牛屋餐廳

營業中

休息中

今日約咗個朋友收工食飯，因為要去一轉尖沙咀先，朋友就推薦食牛屋。由尖沙咀行到佐敦，貌似好遠距離，其實15分鐘左右行到，地點非常方便。舖頭無論門面定內裏裝修都非常有氣氛，好有以前舊式扒房嘅感覺。我哋食20:30，入坐率都有8成。門口餐牌大概就係晚餐主打。我同朋友都叫咗精選套餐裏面嘅紐西蘭牛柳，佢5成我7成，而所有套餐都包餐包餐湯同野飲。餐包上枱仲熱嘅，已經幫你搽埋牛油，走油嘅朋友要注意！餐湯都係紅白兩款，我地都揀紅湯，味道不過不失，但份量都大碗。主菜方面，牛柳有手掌咁大亦都非常厚，即使咁厚都做到5同7成嘅分別(朋友個塊明顯紅啲），雖然好基本，但宜家好多餐廳都做唔到，所以值得一讚！其次係就算我叫7成都唔會太韌，好易切！而伴碟嘅薯條份量亦非常足夠，普通女仔一定會勁飽！埋單每人$196，坐足兩個鐘，無人吹無人趕，美中不足嘅係無鐡板，但食物高質，氣氛一流，可以encore。

除了二百元樓下的威靈頓牛柳相當抵食, 而且做得很不錯外, 牛屋的午餐也做得很不錯, 性價比很高, 特別是其常餐, 也就是碟頭扒飯, 飯夠熱又不黏糊, 配菜不是普通烚菜, 而且沙律菜, 黒椒汁份量慷慨, 夠香微辛而且質感濃厚, 當現在快餐的汁醬偏油/水狀, 這種小時吃到的風味更覺矜貴. 雞扒肉汁豐富而且煎的火候剛好, 雞皮香脆而雞肉嫩滑, 分量比我的面還有大, 連餐湯及餐茶只是五十多元, 絕對是良心食肆.牛柳處理得也很不錯, 真的做到Medium的熟度, 肉香以百元以下的評論扒房沒什麼可挑剔的地方, 完全沒有雪味, 簡單鋪上黑椒和淋上黑椒汁, 相當滿足, 唯一有點挑剔的地方就是去筋可以再好一點, 有點部分較韌, 但這價錢和花園等連鎖平民扒房比較, 不能要求更多就是.Santgria is the traditional HK style steakhouse with lower price of steak. The chicken filet rice with black pepper sauce is the best in the price range of $50. Ver

平時通想去開既大衆化扒房有兩間，其中一間係已屹立佐敦超過50年既本地扒房，牛屋🐂🐂🐂味道不錯之餘又性價比高↗️精選套餐（可跟飯🍚/意粉🍝/薯菜🍟雜菜/,🥗羅宋湯或忌廉湯、牛油餐包及餐飲一杯，加$18蚊可轉酥皮湯）上：日式原隻帆立貝併雞扒薯菜🐓 $98下：洋蔥豬扒意粉🥩🍝 $98帆立貝很大粒，煎得剛好，軟熟鮮甜🤤,配以一路食開他們大過手掌的雞扒，雞扒味道不錯👍,重雞味，沒有冰鮮的味道,配以正常的意粉🍝，至於豬扒份量亦很多，但較雞扒差，有一點韌，但不得不讚他們的波浪薯條，又熱又軟熟，好好味😋😋他們的午市也很超值，至於晚市，我通常都食呢個餐，不過他們的威靈頓牛柳、招牌焗法式田螺、德國鹹牛脷也值得一試，起碼對得起個價錢😊最後，近排他們的冷氣好像有題問題，坐某些位置真的蠻熱，希望他們跟進一下，由於這間店舖的座位不是太多，比較擠迫，所以某些時段有機會要等位，冬天去比較舒服，不用等位等得禁熱🥹

