜度剛好。 ..這