爺爺雞飯 (金百利中心) (已結業)

真係太愛海南雞，之前亦到訪過城中好食海南雞，聽講新開嘅呢一間都有番咁上下水準，當然又要去試下究竟😋🐔爺爺海南雞拼馬拉肉骨茶 $88當然就要一試佢哋嘅招牌海南雞飯啦，雙拼兩款，雞嘅份量都唔少呢😄呢度嘅海南雞真係好好食😚，皮脆肉嫩又juicy，又去晒啲骨，食落啖啖肉😍，蘸少許濃稠嘅甜豉油，再配埋個油飯，真心唔錯，食完都唔會有油膩感。😙🐷馬拉肉骨茶都好好味，最鍾意嗰種藥材香味🥰，都好足料，有兩舊排骨，肉質軟腍又帶有點脆骨，有腐竹，冬菇同金菇菜，大豆卜，全部都很索湯，一路食一路飲埋啲湯😋🍲爺爺海南雞拼新加坡喇沙 $88摻摻即油麵加米粉，很掛湯，喇沙湯濃郁，有點椰香味，帶點微辣，豆卜又好索湯，不知不覺連湯都飲埋☺️如果係大食男仔嘅話🙈，極之推介食呢一個，份量超級足，食完係超飽呢🤭🧈咖央多士 $16睇見舊牛油就已經想一啖吞落肚，牛油同咖央醬嘅配搭真係好夾，外脆多士配軟滑牛油🧈，令人難以抗拒🙈🥰🧋泰式奶茶 $8泰式奶茶本身偏甜，我哋唔鐘意咁甜就叫左少甜，調岀嚟味道剛好，入口順滑，茶味都岀，整體唔錯♥️總括嚟講，海南雞算岀色，亦坐得舒服，性價比算係幾高👍🏼。

位於姜濤灣金百利廣場，朝聖完之後就去食個晚飯，有意外收穫！裝修雅致、光猛，座位舒適。主食：爺爺海南雞配油飯海南雞好嫩滑，份量都好足夠，配埋香口既黃油飯同鮮味雞湯，成個餐食得好滿足！主食：檳城椰香咖喱雞飯（+$5轉油飯）值得一讚係佢原煲咖喱上，所以保留到熱度同辣度，椰香味同咖喱味都好濃郁，將油飯淋小小咖喱汁再成啖食就超正嗱！小食：椒鹽豆腐外皮有炸蒜加口感，內餡既豆腐就好滑溜飲品：泰式奶茶飲品：焙火烏龍茶

做完野諗住食個early dinner一排無食過星馬風味既野見到哩間新開既鋪頭有啲套餐可以一次過幾哂幾款野橫掂肚餓 試下無妨—————————————————————爺爺海南雞飯X新加坡叻沙 滲滲（$88）望到有兩款喇沙 就問店員有咩分別都好有耐性咁解釋番 話新加坡喇沙就會椰香味重啲亞參就會係酸酸辣辣啲我地最後揀左哩款米粉同油麵既份量甚多配料有蛋 蝦 魚片 豆卜 芽菜面頭洒上左少許芝麻香葱湯頭頗為濃郁海南雞肉質嫩滑無骨油飯濕潤油香味頗濃 跟埋三種醬汁 分別係甜豉油 薑蓉 辣醬 配飯都唔錯檳城椰香咖哩X雞飯配肉骨茶 ($88)細細煲但材料豐富湯底藥材味濃郁 排骨軟腍冬菇金菇枝竹同豆卜入哂味咖喱濃香微辣 稠度岩岩好 配飯一流雞件同蕃薯就正正常常泰式奶茶(凍）($10)茶味頗香 入口滑溜 唔會太甜桔桔（凍）（$11）檸檬水加青檸 酸酸甜甜幾清爽———————————————————————宜家疫情關係 好多鋪頭都會為左坐多啲客間板間到好迫人哩間就好坐得好闊落環境乾淨企理店員既服務態度亦好

以前喺銅鑼灣返工 成日去金佰利食lunch 呢日行街經過見開咗新餐廳 即管又去試下😌#爺爺雞飯 舖面唔算好大 但係以卡位為主 好闊落 而且裝修以淺色木系加湖水綠為主 牆身仲有小花朿等佈置 有啲cafe感覺💕▪️爺爺海南雞配油飯招牌海南雞 lunch set$65相當抵食 雞件肉質嫩滑 份量都唔少🐔去骨得嚟好有誠意 連雞翼都係去骨 三款醬汁都好味 尤其酸辣汁加咗青檸 口味更加清新🍋特別一提餐湯唔係味精湯 飲落帶少少藥材味 好順喉 正❤️▫️香茅豬扒煎蛋蔥油飯豬扒原塊上 如果有需要可以落單同店員講碎上 就會幫你切開先👍🏻豬扒好入味 濃濃香茅 肥瘦均勻質感軟稔 將蔥油/蛋汁/甜豉油撈勻啲飯 雖然邪惡但係滿足感爆燈🤤▪️脆皮叉燒包▫️椒鹽豆腐▪️馬來春卷三款都係隨餐追加嘅小食 炸過嘅叉燒包原來都幾特別 口感外脆肉軟🥢表面脆卜卜但又唔會太油膩 而椒鹽豆腐同馬來春卷都好香口惹味凡order lunch set都可以有飲品半價優惠 我哋就揀咗泰式奶茶同香濃咖啡 另外仲有啲泰式特飲椰汁班蘭冰同薄荷青瓜梳打等等🍹呢餐兩個人埋單都唔洗$200 真心抵食🪄

