犇道 (已搬遷) 新店位置

訂咗4位18:30用餐, 但係18:27分去到間舖頭, 已經無位, 店員反問係唔係訂咗2個, 明明店員電話覆係4位. 咁好啦, 因為18:30係晚市開市時間, 我哋4個人等咗半個鐘先入坐. 當然入坐後我再次表達不滿, 年紀較老的女店員,  佢應該係店主, 反而想叫我收聲, 因為有其他食客用餐. 我明你係小店, 生意對係嚟講我緊要, 但係你明知18:30有人訂咗枱仲俾枱人就係唔啱, 做生意唔係賺盡, 口碑都好緊要. 我真係祝係生意興隆. 咁嘅價錢, 我奉勸屯門街坊唔駛去到龍門居食, 就算銅鑼灣午餐都係咁嘅價錢, 坐得又舒服.

見好多人講依間屯門平價慢煮牛丼，今晚就搵埋朋友一齊嚟試下啦講真，一百蚊一個飯係龍門居嚟講絕對係貴價嘢嚟，只係對比外面嚟講，一百又真係幾平既成間鋪只係得十幾個位，平日夜晚8點左右嚟到都要等兩張枱一路等一路好肚餓，好彩外面有櫈可以坐下，順便睇下個menu最後我同朋友都係揀左個火山燒牛丼($92)，再加$8嗌杯凍柚子茶個飯會跟麵豉湯，但我對湯無乜興趣，所以講唔出佢好無飲再等多陣終於有得食先試佢個牛，又真係唔差喎食落肉味濃又軟腍仲有蟹籽撈飯食不過，佢個醬汁實在係好鹹鹹到我同朋友都頂唔順，寧願乾乾地就咁食白飯杯柚子茶非常淡，淡到好似飲緊水咁驚喜又稱唔上，但又未至於中伏如果住依頭都可以當普通咁食個飯，但未算好食到要特登過嚟食計埋價錢環境使唔使等位依啲，我同朋友都覺得和風牛肉飯性價比更高😂😂😂

近日行過屯門, 行行下行左入龍門居果頭,差唔多食飯時間見到呢邊開左間比較新式D食牛既餐廳就等位試下因為鋪頭得好少位, 所以我同友人都喺門口等左成半個鐘先入到去食, 出面仲要又落雨又凍 入到去叫左個慢燒牛排丼, 食牛黎講個價錢算係抵食, 大約$60-70蚊一個SET有野飲牛肉食得出用料係比普通GEI好D,不過唔知係咪慢燒GEI關係, 牛肉入口唔係好夠熱, 好似放涼左咁,有D怪怪地不過如果以呢區黎講,呢間野GEI性價比都算係幾吸引, 而且附近都無呢類型GEI餐廳,所以都可以一試

犇道這小店一直在龍門居這小社區深受居民愛戴，我都很想嚐嚐它的慢煮牛肉，不過我太懶惰，所以久久都未行過來一試，剛剛終於拋下懶庸走來犇道。犇道店名有三頭牛，故店內的裝都以牛為主，當然主打賣的也是慢煮牛吧。我在想吃飯好還是拉麵好，它們都各有吸引之處，不過我怕太飽，所以最後選慢煮牛肉拉麵，湯底則加5元轉作麻辣山椒湯頭。這個慢煮牛肉拉麵配菜非常豐富，粟米，木耳，筍乾，蔥絲，鳴門卷，每樣食材份量都不少，跟湯底超搭配。橘黃色的糖心蛋細嫩的蛋白甜香入味，蛋黃的流心度超高，齒頰留香。拉麵則採用幼麵條，意想不到這幼麵蠻滑溜，平日所吃的幼身拉麵口感普通，當這拉麵滑進口裡確實驚喜，它的軟腍度剛好。麻辣山椒湯底真的值得推介，它不像一般湯頭以辣椒醬熬煮，而是以鮮山椒入饌，喝起來麻而不辣，滿是山椒香氣，我亦越喝越過癮，不一會已被我喝光。慢煮牛肉肉味濃厚，並且彈性十足，感覺它是牛隻肌肉最發達的部份之一，嚼起來有點像牛腱，加上以慢煮方法烹調，更能鎖住牛肉的原味。這裡的飲品價錢相宜，熱蜂蜜柚子茶都只是5元一杯。熱騰騰的蜂蜜柚子茶散發淡淡的柚子清香，甜而不膩，順口舒喉。

