牛角日本燒肉專門店 (又一城)

營業中

休息中

今日到又一城的牛角午餐，12:30已經要排隊，等了大約15分鐘我們便先度體溫再入座，座位有大膠板作分隔，而侍應也提俠收納口罩的紙張，並請我們未進食時要戴口罩。我們點了牛角流自選三色，選擇了海蜇柚子醋沙律、肩脊肉、豬頸肉、迷你牛肉飯及迷你膳良豬拉麵。海蜇柚子醋沙律超級大碗多菜，海蜇海帶配上柚子醋酸酸甜甜非常醒胃好味，充滿纖維。肩脊肉及豬頸肉也好味，份量夠，味道也好。迷你牛肉飯及拉麵都好味，份量剛好不會浪費。

晏晝約左幾個老友相聚，想搵個坐得耐嘅地方傾偈，又想食好嘢，記得牛角都幾好食，所以決定試吓佢2:30七折優惠嘅套餐係唔係保持水準。其實真係抵，因為佢用返平時午市定食烤肉套餐做七折。有七折，梗係叫最貴嘅和牛三種及牛角燒肉兩種嚴選盛合套餐啦，折咗同普通套餐無折個價錢差唔多咋嘛，但就可以試多幾款靚啲嘅肉。呢個餐有一隻嘆佐賀產和牛牛肋肉，牛味濃，軟滑，有肉汁，和牛控必試另外美國srf嘅和牛牛肋肉仲有牛板鍵嘅牛肉味都重，吾錯比起百幾蚊嘅餐黎講，呢個餐都值嘅我都鍾意個牛角飯，上面嘅紫菜爽脆，吾係出面稔稔濕濕咁，配烤肉吾錯

今既ot到9點幾，黎到又一城想食果間西餐休息..上一層見到有牛角，即時諗起好耐無食燒肉，門口仲有9點後既宵夜限定入到去環境好闊落，入場時會派張紙可以包住口罩！ 入到去先叫一份2人份特上5品燒肉盛，之後既追加既食物有7折，5折選擇！ 太餓啦，追加左肩脊肉，腹胸肉，豚肉，仲有牛舌！5品燒肉有雞，豚肉，和牛！ 份量都幾足，見到原條腹胸肉，折左$5x, 真係好抵死！ 岩曬我2公婆係牛魔王😍😍😍😍💞豚肉好香口，牛舌大塊又彈牙，食到一半忍唔住叫多2碗牛角飯！燒肉汁送飯一流， 埋單都係$518！

下面依三樣係我每次去牛角都一定會叫🤪🤪依家仲有得外賣 送上門 有次我lunch叫 安在家中都可以好滿足🥰🥰-✨和牛牛肋肉x黑松露月見汁我認為牛角咁多款肉來講 最有牛味最好味嘅一款 再加埋黑松露蛋醬一齊食🤤🤤💓-✨海蜇柚子醋沙律齋食肉一定有d寡 再加菜會balance d本身一向都好鍾意食海蜇再加左少少柚子醋酸酸咪咪 食落更開胃😋😋-✨溫泉蛋紫菜飯雖然好簡單得兩個配料 但係已經足夠我食晒成碗飯🤪🤪😚

黎過又一城分店好多次了今次無特別影相，賣相方面次次都保持水準所以都唔洗次次影新相😋😋😋之前休店一排真係好心癢癢一開返已經去食左兩次了因為返工地點好近我亦都有幫襯嗌外賣返去食以為咁平既價錢唔會好多份量啦！點知份量又好夠，味道亦都好牛角🤤正呀！就算開返店之後水準都仍然係好滿意，之前因為就朋友方便有去過其他分店幫襯邊間就唔特別講了但始終都覺得又一城係最好品質希望品質可以繼續保持等我可以一直幫襯啦！😁