本身同朋友book咗8:30嘅枱，點知突然間落大雨搞到我哋遲咗到 成九點幾先至到。好彩店員好nice咁安排我地入座環境都幾安靜，係傳統嘅舊式扒房仲有音樂聽🥰一入到舖頭會覺得好warm 好似電影情節入邊咁 幾舒服😌一坐低，我哋就即刻嗌嘢食。因為朋友以前嚟過，所以都係佢發辦朋友叫咗一個羅宋湯，店員推薦左酥皮配忌廉湯，話會好夾好好飲 ！所以我就叫咗一個酥皮忌廉湯 酥皮係焗到金黃色嘅 好靚同埋都幾好飲叫咗一個招牌威靈頓牛柳 🙌🏻個人覺得性價比好高，同出邊嘅威靈頓牛柳有少少唔同 牛柳好林好軟熟 我哋叫嘅係五成熟嘅 入面都好粉嫩 食落一啲都唔乾唔柴 仲幾juice 😋講真呢個價錢食到手工咁復雜嘅威靈頓牛柳都算係咁配菜嘅薯條係我最愛嘅波浪形薯條 外脆內軟❤️❤️朋友叫嘅係美國一級安格斯肉眼 超級大塊 大塊過我塊面🤣🤣 又係性價比好高好香口 啖啖都係肉 真係勁滿足 仲可以揀汁㗎～食扒嘅朋友，記住唔好掛住影相啊 凍咗就冇咁好食㗎啦🥹一定要趁佢熱辣辣嘅時候食係最好味的🙌🏻最後埋單唔算貴又滿足 我下次會再嚟😋

估唔到過哂午飯時間，2：00打後去到，都仍然客似雲來。午餐：燒烤汁豬扒意粉（$56）凍檸茶（+$3）有餐包、紅/白餐湯。主菜超大碟，兩大塊豬扒，煎得好靚、好香，外層微脆，肉質軟腍；燒烤汁唔會過咸，調味剛剛好；意粉有𡁻頭有口感（亦可選白飯/薯菜/淨菜）；另外仲有些少沙律菜。整體嚟講，CP值高，唔怪得咁多人幫襯。都有一段時間冇食呢類型嘅午餐，久不久食一次，特別有風味。午餐都有威靈頓牛柳，有機會搵日試試。不收加一。只收現金。

正如禁題所講，夏天不能去的扒房係因為當日我哋坐嘅位置係樓梯底亦係廚房出菜位置，一坐底無幾耐，完全感受唔到冷氣，Order時問店員可唔可以開大少少冷氣，但原來因舖頭太舊關係冷氣已經開到最大，依到俾一個建議係即使冷氣開曬/舖頭太舊，都可以添置風扇令到室內空氣流通一點。不過最唔開心既係，埋單走人嘅時侯發覺舖頭門口對出既位置係有冷氣風的，而店員知我哋坐嘅位置較熱都無主動提出調過去，不過依間係一間平價扒房，所以我唔可以要求店員有體貼嘅水準。講返食物先，當日叫左兩個餐：威靈頓牛柳、黑椒牛仔骨（西冷同肉眼都賣曬）餐湯+$18 有得轉酥皮 幾不錯餐包牛油太少太少了，有去過應該明我所指嘅太少係點，少到我以為未搽佢俾漏左牛油我......睇網上食評大家都講二百幾蚊可以食到威靈頓牛柳性價比高，但我只可以講依個係一個酥皮加牛柳並唔係傳統工序好多既威靈頓牛柳，但酥皮係好味的。而負評俾薯條係因為 完 全 唔 熱，可以講係開店炸起無保溫無翻炸，非常失望！黑椒牛仔骨就味道可以，係舊底扒房可以搵到既黑椒汁味。

呢間傳統扒房西餐廳，真係必須好好收藏！夜晚想搵間有情調，又唔想過海咁遠，呢間舊式西餐廳好啱大家！環境乾淨俐落，餐位唔算多，有機會要排下隊先，所以建議大家都係事先BOOK定位。加18蚊可以轉酥皮羅宋湯／酥皮忌廉湯！羅宋湯比較偏甜，材料細碎，冇好似茶記紅湯啲蔬菜大大塊。英式雜扒羊扒羶味濃，肉質口感細嫩，俾個like豬肉則比較榎澀澀，乾身冇乜肉汁不過粒蛋煎得很完美，加晒分薯條真係夠脆，帶有蒜粉香味，好驚喜，好好食！！！重點推介＞CP值高 威靈頓牛柳5成熟，肉質粉嫩，中間位置十分好食，好嫩口同牛味好出，好好食！價錢對比出面真係平靚正！

