牛角日本燒肉專門店 (又一城)

營業中

休息中

牛角，顧名思義梗係食牛啦，朋友快移民，指明想食一餐燒肉，唔使諗，識食一定係食牛角！雖然我哋好大食，好想食buffet，不過考慮到價錢同性價比，最終都係決定乖乖等位！雖然而家可以用app預先拎飛，不過由於太多人等，都係等咗半個鐘📍日本佐賀極上黑毛和牛西冷今次冇嗌到韓牛，主攻日本牛，掛住食冇乜影相！不過呢一塊西冷，紋理均勻又夠薄，有少少肥，100 分 📍A5牛板鍵必食系列，唔使多講📍牛肩脊肉個人認為係最好食既部位，味道同咬口都好唔同，食過就知！📍一口牛舌 半生熟最好，外脆內軟，要燒得好唔容易啊，通常唔好翻轉頭燒，要一氣呵成！

今日中午同一個朋友 Lunch 在又一城牛角食燒肉。好彩我們在12點前入左座，唔駛等。12點15分出黎商場洗個手就見到門口排滿人等枱都心感好彩。因為好餓，坐下來我們都立即在午市menu點了餐。餐廳環境偏暗，點亮我們既枱就靠爐上面既燈了。我們各自選三種肉，這個午餐set A，還包括沙律、湯、飯、飲料：上菜後都發覺份量偏少，我們各點3種燒肉都覺得唔夠食。可能因為我係食肉獸源故吧😅，我還升級了紫菜飯。點的每種肉是4片，一口牛就是5粒，每款$40-50，感覺真係少，我們每人都是點了三款，枱面共六款，食完感覺好似無乜食過咁😂茶水就要叫店員添，餐後有糖果讓你食。這頓結帳是$267.9。點睇感覺還是有點貴。

由於好期待想食燒牛，所以等左一個多小時都等。當想放棄時，店員同我地講，可以食下午茶時段8折。於是我地由午餐時間等到下午茶，之後叫左一個咩牛類都有既set。有比較有傷害，就會知邊種牛特別岀色，今次和牛勝。

因疫情 已經1年零6個月（最後一次離港是2020年1月12日 去了深圳）沒去旅行了 好懷念東京新宿的六歌仙烤肉 所以今天就去了又一城的牛角 聊勝于無喇到達時是13.45 等了大約25分鐘 有午市定食供選擇 但我一心想是烤肉 用手機點了C餐 （牛角極上4品燒肉盛合）加配香蔥溫泉蛋飯 凍柚子蜜和白桃雪芭先送上昆布湯 很清淡 生菜配日式麻醬 一般般喇香蔥溫泉蛋飯 不是很香 但始終比白飯吸引D牛肉分有4個不同部位 每款2件 牛肉味頗濃 軟硬度適中 沒有筋和不韌 如果肉厚D會更好味我是甜品控 凍柚子蜜很香甜 白桃雪芭 桃味濃 反而是我最滿意的

星期日原來5:00pm前都仲可以叫假日嘅Lunch set！我哋叫咗三款唔同嘅set，但唔知係咪叫set嘅關係，啲肉真係好一般，埋單$630，食完覺得個價錢其實唔算收得貴，但感覺上又好似唔知食咗啲咩咁🤔 不過以呢個價錢，搭多幾個站地鐵落尖沙咀，應該會有更好嘅選擇⋯⋯

𓃒 牛 角 ࿐ ࿔*:･ﾟ______________________________𓃒 牛角十品燒肉盛合 $538 牛角一向有品質保證 各款牛肉都有不同口感 肉味濃郁多汁✨配牛角飯更上一層樓🥳但個人認為價錢實在太貴🤧______________________________𝘀𝗲𝗿𝘃𝗶𝗰𝗲: 8/10 𝗲𝗻𝘃𝗶𝗿𝗼𝗻𝗺𝗲𝗻𝘁: 8/10 𝘃𝗮𝗹𝘂𝗲 𝗳𝗼𝗿 𝗺𝗼𝗻𝗲𝘆: 7/10

呢次來到牛角試燒肉啦！點知佢星期六無放題，唯有叫定食啦！Order咗兩個B餐燒肉定食，再加左個牛柳粒同一碟肉肉！非常豐富😋😋.不得不讚嘅係佢有求必應，事因我唔知牛角飯係有葱响紫菜底，所以同職員講可否幫我換一個走葱的，職員很爽脆地說「好呀」其實已撩開左一忽紫菜，明顯係搞亂左，但都肯換比我！好感動！😭😭.其次係佢個牛柳粒好好食，燒肉都好好食呀！.環境、衛生、貼心、食物質素都好好！唯獨是假期無放題食得唔夠開心😅😅😅.下次要再黎食佢個放題至得🥰🥰🥰

