牛摩 (已結業)

今晚想打日式邊爐，朋友剛好嚟到附近，佢之前係沙田食過覺得ok所以決定食牛摩。我地大概6點到，已經有幾張枱入左座，如果再夜d就要等位了，入座後再揀要咩級數既牛。美國牛肉$168加1--唔記得係美國牛定特級牛，記得係168個價錢。套餐包豬肉同雞，但我地都吾鐘意食雞肉所以冇落單。一嚟會上牛同豬先，食完之後再叫。牛肉ok，唔會太肥，雖然有d瘦，但可接受，豬肉都好味。3人或以上可以揀2款湯底，叫左壽喜燒同九州地獄湯。壽喜燒係每次必叫，仲會有2隻生雞蛋配埋，但湯底味道偏淡。地獄湯都係偏淡，所以唔會好辣，個人唔食得辣都食到。配料都係蔬菜、丸、豆腐、麵、烏冬之類，抵贊既係有蟹籽丸同芝心豆腐。仲有熱食薯條同壽司。最後甜品緊係嚟杯yogurt，超鐘意呢到既yogurt，配料夠多，有綿花糖、蜜糖星星、美祿波波整體上野食種類多，下次可以再嚟！

Lunch既抵食之選😚牛摩 lunch 任食最平79起😎先講佢既環境，係超級大，好舒服。同埋入面既職員服務態度都好好🤘🏿抵贊架講番佢既食物質素💁🏽呢個餐有單碟牛肉 配料免費任加 佢啲配料都好多選擇👌🏽而且都有啲特別款式。佢野飲有沙冰，食完仲有乳酪🤣又飽食到嘔系列呀🌚不過好似有限時125分鐘？唔記得啦😂牛摩啲肉都新鮮～配料都多既👍🏿服務又好好，好多選擇💯放lunch黎個快閃打邊爐刺激下😎

平時都有食日式火鍋放題的習慣，今晚試牛摩，個門口姐姐話大部分人揀178，我都無理佢。原本都沒太大期望，誰之一入店坐低見到隔離枱的肉已經開始後悔了⋯⋯到我們的肉送到時，頓時覺得這是錯覺嗎？？居然收和牛價錢，比咁樣質素既肉，唯有當自己選擇錯誤，照食⋯⋯至於湯底，我選擇了壽喜燒醬油味，淡而無味，算了⋯⋯到食雪糕，心諗應該不會出事吧，一啖吃下，嘩！軟淋淋、甜到漏！想點！

入去之前個知客拿住張單指住139任食有牛有豬有雞，入左去開左煱，食緊野發現得牛肉沒有豬肉雞肉，叫佢來問，先講話無晒豬雞肉，要食就要升級到229套餐先有得食，但係入來之前一句都沒有講囉！仲要加多句"巴西出事呀嘛，你唔係唔知呀嘛？"好啦，當我地無知唔知你只入巴西貨，去到埋單啦，檢查單個下先發現係收149，問佢個下先講話139係平日既價，星期六應該係149既:"你入來之前無睇清楚架咩？"，但出面個位知客拉客個下就攞張139單指住個價來拉，同個經理投訴佢誤導仲要恥笑咁答會話下個同事，怪唔得唔夠涮涮鍋鬥。

當日6:30去到，戲又未開場，食住等最正。同女朋友打邊爐，我個人就對1人1鍋無意思，但呢到竟然有鴛鴦鍋，咁我當然要豬骨湯，女朋友要壽喜燒，我最愛就係食蝦，就揀左特級牛肉，貪佢蝦同帶子任食配料有十幾樣，甜品凍有乳酪雪糕/涼粉，熱有糖水（問左日日唔同，今日係冬瓜薏米）整體黎講呢間唔貴，野食都唔少，收碟仲問我要唔要加，比起出面唔甩你單都偷笑，下次叫埋朋友一齊再黎過因為住戶有9折，下次拉埋個新都城朋友落黎

朋友M是這個商場屋苑的住戶，這天還是新年頭，問了經理佢話一樣有折，太好了。因為新年時間，酒樓多數沒有任食打邊爐。所以我地最後都選擇了這間店，餐廳職員禮貌很好，新年頭大家明白。今次叫最便宜的和牛，因為試過幾次都食唔出平和貴有咩分別，那不如食最便宜。今次的體驗，其實都幾失望。一、我們隔離位天花有水、雖然唔係自己位置，但其實都有點影響。二、出去拎的菜款想食的就無，唔想食的就多多都有，有些供應完後就再也沒有。三、湯底很淡，落幾多落去都無味。四、唔需要選擇海鮮和貴價牛肉，因為根本無時間去享受那麼多選擇的美味。今次每人平均150蚊，在同區算便宜之選，再加上大時大節都唔會加一加二、所以應該會再試。