有次係網上見到呢間係龍門居的餐廳，火山牛肉飯外形好吸引～所以想試下係咪咁好食😜 我地見到facebook 話18:00開門，我地就企係度一直等，後來先見到原來開18:30...d 服務員見到我地傻庚庚企係門口等，但又唔同我地講😓環境方面，店舖幾細間，地方幾乾淨。我地叫左火山牛肉飯($92)及松露燒牛排定食($118)，食左之後有D失望... 火山牛肉飯用幾塊薄牛肉片包住d飯，食左兩三塊就無哂牛肉片😳飯同汁就有好多。而松露燒牛排...牛排質素唔錯但有D過熟稍為硬...整體有d 失望而且有d貴，唔值呢個價錢，大家不要期望過高😅P.S.始終係小店可能遲d會變得更好食😆

想念 #日本 既牛肉啊😣😣屯門工業區簡直係美食沙漠 要行到去龍門居先有野食😳見到呢間食牛既鋪頭 眼前一亮💡點左慢燒牛排盛丼（$88）有溫泉玉子🥚蛋魔（我）表示興奮😍牛排唔錯 份量足 但係多d燒汁會更好！！！同事既咖哩吉列豬扒飯都唔錯啊🍛

今次再次光顧是帶另一半落來試食其他菜色，一樣早少少11點半落來，星期六一樣大把位。櫻花味？只感覺到甜甜地的氣水，而且好貴。拉麵一樣好食，雖然叉燒一般，糖心蛋就無衰，但湯底唔錯。濕下口。不得不讚是燒牛排，十分嫩而且有肉汁，份量足，令人食過返尋味，而溫泉玉子一定要篤穿，讓白飯撈上蛋汁一齊食，整個丼都十分滿意，可以話這間店必食的一款。今次再次寫這間店的食評是因為試食了燒牛排這個丼十分滿意，希望這個牛排唔會因為時間而失準。

這是間隱世高質、專門吃牛的日式小店。餐廳很細，位置不太好找，周末必須要排隊。但食物實在很好吃! 高質食材，菜式創新，價錢也非常平民化。家父家母是愛吃之人，住得比較近，他們一直在大讚這間小店，所以今晚專程去一試。四人入座，每人平均$110 元，由於每碟份量也頗大，所以實在很飽很抵食。試想像小店開在市區，價錢應該雙倍也不止! 【雪山燒牛丼飯 $98】 - 芝士汁配牛肉，入面是珍珠米飯，單是賣相已非常吸引，味道非常好，牛肉片配合芝士汁。【海膽燒慢煮牛排御膳 $198 】- 海膽份量比想像中多 (通常這價錢都會只有一)，多到有一小堆跌了而且很新鮮，配牛排味道竟然也很夾。【黑咖哩三重奏(豬排、大蝦、牛肉薯餅) $78 】- 日式咖哩味道偏甜，沒有辣度，聽介紹說大廚加了一點朱古力調味，所以和其他地方吃的日式咖哩味道不同，甜得來不覺膩，顏色偏黑，汁都撈埋。【赤道大蝦牛肉拉面 (麻辣山椒湯底) $73】- 我們喜歡吃烏東，所以由拉面轉了烏東。對嗜辣的人來說這湯底實在太吸引了! 很驚喜! 不知道推介期還有多久，希望下次來還有得吃。