食牛角夜市，期望越大，失望越大。劣中極品：零雪花巨筋日本和牛唔同鋪頭，唔同日子，肉嘅質素真係可以爭好遠。錢就都係收咁多，但今日啲和牛真係別出心裁。首先係視覺衝擊，色水深，無油花，得條巨筋；燒緊嗰陣，反兩下，條巨筋就將舊肉一分為二，大開眼界；擺入口，味道都係其次，考驗牙鉸耐力先係重點，凡人都係無法戰勝巨筋之力，只得囫圇吞下。和牛雙姝：半斤八兩美國牛其實都真係乏善可陳，無論係賣相同劇情走向都同上面日本牛相若。兩碟（所謂）和牛就好似copy and paste，難辨雌雄，係個身份證有些許出入，唔知係師傅的疏忽，定係命運的玩笑。堅挺小深紅：冰雪肩脊肉今日啲肉色水都偏深。肩脊肉之所以突圍而出，就在於佢附送幾絲冰花。夾落堅挺不屈，幾分鐘前可能仲係擲地有聲。不多言了。你很好只是錯timing：姍姍來遲梳打肉類不如人意既成事實，自己嗌嘅野，點都要食落去。落單後，幾碟肉好快魚貫而至，但，杯野飲嗌咗超過廿分鐘先嚟。食巨筋牛都真係好想有啲嘢飲撫慰下，一路燒一路等一路呻，結果幾近食完先嚟。最後要硬隊大半杯嘢飲，足氣梳打與滿腹怨言混合，一同發酵。好一餐豐富的晚飯。千思萬緒無處解，聊作記錄，與眾分享。

食肉獸一星期總要遇上牛肉一次 有時間的話必定會自己到凍肉舖揀選心牛肉食法不離火鍋 和 燒肉 食到原汁原味才是最重要但忙了一星期 沒有時間選購有咩辦法？ 當然係外出用膳 堂食至晚上十時 時間空間多左 要好好善用 牛角會係最近又最稱心既選擇原因係 肉類穩定有質素 價錢需然會貴過自己買但性價比仍然不錯 最緊要近！！排隊等候接近40分鐘 食客仍然繼續取票等候需求可見一斑點了燒肉盛合六款 燒肉汁有牛、豬、雞 貪心的我就點了這個無論係邊種肉 都相當不錯 這個價錢都滿足左想燒肉既渴望有時豬其實比牛更加惹味有口感另外再點多一個生菜配料韓燒既感覺都可以滿足埋 更加可以消除食肉的罪惡感 何樂而不為？！一條過的牛胸腹肉 肉質係以纖維為主 但相當之嫩口彈牙 而且富有好強既牛肉肉汁 肉質配合牛胸腹本來的紋理散開 唔會因少脂肪而硬綳綳 而且好入味又重牛味 加多個香蔥石鍋拉麵 完美演繹一餐日式燒肉料理自己手磨芝麻 直接倒入鍋中 搞伴 熱辣辣香噴噴 齒夾留香👍🏻👍🏻

有一排突然之間好想食燒肉，試來試去都係覺得牛角最抵食🙈所以特登download返個app，遙距攞位，去到直接入去就得，唔使排隊👍🏻———牛角特選牛五品燒肉盛合 $135同朋友一人叫咗一款燒肉盛合定食，佢每款肉都有兩塊，包括牛肋肉、厚燒牛舌、牛舌、肩脊肉，同埋腹胸肉。唔好以為每樣得兩塊好少，食完真係好飽🤤呢個定食仲包昆布湯、前菜、牛角飯，同埋飲品，個人認為一個咁樣嘅lunch set非常之抵食🤩牛角啲肉果然冇令我失望，一如既往嘅都係咁鬆軟彈牙，牛角飯亦都係冇得彈👍🏻佢啲紫菜加埋燒汁配落個飯度，再配埋啲燒肉，簡直係絕配😍依家一路打呢個captain都仲回味緊佢有幾好味😋食完10塊肉真係好想再嗌多幾碟散碟，不過實在太飽食唔落，睇嚟下次都係食放題先滿足到我食燒肉嘅慾望🥳

近排間唔時要出job, 所以冇得帶自家飯😥加上堂食限人數，因此要物色下出job 附近有咩會做外賣的餐廳，在 Openrice 碌碌下時發現，牛角經openrice 外賣自取有6折優惠，一個 燒牛肉飯牛餐 只係$43.2，唔洗五十蚊，即時心心眼😍😍😍仲可以直接網上落單，餐牌有咩揀，一目了然，唔洗打電話落單咁麻煩；用埋信用卡/其他電子支付方式，夠晒方便最正係而家有埋迎新優惠，首次經openrice落單，滿$40仲要平多$20，呢個優惠好似到12月底咋🙊結果 我加埋$6要溫泉蛋，都係$49.2，減埋個迎新優惠，係$29.2 咋🤩🤩🤩一個字：抵👍🏻落單時會提供埋取餐時間，唔洗浪費時間等一般網上外賣會預40分鐘製作，我12:40左右落單，約13:24就拎得，自己再預返時間行過去拎；以超sharp 的外賣袋裝住，講返個飯的質量先，因餐廳離出job公司都有少少距離，步行都要5分鐘左右，拎到返位，依然是8成溫熱，毋須翻熱外賣包裝簡潔，牛肉飯以一大碗盛載，而燒肉汁 及 溫泉蛋 則分別置於小膠兜內開蓋一刻，可能因為個碗都係黑色的關係，所以感覺上 與 在餐廳內享用的外觀 有些相似😆飯面舖了一少 大葱，葱香撲