大食仔知道呢間係好好食不過窮住過生活就睇要清楚個menu Lunch 去食 CP值高好多$48起就食到塊扒喇食完先見到餐牌有另一邊😮‍💨Lunch 都有威靈頓牛柳架原來 下次要食豬排肉厚，嫰口 冇鬆死晒，配燒烤汁 味道偏濃菲力牛柳，7成熟，唔多筋 呢個價錢算唔錯值得一提嘅係炸薯條 超脆口 必食😊仲有自帶牛油嘅餐包 配懷舊扒房嘅忌廉湯環境有feel 算乾淨野食上得極速👍🏻👍🏻👍🏻間唔中會聽到廚師仔係再大聲唱歌😂80後嘅歌 睇你好唔好彩聽到喇🤪

✨睇推薦有本地實惠扒房，夜晚放工行過去試一下🌝✨工作日晚餐大約8點半到店，餐廳座位基本滿座，不過唔需要等位。因為面積有限，整體餐位比較窄🥹✨墻上寫明，每人必須點一份餐，但係我地胃口偏細，問佐店員姐姐，佢話叫我地點多份沙律🥗或者小食🧆都ok。✨本來想試肉眼，不過平價版冇貨，只有西冷😂 7成熟嘅西冷，嚼起身都係比較韌，但整體係好味道嘅👍而且同碟嘅薯條，真係同評論講嘅一樣，凍佐都唔會軟，好犀利！✨燒雞沙律，雞扒分量都好夠大，我一個女仔絕對食唔曬😂✨餐湯選擇佐紅湯，不過個人覺得羅宋湯味道一般，可能要忌廉湯會更加好。✨總結：價格算比較實惠，再有想吃扒嘅時候，會優先考慮😋

一個人食lunch 又諗唔到去邊，又剛好見到牛屋開門做午市，所以就決定入去，叫了午餐豬扒薯菜再加一杯凍檸茶至於餐湯我就梗係叫咗羅宋湯個湯個味道係港式羅宋湯味，就好像細細個跟父母去扒房飲嘅味道一模一樣。至於個主菜有兩塊豬扒咁多，薯條仲係新鮮炸起，香脆可口，價錢都只係59 元有湯有餐包仲要兩塊豬扒，係今時今日嘅香港，可以話係超抵食，仲要係無加一收費。

舊式扒房係香港有番啲年紀嘅都應該會記得，聽聞係以前阿爸阿媽拍拖會去嘅地方，港式西餐同西餐最大分別就係走平靚正路線，用簡單啲嘅食材比到客人機會一百蚊試吓感受西餐鋸扒嘅樂趣，的確有佢吸引嘅地方。不過而家競爭多咗，香港拍拖食飯選擇多、消費能力高咗都會去食真嘅西餐，舊式扒房自然買少見少。牛屋坐落係佐敦，位置算方便，walk-in 入去啱啱好有位唔洗等，當日周末晚全場滿座。座位係好貼，枱同枱之間都幾近，但整體乾淨企理嘅。剛好坐左係出餐附近，所以油煙味都幾勁哈哈但嚟食港式野其實唔太計較環境，食物真係抵食夾大件，主菜選擇勁多，全部超大份。雞扒意粉唔算油膩，醬汁係港式蕃茄汁，即係咸啲撈飯好夾嗰種而唔係清新向，餐湯紅白擇一，餐包烘得脆脆地入面仲搽左超重手牛油好正！另外叫嘅係白汁煙肉焗飯，汁好夠，碟飯係真係大過我個頭，但啲汁都夠你撈曬成碟飯。間中食一諗其實有少少番左舊時嘅感覺，由環境到食物都好統一，可以邊食邊想像下當年嘅人食嘅心情！哈哈btw但成舖員工都好後生，所以仲多左種衝突感🤭