繼續疫情外賣系列。外賣打邊爐玩了幾次，今次轉玩外賣烤肉。預先打電話落單，話要30-45分鐘準備。嘩。來到店前人頭湧湧。其實廣告優惠都唔係話好勁，使唔使咁多人先。2人餐一個袋裝晒。首先有一盒枝豆。牛肉拼盤、一口和牛、菇類、蔬菜。牛肉唔錯，油份夠晒。喺屋企烤肉，個廳無抽風設備，煎左一陣已經煙霧瀰漫。Anyway，自己的烤盤，烤得似模似樣。跟了醬汁，同喺現場食一樣。腸仔就一般正常啦。兩個牛角飯跟溫泉蛋同紫菜，依然係咁正！全家福（墨魚片是自己加料的）始終喺屋企真係好油煙，75折又唔係抵到無可抗拒，下次都係玩返打邊爐。

放假緊係要搵啲野獎勵下自己，難得搵到間位放大型商場既日式烤肉店，就決定去試下。排左陣先有位，一入到去已經忍唔住要落單。店員好認真同細心咁教我地用teblet落，超好人呀。冇幾耐野食送到黎，啲牛肉全部都鮮紅色㗎，勁新鮮。雖然價錢唔算好平，但絕對合理。牛肉質素亦都好好，另外我仲推介石班魚同牛舌。當然唔少得牛角飯啦，係呢間餐廳既名物黎㗎～軟棉棉既白飯加左醬汁，再蓋上勁多紫菜，同啲燒牛肉一齊食真係好夾，好好味呀

今期牛角做緊優惠，某d地址食90分鐘燒肉放題$298，所以我地就Target去又一城啦。又一城牛角環境唔錯，疫症下會為入座顧客量度體溫，又會提供信封俾客人放口罩，而且又有消毒噴霧機，幾貼心。雖然話食午時，但都幾多野揀。所有食物都經IPAD點餐。版面前菜沙律燒野菜牛肉豬肉雞肉海產內臟和牛王樣？即係乜野？湯／飯／麵飲品有熱有凍，而且有一枝枝裝。未order前每人會有一碟拼盤。前菜：芥末辣章魚特登叫個牛角飯配肉食牛舌拼盤覺得牛舌肉切得太細，冇乜咬口。和牛類，但比較鞋。蝦算唔錯蠔都好juicy大腸OK後來order豚肉類真係咸到咬落去好似食啖鹽咁，真係頂唔順。個帶子都係一樣，個汁好咸呀。之後雞翼都係，個雞皮我要吐出黎。個凱撒沙律好味。因為越食越咸嘅關係，所以我都叫左3 round飲品。其實總體食品唔錯，但醃料太重嘅關係，所以要扣分呀。其實2個人食90分鐘都夠嘅，但係始終2個人所以唔算食好多類型，而且黎野食同飲品都算慢，可能要夾埋一齊先送餐掛。依餐食左6百幾蚊。

天氣開始涼啦係時侯食吓燒肉😛平時喺旺角/尖沙咀食開嗰啲分店都要等好耐而且要同人迫🤢好彩呢度相對少人啲，好快就攞到位入去啦😎呢度嘅燒肉 Lunch 套餐有好多選擇，配有飯，沙律同湯，絕對夠食👍🏻＋$12仲可以叫埋雪糕做甜品😍值得一提嘅係叫凍飲走飲管嘅話係唔需要加錢，一齊支持環保♻️

通常心血來潮想食燒肉個陣都會即刻諗起牛角 覺得佢地質素幾有保證 好少失望 同埋好多地方都有分店 方便好多 而今日就黎咗又一城分店食夜晚 有無人同我一樣係必嗌牛角飯! 岩晒我呢啲大胃王 配合食燒肉感覺無咁油膩同埋飽肚感多啲! 另外我都會嗌生菜 佢會配送泡菜 夾埋一齊食真係一流呀 食咁多肉要食返啲菜主菜方面我嗌咗個燒肉六種盛 入面有齊雞豬牛 岩晒兩個人share食 咁多款我最鐘意牛肋肉 當燒到岩岩好咁放入口會有少少和牛嘅溶化咁好正架 另外嗌咗個和牛牛助肉配黑松露月見汁 當初係因為見到有呢個汁點黎食好似幾得意 點知食落就真係好驚訝 黑松露味好濃 有埋隻蛋點燒到岩岩好嘅和牛真係好幸福 好推介大家試下呢款飲品方面今日我最愛嘅雜果賓治賣晒唯有試下牛角特飲 入面係青蘋果同梨 都好好飲 另外佢地現家走飲管有得減$10 即刻好抵仲可以支持環保 佢地呢個做法做得好好呀！ 總結黎講除咗等位係有啲耐之後 其實成餐都食得好開心架！

