牛摩+ (沙田中心) (已結業)

🥢 咁就講下我今次喺沙田間火鍋店食既經歷啦。㗎啦，一坐落就點咗個「牛魔王火鍋盛宴」，店員話係招牌，我啲口水已經嚟到咀邊啦！肉質勁爽滑，火鍋仲有壽喜燒同坦々湯底揀，哇塞！🍲 嘩，湯底味道濃郁到爆炸，掂啊掂！嗌咗個辣嘅，差啲流晒出嚟，你話正唔正！牛肉選擇真係令人眼花瞭亂，有牛腩、牛舌同牛仔骨可以揀，我光係望都食足半飽。啃完隻牛舌，嚟個海鮮，其中梗係輪到帆立貝同青口瞓身嘍！佢哋嘅鮮甜，真係令人無法抗拒！蟹籽墨魚滑滑嘅口感同埋飄香四溢嘅味道，畀我盞搞掂！做緊飯嚟緊飲杯嘢，店內自助區有多款飲料任你揀，我就鍾意嗰啲清新嘅果汁，一啖嘴，清爽過癮！😋 最尾嗌咗碗公仔麵，撈埋湯入面，都算係正宗搭配，好滋味！總括嚟講，個餐食得曬開心，服務靚，食物新鮮，幾有「食喱」感覺。下次再黎必須定風采，保持食神姿態！撩起碗公，我準備再去一輪！🥳

尤其是入到新界低兩度，見到有間邊爐任食諗都冇諗就入咗去 😂揀咗個牛肩胛套餐，牛豬羊雞樣樣叫一個試吓先麻辣鴨血湯 極度推介❤️雖然要加少少錢，但係物有所值。 平時食呢啲一人一鍋多數麻辣湯底都比較稀 冇平時麻辣邊爐嗰種精粹 。 呢一間一上鍋，已經見到個顏色好對路 ，上邊有一層辣油。味道聞到有八角花椒， 然後落牛肉再試一試 果然夠晒辣，又有麻味！ 而且牛肩胛雖然唔係好多油花，但係都好重牛味 亦都好林 。 蟲草花雞白湯呢一個相對性比較清淡健康，落娃娃菜吸晒啲雞白湯嘅味， 感覺就好似人哋上湯娃娃菜甘。 怕辣又鍾意健康清清地嘅朋友可以試吓。豬肥瘦適中，豬味都好重。 而且唔鞋口好軟身。羊肉片比想像中個味比較出，羊臊味比較重。 雞肉喺雞白湯度淥咗一陣，食嘅時候仲係非常滑非常林。 唔會好鞋口。牛摩飯上面有啲紫菜同肉碎，食得出佢加咗少少醬汁係酸酸尾尾，都幾開胃。朱古力雪糕❤️朱古力嘅味好濃 一啲都唔hea 👍🏻

牛摩係我經常會去嘅日式火鍋店之一🥘，今次嚟到牛摩沙田中心分店，食晚市90分鐘放題😋。嗌左SRF美國和牛餐，一人一鍋，有9款湯底可以揀🤗。呢度作為寬闊，抽氣系統好，氣氛舒適👍。 ❤️湯底： 我地揀咗關東壽喜燒湯底，味道濃郁，同SRF美國和牛好夾。關東壽喜燒湯底甜度適中，令牛肉更加入味😚。另外，仲揀左博多美人骨膠原啫哩雞白湯，用雞骨、豬骨等熬成嘅濃厚湯底， 有豐富膠質。呢個湯底係啫哩狀嘅，仲有牛摩公仔樣好得意😍，要放入火鍋裡面溶化先可以食。 ❤️肉類：SRF美國和牛好正🥓，肉質鬆化，油花均勻，入口即溶，好香滑。我哋叫咗幾次，每次都好快就送上嚟，而且份量好足。除咗牛肉之外，仲有豚肉、羊肉同雞肉，質素都好好👍。 ❤️丸類：有牛丸、貢丸、墨魚丸、芝士丸等等。我最鍾意嘅係蘑菇芝心堡🧀，入面有蘑菇蓉同芝士，放入火鍋煮一陣，芝士就會溶出嚟，好香濃☺️。 ❤️海鮮： 主要有海蝦、青口同魷魚仔。海蝦🦐新鮮又大隻，肉質彈牙。 ❤️蔬菜： 喺出面自助區，有廿幾款咁多，好似生菜、白菜、菠菜、油麥菜、各種菇類同瓜類等等☘️，清新爽口，可以中和一下火鍋嘅油膩感。 ❤️牛摩飯： 呢個飯真係好好食😋，一定要嗌。飯係用牛油同牛肉汁炒過，

