影片
附加資料
全新放題:日本料理、火鍋、即製甜品，超過200款美食二小時任飲任食
營業時間
今日營業
12:00 - 23:00
星期一至日
12:00 - 23:00
以上資料只供參考, 請與餐廳確認詳情
優惠
相關文章
放工同朋友去了悅來坊行Aeon，行完搵食，乘升降機時見到佢在2樓，於是就係咁就去望望，食過佢有其他分店，甜品個部分絕對推介，落單即做，今晚就點了套餐C，套餐內一次過食得到任食新鮮本地手切騸古牛，同期間限定乳山生蠔，原隻鮑魚等新鮮海鮮，而且還包括了升級大碗份量嘅即製甜品湯底可以選擇個人或一個大鍋同款口味，我們就選擇了一人火鍋，湯底要了冬陰公湯落單即上香濃冬陰公湯底，當然今晚要食就係新鮮本地手切騸古牛，上枱時大大碟，放湯入口肉質軟滑，脂肪均勻，油花比一般黃牛來得多且分佈細緻，滋味與香氣濃郁，還有澳洲M5和牛，肉質相當細嫩，配上細密的油花，口感細膩軟滑，吸收埋濃郁湯底，肉味更美味除此之外，還有口感爽滑嘅原隻鮑魚和期間限定的乳山生蠔，乳山生蠔巨型體肥，在湯內浸泡入口仍然鮮嫩肉厚肥美，任食追加，絕對是蠔控推薦!食物選擇之多，利用電子落單，食物一目了然，剌身種類多，刺身質素同樣新鮮，有喜歡食嘅帶子、赤貝、珍寶蝦、三文魚、希靈魚等口味串燒都十分出色，有燒鮑魚、燒鰻魚、燒台灣腸等特色串燒，還有上枱時會有個保溫盤keep 住個熱度今晚真係十分忙碌，落單追加牛肉外，還要留肚食甜品，當中推介就係芒果綿綿冰，綿綿冰入口香滑有香濃芒果味道，宇治抹茶芭菲，上面有香軟濃郁抹茶味雪糕，裡面還有煙靭丸子同脆脆，另一個超推介雪燕榴槤忘返，十分足料，一邊放了雪燕，另一邊就係新鮮榴槤，真係喜歡食榴槤朋友必食推介！紅豆椰汁凍芋圓，同樣出色內有煙靭口感嘅芋圓。本身以為唔夠時間食，星期一至四，還可以無限時任飲任食，就係咁食完停一停跟住又再重新再來！甜品真係可以有第二個胃處理😊飲品啤酒全自助任飲，外還還有自助火鍋配料，一個價錢確實超值抵食！
繼續閱讀
最近經過熊貓酒店就醒起上一次嚟尼度食飯嘅時候有呢個烤鰻魚🤤重要嘅係！佢嘅鰻魚係任食個囉！🤩🤤佢外脆内軟，肉質又勁鮮佢仲有勁多款冷盤小食比你，而且款色都啊唔係常見個啲咩螺肉啊，八爪魚啊可以實現雞腳自由真係好幸福🥰壽司都好新鮮，都無雪藏味，合格！🥰🤍🍣另外想讚吓嗰度有一個服務員姐姐，佢好有禮貌全部都會唔該前唔該後，而家香港真係好少見到咁有禮貌同埋服務質素嘅人，呢一樣係全餐入邊，我覺得最欣賞嘅，雖然唔知佢叫咩名，但係希望佢可以一直保持落去！激讚🤍🤍
繼續閱讀
