牛陣 (銅鑼灣廣場一期)

營業中

休息中

今日嚟銅鑼灣，順便就喺附近食埋飯先返屋企，，今日介紹呢間餐廳同我平時會食嘅類別好唔同，呢間係食日式火鍋放題嘅餐廳，餐廳名我相信大家都會熟悉就叫做牛陣，但想同大家講一講今次我哋食嘅湯底同平時食嘅日式火鍋湯底完全不一樣，事不宜遲介紹一下今餐火鍋嘅配料同埋湯底 湯底我哋嗌左呢間間餐廳新出嘅冬陰公湯底，冬陰公湯底其實餐廳會比一啲海鮮我哋DIY，首先店員會教你用和牛嘅脂肪嚟到去起爐，之後再炒香一啲配菜加入海鮮，最後就放入冬陰公湯底海鮮非常之新鮮蝦亦都好大隻，味道非常之鮮甜，魷魚非常之彈牙，大大隻嘅蠔非常之鮮甜，仲有一口一口嘅扇貝，提提大家我哋叫嘅呢一個種類蠔係可以任食的澳洲穀飼牛，油脂分布非常之平均，識落非常之有牛肉味同埋有咬口，火鍋配料仲有其他有蔬菜類丸類，所有配料非常之新鮮

🐷🐷🐷▪️打過咁多次邊爐，真係從來未試過要自己準備湯底🤔 今次特登黎試下牛陣依個新既冬陰公湯底。一黎到店員就比左個鑊我地，同一底底既食材。首先我地要用塊牛脂肪煎香左個底先，好似平時煎牛扒咁。然後將魷魚，蝦等等既食材煎熟。等到依啲食材都熟曬，就可以將本身已經熱好既冬陰公湯倒落去！即刻將澳洲肥牛倒曬落個湯到👀 冬陰公湯底味道幾濃郁，酸辣開胃，加埋青檸可以自己調配想要既口味。有時喺其他店食既湯底可能味道無咁重，主要靠自制醬汁添味。但依個湯底基本上可以完全唔需要醬汁🤔除左最主要既牛同豬之外，餐廳仲有得任食丸類。熟食方面有紅咖喱，咖喱味香濃撈飯食一流👀 不過我最鍾意嘅都係嗰度嘅蝦片！咁有蝦味嘅蝦片唔係到到都食到🤪Overall黎講呢個價錢可以食到咁既質素既bino，值得推介！〰️〰️〰〰️️〰️〰️〰️4/5🐷〰️〰️〰️〰️〰〰️️〰️📍牛陣 (銅鑼灣)銅鑼灣軒尼詩道489號銅鑼灣廣場一期3樓301-303舖

收工同朋友出銅鑼灣，唔知食乜好就不如食乜都有嘅邊爐見到佢呢期做緊泰式主題冬蔭功湯底都覺得一試無妨，因為幾位朋友都幾鐘意泰式食物店員温馨提示我地要點處理個鍋，幾得意，感覺上有得玩有得食先用和牛脂肪起鑊，等到脂肪出出地油同有香氣就可以落魷魚同蝦等比較濃味嘅食材整到所有材料都有香氣就可以注入湯底喇聞落真係好冬蔭功，飲落帶微酸，有少少辣，幾開胃我地怕舊脂肪煲太耐會太油所以落完湯無耐都夾返出嚟仲配咗大量香料同調味料俾客人自己調味，鐘意幾酸幾辣可以自己揀豬肩肉色水唔錯，好粉紅同嫩，薄薄地淥兩淥就食得牛肉係澳洲上級長期穀飼牛，都唔錯，味道幾香，同冬蔭功湯底都幾夾，酸酸地減低食肉嘅油膩感仲有大家都愛嘅牛脷，好爽口同幾重牛味，又係淥一淥食得，正帆立貝、魷魚同蠔都幾新鮮尤其係蠔，好鮮甜有啲飯氣到肚先完滿喺自助食品吧有白飯同健康穀米飯揀旁邊就係一大煲嘅泰式紅咖哩好香，少少辣幾醒胃，仲有和牛肉崧喺咖哩入面，推介🙌🏻好多蔬菜類，打邊爐都可以好健康最後一提，呢度有任食雪糕，係哈根大師，呢一點都夠晒吸引

