牛角日本燒肉專門店 (又一城)

營業中

休息中

又一城不太貴的食肆 在四樓food court忽然聽到朋友介紹 牛角的下午茶(2點至5點) 都幾抵大約 60零蚊 有一餐今日同同事 去吃, 我點了一份牛舌和牛肉， 燒烤的， 再上一碗白飯， 和一杯飲料牛醃得非常好味， 非常juicy， 牛舌 很大的一片。 同事打趣說有冇這麼大的牛脷， 牛舌不過不失反而那碗白飯 非常好味， 軟綿綿， 連我平時不吃太多飯的 也清了底我點了一個凍咖啡，埋單70多元， 在這高級商場都算不貴了。 因為 一碗燒味飯加一杯飲料 在 food court 都要50多60元整體來說， 又可以燒烤又可以吃飯， 牛角真的不錯

<<生在美食天堂，點可以唔識食>> <<I born in Paradise of Food，but what Food do we have?>> 牛角開左好多好多間不時會加入不同牛款當然入面其實我最不推介比大家的是王X系列，留多點銀蛋食牛肋肉就好了XD不過今個晚上就係試試佢既新產品/期間限定。0.5正~佐賀和牛，油花見得出比較平均，但係位置切得唔係咁好，會有筋係小小敗筆普通~牛板腱，是冰肉來的，肉味有，脂肪少(不過好似已經唔存在係Menu上面了，唔知今年冬天會唔會再見)到店鋪裝修，有長枱，適合多人用餐。算係新店，設計乾淨，燈光偏暗。沒有油煙味，不會太嘈吵，是不錯的用餐地店。比較起九龍塘的其他食店的性價比算中上的順帶一提，員工唔多，繁忙時間既服務有點遲緩

今日午餐黎牛角食燒肉😋見晚餐較貴，就諗住中午黎食會抵食啲！果然！自選燒肉都係69蚊起，就選揀一至兩款牛都係100蚊前後、抵好多！🥳我揀左個燒肉定食、要骨付牛肋肉同雞脾🍗肉。男友就揀左個貴啲晚牛角特選牛五品盛合🐮🐮🐮🐮🐮🐮Honey話呢間牛角係佢去過裝修最好既一間，一來新啲，二來呢度啲抽氣空調做得幾好，入到黎冇咩好大陣煙或燒肉味👍🏼兩個餐都有沙津🥗、湯同飯，唔算係好驚為天人但都好合理用iPad點餐之後，就有點完好快攞返張單嚟請你去對返用iPad點餐之後，就有點元好快攞返張單嚟請你去對返單，效率好高下。之後就好快送上啦哈跟餐嘅沙律，然後未食完前，其他肉類、飯同湯都分別送上了。自選燒肉餐既牛肋骨同雞腿🍗都各有4件，份量都唔少！😂而honey叫既牛五品盛合就每樣兩件，有兩款牛舌、牛肋肉、腹胸同肩脊肉🐮。不過講真，食起上黎三隻肉都差不多🤣最好食係厚切牛舌，肉夠嫩又香，其他都唔錯既。Honey次次黎都揀食呢個香蔥溫泉玉子🍳飯，揀個牛五品餐加10蚊就食到，咁仲有埋紫菜、撈蛋同蔥係真係一流🤣我就揀加個甜品🍮，要左牛角雪糕🍦，即vanilla加啲糖漿同啲黃糖粉咁，又幾夾；不過舊雪糕送黎時仲係太冰，要等左

係牛角的放題啊，好多人都話牛角好好食，我地今次係無預約的情況下上去。排隊的時候已經好期待，出面walk in的人都唔少，我地大概等左30mims，因爲我地9.00先上去等，建議大家去食的時候去book位。牛角的放題都分左幾種，有平有貴，我地就選擇左大概250多元的價錢。因爲呢個價錢的食物種類就夠我地食la，有雞有豬有牛，還有其他款色的前菜同面食。燒肉的質數都真係幾好，如果你係牛魔王的話強烈建議你地黎食！！Refill肉的時間都好快，我地食到好飽 。

牛角屬於連鎖式經營食店, 此店位於九龍塘又ㄧ城, 走高檔路線!!! 雖然有HSBC Credit Card會有30% off, 但二人套餐都要4百餘元!! 不過香港人有錢, 所以在門口輪候的人也不少!! 每枱用餐亦只限90分鐘!!!枱上三枝醬料, 一枝是燒汁，一枝是蒜汁!另一枝就不清楚! 枝蒜汁應該是制過, 所以味道特別濃烈, 因此只適宜將肉點少少蒜汁便好了！生肉的賣相和品質唔錯, 不過數量就真係少, 每款肉也只有幾片!! 幸好的是都幾好味, 算值回票價!!另外一提的是服務。 友人喜歡清潔, 所以每燒一次肉後都會要求侍應換網。每次要求換網侍應都即做, 換了幾網侍應也沒有black 面, 服務都只唔錯!! 所以友人指定要來此, 話一分錢一分貨!!!

