牛一 (始創中心) (已搬遷) 新店位置

自從尖沙咀樂道分店執左後，好耐無幫襯，今日去左始創，叫左美國頂級肩胛肋眼牛，D牛肉油脂分佈適中，烚完之後牛味勁出，湯底點左木瓜海底椰白魚湯，奶白色好濃郁好鮮味，仲有好多湯料。晚市120分鐘真心唔係好夠喉😂

🥵飽到死都想再食系列🥵真係唔係講笑🥵而家一路寫食評，個肚都仲係仗着仗着咁，超級超級大大滿足😝話說同屋企人一行人6個去搵一間打邊爐爽一爽所以就book咗基本上一定唔伏嘅牛一牛一食過咁多間分店，水準發揮非常穩定今次嚟到太子始創中心地庫嘅牛一分店入到去嘅感覺，非常大，非常廣闊，枱同枱之間嘅距離好夠，唔會好迫，更加唔嘈我店員好細心，一坐低就即刻有四碟牛兩碟豬上枱基本上出去攞完自取打邊爐料，返到嚟就已經煲滾可以食得當然牛一嘅料嘅款式，唔算特別多但係佢每一樣食材嘅新鮮程度都非常之高而且唔會有雪藏味抱住個肚dump離開，超級滿足唯獨是一定要book位，因為真係太多人嚟食🫣🫣🫣🫣🫣🫣🫣🫣🫣📍Address📍: 香港九龍旺角太子始創中心地庫一樓B01號舖

Lunch食佢地放題好抵食，最平百零蚊一位，食過好多次次次質素都差唔多都唔錯，最平呢隻嘅牛都唔差㗎，佢哋嘅壽喜燒湯唔錯仲送日本雞蛋🥚仲有我最鍾意嘅乳酪雪糕食😁

朋友推薦我嚟來呢度食，原本抱有好大期望，估唔到咁難食。我嗌咗番茄豚骨湯同148嗰個餐，食第一片肉嗰陣已經覺得怪怪地，有陣好怪嘅味。一開始都唔係好在意，但係越食越怪；而且湯底好鹹，由一開始到我加左湯之後一樣咁鹹。鹹到唔想食第二啖，一開始以為係自己口味問題，但隔離枱嘅人都講佢鹹。而且嗰地下好黐立立，每一步都好似黐住。而且嘢飲種類都比較少，吃完之後覺得只有雪糕好食，但俾百七蚊食雪糕，我寧願去其他火鍋店吃。

今晚去咗太子始創中心，食牛一，任飲任食火鍋放題。以前成日食，而家人大咗，戰鬥力下降，食唔到太多，不過今晚心血來潮，再嚟任食高興下。記得以前全部餐都係只可以食90分鐘，而家牛一好好，有啲貴少少嘅餐就可以食120分鐘，.🍚美國頂級肩胛肋眼(壽喜燒湯底)美國頂級肩胛肋眼水準非常穩定，每一碟牛都肥瘦分明，呢款牛食落唔似和牛咁肥膩，唔會話食幾塊就飽晒，不過都有缺點，就係肉質比較靭，食得多個口會好攰。食呢一個價錢嘅套餐，仲可以升級無限任飲日本啤酒Asahi，都算抵食。.總括然而，120分鐘非常足夠，唔會話食到趕頭趕命，不過我建議可以食高一兩個級數，咁牛肉就會比較好食。

是日公司GER 請食Lunch ，本橘當然舉腳贊成啦，之後就去左做野附近的牛一食Lunch Buffet，太滿足了吧——11:30 準時泥到餐廳，因為好早就到了，吾洗等位就直接登記入座，叫左$138，90分鐘放題一入到餐廳就見到好新鮮嘅蔬菜區，有好多選擇，仲有平時街市賣得吾平嘅羽衣甘藍，見到可以任食Kales 就已經覺得抵左，仲未計可以任食牛肉，正飲品區有熱飲，冷飲，仲有嘉士伯任飲，正適合需要飲酒的呀Ger ，至於本橘來說，最高興嘅就係乳酸雪糕食啦雪糕有兩款，牛乳雪糕同乳酪雪糕，見到可以有得任食乳酪雪糕就係雙眼發光嘅時候，雖知道係外面食FoYo係有多貴，所以$138真心CP值爆燈同呀Ger 揀左木瓜海底椰湯底，牛豬雞任點任食，食材好新鮮，而且好乾淨，吾會係霉嘅肉，當然$138任食都吾能夠要求上等和牛，但係牛肉肥瘦分明，吾會過肥，所以好適合經常呻月巴嘅本橘，最後好似食左10碟牛5碟豚，真心認為非常抵食，的確要多謝有個好呀Ger