👅牛陣-冬蔭公湯底好濃郁👍🏻加湯都係加翻冬蔭公湯底😮咁就唔會溝淡哂，而且要煮越入味添😋-一開始要自己炒香料同海鮮,都幾好玩！有需要可以請店員幫忙☺️炒完就會加湯打邊爐🤤-自助區的選擇主要係飲品，火鍋配料，泰式紅咖哩，泰式香茅茶，炸雞蝦片，甜品等等☺️甜品係哈記出品👍🏻👍🏻👍🏻絕對回本💜-唔記得仲可以任飲象啤🕺🏻-#牛陣 #牛陣冬蔭美鍋 #牛陣放題 #銅鑼灣美食 #hotpot #hotpotbuffet #causewaybay #hkig #hkgirl #hkfood #hkfoodie #hkfoodstagram #hkfoodblogger #foodie #followforfollowback

之前係日本食過壽喜燒都知唔平，每樣食材都要逐碟計！但呢到竟然$289任食日本和牛咁真係好抵。可以無限添加係性價比一流雪櫃有各種飲料選擇，有我最喜歡冬瓜茶點餐後隨即送上食材和醬汁。點的套餐除了有黑毛和牛外，還有牛舌、豚肉和海鮮，有帶子、大大隻蠔和墨魚！和牛看起來顏色超吸引，脂肪平均分佈！我哋喺自助吧見到好多嘢食，自助吧食物嘅款式尚算多個人覺得手打完彈啊比較好食同彈牙，我哋叫嘅肥牛一次嚟兩碟，豚肉兩碟，牛肉嘅花紋尚算好睇。

2019年8月1日。雨。銅鑼灣。牛陣之前已經食過幾次，呢次係專登為咗新出嘅冬蔭功湯底而嚟～～一收工就過去，餐廳未開始多人，之後就坐滿晒嚕～大家想食，記住卜枱呀～！落咗單之後，店員好快就攞咗啲配料過嚟仲好細心咁教我哋要用舊肥膏搽下個爐先然後再煎香蝦同墨魚，再將其他配料落鑊同加湯搖身一變～變成咗冬蔭功湯底火鍋～酸辣湯底香味四溢，正！！牛肉、豬肉，仲有海鮮都十分新鮮～值得encore再encore醬料區有特製酸汁，加少少落啲豉油度，非常夾～仲有任食Häagen-Dazs雪糕，記得留肚呀～蔬菜區應有盡有對面仲有另一個區食物種類多，任君選擇呢個冬蔭功鍋好似會做到九月尾下個月都可以食多次～呵呵！

今日同朋友出銅鑼灣牛陣食晚飯，餐廳位於銅鑼灣廣場一期，由銅鑼灣港鐵站C出口行過去， 2分鐘就到，地點非常方便近期牛陣出咗個夏之美鍋-冬蔭公鍋，一場嚟到，梗係要試吓一開始先要炒配料，炒香啲配料之後再倒入冬陰公湯，未開始已經聞到濃郁嘅香辣味，學佢嘅口號咁講：「又悶又熱嘅夏天，來一口又酸又辣嘅味道，一個字：正！ 兩個字：泰正！」套餐可以無限追加澳洲上級長期牛穀飼牛，仲可以任點象啤，任食 HAAGEN -DAZS ，超正！同場仲有泰式紅咖喱，用嚟撈飯一流泰式蝦片，點啲冬陰公食，再飲啖啤酒，正到爆怕火鍋熱氣嘅朋友可以試吓泰式香茅茶當然唔少得多款出色嘅火鍋配料及多款蔬菜

牛陣為連鎖日式火鍋，每一家質素也是相若。今天只有一人，故只是點了$199，提供牛肉和豬肉，個人覺得豬肉比較美味，不愧是黑豚肉，有肉味和鮮嫩。湯底選了咖哩湯底，味道還成。其他方面，也是中規中矩，沒有太突出。雪糕有Haggen-Dazs, 也算是一個驚喜，因此一直很好人在排隊，多吃幾球，便全數回本。除了正常汽水飲品外，還有Asahi啤酒提供，也是賣點之一。為了支持環保，如果能夠光盤，沒有浪費食物，可以獲得$29元優惠券，供下次使用（一個月內）。

Lunch time來牛陣試60分鐘shabu shabu, 都幾趕，下次要食返90分鐘先得。配料唔錯，多選擇，羽衣甘藍好新鮮，食左超多。呢度豬肉不過不失，不過牛就唔係好得，勁肥仔，一定唔可以叫最平隻牛，只能說一分錢 一分貨。