我和他終於可以夾到平日休息，我倆都是喜歡食牛，已經聽過好幾次別人介紹「牛摩」，是日來到沙田中心分店試一試吧！看到餐牌上介紹有個套餐很合我們心意，我們點了二人前份極盛和牛雜錦套餐，有日本佐賀和牛、SRF 美國和牛、美國牛小排、黑毛豬及海鮮拼盤~_^完全滿足到我們食肉及海鮮甜格(*¯︶¯*)多款湯底選擇，我們選了博多豚骨濃湯及關東風壽喜燒，我個人認為最能帶出材料味道。先吃菜，吸收湯底還最佳狀態時，人食都健康一點(￣▽￣)牛拼盤一上枱，我倆都嘩然，以午市份量來說，比我們想像中還多！肉花非常靚、香味夠、油份絕對反映到其真實的質素，沒有hea 你(´▽｀)壽喜燒怎能不配生雞蛋，令肉質更滑更香其他火鍋配料及飲品亦有非常多選擇，很新鮮。甜品有泡芙、仙草凍、沙律，我個人大推朱古力雪糕，加點朱古力豆增加層次，打完邊爐嘆杯圓滿了(*¯︶¯*)我們光顧時間為兩點後，但期間不停有客人進來，如果想一個人打邊爐，「牛摩」可以是你其中一個選擇。#牛摩 #放題 #任食 #打邊爐 #優惠 #火鍋 #wagyumore #wagyumoreplus

難得放假，同媽咪去沙田行街，行行吓見到間任食日式火鍋，仲要一人一鍋，百幾蚊一個人，唔係貴，就同佢嘆返個lunch。揀咗牛頸脊套餐，除咗有牛頸脊仲有其他部位嘅牛、羊肉、海鮮同鴨血，仲有自助區任拎蔬菜丸類豆腐甜品同埋飲品。叫咗個壽喜燒湯底，清清甜甜，有埋日本生蛋點牛肉；媽咪就叫咗港式沙嗲湯，貪佢夠味。牛頸脊色水好靚，油脂分布平均，個人覺得牛肉點壽喜燒湯底係絕配。另外Encore咗5碟牛肩肉，超濃牛味，仲要牛肉好滑身、軟熟。媽咪食咗五碟羊肉，佢話唔羶，好食！佢啲海鮮都唔差，最鍾意食元貝大大粒。青口都好新鮮，魷魚筒更加唔使講，一啲都唔韌，好軟腍。極力推介溫泉蛋，碗烏冬超級好食，滑溜嘅蛋汁再加清甜嘅湯底，超正！最後自製咗杯凍咖啡做甜品，呢度嘅飲品好出色，咖啡好香濃，奶味香，加冰底就整到杯凍啡！

行過見到有牛牛🐂火鍋🍲剛好同行朋友都想食火鍋睇到款式同價錢都幾抵所以就開餐了配菜同飲品選擇都算多飲品加埋都有成3部機，出面有多數係2部或者係罐裝飲品調味料區都好多款仲有甜品櫃🍮全部自助區都乾淨整齊證明員工勤力用心今次揀左最多選擇嘅F餐極盛和牛雜錦套餐所有嘢都可以揀啲肉好正和牛同豚肉都好味湯就揀左蕃茄湯同蟲草雞湯仲有雪糕機，自製雪糕🍦整親嚟講呢一間好乾淨自助區同叫嘅嘢食都係新鮮值得再encore

我哋好耐冇試過打邊爐！今晚嚟到沙田中心嘅牛摩😊 呢度係一人一鍋，日式放題我哋揀咗嘅牛肉係美國牛板腱湯底我哋叫咗雞白湯同埋豬骨湯。食物嘅重點我哋當然放喺牛肉😊牛板腱有高蛋白含量，味濃牛肉一入口，好有驚喜！牛板腱部位位於牛的肩甲部位，肉質中間含有肉筋，有不錯的彈性，並且脂肪含量極低，蛋白質含量高，唔想太油膩但係又好鍾意牛嘅人，呢個係一個好好嘅選擇！除咗牛板腱肉之外，這一餐令我哋好喜歡嘅，就係牛摩飯😊 牛肉、紫菜、洋蔥及調味超夾，加埋溫泉蛋，飯口感更加滑😊其他食材都係優秀！尤其係海鮮，帶子同埋青口都好好味，鮮甜多肉飲品方面選擇都好多，汽水、梳打水、果汁、蘋果綠茶、玄米茶綠茶茶包等等都有，熱咖啡機都有呢一餐嘅尾聲我哋都食咗自助餐嘅甜品，估唔到質素都OK喎！尤其是綠茶雪糕及Chocolate brownie也很不錯😊開心滿足嘅一餐