滂沱大雨下嘅星期四，搞到人哋好鬼狼狽，係飢寒交迫之下，在銅鑼灣搵個地方食 lunch 非難事，就去金百利昅下有乜嘢啱食。發現新上場 @爺爺雞飯小店裝修新淨，夠光猛，以卡位為主，就算我一個人嚟都坐得舒舒服服。服務態度正面，店員對客人有禮。雖然小店主打海南雞飯，但還有其他星馬菜式。但我個人一向好專一，二話不說就揀咗爺爺海南雞飯配油飯 $68份量適中，幸運地是全去骨鷄脾加一隻去骨雞翼 😍鷄皮相當油潤，鷄脾肉細嫩香滑，有彈性，皮下脂肪不多，加埋蒜蓉醬、辣椒醬和星加坡黑豉油，簡直係天下無敵。雞油飯本身有香茅味，粒粒分明不黏口，油飯一向都是我的至愛，迅間已將它鯨吞。吃過飯後留慣喝一口清湯，一呷下渗出當歸藥材味，略帶甜味，頗有肉骨茶的影子。咖啡 套餐價 $9 估唔到幾蚊都有杯即磨咖啡，咖啡溫度足，香濃偏苦，不酸就啱我，依個價絕對飲得過。

今個月要返銅鑼灣返工，因為要準備Sogo thankful week 💪🏻💪🏻💪🏻💪🏻銅鑼灣同事講有間餐廳新開，個海南雞好好食，好滑！今日一於嚟試吓有幾好食🤭🤭🤭⭐️爺爺海南雞配油飯⭐️$68雞好新鮮，肉質好腍淋，仲要無大量脂肪，清晰可見雞皮同雞肉，時間掌握得岩岩好，無太老，仲有油飯配埋碗蔬菜湯，好夾👍🏻👍🏻⭐️馬來肉骨茶配白飯⭐️$70 職員一攞嚟既時候，已經聞到好濃烈既藥材味….香噴噴😍😍試飲啖湯先….嘩，係我鐘意既藥材味，同容易接受！入面大概有3-4 舊豬骨，豆卜，金菇，枝足令我最有驚喜係一粒原原整整既一大粒蒜頭🧄在入面.. 心裏心大心細諗緊食唔食之間，同事問我攞嚟食，咁即係等佢試左先🙈🙈佢話好味，我先試吓，原來蒜頭🧄煲淋既感覺個質地似薯仔，粉粉地😆😆⭐️咖央多士⭐️$32外脆內軟，夾埋舊牛油🧈好食到😍😍😍😍一口氣食左3 件😂😂😂呢餐飯又令我增磅😅😅

同朋友去CWB食lunch 佢話新開左一間海南雞睇到menu都覺得好正 一set佢叫左海南雞 喇沙..我叫左海南雞 肉骨茶..海南雞既薑唔係好夠味...雞都好滑肉骨茶都好好飲..不過之前食開果間 會有豉油點辣椒呢間好似無豉油? 得辣椒 (定係我唔識另1種食法)覺得一SET 又有肉骨茶 又有海南雞飯好抵食而家仲有$8 Coupon黎緊會同朋友再去食(因為我遲去 我叫FD幫我叫凍檸茶 但原來有其他野飲 下次會叫其他野飲)

每次經過金百利都會有姐姐派傳單，好熱情咁推介餐廳！咁岩我哋又煩惱緊食咩就見到呢間嘅傳單～～餐廳感覺好清新乾淨我哋想食海南雞，又想食肉骨茶原來呢度有雙併的可以一次過滿足哂2個願望！海南雞飯併肉骨茶首先講下肉骨茶先，藥材味好香好突出加少少辣椒粒一齊食，味道更正排骨好軟腍有彈性海南雞係完全無骨的連雞翼都起埋骨雞肉好嫩滑，好食過好多海南雞外賣店仲有油飯做到粒粒分明，完全無油膩感。如果嚟開銅鑼灣，真係要嚟食！印度薄餅薄餅非常酥脆再點埋馬來咖喱汁，好好味！咖喱汁唔會好重椰奶，反而咖喱香料味更突出，係我鍾意嘅咖喱三色併盤亞卡+椒鹽豆腐+話梅芭樂亞卡係類似泡菜，味道酸酸辣辣的芭樂好夠淋，味道清甜泰式奶茶

