牛極 (大全街) (已結業)

經過大角咀做野，又未夠鐘，搵間餐廳食下野。可能未到晚飯時間，人唔多，有d餐廳都未開門，呢間開左就入去食😆環境算係幾舒服乾淨！可叫一塊扒，沙律🥗、白飯同湯任食醬料自己揀，胡麻醬配沙律係絕配啦👍🏻👍🏻個湯係牛肉雜菜湯，都有牛味但油左少少牛扒我揀左牛柳 200g，用石熱板上，塊板好熱，要盡快切，如果唔係就會過熟啦😆😆肉質好腍，咬落去充滿牛味😋😋200g都已經好夠飽👍🏻👍🏻👍🏻

今日想食牛就捉左男朋友黎食牛極😋進店後要自行在自助點餐機點餐。我揀左200g 牛柳，男朋友就揀左牛肩排。有自助bar～湯，飯，沙律全部自助形式。🌟飯加左紫菜粉，更惹味！牛柳會跟石板上，可以將牛柳燒成自己想食既熟度！仲可以隨意加黑椒或鹽。牛肉沾上鹽，可以更帶出牛肉的味道！200g 牛柳比較淋身同無筋，對我黎講燒到5成左右最正😋口感剛剛好，肉汁又不會完全流走。男朋友叫的牛肩排都很不錯，肉質非常彈牙並伴隨著肉汁。 好食到食完先記起未影相🙈

今晚係大角咀依邊晚上8點收工，睇下附近有咩嘢食，就發掘到依個唔錯嘅餐廳！依間係一間日式平民扒房，所以裡面嘅裝修都好日式。而餐廳都啱用日本流行嘅自助購票模式，係餐廳部機點完自己想食嘅嘢後，交張飛店員，然後由店員安排座位。因為係鐵板燒扒，驚啲肉汁周圍彈，餐廳好好貼心準備左一次性圍裙比客人用。點左主菜後，我就可以去出面嘅自助區夾沙律、湯同埋飯。當然，餐具同埋醬汁都可以係度拎埋。沙律菜都好新鮮，有柚子醋同埋日式芝麻醬揀。我就揀左我鍾意食嘅日式芝麻醬😋😋餐廳嘅度寫今日嘅湯係日式牛肉湯。但我飲落去似羅宋湯，味道都唔錯，都足料。主菜黎啦！餐廳好貼心，用一張餐紙半蓋住塊扒，咁就唔怕啲肉汁彈到身。今次我叫左一個180g 嘅牛肩排。就咁睇落都好似好正😋😋牛肩排好有肉味，肉質唔會好淋，好彈口。同埋最重要夠多肉汁！大家可以根據自己想要幾成熟，食嘅時候先切開塊扒，係鐵板上煎一煎裡面兩則。我就鍾意食生少少，因為我覺得咁先可以食有無肉味。總括而言，今次$80 食左一個半自助扒餐，食物質素又唔錯，服務又貼心，所以性價比都好高。同埋原來依間餐廳都有好多分店，同埋有入有證書嘅日本和牛，下次有機會要試下👍🏻

收工去奧海城買完野，就過咗去在大角咀搵食😋😋話說早幾日係supermarket 見到D扒已經好想食牛扒，就火速決定要試牛極😆😆點餐係自助式嘅～ 好有日本拉麵店嘅感覺，好掛住日本，呢一刻可以止一止渴😅店內嘅裝修都好日系ga!每一檯都3款調味可以按返自己口味加，個人推介BBQ果支粉👍🏻另外有自助bar~ 有沙律同飯任食，都唔錯~叫左兩個set, 一個牛柳，一個牛肩排，用石燒真係香好多，再按個人口味自己加調味。一定要加蒜，這是重點🤣🤣整體黎講，真係幾抵食，呢個價錢同自己去supermarket 買一塊差唔多，但呢度仲有埋湯，飯，沙律，一定會再黎👍🏻

牛極有好多間分店 今次尼到大角咀地理位置有啲偏 但附近都有啲食肆既牛極主要以自助形式為主入門口係日式點餐機入錢買單之後自助吧台可以隨便攞沙律白飯羅宋湯牛尾湯檸檬水餐具醬汁呢堆野都係任食嘅 珍珠米白飯 湯亦好足料啖啖都有牛肉不得不提個自家製燒肉汁超級好味！加埋蒜蓉已經可以撈兩碗飯😂職員會上菜 上菜嘅時候有紙巾蓋住亦有即棄圍裙可以提供 所以唔怕彈到油牛肉可能相對薄身 上菜時有七成熟石頭溫度亦都保持得好好 我個人來講十分OK鍾意食生少少嘅朋友可能要同店員講定一聲枱面亦有黑椒粉紅岩鹽同埋燒烤味粉可用整體性價比十分高！