真係好耐都冇食到咁飽既任食火鍋。 今日係沙田搵到呢間牛摩任食火鍋，最正呢度一黎到就每人簡好個湯底先，咁一坐底每人都有個鍋係度熱住等淥野食。我地今次一行3人就簡左麻辣鴨血，濃湯豬骨，同長野蘋果湯。 坐底見到個鍋已好吸引。然後就係手機order晒啲肉先。 最正prime 美國頂級牛肩，牛板肩，頂級肥牛，西班牙黑毛豬，羊肉，帶子。 佢既肉真係超新鮮又大碟，真係冇諗過份量係咁多，仲要任食，起碼叫左三輪。要混醬既話出面都有成張枱咁長咁比客人撈。 然後仲有出面既蔬菜區，菜真係好新鮮，冇霉黑，亦好乾淨。 當然，佢既芋絲，瓜果，麵類都好多。而佢地雖然唔係雪櫃一支支咁攞，但佢既野飲機既野飲都好唔輸蝕，冇諗過會咁好飲同好香。而最後既抹茶軟雪糕真係不得不食，抹茶味勁香。 所以今晚真係好滿足。

牛摩依度可以一人一鍋，有6款基本同3款加錢升級嘅湯底，有港式嘅蕃茄薯仔、沙嗲湯，又有日式嘅壽喜燒、昆布鰹魚湯，會揀到自己喜歡嘅湯底，關東風壽喜燒會跟一隻生雞蛋，湯底甜甜地，朋友就叫咗蟲草花雞白湯🍲美國牛肩胛🐂羊肉🐑豬肉🐖雞肉冇骨又好滑🐓黃金花枝棗🥢牛摩飯個汁好好送飯🍚蔬菜、豆品、丸類等配料就要去自助區攞，因為依排係韓國祭所以有韓國嘅粉絲、即食麵、年糕、餃子等等，韓國餃子嘅餃子皮比平時煙韌，幾特別，雖然個自助區唔算好大但係食物都有經常refill，而且大部分配料都有個蓋冚住，感覺衛生👌依個牛肩胛放題set有齊最基本嘅牛豬羊雞，適合想飽肚又想樣樣食啲嘅人，如果想食靚啲嘅牛肉或者海鮮，就要叫牛板腱或者其他set～

沙田出名多嘢食，嚟到沙田中心搵食火鍋放題有打邊爐，壽司🍣雪糕🍦，一次過滿足你幾個胃😋最重要係質素高，種類多，回本冇難度😂 90分鐘今次試咗SRF美國和牛($279)，和牛冇令我失望！好滑，一啲都唔鞋，而且重牛味，仲可以跟生蛋同壽喜燒湯底，完全帶出個鮮味🥰另外仲有好多唔同嘅牛肉可以揀，每款都質素唔錯👍另外大推溫泉玉子🤩三文魚腩壽司，每款都新鮮又高質👍丸類同埋菜類都好多選擇，例如芝心丸，墨丸，等等都好高質😍而且仲有一啲海鮮可以選擇，例如海蝦，墨魚，帶子😊

放工約朋友沙田晚餐想打邊爐，經過這間牛摩好吸引，就黎試下， 入到去覺得環境唔錯，枱面同埋坐位都好乾淨 今次試左美國IBP牛板腱放題😋有90分鐘已有好夠食湯底是 一人一鍋 ，我選了港式蕃茄薯仔湯而朋友則選了沙嗲湯美國IBP牛板腱美國IBP牛板腱 ， 牛肉味重， 油脂分佈均勻，食落口感嫩滑 ， 很有驚喜特選美國牛肩胛， 肉質較瘦 ，味道也不錯 仲有 雞肉 豚肉 羊肉片 可以選擇， 好豐富 海鮮同小食呢個餐有幾款海鮮可以任食 半殻青口 魷魚仔 帆立貝 ，鴨血， 黃金花枝棗，仲有溫泉蛋牛摩飯 我叫左黃金花枝棗，鴨血，溫泉蛋牛摩飯，味道唔錯自助吧外面嘅自助吧有麵食 ， 丸類， 蔬菜等等，😉 飲品就有汽水機，咖啡機，仲有甜品同壽司，好豐富佢嘅綠茶味雪糕好味， 忍不住食了2杯😋另外職員服務質素良好，很友善， 會主動加湯， 和收碟性價比很高，很抵食， 下次再來😀