再次同朋友嚟到銅鑼灣呢間牛陣度打邊爐，今次我哋食5:30 ，店內冇咩客人，店員安排左我哋坐係一個角落嘅位置，坐咗發現係風口位，有啲凍，要求掉位，但店員就話已經full Booking，唔准掉位，有啲失望。我哋點左餐之後，就出去拎嘢食，款式同以前都差唔多，不過今次冇咗我最鍾意食嘅冰菜，轉左娃娃菜同埋另一款菜，今次我就發現佢呢度嘅手打魚蛋原來都唔錯，食咗好多，肥牛嘅質素依然保持水準，雪糕今次就多咗我最鍾意嘅芒果味，好滿足。

琴日同朋友去食牛陣，喺銅鑼灣睇完戲去食， 5:30左右唔使等位，仲有好多位剩，叫咗個$179嘅肥牛，壽喜燒湯底，不過我哋覺得個位有啲大風，要求換位，店員同我地講已經book晒啲位，唔俾掉位我哋喺自助吧見到好多嘢食，自助吧食物嘅款式尚算多，有雞肉、娃娃菜、生菜、公園、烏冬、手打魚蛋等等。個人覺得手打完彈啊比較好食同彈牙，我哋叫嘅肥牛一次嚟兩碟，豚肉兩碟，牛肉嘅花紋尚算好睇，新鮮，切得好薄，入口唔會太晏，非常容易咬，我哋食咗大約八碟，食完打邊爐，仲有得任食Häagen-Dazs雪糕，有士多啤梨、芒果、朱古力味，食咗三杯，好滿足

Came to try the new promotion of genuine Sukiyaki buffet, but not the so-called sukiyaki sweet soy sauce soup base.We decided to pick the Japanese supreme wagyu beef course, just to use the best beef available to pair with the rich sukiyaki sauce. The beef quality was very good, as the marbling are evenly distributed.What exceeded our expectation was the staff know that it was our first time for the sukiyaki, he even helped us to heat up the beef fat and cooked the beef for us! It was like table

同朋友係銅鑼灣一期食牛陣，時間係7點到，要等位，兩人都唔算等得耐，太約15分鐘就可以入去，叫左壽喜燒湯底。揀完牛就可以拎隻碟去自助吧拎野食，好開心呢度有我最中意食嘅冰菜，好少打邊爐嘅餐廳會有冰菜，我食左好多，丸同埋菜嘅選擇都多。野飲款式唔算太多，我揀左飲冬瓜茶。啲肥牛切得好薄，食落口唔會老，啲豚肉都好好食。仲有有Haagen dazs雪糕，有芒果、朱古力、蕉糖同士多啤梨味，不過雪得太凍，個個人都要用恐慌之力咁去筆啲雪糕。

今日早上和朋友去跑馬地跑步做運動🏃🏻‍♂️🏃🏻‍♀️🏃🏻‍♂️🏃🏻‍♀️，碰巧今日開始熱，中上午時分接近27度，邊跑邊流汗。做完運動後，大家都要好好對待自己，補充番啲能量。🤣於是去咗牛陣食午餐，牛陣中午時段也有放題任食。1.5小時任食，我地揀最便宜的牛，每位大概142. 因為我喜歡食菜，肉反而不太好.😆7個人揀咗兩個湯底，一個豬骨湯，一個甜豉油。牛肉味道不錯，豬肉也不錯。外面有很多蔬菜種類，有我喜歡的金菇，南瓜，芋頭.......仲有平時比較少吃的羽衣甘藍，還有春菊。👍🏼👍🏼另外，還有紅米飯咖喱飯，餓的話可先吃一碗，朋友都贊好味道😋還有甜品哈根達斯雪糕任食，飲品任飲🤗食到好飽好滿足🥳🥳🥳

我地一行三人去食，叫了一個頂級和牛套餐結帳時什麼都沒有說，隔了一會，我地去拎雪糕，一個光頭阿叔走出來說我們已夠鐘，埋單時候已向我們講了，他們根本沒有提醒。我心想，一杯雪糕都唔俾客食而滿載而歸，我唔稀罕你杯雪糕，但我覺得很不爽！以後都不建議大家去食！如果一家店，服務人員又不夠，叫野等幾分鐘都無人應，上菜速度又慢，最後又突然唔俾你去攞雪糕，我覺得你做放題做得好差囉。既然店員咁計較時間，不如每一檯放個鬧鐘係度提醒人，好過令顧客咁不愉快！