同男朋友去日本好掛住當地嘅鐵板鰻魚飯。剛好同男朋友經過大角咀，找到這間餐廳真的好特別好有東洋嘅情懷。又浪漫又溫馨。真係適合拍拖。😜作為女士留意到佢哋嘅餐牌非常特別好精緻。真係俾我遇到當年好鍾意食嘅鐵板鰻魚。主要係這款鰻魚非常新鮮,真係好特別。淡淡的鰻魚香配上他們超過100度的鐵板。真係可謂做到色香味俱全。其實我哋最鍾意就係佢哋鐵板雞扒。用了新鮮, 充滿淡淡bbq氣味，賠償佢哋嘅特製凍飲同埋沙律真係完美。

Came here twice to this location. The first time I came to this location, they served the wrong order to my friend. Half way through our meal, the waitress realized she had served the wrong order to my friend and asked her to pay the difference of the two meals. I expressed that this isn’t fair as it was her mistake for serving the wrong order but she said that she should have known and should said something when she got her order. In the end, my friend had to pay the difference. The second time

喺大角咀呢頭整完嘢順便食埋晚飯先返屋企，因為太餓所以對肉類好大慾望😵 見到呢間石燒牛即刻衝左入去～我食牛都係比較中意嫰滑juicy口感，經店員推介後決定點一份牛柳～因為廚房只會煮到一成熟再由食客自己加熱控制生熟度，所以點完餐好快就有，岩晒我呢個餓鬼😆自助區有牛肉湯，白飯，沙律同幾款調味料無限量供應👏想講個無限量供應既牛肉湯都幾出色絕對唔係hea我👍好多洋蔥同蘿蔔，仲有唔少幾滑既牛肉，自己再加啲黑胡椒，就係一碗酸酸辣辣既羅宋湯，幾開胃～牛柳賣相好吸引😍 有適量油脂，牛既紋路已經令我感受到佢既嫰滑，200g都唔細份好夠我食👍切開後再兩邊輕輕煎一煎，外面香脆裡面嫰滑juicy，超好食🤤🤤除左牛柳其實仲有其他平價啲既選擇，$80已經有交易，仲要有自助區一定夠飽，真心抵食👏👏

今日lunchtime嚟到大角咀食牛極，首先入座前要喺門口先付款選餐，我同朋友都order咗黑豚腩片，價錢係$60蚊包埋沙律吧，沙律菜、湯同白飯任食！黑豚腩片嘅份量唔算好多，但味道很不錯，肉質唔會好’鞋‘，食埋沙律菜好夠飽。

呢幾年香港開咗唔少熱石牛扒專門店，而我暫時最鍾意就係牛極🐮❤️，他們價錢實惠，而且飯、沙律同日式牛肉湯都係無限添加的🤣👍🏻‼️呢度牛肉主要來自美國、澳洲同日本，大家可以自由選擇不同部位和重量🥩‼️📌牛柳🐮🥩 $110/200g✨上桌時，牛扒上會有張紙阻擋熱油彈出，大概30秒之後可以移開👍🏻🤤🍖 牛肉的生熟程度自己控制，想熟啲就切開每面燒耐啲😋✨牛肉的味道相當香濃💕🤤，肉質軟嫩，軟腍同時不失口感，肉汁亦相當豐富💦😋😋

收工後去左奧海城行街，行到餓餓地就落返去大角咀民生區搵野食😀 一條友食但又唔想太待薄自己，所以就揀咗呢間自助落單價錢公道既牛極自己鋸下扒🤣我點左一份最少份量(200g)既牛柳😎自助區有好足料既日式牛肉湯，熱辣辣珍珠米，沙律，海苔芝麻粉，各式醬汁醬料，而每張檯都有即磨黑胡椒，即磨喜碼拉雅山粉紅海鹽同即磨BBQ香草任君選擇👍落完單幾分鐘就有啦👏淨係睇賣相已經感覺到牛柳既嫰滑😍 我由得佢係熱石上面煎左兩分鐘左右，再切開裡面仲係紅色既部分每邊煎多十零秒，跟住就切開晒放落個碗度😙 (因為驚會overcooked) 全部肉質都好嫰滑，圍邊位置就比較香口，超好食！😋😋牛柳油脂唔多，但非常軟稔多肉汁，而且無筋位，完全符合我既要求！😍😍 我有部分醮蒜蓉+秘製燒肉汁，有部分醮同黑胡椒+海鹽，前者惹味啲兼帶少少辣，後者就比較食返肉既原味，其實兩樣都好食！🤤我本身唔太食生既菜，但個湯都供應到好多紅蘿蔔，白蘿蔔同洋蔥呢類熟蔬菜俾我送飯，very nice！👏👏👏好滿足既孤獨一人晚餐🤣

