牛涮鍋

營業中

休息中

間唔中係午餐時段係依間食，order左午市精選套餐60分鐘放題，食最平嗰個只需要$72 ，就包一份雞肉之後配料任食，我最鍾意食佢個羽衣甘藍，其他嘅配料正正常常丸類比較多，佢嘅配料區喺門口附近，次次都要出去攞比較麻煩，嘢飲方便，好似七仔咁有得自己斟，不過啲冰另去擺，唔太衛生，佢仲有個乳酪區可以任食，午市來講都叫幾抵，多數都係卡位，可以慢慢傾計，距離地鐵站好近，幾步路，d staff 冇咩服務可言,規規矩矩

今晚約左舊同事喺太子Moko食牛涮鍋, 已經唔係第一次黎了因爲我係佢地member！限時90分鐘嘅放題來說佢質素一向ok的. 今次揀中價(HKD168) 嘅美國🇺🇸進口牛肉set, 三款肉食包括美國進口牛肉, 丹麥🇩🇰皇冠豚肉同美國🇺🇸特選雞腿肉; 湯底方面我地揀左較健康嘅蕃茄濃湯. Bonus就係咁啱安排左舒服卡位.👍🏻•飲品: 除左大路Zero, 忌廉, 雪碧, 可樂之外, 隔離個部有唒提議配搭嘅soda機好似更正, 橙汁, 蘋果汁, 蜜糖菊花, 水蜜桃🍑汁, 點mix都好飲. 今日唔飲得凍飲嘅我都唔係無選擇架(當然, 可以汽水soda唔加冰🙌🏻), 我喺咖啡機整左杯咖啡☕️, 原來隔離有d茶包可以加熱水沖.•出面個大雪櫃提供嘅火鍋好特別, 蟲草花, 豬肉餃, 烏冬, 魚肉芝士, 墨汁魚丸, 獅子狗卷, 牛涮鍋限定魚腐⋯款式多到食唔唒.•Yogurt雪糕機好玩好好味, 隔離甜品櫃放滿多款bite size蛋糕同puff.•日式拉麵好食!

間唔中都會打下LUNCH邊爐，因為平過夜晚一大截，仲可以慢慢消化！lunch 邊爐黎講，牛涮鍋係我最喜愛之一，因為除左邊爐配料，仲會有沙律，沙律選擇都唔少，連藜麥都有，1d都唔求其Lunch有一人一碟肉，任食配料，有勁多唔同既菜/丸/瓜/豆腐等等，大推麻薯魚蛋，仲有烏冬薯粉一定食得飽😂😂😂飲品有咖啡/茶，同埋汽水機可以自由斟甜品都有幾款，除左自己唧既雪糕，仲有大福/芝士蛋糕等等，質素都唔差👍🏿👍🏿👍🏿

難得今日約咗幾個同樣鐘意食美食嘅靚女一齊食lunch,當然要食得盡興D啦。要食得盡興，"牛涮鍋"確實係一個好好嘅選擇牛市嘅牛涮鍋都有半任食套餐，雞、豬、牛任君選擇(一碟)，最平嘅六十幾蚊就有，而且仲有多款蔬菜、菇類、丸類、飲品(果汁，汽水，熱茶)、甜品(西式糕點，大褔餅，雪糕)任飲任食。除了食物種類繁多，仲可揀2款湯底，本人曾試過豬骨湯底、蕃茄湯底、同甜醬油湯底，各有特色。但當中甜醬油湯底最能突顯食物嘅鮮味。而甜品方面，軟雪糕最為突出，味濃而幼滑，一定要留肚食番杯總結嚟講，又經濟，食物又好味，又多元化，下次gathering一定會再去牛涮鍋