（始創牛一）來過無數次.品質與服務.都有一定嘅保證.火鍋配料種類都很多選擇.今晚啊女嬌食飯.牛魔王的我一於同啊女一行四人再戰（始創牛一）.我哋選擇的是美國特選級穀飼牛.肉質鮮嫩.牛肉有保證.未試過失誤！火鍋配料超級無敵多.可以話要乜有乜！還有的桃膠/蟲草花/淮山/萵筍/娃娃菜/蘿蔔/紫薯/番薯/還有各類型芝士魚蛋/豆卜/豆腐/可繁其多.多不勝數.數之不盡！還有冷熱盒裝及罐裝飲品.自助汽水機.樓宇雪糕等。

平日突然想食火鍋，諗住好難搵位，點知打去，7:30左右都馬上有枱。諗住可能會好伏，如果唔係，點解會冇人食呢？因為通常火鍋都大排長龍。一心諗住去試伏。去到見到佢哋有個套餐可以做到120分鐘任食。就試吓佢哋嘅頂級牛肩胛肋眼。只要加入Storellet 會員(免費)就可以減$10。原價$278, 會員價$268。會員仲有九折。所以買單每人都只係大概$265。呢個價錢同其他日式火鍋差唔多. 唔會話係太好嘅肉，但又未去到最差。首先佢哋侍應嘅服務態度好好。有耐性解釋每一個套餐有啲咩。解釋咗用電話掃QR code佢落order。一開始佢哋已經預先問我好唔好一次過比套餐最好嘅肉每樣4份俾我。諗住佢哋嘅份量會好少。點不知非常之多。嚟咗兩大盤，每盤都差唔多十幾塊肉。賣相唔錯。肉質未去到軟林林，但唔係太鞋，而且牛肉香味都唔錯。厚薄適中。佢哋嘅酸菜白肉湯，味道都幾濃。佢哋嘅自助區有好多唔同種類嘅菜，仲好新鮮。真係有啲驚喜。平時啲放題冇咁多種類。但係丸嘅種類就唔多。我哋嘅套餐有任飲嘅asahi. 之後再加啲牛肉，質素唔會特別變差，亦都唔會孤寒扣單。上肉嘅速度亦都好快。愉快嘅經驗。嗰日嘅甜品有兩款軟雪糕。原味乳酪

由於我男朋友係極度之鍾意打邊爐🍲所以好突發就去左牛一食返個晏晝😂媽～我想減肥啊！不過好彩都唔駛等 即刻可以入得 揀咗壽喜燒湯底同埋蕃茄豬骨湯 兩種口味！壽喜燒湯底會跟埋兩隻雞蛋 你淥熟佢食又得 生雞蛋🥚點肥牛又得 得左😆同平時任食邊爐一樣 都係係出面拎食物！菜類都幾多選擇 試咗未試過嘅羽衣甘藍🥬男朋友覺得苦 但係我又覺得冇乜嘢🤣整體來講我覺得一般般 因為scan QR code 免費食物較少只係得本身餐嘅雞豬牛各一款 其他都要加錢同埋自助拎嘢食 食物好大浸雪藏味 味道一般般😂不過員工服務態度好！

開完會心血來潮好想瘋狂同快食牛，諗起成日經過地面都會聞到啲湯底嘅牛一。呢間我哋嚟過好多次，最正係有拉麵俾我哋淥！今日去到門口，見到有notice話會員同折扣優惠都要入咗前出示，店員幫我哋check清楚會員有咩優惠之後，仲幫我哋計算邊一個優惠較適合我哋揀咗90分鐘安格斯牛嗰個，會員本身已經會有優惠，加埋app嗰啲coupon真係抵食！好欣賞佢哋所有食物都會有蓋嵌着，比較衛生👍以食物上亦有多款外面少提供嘅蔬菜：羽衣甘藍、蟲草花、苦瓜⋯⋯等等！想健康間打邊爐都得！湯底方面我哋要咗個木瓜魚湯，睇相都見到好大個木瓜，都真係幾甜，幾好！至於肉都見到，顏色比較靚！質素都唔錯！