牛屋在佐敦區經營了很多年，今日來到附近就内進吃一個港式西餐做午餐。餐廳裏面坐滿客人，幸運地不需要排隊就可以直接入座，在用餐的時候也看到客人不斷，翻檯次數高。餐包質地鬆軟，羅宋湯味道偏酸，裏面的料例如椰菜、紅蘿蔔等都有很多，細食的朋友飲完應該會感覺到佔了你的胃一部份，哈哈。驚訝地原來燒烤汁豬扒意粉($53)的份量是那麼大的，共有兩大塊豬扒。豬扒的肉質偏硬一點但未至於難咬的，是這個價錢預計得到的質素，唯餐廳加入了大量黑胡椒，把豬扒的味道搶去了，絕大部份都是食到辛辣的黑椒味，加上燒烤汁的味道濃烈，因此整碟意粉都是偏重口味的；意粉正常，亦未至於做到太淋，容易掛汁。去到結賬我才知道熱飲須要另加$3，習慣了一般餐廳包餐飲的午市套餐。熱奶茶的茶底跟奶平衡得不錯，茶味突出，是港式的熱奶茶。餐廳環境較逼，午市時間滿座需要跟其他人搭檯的，營運模式也因為流動快而有點像快餐店，來食個快的港式西餐都是可以的。

今日係佐敦附近收工 諗住重溫下童年回憶既味道 晚市時間 餐廳都幾多人 喺門口等咗一陣 店員安排得幾好 好快就有得入座個餐有餐湯同餐包 餐包係熱既 d牛油啱啱好溶係面包入便 依家好少仲有餐廳咁有心機 👍🏻主食就叫左三文魚 份量都比較大 CP值高 搭上檸檬蜜糖芥末醬味道幾夾 最值得讚就係塊魚皮好脆好香 搭配埋嫩滑既魚肉好食👍🏻店員都好nice好有禮貌 食完嗰時見到隔籬枱食緊威靈頓牛柳同炸豬手睇落都好吸引 下次會再帶朋友嚟試多d野🥰

之前去邊都要嘟安心岀行 牛屋都不例外一去到門口 職員慣佐口麻煩我哋嘟一嘟安心 講完之後我地都係到笑 🤣 入到去已經好full 坐低之後職員就即刻拎佐餐具同面包俾我地然後問我地飲咩湯真係勁抵食 又有湯有包 如果唔食牛 $50-60內都搞得掂 最緊要佢哋岀餐都係咁快 因為我哋買佐啲嘢唔夠位擺 唔洗問就拎多佐張櫈俾我哋擺嘢🫶🏿好窩心 不過咁啱我地好彩坐低喺比較後嘅位 所以可以 「添櫈」湯未飲完個餐已經搞掂 快到冇人有 飲完個湯又會即刻幫我地收走啲嘢 唔會阻住食飯終於知點解晏就咁多辦公人士鍾意去牛屋😻食物對得住價錢之餘 又快 員工又風趣又窩心 讚！

近兩三年幫襯過幾次，食物質素一分錢一分貨我完全接受。但餐啲員工態度就一次差過一次。之前係午市晚市我當佢哋忙緊所以燥啲，今次係late lunch(~2pm)全場得幾個客佢地都當客係嚟乞食咁🙄一入去仲搵緊個安心code就已經比女侍應勁大聲問”dood左安心出行未呀？”之後我都唔敢自己亂坐(大把位)，同個男侍應講一位，佢就指左我坐張二人枱，袋就放喺走廊位張櫈。男侍應拎咗張圓櫈塞喺我隔離再大聲講”啲袋擺呢度啦！”其實全場都好靜嘅唔知點解佢哋要咁大聲同客講嘢,差啲以為今餐係我入去乞飯食🤷🏽‍♀️餐包嚟到又凍又硬紅湯就得個酸字薯條係最好食嘅嘢牛扒就係平民無乜味嘅牛扒啦重點係個黑椒汁完全無味全程去到埋單佢哋都無一句唔該/多謝反而係我坐低/落單都講左幾次唔該總之呢唔係一句黃店就大哂的💁🏻‍♀️