2人食左4百蚊，選左番茄湯底，牛肉不錯，蔬菜很好，很甜，不過就是選擇有點少。可惜冇生菓。夜晚8點多來總係多人。海鮮都不錯，青口好甜。甜品選擇少，只有優酪乳雪糕，不過都幾好食。

前天有感肚餓，於是便尋找附近的任食餐廳，發現這間火鍋放題便去一試。約下午1700左右到達，仍然是中午時段，1.5小時的中午火鍋放題可以食到1830，非常適合下午時候肚餓但又未到晚飯時間的處境，而且價錢又比晚市優惠，但就没有壽司等晚市才有的食物，這些要自己衡量。食物數量不多，只是有菜類，瓜類，貢丸，芝心丸姑類，芝士腸，粟米，麵類，和牛炒飯，咖喱魚蛋，沙律，乳酪雪糕，沙冰汽水。是次選擇了$99元的牛肉放題，雖然是最經濟，但牛肉味仍濃郁，每片牛肉都切成薄薄的，放入火鍋內數十秒便可撈起吃，若然太久便會變韌，一口氣食了7板牛肉及1板豬肉，豬肉也是切得薄薄的，放入火鍋內數十秒撈起吃便有口感但又不會太淋太韌，值得一試最後吃了2柸乳酪雪糕作為終結，雖然較淡，但味道可以，外面1柸乳酪雪糕也要十多二十元以上，吃2柸已值一半票價

今晚我們去咗將軍澳新都城中心二期嘅「牛摩」食火鍋放題！湯底我們揀咗長崎豬骨湯同昆布清湯！豬骨湯相當濃郁，但感覺都比較膩！昆布湯嘅味道非常清甜，可以更加帶出肉類同海鮮嘅鮮味！至於肉類我們叫咗特級牛肉餐：精選牛肉嘅肉質好軟滑！豬肉嘅肉質比較厚身，但都幾鬆化！帆立貝好爽滑彈牙！大海蝦相當爽甜彈牙！藍青口嘅味道就有啲腥！乳酪就比較稀，味道比較淡！店員嘅服務態度好親切有禮，我們要求加肉或海鮮，他們都好有禮，唔會令人客有壓力嘅感覺！

老公鍾意打邊爐，之前已經對「任打邊爐」無乜信心。但見過open rice 甘多 good，就俾個機會，去試下「牛摩」啦。有 4 個 choices, 揀左澳洲和牛個 set，每人二百幾蚊，加埋一 ，3百蚊。d 牛黎到......嘩！點解同相差甘遠o既.............再一次對任食打邊爐失望😔😔兩個人拎 $600 出去可以打個靚邊爐.....

上星期6去左女朋友屋企,見佢屋企人,之後大家一齊出黎食野去左牛摩,好似好多人食咁,所以大家試下牛肉仲算係唔錯,雖然唔算係好靚野\既和牛,但真係唔錯黑毛豬好薄,不過好滑,但要碌耐小小先食得其他食物都唔錯芝心丸,牛丸等等打邊爐食物都有齊,放落鍋之後食都幾夠味壽司類唔算太好味,但打邊爐都唔係主要食壽司嫁啦而且可以不停REFILL牛肉,但如果係咁200幾蚊一位都算係咁

是日去朋友新居house warming，之後便到佢屋企樓下商場覓食!!大家都冇咩心水，逛下逛下便見到這間牛摩是主打和牛火鍋放題，啱晒我地這班大胃王餐牌上有4款牛肉plan選擇，我地選了 “極品澳洲和牛”，這個plan 既可有牛肉、豬肉、雞肉，而且還可選擇海鮮呢!!除了肉類任食以外，還有十款火鍋配料、飲品、甜品任飲任食!!而且+$18還可以有啤酒任飲，不過可惜是日有開車，所以唔飲了有北海道乳酪呢!!! 好吸引，平時出面食一杯都要2,30蚊，正~~湯底方面，有6款基本湯底可選昆布清湯、豬骨湯、熊本蕃茄濃湯、九州地獄湯、壽喜燒湯、薯仔雜菜湯，是次還有期間限定的蘑菇清湯不過在有人怕辣及有人唔食蘑菇的情況下，所以選了大路的蕃茄濃湯~~選了湯底，坐定定等鍋到~~~4個人Share 2個爐，每枱已放了幾隻大碟，方便客人往配料區取火鍋配料而肉類則是向店員order由廚房直接送出枱面有溫馨提示:雖然是放題，但都唔好眼闊肚窄，浪費食物而另一個就比較貼心，餐廳知道大家都會手機/相機食先，提醒不要將電子產品放在電磁爐範圍上，以免影響到電子產品的運作在等緊個鍋時，我地已急不及待地巡視配料區，好好策劃我們的美味