有時熱辣辣唔知食咩好，食火鍋任食起碼可以邊食邊揀。今次黎到沙田中心的牛摩，夜晚6點30分已經要等位啦。今次坐二人位，要搭枱，中間有塊有特色嘅隔板。我地叫左港式蕃茄薯仔湯同麻辣鴨血湯。蕃茄湯有啲淡，加埋調味料都ok。而麻辣鴨血湯有少少辣，並附上幾塊鴨血。鴨血口感Q彈，配上辣湯幾好味。火鍋食材方面，主打的肉類有牛，豬，羊，雞。招牌美國安格斯牛頸脊性價比高，顏色紅潤，切得夠薄，方便烹調。雖然偏瘦，但勝在鮮甜，有牛味。特選牛肩肉，牛香味較濃，口感結實。牛板腱係最驚喜嘅，油脂分佈均勻，充滿牛油的香味，口感軟滑。火鍋配料方面，選擇有超過20款，主要以丸類和蔬菜為主，另設有壽司和甜品。麻吉燒，即係麻糬魚蛋，又甜又煙韌。海鮮三文治，即係兩層魚蛋夾層蛋。海鮮方面，每次點餐只可以點少量。我覺得帆立貝的鮮味大於魷魚同青口

上次有個短頭髮著黑色衫嘅女員工(大約50歲)問我使唔使加湯 之後我答佢唔使喇 我就黎食完 點知佢就同我加到滿一滿 我嗰陣心諗咁你問黎做乜 之後我舉左好耐手佢都扮睇唔到 跟住就繼續同d同事傾計 都唔知佢返工定吹水嘅

去到沙田打邊爐，都有唔少嘅種類選擇，今次就揀咗日式打邊爐，位於喺沙田中心牛魔，呢個係一人一鍋，可以揀自己想食嘅湯底，一個辣湯底又得，揀一個清湯底都得！價錢都幾抵食，星期一至五晚都係$198！豬肉牛肉雞肉都係任食，仲有好多其他丸類菜類，一定食到飽一飽！！！！！我自己揀咗壽喜燒湯底，仲會免費奉送生雞蛋，而我老公就揀咗鰹魚湯底，各有各口味，兩個都食到舔舔脷！！！呢牛肉質素都幾唔錯，重點係上肉速度都好快，絕對唔會dum時間，完全可以食盡佢！呢度環境都幾好，又坐得舒服，唔會逼，有好多卡位可以坐，唔錯唔錯！！！唯一要彈嘅就係如果飲品有更多選擇會更好！絕大部份都係得汽水，唔太好汽水嘅人真係會得好少選擇呢！！

今日同媽咪近近地去咗沙田中心打邊爐，見到有個和牛套餐都幾吸引，所以就入咗嚟試喇～人越大食嘢越覺得貴精不貴多，所以定量套餐就啱我哋😆我哋叫咗個極盛和牛雜錦套餐 (二人前份量) ($488)🥩呢個餐都幾豐富，有日本和牛、美國和牛、美國牛小排同埋黑毛豬，各有120g，另外仲有海鮮拼盤，包括海蝦、帆立貝、青口同埋魷魚仔～其實呢個餐都相當夠食，仲可以拎出面自助區嘅配料同甜品😋我哋分別叫咗蕃茄薯仔湯同壽喜燒湯，壽喜燒仲會包咗一隻生雞蛋，非常專業😚講返啲牛，和牛的確高質，睇圖都知肥瘦均稱，食入口有油香，而且一啲都唔覺得韌😚而黑毛豬我覺得肉質軟腍，完全冇豬騷味～海鮮方面，普遍嚟講都算唔錯，而我最鍾意食嘅就係帆立貝，非常鮮味又好嫩😆出面嘅自助區選擇都唔少，值得一讚嘅係蔬菜洗得好乾淨又好新鮮，連金菇都係非常乾淨👍🏻丸類亦都有幾多款可以選擇，我最喜歡嘅係貢丸同埋粉絲，好味😋飲品方面都有果汁、汽水、熱茶同咖啡～出面當然唔少得甜品同雪糕，比較少見竟然會係抹茶雪糕，唔係甜嘅抹茶方向，反而係帶少少苦嘅成人向抹茶味，唔錯～有時啲肉任食會食得急啲，好想嗌多幾碟肉，但我反而覺得定量咁食，又可以食到高質嘅肉，亦都唔會食得咁