E 牛肋肉四品燒肉盛合 $159F 牛角特選牛五品燒肉盛合 $135+$2 飲品 * 2杯+$12雪糕 * 2杯$11溫泉玉子飯 * 1碗喺又一城食lunch去牛角食燒肉等咗10分鐘！叫咗E餐同F餐！燒肉嚟度啦，賣相啲肉都唔錯，牛肉唔鍾意太過熟，燒到啱啱好就very good，個爐都幾好燒唔會好容易燒濃👍🏻肉味幾濃又juicy，配麻燒肉汁都幾好味😋牛餐仲有一碗紙菜飯，我就追加$11要多隻溫泉蛋😂紙菜本身已經有鹽，唔洗落豉油，篤開隻溫泉蛋都幾流，撈飯一流，一啖飯一啖肉，yummy 😋餐飯就普通嘢啦，雪糕有落啲木糠粉，我自己唔鍾意食木糠粉，因為一定食到係咁咳，呢個時勢你仲喺餐廳到咳到癡肺咁，玩咩，餐廳可以考慮走咗啲粉會仲好囉🤣

因為疫情，一排冇去牛角，本身係會員，一早係個apps度book咗台，訂咗6點，提早5分鐘到，同門口個姐姐講訂咗6點，個個姐姐只用眼角瞄下我完全冇出聲，繼續執菜單，完全唔理我，企咗陣，等佢執完菜單，佢就嗌出面等緊的人入座，嗌咗5，6張台都冇理我，個時已經6點05分，我係佢面前企咗10分鐘，後尾忍唔住再問佢，究竟幾時到我，先話跟佢入去，服務差到爆，做咗好幾年會員了，未試過咁差！雖然係會員，但唔會再去了

今日打風，好多餐廳都唔開。見牛角有開，今日又竟然唔洗點排隊，就去食個牛角lunch set。🥩燒肉定食 $95牛角lunch set嘅燒肉定食真係幾抵。每個set可以揀兩款肉，我揀左肩脊肉同牛肋肉，揀左燒肉汁。朋友就揀左原味。每款肉有四片。配燒肉汁嘅牛肉上面有芝麻，增添香味。肩脊肉比牛肋肉明顯好食好多，燒到半熟之後咬落去肉汁多好多，油香亦豐富好多。牛肋肉都有啲肉味嘅。啲牛肉就算唔點汁都好食。下次如果再食，會想睇下可唔可以兩款肉都揀曬肩脊肉。每個set都配昆布湯、迷你沙律、飲品同埋任食白飯。我地每set都加左$21將白飯改左香蔥溫泉玉子飯，好食好多，強烈建議大家揀呢個飯。個香蔥溫泉玉子飯入面有溫泉蛋、紫菜同埋蔥。將所有野同啲飯撈埋一齊，蛋汁滿佈每粒飯，每啖飯都有紫菜同蛋汁，有曬鹹味同鮮味，齋食個飯都好好食。每碗飯都好大碗，食完一碗其實都飽。不過貪食嘅我食左兩碗。昆布湯淡淡地冇乜特別。迷你沙律酸酸地，可接受但唔係好啱我口味。飲品方面我揀左橙汁。佢附送杯茶都幾好飲。不過服務方面真係麻麻，我每次黎呢間分店都覺得啲員工好唔主動留意食客嘅需要，我見其他食客同我一樣，每次叫加飯或者埋單都要揮好耐好耐

人來人往為了食飯吧,一間餐廳外有幾十人等位,信心大增。牛角餐廳有燒肉,有前菜有飯有麵有甜品~咩都有,當然我食既是散叫,選擇很多,燒肉的質素及味道GOOD!!不迫,坐舒服,抽風理想更不會一身油煙味!牛角四大最愛(牛肋條 雞翼 牛舌 牛角飯),不能小其中一樣!!!牛肋條當然懂得去燒能鎖住肉汁 原汁原味肉香口,切忌不要心急轉反,雞翼耐心燒至金黃才反轉,有圖有真相,100分~^^燒牛舌再加牛角飯,一轉眼已叫了4碗,高手在此~由於牛舌不要全熟,集中望實,出血即反,待幾秒又反轉後的口感最佳，建議別太熟。不是同我,係舊肉,咬開後，中間有少少的粉色都沒問題。