四個女仔一個墟，圍埋一齊打邊爐，有講有笑，的確是最開心的事。是夜，即興地來到牛摩烚下烚下，幸好7時許人流亦不多，不需特別等位。晚市90分鐘任飲任食，先在門外點選牛牛的款色，再加1款湯底，門外擺放限定的溫室蘑菇清湯的牌，單看圖片非常吸引。兩人一鍋，我們選了溫室蘑菇清湯，另友人則點選熊本蕃茄濃湯。溫室蘑菇清湯放入大量蘑菇及香草，滾落一陣蘑菇的香味飄過。待湯底滾起的同時，到自助區拿取配料。配料尚算豐富，大部份以丸類為主，不過部份是較有特色，亦未曾在其他火鍋店見過，如濃爆魚子、柚子乳酪丸等。時菜就有幾款，韭菜、皇帝菜、油麥菜等，還有烏冬、薯粉、豆腐等。另一邊自助區還有壽司選擇，三文魚、玉子、熟蝦、卷物等，不過只單單鋪放在這裡，好像衛生不足。最後還是豁了出去，取了幾件試試，始終是火鍋店，不過壽司的味道比預期中尚可，新鮮度一般。還是轉戰牛牛較好，我們點了極品澳洲和牛，牛牛是任食的，單看嫩紅的肉質紋理清晰，吃完可不停Re-fill。蘑菇湯濃郁且帶點奶味，喝得出不像利用灌頭忌廉湯加水，味道鮮甜，泡過極品澳洲和牛後，令牛牛更滑身入味。而極品澳洲和牛油脂分佈均勻，雖然比較薄身，但可是任食可吃多幾片。豚肉顏

每次到任食放題的餐廳，為求保本／回本，都會盡情地食～食～食。今晚，就約了朋友到新都城晚餐，而其中一位朋友是有孕在身。孕婦對食物總會有好多要求，所以交由她決定今晚去邊間了。她竟然想去牛肉火鍋放題，全部食物都能煮熟，保証衛生！大家就來到這商場二樓的牛牛放題餐廳了。由於晚市剛開始，餐廳客人不多，就座後，要選擇套餐及鍋底。最終選了＜極品澳洲和牛＞，　還有四款海鮮任食：蝦，帆立貝，藍青口，廣島蠔。　湯底就選＜熊本蕃茄濃湯＞後，馬上到醬料部。每次日式放題都會選柚子醋，其酸酸的味道，可增進食慾，保證今晚能夠回本。　再到任食區取各款食物，丸，芋頭，南瓜，蘿蔔　全部倒進鍋裡慢慢煮熟。再到壽司區和飲品區視察。　　　海鮮盤來了。煮海鮮的時間要短，才可保持其鮮味及肉質不會變霉，所以要待湯底最熱的時候，才將海鮮下鍋。　　任食海鮮蝦：朋友幫忙剝蝦殼，嘻嘻，自己無需動手了。帆立貝：幸好没有縮水 藍青口：只在鍋中煮了數十秒，就要馬上撈起。 廣島蠔：大大隻，夠肥美。 澳洲和牛　雖然不是每一塊都是雪花牛，但紅色都會夾雜著白色的脂肪。一盤和牛全倒進鍋裡，大家不斷打撈，總有一二塊漏網之魚。幸好是紅白相間，脂肪能軟化變硬的牛肉

今日約咗一位志同道合的朋友仔(衣食嗰種 ) 去新都城行街買衫褲鞋&食飯. 行到咁上下, 就去搵食. 見到商場好多食市, 有韓燒, 牛牛hot pot, 西餐廳....等等.由於上星期先食咗韓燒. 今日就揀咗牛牛hot pot. 這間牛摩係新都城二期的. 6:30左右, 不是太多人. 所以一去到就有位. 地方唔錯, 夠大, 夠光猛. (因為自己唔係太鐘意黑暗暗的地方). 而且望到價錢又唔算貴. 唔同牛有唔同價錢的. 任飲任食, 又有乳酪雪糕. 正啦!我地揀咗$289/位 極品澳洲和牛. 除咗有極品澳洲和牛之外, 仲有豬肉及雞肉. 而海鮮拼盤: 大海蝦/廣島蠔/帆立貝/藍青口, 壽司都係任食的. 加埋一都係$318. 開餐了. 我地揀咗期間限定新登場"清湯溫室蘑菇" . 等咗幾分鐘, 個鍋已經放係面前. 濃郁的蘑菇味樸向我嘅鼻孔. 好吸引呀! 要立即食喇!極品澳洲和牛, 牛肉切成好薄片, 而且牛味香濃, 入口軟棉棉, 沒有渣. 可以食多幾盤都唔怕. 我地2人食咗8盤.  豬肉, 唔知係什麼品種, 不過就真係好好味, 肉質同樣軟棉棉, 肉汁豊富. 豬味濃郁. 沒有渣海鮮拼盤大海蝦, 真係