同家姐2個人行行下街見到有牛角重要唔多人等位，唔洗諗就衝左入去！最衰d野太吸引，成日都係食食下先記得影相。先黎左個牛油帶子，帶子本身熟，比預期細粒，但燒到d牛油熔哂同帶子裙邊脆脆地，正！到今餐主食六合盛！（食淨2樣先醒起影下相）六合每款有4件，包左2款牛肉，脂肪分布均勻，燒到d滲走，少少脆邊，肉味爆炸上圖係五花腩同牛舌，五花腩d脂肪直頭可以燒到熔，但入口唔覺得肥重要爽脆。講到爽脆就要講埋豬頸肉同牛舌，又係燒到脆脆地咁，好正！最後就係雞肉，要燒耐d但又唔會乾，重幾鮮甜！一邊食燒肉一邊食配個牛角飯，1個飯夠2個人分，食肉食得冇咁濟。另外員工幫手換網都好快手👍🏻

偶然路過發覺牛字輩食肆竟然進駐高檔商場又一城，當然要捧場。週末晚二人枱十張飛等了45分鐘，此分店不做放題，有限時。第一次食日式燒肉，看見複雜的菜單都覺頭痛，點了較平價的匯豐二人優惠套餐。場地環境企理，夠暗，不少單人座卡位，傾偈方便，油煙不大，正。食物質素一般，大部分燒肉味道 ok,唯柱狀牛舌靱到要回吐，廣島蠔略腥。沙律好味，芝士粒，煙肉粒有香味有口感。我見識淺，把金菇走錫紙盒上網直燒，但一樣爽脆鮮甜。最滿意是二人餐包4杯飲品，有不少選擇，最後叫了兩杯啤酒，一杯威士忌梳打，一杯荔枝梳打（含酒），所有飲品無論甜度及温度都啱口味，平燒肉的乾燥，餐後有幾粒強力薄荷糖清口氣。我與朋友食量不大，有兩大杯飲品撐肚啱啱好，但一般相信要追加才夠飽。整體用餐經驗舒適，比涮涮燈影牛肉簿片放題有更大幸福感。題外話，懷疑人手不足，翻枱效率較慢，結賬後約八分鐘才有員工換烤板，然後待另一員工清理，加上場地曲尺長廊設計，員工要十米穿梭跑，以致場內吉位，場外等位。做好期望管理免影響心情。

There is serious problem with the management of this restaurant and attitude of staff. People are always queuing outside when there are empty tables inside. Upon confrontation, the receptionist at the entrance first claimed tables were not ready but when we told her we saw table already cleared and set, she said nobody had time to serve tea yet. She then told us not to stand in front of her as she had to call people in. We were indeed waiting for our turn outside the restaurant not blocking the

We have skipped busy lunch hours to try 牛角燒肉 at Festival Walk at 14:30pm. A group of 3 would love BBQ meat, so let’s BBQ! Lunch sets serving HK$149, including 20 pieces of beef, a salad, a soup, a rice & drinks; impressive!! We add on a prawn and veggie wraps, would not suggest to pay $23 for that small prawn next time. Not very familiar with iPad self ordering, eventually seek for assistance from the staff!! Would definitely try again!

A yakiniku place equivalent to sen-ryo. Great choice when you want to dine in a restaurant with guaranteed quality and a relatively low price. Again the price could range from 200-700 pp depending on the quality of food you order. The sen-ryo garlic rice is a must-order recommended by an ex-girlfriend.