難得HAPPY FRIDAY，當然要食好少少慰勞自己！雖然係旺角返工，但來來去去都係中餐西餐，有點沉悶，於是其中一位同事就提議不如打邊爐吧原來呢位同事每逢假日，都會去呢個名叫《牛涮鍋》餐廳享用午市精選套餐60分鐘放題，價錢每位$100左右，可叫一碟肉，湯底自由選擇，食物飲品任飲任叫，聽落真係幾抵食幾吸引！於是，我地一行五人準時十二點浩浩蕩蕩出發去餐廳到達後，侍應問我地選擇邊款湯底及肉類。經過我地一輪激烈討論同投票後，最終決定選擇蕃茄湯及甜醬油湯，而肉類就選了牛肉豬肉及雞肉不消五分鐘，侍應便端上了火鍋及一碟碟肉，而同事亦十分踴躍，走來走去去取飲品及不同的食物，而我個人特別喜愛吃它的冬菇，餃子，芋絲同芋圓吃了約四十五分鐘，大家便開始放慢節奏，而我當然不會停下來，捧著肚子繼續吃。以為這樣便滿足？不！我還要試它的甜品！值得一提的是，甜品款式有很多，有多款糕點選擇，更有我最愛的雪糕！它的雪糕真的與坊間不同，個人認為雪糕十分香滑，非常值得一試！總括而言，牛涮鍋的午市非常抵食，食物選擇多，價錢又合理，我跟同事都感到十分滿足，相信呢間餐廳很快會成為我們常到的飯堂呢

原來晏就打邊爐好抵嫁，60幾70蚊就可以食到半放題邊爐!! 入去前要決定好揀咩餐先，我地有五個人，每人叫一樣，咁就可以咩都試啲!! 午市嘅牛豬雞都係得一碟，無得無限食的，不過每碟嘅分量比想像中多。而我哋叫左番茄湯底同埋醬油湯底。限時90mins，所以動作要快，一入到去就即刻拎野飲同野食，野飲除左有汽水之外，仲有果汁。另外，自助區嘅野食選揀都算多。三樣主菜肥牛豚肉同雞都唔錯，打完邊爐仲有甜品可以食，有蛋糕仔，大福，仲有得自製雪糕。雪糕好滑，不過甜品就麻麻地，大福啲皮好厚。不過整體黎講都唔錯。

今日放工突然想打邊爐，之前一年前黎過幾次牛涮鍋覺得質素服務都不錯，所以今日諗都無諗其他就去直接去食，我地去到20:30左右閒日黎唔洗等位，入去前揀左美國上級進口牛肉放題同骨膠豬骨湯底，價錢每位$188。入到去即時上左一碟豬同一碟仔雞件及一碟牛比我地，依三樣野都可以不限量再叫嘅，另外有一隻大碟比你出去出面拎蔬菜類，丸，麵之類，食物質素就ok嘅，因我無咩要求。每個檯都有一部機用黎追加加湯同埋單之類嘅，但我地用部機除左追加出餐快外，其他服務都好慢，我地不斷㩒，例如加湯幾次都無人應機......差d連湯都到底咁濟😂，就連埋單都.....無人應，開頭都以為太忙無人得閒，咁我地咪耐心等候，等下見唔對路，我地唯有唔用部機直接叫服務員兩三次先有反應，因我唔太清楚平時運作，部機可以比我有得咁樣㩒，我當然就會通過部機叫服務員，如果唔係......要部機黎做咩？🤷🏻‍♀️除左服務無之前咁好之外，其他都ok嘅，個人推介粟米丸（我唔係好記得正確名稱）一咬開𥚃面好似粟米湯咁，好好味（不過小心熱呀）

食過兩次 價錢好抵食 遲去會有好多人等位 等待時候有啲長 不過入到去食番夠咩都抵哂 有得一人一個煱 又有幾個人一個煱兩種湯 張枱有位可以充電 好貼心不過要記得帶充電線去 點餐好方便快捷 好鍾意咁樣點餐唔洗不停舉手叫人黎 有部pod可以選擇追加肉類 一食哂就可以再點加肉 食到咁上下唔夠湯 仲可以禁個制就有人黎加湯 超級方便 唔洗一邊食一邊等住叫人黎加野咁麻煩 而且都幾多選擇 有芝心丸同唔同既丸類 仲有其他野選擇 有得自己整雪糕加唔同既配料

