牛極 (馬頭圍道) (已結業)

星期六難得可以一家人一齊食午餐，經過見到紅磡開咗間新嘅日式燒肉餐廳，試業期間有優惠就入去試吓。依間餐廳係用機器點餐，一入到門口就見到個機器，都算易用。可以用支付寶同現金俾錢。呢間餐廳嘅午餐暫時得4種選擇：牛脷，雞扒，豬肉片，鰻魚。我哋就點左雞扒同豬肉片。午餐嘅價錢都係$50-70，經濟實惠。點完餐之後就可以搵位坐，同埋去自助區度攞沙律、湯同埋飯。湯係日式牛肉湯（唔知係咪日日都係呢個湯）。牛肉湯色香味俱全，好正，我哋每個人都飲左兩碗😋😋😋呢間餐廳嘅上菜速度超快，基本上我哋湯同飯都未拎完，我哋點嘅燒雞同埋燒豬肉就已經到咗。當服務員令佢哋俾我嗰陣，我見到上面用將廚師紙遮住碟肉呆一呆，先諗到原來佢哋係想遮住令啲油唔好周圍彈，好聰明同貼心嘅做法🤣肉質方面以呢個價錢算係冇得彈，係油咗少少，食完一定要有啲飯先可以減下油膩感。如果減緊肥要解點樣識嘅朋友，可能要用沙律或者湯去解油膩😜整體來講我覺得呢一餐性價比超高，同區又冇類似嘅餐廳，絕對有機會成為我未來食堂！希望佢唔會因為太受歡迎而加價啦😜題外話，我見到其他台嘅食客叫啲牛脷都好似好靚，我決定下次就嚟食牛脷！😌

最近行過見到呢間新開嘅石板牛，好開心屋企附近終於開左一間，所以當晚即刻去試。入到去首先有部機可以自助點餐，可能新開關係，雖說係自助都有職員會耐心喺隔離教你點樣用。基本上所有牛都有200g、300g同400g三種份量揀，價錢亦唔貴。揀完職員就會安排你坐低先，呢個時候你就可以去自助區度拎定醬汁，裝湯、沙律同飯。餐廳亦好細心提供左圍裙比你食牛果陣唔會比啲醬汁彈到成身係，而以新開嘅餐廳黎講佢地都算run得幾順，座位亦舒適。唯一一個我認為有好大進步空間嘅問題係佢地嘅醬汁，我相信應該幾多人都食過牛角或者pepper lunch之類，食牛嘅醬汁最緊要係咩？就係唔可以唔加甜……個人認為佢個醬汁完全唔合格，好可惜佢有價廉物美，有招呼有環境呢啲優勢，結果衰左喺個汁上面，希望佢地會改善吓呢點，咁就完美啦！順帶提一提，我地去食果陣由於坐喺自助區附近，所以都睇住好多人去裝飯，我地發現好多人其實都幾無手尾……開完飯煲蓋成日唔冚，咁樣做無公德心之餘，啲飯好易凍晒變一舊舊。同埋敏感時期，都唔該戴住口罩出去自助區拎嘢啦，無人想見到有其他客對住兜沙律／飯／湯講嘢，噴晒啲口水落去囉……

今日行過見呢間舖剛開業， 決定今晚一試。一入門口有一部自助點餐機， 今晚我地3人， 餐廳指定每人點一個餐， 所以各人選擇自己想要的， 可用現金或支持寶即時比錢。 付款後職員帶我們位置， 就匆匆去攞自助任食的沙律、湯和白飯。好快我地點的食物送上， 他們的牛肉呢個價錢不算貴， 夜晚諗唔到食乜，呢度係個唔錯嘅選擇。