爽爽麵店 (已搬遷) 新店位置

爽爽唔好話劣評，連一個「OK」都冇，入到元朗當然要去試一試。入到去有咁啱有三個位就即刻坐底。伙計們都好有禮貌，亦都好耐心咁等我地諗想叫D咩，服務非常之好。我既豬扒河來到，覺得個樣有少少古怪，唔多似平時D豬扒，感覺上好似一層層咁。唔理三七二十一，食左先至講。個豬扒非常之鬆化而且好入味! 食得出唔係用鬆肉粉，而係因為個豬扒夠靚夠新鮮，食落去真係好似有一層層咁。味道唔會話好咸，而係啱啱好，好無敵! 香港人用「豬扒」形容又乾又唔靚既女仔，但係爽爽既「豬扒」就完全唔係依回事。試左試媽媽的醉雞。肉嫩滑得來夠結實有彈性，最正係那厚厚的雞皮，正。酒味唔太重，但其實淡淡的幾香。冇個豬扒咁正，不過也值得一試。爸爸叫左撈麵，所以最後飲左少少佢個湯，幾清甜! 下次再來，決定要叫豬扒撈。

睇到呢到呢食評..個個讚好..今日決定去試下!本來都要搵下呢間野係邊到..點知一見到.........原來平時我成日都行過..只不過係唔覺眼有一間咁好食既麵店..佢既外表殘舊且平凡....但原來都好多人去!我去到仲要等位..等左5分鐘到啦...醉雞拼雲吞麵 $27 醉雞超正!但有d unun地..!雞腎好爽口彈牙!麵就都係普通果d麵..不過加埋d醉雞既汁就一流!! 雲吞都係一般 過得去 豬扒拼水蛟河 $24 豬扒都OK..但我就較鐘意醉雞多d..不過豬扒既味道幾特別..值得一試!!水蛟都係過得去既!其實我認為價錢較貴..應該包埋野飲會好d不過味送搭夠..會再去多次

昨天專誠入元朗搵野食，當然事先在O R 搵料啦！之後第一站就係爽爽，看門面裝修又很舊，既然來到就當然一試啦！點知真係名不虛傳，醉雞+猪扒米粉，食到湯都飲埋，想留肚食其他都忍不了口，正……是次消費三十五大元

我都喺睇到食友嘅食評先知呢度有好嘢食,may 10, 09嚟,元朗呢part最唔熟,沿路都要問吓人,嘩,要排隊呀...............等咗<15分鐘,叫咗 : 1) 菊花茶 (hk$7)-等咗小耐,所以即刻叫番杯嘢飲先-幾有菊花味,似維記嗰隻味,不過就無佢咁甜-都不錯 2) 醉雞豬扒麵 (hk$35)-知道呢道最出名喺醉雞同豬扒,所以就叫咗雙拼,1次過試晒佢-先上醉雞,1小兜仔盛住-d皮都幾肥喎,所以全部比我丟開1邊-肉真喺好嫩滑,肉質都結實有彈性,最喜歡就喺明顯嘅花雕味,但就無苦,難得,亦因為咁被酒味搶晒,都唔多知有無雞味-味道惹味,只喺略嫌鹹咗少少-原來底下內有乾坤...........藏有雞腎,真喺估佢唔到,雞腎都爽架-之後豬扒就同麵1齊上-豬扒有質感,唔"鞋"唔乾,唔"un",都算有質素,醃得亦入味,做得已不錯-不過同醉雞比,我下次都會encore醉雞-個麵入口都爽,因為鹼水夠嘅關係..........所以亦食到鹼水味-另外,好多人叫伊麵,下次我都要試吓 * 估唔到近乎3點會有6-7人輪候........佢哋都喺熟客,唔喺睇咗鱔稿嚟嗰種。當日似喺得我1個第1次嚟