旺角分店做promotion,見午市有半價就去食。叫左豬牛雞放題折左$88.8（加一收原價），120分鐘，幾抵食。湯底好濃郁既蕃茄味，薄薄肉片，豬牛食落分別吾大，幾喜歡佢甜甜地既醬汁，其他配料質素都好高。

雖然天氣炎熱，但亦無阻一眾火鍋控「十下十下」。「牛涮鍋」在港有多間分店，是午造訪的分店位於新世紀廣場內。正值午膳時間，餐廳也推出一些優惠火鍋半自助餐，視乎選定的主食肉類及用餐時間，可以低至八九十元便可吃得飽飽。紅白兩色的鴛鴦湯底，説實話難與港式火鍋湯底比較，簡簡單單就好了。紅白相碰，以蕃茄湯食味稍勝一籌，或許純粹因小編喜愛吃蕃茄吧！主食肉類豬牛雞三選一，既然來到「牛」涮鍋，當然以牛為首選。每人一碟的牛肉片，肉色紅潤，雖然沒有誘人的雪花紋理，但也有合適的脂肪比例。牛肉片薄，只需輕輕一涮已熟度剛好，牛味對辦，口感軟嫩。至於「自助餐」部分，可先到沙律櫃享用菜蔬沙律。中華沙律、蛋粒及藜麥是比較特別或富和式風味的配料。移步至火鍋生料區，選料主要以瓜菜菇菌及丸類為主，各式瓜菜菇菌不論外觀及味道都算不錯。丸類雜項相對特別，較吸引的有味道略似帶子的仿干貝燒；黑中含白，內𥚃混入彈牙墨魚碎粒的墨魚汁丸；以及一口爆漿的流心芝士丸等等。 在凍櫃中，能望見烏冬麵食。但既然有熱辣牛肉飯同場出現，當然會選後者。 甜品櫃有一系列迷你糕點，賣相小巧，味道普通喇！小編相對欣賞朱古力林明頓蛋糕及泡芙。軟雪糕亦屬亮點之一，

今晚同阿女出旺角，一早睇定新世紀有咩好食，上網睇到呢間，牛肉火鍋放題，就試吓啦！攞咗飛唔使五分鐘就有位，good！先講服務：一坐低，完全無人介紹過落單個system係點，聽到職員教隔離枱先知，唔緊要，都學到，落單加湯，可以超過十分鐘唔見影，足足落咗三次單先有人嚟，中途想直接叫人，唔係聽唔到就睇唔到。然後想加肉，個pad完全落唔到單，又叫咗超過十分鐘先有人幫我解決啦！放題90分鐘，用咗差不多30分鐘嚟搵人、落單、同等，這是什麼質素的服務？再講食物同味道：我叫嘅係$4xx熊本和牛套餐，有牛、豬、雞、海鮮。牛：好肥，好稔，好滑，但係無牛味。豬：唔稔，唔滑，唔好味。雞：稔，滑，算係成晚最好食嘅嘢。海鮮：有蠔、帶子、魷魚、蝦，中等貨色，無特別，亦無驚喜。自取食物：花樣算多，不過味道一般。甜品：已經零興趣再試。總括而言，用呢個價錢，可以食到味道更好、服務更周到、更有質素嘅地方，一定唔會返轉頭。

又係試新野既時候𡃤！聽聞『牛涮鍋』喺旺角開咗間旗艦店...weekend有半價之餘，仲可以食足兩粒鐘...梗係要試吓啦！今日星期日14:00上到去...排哂長龍！條隊長到嚇死人！好在用apps預先book定位，如果唔係...真係等到地老天荒都等唔到位！我同朋友兩個揀咗個$158美國上級進口牛(肉質不錯...吾怕鞋), 湯底就一人一鍋！我就揀咗一個🐷骨湯...朋友就pick咗辛味豬骨濃湯(中辣味)！呢個場都好大，而且座位同擺放野食既地方都闊落。感覺丸類同甜品比其他分店多！例如多咗啲較特別既辣味魚蛋同三文魚丸等。Dessert 方面多咗 ice cream waffles! 飲品方面除咗一般可樂、七喜、果汁嗰啲...還有甘吉茶、綠茶、cappuccino、hot chocolate、同奶茶。選擇較其他分店為多！重點係呢間做緊promo....星期一至日17:00之前食部分都餐(如美國進口牛/美國上級進口牛/美國特上牛)有半價優惠！我哋兩個人埋單加埋10%服務費都只係食咗$189.6！(仲要用埋會員積分換咗一個海鮮拼盤) 咁樣既質素任飲任食每人都只係$95...仲要食足兩個鐘！真係賺哂！👍👍