90分鐘燒肉選擇之一牛角...其實時間都好短，不過無辨法出名的燒肉店大多有時間限制，其實想同朋友傾下計慢慢燒是不行的，因為要燒完即刻食再燒才夠飽，加上我們點了$35/$38任飲啤酒，梗加時間覺得快過，所以朋友聚餐不是太建議來這種地方進餐！口味一分錢一分貨，愈貴的牛肉愈好吃！牛肉飯都不錯！環境日式風格，有個人空間位置挺舒服！服務因為食得太趕所以食物一慢上啤酒速度一慢就感覺挺慢，好幾次等啤酒都要十分鐘，所以啤酒放題那麼便宜就是每次都要拖慢上吧！

牛角一直係我最愛既日式燒肉店。而九龍塘分店開左半年左右，今次係第二次食，地點位於無印良品隔離，等位既時間可以打吓書釘都唔錯。用app 拎飛，個app 叫號系統非常準確，唔會有delay 情況出現。大約等左半個鐘左右就可以入座呢間分店面積都幾大，座位好多，我地被安排坐係卡位。落完單既同時就要落醬啦，左至右分別係燒肉汁，味噌醬(小辣)，鹽醬。其中鹽醬係我最愛，點牛豬雞一樣禁夾!!牛肩脊肉，比較淋身既部位，建議點燒肉汁食厚切牛舌，感覺上差左，以前燒肉係好爽既，而家食到韌豬頸肉係必食!!燒到有黃金色後點鹽醬食好好味牛角飯，食燒肉驚油膩既可以叫個飯中和返，加入燒肉汁同溫泉蛋/紫菜撈埋既飯襯燒肉令人食指大動!食完之後仲意猶未盡!豬大腸，份量都幾多呀，燒到七八成熟剪開再燒燒兩邊就岩岩好。呢個會員優惠既牛肋肉拼盤，面頭兩塊牛肋肉超級肥美，油花好多好好食，牛肋骨比較韌，壺漬牛肋肉反面冇咩味。燒魷魚，除左魷魚筒仲有鬚，燒熟後好彈牙。平時飲開既完熟蘋果汁冇貨，所以就飲左芒果汁，唔錯呀甜品今次試左鯛魚燒，放上爐每邊燒半分鐘左右就可以食，鯛魚燒皮太厚有D韌，但吉士餡係OK既。

周六睇完早場...揾地方撐枱腳...撞正係下午1點左近o既繁忙時間…雖然又一城選擇都多…但多間都要攞飛排吓等入座…朋友推介《牛陣》..自己就首次尼!...門口自助機攞票…睇顯示牌對號輪候!!.......似乎都要輪廿多個號!!...四處遊走一下…回頭稍等一會…連翻叫幾號碼都冇人出現...相信都等得不耐煩去左第二間...啊!!.......無形中就算叫益左我地…前後大概等左10多20分鐘吧!?布置烏黑黑o既店…燈光陰陰...吾算係自己喜歡o既氣氛格局...但乾淨整齊坐得舒服o既…周六不設較優惠o既午市套餐…雖然有提供傳統餐牌…但要用平板電腦自助落單…自己吾係守舊o既人…但就吾喜歡什麽都變得依靠電腦或手機…人同人對話接觸都免咁……. …我還是享受”被服務”呢!! 哈!! …感覺落單變左我地o既工作?!而且稍出問題...還不是要喚服務員?!..想食餐安樂o既…仲要簡單上一課!!…那位哥仔…講兩句急急想走咁…都被問得多吧?!...哩種服務形式似先進非先進…印象麻麻…食物呢?..........燒烤店主要係講原材料靚、醃味佳…就是了!...好可惜!!…幾款中最貴而又只可以俾大交叉的…係蒜辣牛肋扒

(^▽^)啱啱考完試 就決定落去又一城食餐比較好嘅午餐慶祝下~經過牛角，初初以為係好貴嘅餐廳，但望下lunch menu又發現唔太貴如果想食燒肉嘅最平69蚊有交易 XD但我又唔想食得太heavy 就決定叫個飯~溫泉蛋雞肉飯 ($59)味道唔錯，粒温泉蛋煮得岩岩好佢仲有個湯跟埋，應該係我唔識嘢，我諗係用黎清清喉嚨？飲完一啖，最終我係放棄左E碗嘢haha餐飲叫左柚子茶~正正常常啦總括嚟講，牛角嘅lunch set都唔差，最重要佢啲位都隔得比較開，空間感比較大如果想同朋友或親人傾下偈，食下飯~牛角都會係一個好嘅選擇

我地六位，佢就比晒啲兩個四個連住入去，攪到等左成個鐘都未有位！！！遲黎既人都早過我哋入去，問個經理只回一句：我地大枱較少。咁又不斷放兩個四個入去(明明啲枱長形)，這種安排實在太差！