同事介紹話銅鑼灣有間爺爺雞飯，極具傳統東南亞滋味，一於約定老公今晚去試吓！餐廳裝潢別具心裁，外牆以油畫吸引睛，座位闊敞舒適。爺爺海南雞飯拼新加坡叻沙：海南雞採用 三黃雞，雞肉質感嫩滑、皮脆骨軟、脂肪豐滿、雞味濃郁。油飯煙韌粒粒分明，海南雞的三種醬料亦是自家秘製；薑蓉是每天用新鮮薑磨製成。辣醬即加入了馬來西亞桔仔，辣味溫和易入口。黑醬油的味道恰好。新加坡喇沙有濃郁的湯頭，配油豆腐、豆芽菜、蛋、蝦子及魚片，配上口感極佳的滲滲，是一碗兼具甜、鹹且微辣的濃濃湯麵。檳城椰香咖喱雞飯配肉骨茶：用十多種香料煮製而成的檳城咖喱，味道香辣濃郁帶椰香，溫順回甘。咖喱雞係採用雞髀肉，肉嫩多汁又入味，口感一流！肉骨茶湯底以甘草、當歸、 玉竹、南棗、新鮮豬肉熬製 2 小時或以上，全是藥材精華，另外加入原球蒜頭令湯更香甜，味道更香濃，還有有冬菇、金菇、腐竹、豆卜和豬肋骨排，並配上油條，十分足料。凍咖啡，凡惠顧主食，飲品有半價優惠

1938年嘅雞飯食譜！叻沙🍜肉骨茶🍖全部都極抵食！-係人都知，咖央多士係新加坡菜必食，但果到太大份抵食，田中果日食到脹卜卜，甜品胃都食唔到。餐牌上寫住店家嘅故事，食譜原來係來自一間馬拉老店，1938年已經係馬來西亞開業，真係唔簡單。-🍗爺爺海南雞飯拼亞參叻沙 ($98)1️⃣海南雞係呢到招牌，雞件多汁，嫩滑油香，沾上黑醬油/酸辣汁，爬哂一碗油飯都唔夠。2️⃣而亞參叻沙唔同一般叻沙，味道濃酸辣，非常濃味，同時配上海量魚肉，散發魚鮮香。🥘檳城椰香咖哩雞飯配肉骨茶 ($88)1️⃣先講肉骨茶，湯頭驚喜地鮮甜，散發藥材香，肉骨經過醃製，出奇地嫩滑，肉味香濃。2️⃣而檳城咖哩雞飯非常足料，啖啖無骨雞件，加入香甜蕃薯，非常特別。🍖脆皮叉燒包 ($18)呢到推介之一，基本上類似炸饅頭，將叉燒包炸到極脆口，外脆內軟，非常邪惡。🫓印度薄餅 ($48)大馬人最愛，酥脆薄餅煎香，沾上濃香咖喱，非常香口，又帶有煙韌。🧉椰汁班蘭冰 (+$15)、🍹薄荷青瓜梳打 (+$15)同時有唔少星馬特飲，其中椰汁班蘭冰真係必叫，椰香十足，又非常解渴。👍🏻8/10

閒話少說入正題下午茶海南雞飯58圓，唔包飲品。 （問左侍應午餐同下午茶份量一樣）雞整得算滑同冇雪味，而且夠入味，係中上之作。但份量非常少，都係啲頭頭尾尾放埋一齊。（應該想博客人叫多碟小食）男士一定唔夠飽，女士可能夠。同埋呢間店冇得加錢轉雞脾，其實咁樣係醒既，佢可以用盡啲雞既下欄位。飯就好好味，有好香既班蘭葉味。湯就唔夠熱，冇煙既，真係「唔湯唔水」總結：一定冇翻頭，份量太少了， 食飽係卑微打工仔最基本既要求。

母親節午餐自己一個人唔知食乜好，好啦，金百利一定有嘢食，原本諗住去5樓，但係睇到7樓間爺爺雞飯，唔知幾時開既，從來都無留意過。今日唔想食辣野，就試吓呢間啦。入去得小貓3-4隻，以為中伏。不過坐低左唔好意思走😅 所以點左個午餐試吓，服務員話母親節飲品免費。好，咁我就試埋個奶茶啦，希望唔會浪費我既quota。海南雞飯餐來左，跟個湯，油飯同埋有D豆伴碟。睇樣正正常常咁，點知個雞肉竟然好嫩滑而且有雞味 個油飯有味道得來唔會太油，怕肥既女仔好似我咁都食到，最緊要係D飯係靚米同埋唔係嘅嘢飯。個湯比出面既好飲，除左雞味，仲有D菜同埋似係用左D藥材煲，有淡淡既黨參定係當歸味道，有D肉骨茶既感覺。講吓個3種醬料，食海南雞一定要醬料好味。薑蓉夠薑唔太辣咸味剛剛好，個辣醬最Surprise，我相信係店主自己整，因為同平時外面食到既多左D香料同青檸（應該係，我信我條脷），而且唔係偏甜嗰種，最怕D辣醬唔知點解好甜。最後係伴碟D豆，竟然好好味，想問佢可唔可以加D比我，哈哈，不過面皮唔夠厚！其實如果個餐可以多個Option比D客人加錢加個油菜就好喇！女仔好鍾意食菜架嘛。泰式奶茶就不過不失，茶味未夠特出，同埋未夠香滑