牛一又到左打邊爐時間，今次揀咗太子始創中心嘅牛一，夜晚都幾多人喎，今次我哋揀咗壽喜燒湯底，佢會送一隻雞蛋俾我哋😊假日美國特選級穀飼牛肉~168牛肉質素唔錯，當然未去到入口即溶，但都嫩，整體來講都好食，出邊有好多丸，菜，豆腐，烏冬配料等等，都幾多野食，汽水同紙包飲品都係任飲嘅😍牛一 🏠：太子彌敦道750號始創中心地庫1樓B01號舗☎️：31041000

同男朋友一諗唔到食乜 第一時間就會諗起佢百零蚊可以食到飽飲到足平時都係食開178價錢主要都係為佐食佢杯乳酪😂😂通常都係嗌昆布湯底 加大量蟲草花同番茄😂😂好似滾湯咁不過有時佢上既牛既質素好似次次唔同咁 我地本身都唔係太好牛 所以無太執着 😂😂

價錢合理, 肥牛也是好, 款式不多, 但足夠了, 150 分鐘, 座時的確不足, 環境舒服, 職員有禮貌價錢合理, 肥牛也是好, 款式不多, 但足夠了, 150 分鐘, 座時的確不足, 環境舒服, 職員有禮貌

平時都成日去牛一打邊爐，今次打邊爐就帶埋兩個馬騮去一台四個人啦😁叫咗美國特選級穀飼牛肉配蕃茄豬骨湯底❤ 嘢飲就係任飲㗎啦個個都知㗎啦🤣咁出面仲有好多蔬菜🥦🥬🥒🫑🌶🌽🥕🍄🍅醬料同埋肉丸呀同埋雪糕任食嘅😋😋😋咁我哋叫嗰餐D肉都係任食嘅😁😁今次第一次叫呢款美國特選級穀飼牛肉，好得意因為牛肉有成三款揀嘅😍 有澳洲和牛、美國安格斯牛 、美國特選級穀飼牛，而豬肉同雞肉只有一款囉冇得揀😅三隻牛肉都唔同感覺和牛梗係好味啦😍但其他嗰兩隻都ok喎🤩好鮮味喎😋可以試下138蚊一位係抵嘅👍👍都係超值嘅❤💯咁疏菜就有好多蔬菜揀啦🥦🥬我就鍾意食皇帝菜同埋生菜啦 😋嘢飲就好多有得揀亦都有啤酒有汽水有朱古力奶仲有軟雪糕添👍真係食到飽曬晚餐都唔使食呀🤣🤣今次同兩個小朋友冇得食芫茜鍋湯底下次一定要食芫茜鍋湯底仲有芫茜山添呀正呀💯💯

父親節想大吃大喝，咁梗係揀放題黎食啦！爸爸仲要係食肉獸黎，火鍋放題就fit哂。牛一有會員會平$10，不過星期五、六、日同公眾假期要加$10，當打翻個和。星期日嘅晚市去到都要排一陣，不過20分鐘就入到座了，特別節日算係咁啦。我哋揀左美國牛個選項再加壽喜燒湯底，每位$178，咁呢個湯底就會每人俾隻日本雞蛋你，打勻後點牛肉黎食會令個肉食落口感更滑。我哋⼀坐底就scan QR code落左幾碟牛，之後就起翻身去自助bar拎啲配菜食。我打邊爐反而中意食菜，因為可以吸哂啲湯嘅精華。呢度都有好多款菜揀，生菜、娃娃菜、油麥菜、椰菜等等，全部都係吸湯嘅菜黎，啱哂我呀。另外仲有啲丸、菇、豆腐呢啲，基本嘅火鍋料都齊。除左火鍋料，仲要有和牛炒飯同日式咖哩可以拎，不過為左留肚打邊爐，我哋都冇攞到。翻到去見到枱面有個蝦滑，唔知係送錯定每枱都會有一份，因為正常睇佢menu係要收錢嘅，咁我哋都冇理咁多，照落落去滾，點知又出乎預期地好食喎。佢好彈牙，仲要中間啲鮮蝦肉一啲都唔少料，一粒粒紅色嘅蝦肉清晰可見。牛肉雖然切到薄一薄，都好有咬口，冇咩油脂，減少左嘅油膩感令我可以食多幾碟。有啲可惜嘅位係個湯底有啲咸，唔知係咪諗住之