最近又去翻呢間荃灣打邊爐嘅排隊小店牛之鍋😍估唔到今期佢哋竟然有新鮮本地手切切牛肉！🐄🐄🐄簡直食到停唔到口😜佢哋嘅任食新鮮本地手切騸古牛，肉質非常嫩滑，彈牙爽口，配上自己鍋煮嘅湯底，味道更加出色。你可以感受到牛肉嘅鮮甜，真係好好味！🐄🐄🐄好食到feel到d牛味係口入面留左好耐🤪🤪而家講講佢哋嘅海鮮部分，期間限定嘅乳山生蠔同原隻鮑魚都係必試！生蠔新鮮得無話可說，肉質滑溜，帶點海水嘅鹹味，配上檸檬汁更加提味。至於鮑魚，鮮嫩得一咬就化，真係好享受。🐟🐟再來就係三文魚刺身同大蝦刺身，三文魚色澤鮮艷，口感滑嫩，十分新鮮，大蝦刺身則肉質彈牙，鮮甜可口，食完真係令人回味無窮。佢哋嘅串燒亦都唔可以錯過，無論係雞肉、牛肉定係海鮮，燒得剛好，外脆內嫩，味道香濃。🐟🩵而且，呢間店用嘅食材完全冇雪藏味，解凍處理做得好好，保持咗食材嘅原汁原味❤️❤️❤️環境方面，餐廳嘅裝潢好有格調，音樂又舒服，真係好適合拍拖或者同朋友傾偈。職員嘅服務態度都好好，十分貼心，主動幫忙，反應速度快，❤️呢間出名嘅舖頭好唔好食？個個都知係冇得頂。🤣係就係成日都要排隊囉😜
繼續閱讀
上網揾到泥間有火鍋.刺身.串燒.一站式放題我地8個人但安排既坐位唔夠寬敞.而且兩個火鍋爐距離好遠.並且冷氣機有滴水情況.當時亦安排唔到其他位置🥲刺身新鮮夠凍火鍋爐有d細串燒選擇算多.仲有鰻魚
繼續閱讀
慶祝生日，想食好啲，貪心啲。想打邊爐，又想食放題，又想食甜品。。。 思前想後，今次去牛之鍋。牛之鍋店舖空間唔算大，所以自選區唔多，只有火鍋配料，火鍋醬料，飲品，少量甜品＋蛋糕。所以大部份都係坐定定，用apos落柯打就得喇！火鍋配料同醬料區，冇乜特別，都係啲菜、蕃茄、蘿蔔、丸類、菇菌類。醬料都係啲普通醬料。飲品區，相對就有誠意好多喇！有三款玻璃樽裝汽水（可樂、 雪碧 、忌廉），仲有自家製手打檸檬茶、羅漢果茶、地們果汁、罐裝汽水、台灣罐裝飲品，仲有幾款啤酒。套餐方面分A, B, C 餐。A餐最平，相對少啲嘢食，只有肉類。B餐有海鮮，有燒鮑魚，相對CP值高啲。C餐貴多少少，就有燒蠔，當然肉類質素再高啲啦！今次揀咗中價位嘅B餐。刺身泰式生，甜蝦，帶子，三文魚，油甘魚，赤貝，八爪魚，仲有其他幾款魚類都算新鮮。我哋叫咗兩轉。火鍋牛肉有安格斯，牛肩胛，羊肩肉，雞件，特選豚肉。牛肉，豚肉無限call 真係食肉獸天堂。海鮮有鮑魚，海蝦，青口，韓國肥蠔，大白蜆，魚片。鮑魚，肥蠔，大白蜆超正。炸物芝麻雞翼，每人至少2隻。串燒絕對唔可以錯過，店內有爐可以熱住啲串燒，保證串燒熱熱地。牛舌，菠蘿，雞脾肉，五花肉，肥牛，羊肉，台灣腸都好食。而且密密燒，效率高，又少漏單，抵讚。最後，真心推介佢啲甜品好少見放題有咁多甜品款式，而且仲要好食嘅！除咗自選甜品區有啲小蛋糕，布甸，雪糕，雪條外，仲有雪糕窩夫，幾款芭菲，糖水，燉蛋白，連芋圓，綿綿冰都有，真係頂呱呱。店員大多係年青人，手腳勤快，有活力有禮貌。唔怪得佢而家星期六都爆場啦！
繼續閱讀