地方好逼，4人枱完全放唔到肉，d野上得太快，亂哂龍，上左肉先上沙律，雖然知好多人等位但都食得唔舒服。肉類普通，呢個價錢有更好選擇，有折既話海鮮餐係ok。不過無乜特別好食。

《牛角》每天的晚餐都是她姐絞盡腦汁的時候，因為每天都想發掘新的店舖吃不同的美食。假日的午餐最好的選擇當然是水準平穩的餐廳。燒肉、火鍋、普通菜式，假日的午餐想放縱一下當然離不開燒肉。《牛角》作為連鎖式燒肉餐廳，多數以套餐為主，可以加錢點選不同的其他燒肉部份。他們午餐的任食紫菜飯也是其中一個特色。牛肉方面肉類的選擇也不少，但套餐當然是固定牛部份的種類！肉質保持不錯水準，亦有和牛的選擇。很推薦牛油番薯，加入牛油令番薯可以燒得好香脆！燒肉店也不一定只吃燒肉哈哈。

我係一個海賊王迷，咁當然係為左買周邊物品啦，牛角燒肉食得多，溫野菜就第一次，今次係由天水圍黎又一城食。由於朋友一早幫我訂位，所以唔需要等位，門口一片一海。一人一鍋，岩中意唔同口味朋友聚餐，今次我試左牛肉湯，入面真係有塊牛肉。湯味都可以，都清甜。期間限定，海解船，帶子新鮮，冇咩點縮水，龍蝦尾一般大小，味道都新鮮，係肉汁唔夠，可能解凍問題。A5和牛好肉二百幾三百蚊，得四塊有啲貴，不過入口即溶，十分優質，感覺一塊就如一張銀紙。飲左好多限定飲品，最好都係凍綠茶飲品，甜度適中，其他都係一般般。都由於活動關係，每款海賊王有關食物都會送紋身貼紙，由於有多款唔同，為左習齊一套，我不段同店員更換，佢地都好有禮貌幫我換我想要既款式。係到都多謝幫我換貼紙職員，為左我行黎行去。最後，我覺得一定要食既，芝士年糕，皮唔厚，芝士都多，流曬出黎。

平時假期去尖沙咀牛角每次都要排好耐，今次喺九龍塘呢間牛角等位時間相對比較短。✨麻香椰菜必點，椰菜好新鮮好爽口，加咗麻油食落更加香甜🥬✨牛角飯👍🏻👍🏻👍🏻其實每次去親牛角，最想食就係佢嘅牛角飯🍚面頭鋪左滿滿既紫菜，再淋左佢嘅秘製醬汁(豉油？🤔) 食兩碗都可以😆✨牛肋肉，腹胸肉，肩脊肉分唔清邊款肉，都是牛肉😀✨ 熊本豚腩肉燒肉黎講，個人比較鍾意燒豚肉多過牛肉🐷五花腩燒到金黃色，外層香脆，正🤤✨香菇拼盤

好耐好耐冇食燒肉，期待左今晚好耐啦😆🥰好彩今日係平日，唔洗等即刻有位入，仲要係卡位，三個人好舒服🤗九龍塘呢間係單點計錢的，所以感覺高質啲，而且可以慢慢燒慢慢enjoy😍本身借左朋友金會員有85折，但去到發現最近做緊匯豐卡7折（指定二人套餐），所以我同朋友們一致決定叫兩款二人餐，可以食到好飽🤤個套餐有前菜，超中意個明太子蕃茄！😋😚兩個salad都好味，好fresh👍🏻之後勁多牛，雞、豚肉都有齊，有好多菇菌類，仲包埋海鮮拼盤，真係幾抵食😋啲食物好新鮮，所以都唔洗點調味用醬都oyishi🤤🤤❤️