北上工作當然比之前辛苦，而且少了時間出外搵食，幸而元朗區也有不少美食，某日放工後就邂逅了這店。門面太樸實太普通，實在多得KC的食評才留下一點印象，一試才知乃潛龍臥虎之輩!　記得KC推介醉雞及豬扒，餐單也將這兩項列為招牌，每樣來一碗準錯不了。醉雞米線($25)先上，醉雞與米線乃是獨立分開上檯，雞件沉浸在花雕酒中，食味極為清香，而肉質偏生嫩滑得來不會血腥討厭，質素很好。豬扒米線($21)也來了，豬扒是一望而知的新鮮香嫩，吃下去更發現扒中是間著少量肥肉，當然比淨瘦肉有吃頭多了，實在美味難怪KC也大讚。　最後別忘了細細品嚐米粉，雖為配角，可店方用上雞湯去煮，吃得特別入味，我這可憐不能多吃豬扒、醉雞的病人，單靠一碗雞湯米粉，也得到不少滿足及飽足感。　而吃著吃著，怎的發現店主在收舖了?原來此店只營業至每晚七點的!只得講句：幸運是我們，可以趕得及在收舖品嚐一頓美味滿意晚餐!

正月初七‧晴 元朗尋吃之旅的最後一站，就是來吃這裡的醉雞及豬扒。老實說，吃醉雞只是「搭單」，吃豬扒才是我此行的要點，因為傳聞這裡用上新鮮豬扒，也醃得美味鬆化。自問弄此味也有一手，自然想會一會這裡的出品。 十二時多來到，座無虛設，而這裡的舖面也實在不大，容納不了很多的客人。還好我只是獨自一個，很快便可以安排坐下。吃什麼已經一早鎖定，就是醉雞豬扒撈米粉。 先來醉雞，這裡的是用另一小金屬碟子盛上的。看其運作，似乎醉雞又跟豬扒及麵檔那邊是獨立經營。先吃醉雞，酒味不太重，但有香味。雞肉很緻滑，雞骨中帶紅色血水的，雖然是偏生了一點，但於我而言，卻是剛好。見雞皮厚厚的，當然不用考究是新鮮雞與否，新正頭連我也沒有把握去拿新鮮雞，出外吃飯也要適當的將要求降低。份量足，而墊式還有幾件醉雞腎，非常好吃，滿意； 醉雞不錯，豬扒又如何？水準又真的是十分之高。吃一口，肉質鬆軟，肉味香濃，果然是新鮮貨。只用簡單的醬油及蒜頭去醃，味道已相當足夠，也入味非常。可以這樣說，是以前上環科記的高水準。在外吃此品也真的多，吃得到如此滿意的，真的少見。而墊底的米粉，配角而已； 加一杯熱咖啡，埋單36蚊，食物水準高，很值得一試。

星期日揸車入天水圍時專登入元朗外賣半隻爽爽醉雞, 一間毫不起眼既小麵店賣$90半隻醉雞價錢都幾貴, 不過打開個盒見到個SIZE都幾大, 而且味道又好, 自然覺得物有所值, 講返隻雞, 好有口感, 一食就知用新鮮雞, 我個人唔好酒味, 所以覺得爽爽醉雞酒味剛剛好, 唔會太苦澀, 不過隻雞都幾肥, 下次有機會想試下佢既豬扒

果次我同朋友order 左醉雞豬扒撈米真係好正, d 豬扒好新鮮... 呢間野好有家庭feel.好多野賣晒就無, 另外值得一提就係杯凍檸茶0既茶底係用靚紅茶正呀

24Nov2007 1423像我這個極度外人得知這間食店的途徑，都係留意多一點像我不起眼的東西，跟大圍只會有大圍的見識。這裡出名的就是醉雞及炸豬扒，就點了這雙併，醉雞用一小碟不銹鋼載著，除肉之外，骨裡面還是紅色的，新鮮雞即使被有少少苦澀味的花雕酒，仍然食到其鮮味，相信酒只係不太靚及份量落得稍為重，而豬扒亦係新鮮的，炸得相當鬆化及入味，我很不聽話點了麵，都幾重梘水味，這裡如果選擇撈類最好係米粉。30幾蚊有如此水準，點會只得喊面或ok呢？