買左飛睇戲未夠鐘仲要等好耐甘就食反個hea lunch3大1小1bb🤣好怪掛住台灣個按唔錯年紀收費tim😝坐低可以揀2個湯底（豬骨同鏗魚）豬骨好味😍揀左美國進口牛放題，湯上來拎左一牛一豬幾靚仔丸類，飲品，甜品自己出去拎選擇都幾多，品質都唔錯唯一就係無人收碟，其實都無咩碟收，自己拎個隻碟係重用既，係得d肉既碟遮....

因為公司老闆送了兩張牛涮鍋$100現金券，於是就多買兩張，跟星仔一起吃。看過午市和晚市食物分別不大，但午市價錢較便宜，就選了一個周末中午來吃。＊＊＊＊＊＊＊＊＊＊＊＊牛涮鍋的午市放題由$108至$328不等，因為想盡用手上的現金券，所以選擇了美國特上牛小排放題($198)，除了沒有和牛外，其他豬牛雞都有。豬牛雞肉都要叫侍應下單，其他食物可以到自助區自取。每張桌底下都有這個平板電腦，可以在這裡叫人加單、加湯或埋單。每張桌下都有手機叉電頭，非常貼心。豬牛雞以外的，都可以在自助區找到，有各式蔬菜、丸類、甜品和飲品。飲品除了汽水，也有果汁和花茶選擇。雪糕機有蒜薯和牛奶兩款口味。雪糕機旁邊有多款配料可以加在雪糕上。甜品有三四款選擇。湯底有六款選擇，我們選了骨膠原豬骨湯和番茄濃湯。豬骨湯味道偏淡，反而番茄濃湯都嚐到番茄酸香味。每款醬料都取了一點。有胡麻醬、唐辛子醬油和燒肉汁。左邊是蜜糖菊花，能飲到菊花味，不過有點偏點。右邊是橙汁。美國特上牛小排雪花紋很平均，入口非常嫩滑。美國上級進口牛肉和美國進口牛肉沒有牛小排般滑，兩者口感相差不遠。左邊是丹麥皇冠豚肉，右邊是美國特選雞腿肉，其實原本沒有打算點，但

周末又去浦新世紀，貪佢唔多人夠好行，shops夠大，款齊同fitting 唔使排，都幾吸引。經過四樓，六點幾已經有一班人在門口排隊，似乎勁過其他其他餐廳好多。再望望，原來係牛涮鍋，朋友係member有折。橫掂未肚餓，一於拿定飛邊行邊等。原來入坐都幾慢，二十幾個 number, 真係要等成個半鐘...... 大家都好餓，但最後都冇放棄，仲俾我地等到個靚卡位，勁開心。我地叫左美國上級牛，盛惠 $198。 質素有樣睇，呢個價錢都唔失禮。牛有牛香，豬有豬滑，唯獨雞就冇乜人食，剩返曬 😩朋友的member card 仲送一個海鮮盤，蝦同生蠔唔錯。元貝一般啫，唔夠新鮮。魷魚烚完之後縮到好細隻 （可能只有原本的五份之一），太少食唔出味道。呢個拼盤送就 ok 既，如果打算加錢叫就要考慮一下。食完一輪肉就當然再 order, 但上菜時間頗長，好似成十分鐘先有。響呢到食是有限時的，咁佢上菜是否都應該提升速度呢？第二輪肉的質素比第一輪差，似乎是所有日式涮鍋店的定律吧。任食區域例牌有蔬菜及丸，種類唔算多，亦只提供比較平價的蔬菜，我期待的秋葵、羽衣甘藍、南瓜同皇帝菜都冇，少少失望。而且食物refill 未算及時