.話說呢間專食鐵板牛嘅餐廳都有唔少分店之前都有食過有時如果想平平哋鋸個扒都會選擇入去食牛柳200g🥩 $110價錢來講一啲都唔算貴平時茶餐廳扒都要百幾蚊 但係呢個價錢嚟到仲可以自己煎自己調味 咁就唔怕太過熟可以完全跟個人口味去整啦 今次自己煎大概五成熟 咬落去牛扒一啲都唔會硬 幾軟嫩牛扒可以選擇自己調味有玫瑰鹽黑椒等等嘅調味料 不過牛本身都唔錯所以稍為加少少調味料已經帶出到味而且呢個價錢仲包埋餐湯同埋飯任飲任食 確保你一定食到好飽呢個價錢有肉有飯有湯真係冇得挑剔了今日嚟食嘅時候嗰餐湯應該係牛肉紅菜湯 非常濃 有冇去重牛味 淨係飲個湯都值回票價總括嚟講鋸扒嘅餐廳 呢間真係非常抵食而且可以完全遷就個人口味 嘢食一定啱食 值得一讚

繼續一支公嘅晚餐。今日有事務要處理，去開大角咀嗰頭，趕時間又肚餓，見到呢度有牛極就入去快手食個飯。呢間分店嘅門口好特別，係一個紅色大鳥居。牛極間間分店都一樣，燒肉揀好，喺自助售賣機落單俾錢之後就自己揾位坐低。之後等燒肉上枱期間，可以去自助沙律吧攞沙律食，仲有熱湯同白飯，全部任食。餐具同水自己攞。所以係冇收服務費嘅。呢排成日出街食，等我平平哋叫塊最細塊嘅牛肩排算數。牛肩排 180g $80燒肉好快就送上，快靚正。雖然唔貴，但係塊排都唔欺場，幾厚身上面又放左啲黃薑絲。切開就見到入面未熟，自己切做自己入口嘅大細，再喺塊熱石板上面烤幾烤就好快食得，要快手，如果唔係外圍會太熟。質素保持一貫水準，都算嫩嘅。今次落左枱上供應嘅燒烤牛排調味料，味道更好。圍裙都係自助自己攞，一定要攞，因為d汁彈到周圍都係。沙律係例牌嘅生菜，仲有車厘茄同粟米粒。湯都係例牌嘅日式牛肉湯，我食唔到牛肉，不過有紅蘿蔔同白蘿蔔。肉汁有三款，分別係自家製燒肉汁，蒜蓉同辛味芥末燒汁。

今日落街拎野，有點餓意便隨意走入一間石燒牛， 打算食飽再回家，點知發現冇帶錢，幸好這裏可以用支付寶付款，真是十分方便點了100克牛柳😋 - 吱吱聲響的石燒牛，聽到都已經流晒口水。非常軟腍 的質地，再加上自己可以控制生熟程度，肉質就剛剛好了，再按個人喜好可以灑上少許鹽和黑胡椒粉調味， 覺得自己好似變成大廚一樣，哈哈哈。這間餐廳的自助吧， 同樣有提供白飯任裝，湯，沙律無限量添食和多款調味料。我最喜愛白飯加紫菜粉這裏還有外賣供應，只需選擇好揀選的款式，再決定幾成熟，不用等多久，就可帶回家慢慢享受，有湯有飯的牛扒餐

喺大角咀想食個簡簡單單嘅 early dinner，呢頭有好多小餐廳，行行吓見到「牛極」，去過佢喺其他地區嘅分店，幾抵食；牛肉亦似乎啱我呢日嘅胃口😆，咁就入去開餐😋門口位有部自動售票機，要咗$110嘅「牛柳 200g」，包沙律、餐湯、白飯，呢啲全部係自助兼任食，攞嘅時候一定要戴口罩😷😆沙律菜簡單新鮮，有柚子汁同芝麻醬汁兩款可以選擇，揀咗柚子汁，酸酸哋幾開胃😋。餐湯係「牛肉湯」，幾好飲，我飲咗兩碗😆。「牛柳」放喺一塊燒到攝氏300度嘅黑石上邊，廚師👨‍🍳只燒到一成熟，自己再切成喜歡嘅大細嚟燒，自己控制牛肉🥩嘅生熟程度😆；牛肉🥩相當有牛味，好食😋