又再發掘元朗區好味的食店,下午飯時間到此店一行,這間小店真是迫满人,很擠迫,所以大部份人都是叫外賣.等了五分鐘,有位了,即刻坐下來點了以下:1)雙拼麵撈- $362)雙拼麵 -$33雙拼是醉雞加豬扒.這間店主打得兩味餸,醉雞和豬扒.值得一賺,佢地係用新鮮豬肉,豬扒是半肥半肉,夠味之餘,煎得唔會太乾,又唔會太咸,好香好香.其實好有住家FEEL.醉雞用細細的碟仔分開上,我以為份量好少,但都有四至五件,入口好香,好有酒味,但肉質不是很嫰滑,超有咬口,好明顯又用了新鮮雞,但雞味就毋乜.可能今次有少少失準吧.麵都好爽口,湯是味精湯吧.一隻醉雞價錢要$180.半隻要$90,例要$50,新鮮雞,其實好抵,可以外賣返屋企享用,位位食客都是享用埋醉雞汁,我就怕怕了.雖然好味,但太肥了.好多食客係一隻半隻噤享用,可見其味道頗愛歡迎.呢間可以再ENCORE.

住元朗多年，一直沒有留意此店，因該店實在好「鬼祟」又不起眼，反而一位住天水圍的朋友極力推介，故專程前往。去到已有多人排隊，但可以取飛等叫埋位，心想一定有料到！叫了一碗醉雞河、一碟醉雞撈麵和油菜，醉雞以豉油碟盛，起初以為得好少，但食落發覺都幾多件，又有雞腎塾底，好好味，真係連汁都飲埋！河粉好爽，而麵方面，麵質比一般雲吞麵舖好味，本人甚至覺得比之前試過某間在深水埗非常有名的蝦子麵還好味，湯又清甜，下次一定會試試大家推介的豬排。

本身住元朗幾年，都係近排先知呢間野...個個都話好正，SO FAR去過3次第一次放工8點度番到元朗,已經關左門!!朋友話日日都收7點...果然唔憂做第二次於星期日晨早流流去幫襯午餐,舖仔細細,真係好多人,等外賣既都唔少由於朋友話呢度最出名係醉雞同豬扒最後買左外賣:豬扒河,同醉雞米比老媽子D豬扒真係好正!唔知佢點醃出黎,真係好入味唔知係咪拎番屋企途中稔左少少,不過OVERALL都係正河粉就不過不失啦媽子就好BUY個醉雞,我食左件,好入味雞味好鮮,不過本身唔太好酒,所以覺得酒味好似太濃...不過阿媽就話好正囉仲係咁催我下次去斬料番黎第三次又係星期日差唔多時間買買左豬扒河同淨醉雞但今次D豬扒真係...味道同上次一樣，但問題係D豬扒好多舊都唔係肉，係成舊肥膏黎既....而且又一切到一PAT咁,上次切得好靚架嘛唔知係咪時運低...不過家人依然對醉雞讚不絕口下次唔知可唔可以同佢講明要瘦肉唔要膏...

之前朋友介紹~~~咁星期日同女朋友去果然冇老點~~醉雞好夠味~仲要係新鮮雞tim ar~~而家好難得仲堅持用新鮮雞~值得加分~~女朋友食左個豬扒面~d 豬扒煎得岩岩好~~好有口感~haha~~下次再食~~~~

叫左醉雞米粉外賣。今次係第二次食，第一次係耐到openrice都未有XDd雞肉真係好香酒味，肉質爽口架。外賣係一碗粉，另外放醉雞。食果陣，我將d醉雞汁倒埋落碗米粉入埋。d米粉索左醉雞汁，成碗野都好好味。可能哩個係爽爽既意思，因為碗米粉本身冇乜湯。不久既將來我又會幫襯多次。

元朗區內出曬名的醉雞麵店，一碗麵另上一小碟醉雞，好好味，酒味夠，肉質嫰滑，入口酒香味久久不散，令人食過不會忘記。河粉很早就會賣完，所以要食河粉的話就早d去啦，但我覺得其實店內的麵的水準一般，主角還是那個醉雞。此於豬扒我食過一次，覺得都無乜野特別，其他食客讚不絶口說他們的豬扒好好味，我諗是見仁見智呢，或者是我食的唯一那一次失準吧！總之我每一次去幫親都會叫「一個雞河」(即醉雞河)！百食不厭！另一抵讚的是食店店舖地方不大，店外看以為是一般麵店，但食過發現其實地方頗乾淨的，另到飯客都食得很放心！