今日朋友帶我嚟這間小店慶祝生日！呢到主打食牛！我哋分別叫咗兩個飯，其中一個係定食！我朋友食的是火山牛飯，外型好似火山！幾好食的！還附上日本雞蛋讓我們拌飯！我是食定食，面鼓湯少不了！牛肉配海膽，味道也不錯喔，當然也附上日本雞蛋讓我們拌飯，最後還有日本果凍蜜瓜味，很是喜歡！還叫了櫻花可樂，櫻花可樂就麻麻了！沒有可樂味！也沒有櫻花味！總體還是很好的一餐！我們二人兩個食得飽飽地離開！聊天很開心！地方雖小！但服務不錯食物不錯，唯一唔太好嘅地方就係太迫！如果我再肥d真係坐唔到入去

從偉大嘅面書介紹呢間牛牛牛（犇道）好耐，仲話每日限定，賣晒就無架啦喎～咁呢～ 好似話說而家已經開到好夜🤭叫左個火山牛 $92 同 慢燒牛排盛丼（大）$88火山牛，其實就係薄燒牛包住啲飯，上面就加左大量蟹籽同溫泉蛋，做有老闆話犇道秘密醬汁！個飯係好好食，份量多亦都足料，個汁都好有肉味！慢燒牛排盛丼，除左啲燒牛肉唔同，其他飯，配菜同蛋係同火山牛差不多；牛肉係好林，5成熟左右，有口感！而且叫（大）已經食唔晒，牛肉同飯都好多！

今日中午首試母親介紹新開的日本餐廳，話幾好食值得一去。於是早少少11點9前落去，因為位少（十個位左右），早點一定有位坐。好彩，剛好有兩個位。小弟叫的拉麵，當然第一時間試湯底啦，味道剛剛好，濃郁的麵豉湯底，軟軟的糖心蛋，比較（林）的鳴門卷，牛肉有點失望，老了點（應該是頭尾部分），麵質硬度適中，整體份量充，清底。炸雞味道唔錯，可惜炸漿比較少，唔夠脆口。最後媽咪的牛丼，份量唔少，蛋汁撈飯好食，而且今次牛肉十分嫩（中間部分睇彩數），加上麵豉湯，飽飽走人。這間日式餐廳睇得出食物是有心之作，味道幾好，份量充，價錢中上，位少，但值得翻食。

龍門居出名多小食同特色良心小店，犇道就係一間新開專食牛肉既小店。雖然新舖開張無耐樓面又細，但生意十分好！黎過幾次都摸門釘，原因係慢煮牛肉製作需時，好快賣哂就冇得食今次終於食到火山牛肉飯！牛肉又香又滑，仲要山咁多好正呀

又一間支持的屯門小店雖然舖面細細間 枱應該得嗰4至5張以屋村來說，食物質素不錯試咗佢哋出名嘅雪山牛肉丼個飯一出到嚟好吸引眼光拮破中間的蛋黃澎湃的流下來再加上蟹籽，口感豐富白色的汁 是creamy的芝士白汁牛肉很薄，飯中間有少許飯素說真的，很不錯。黑咖哩漢堡炒滑蛋飯雖然佢係寫中辛但一啲都唔辣，跟日本咖哩的味道有點不像漢堡扒很厚，裏面的肉已熟透且熟的程度亦是恰到好處，炒蛋ok，整個飯中規中矩。大阪唐揚金雞丼這個飯有點驚喜， 首先面頭有點脆海苔有沙律菜絲，蕃茄，粟米， 加上沙律醬是開胃之選，炸雞很滑嫰。跟餐會附送麵豉湯明太子手羽微辣香口，啖啖肉不錯

我個仔好鍾意食牛，得知龍門居有間小店有慢煮牛食，就去試下，估唔到，超級驚喜！阿仔叫左個火山牛，見相片造型都好得意，好立體，日本珍珠米外由一片片牛肉包住，上面仲放咗隻溫泉蛋，上碟時同張相一樣，十分難得，相信好多食店都做唔到，廚師真係用心製作，味道亦好夾，d牛雖然好大片，但完全唔靭，加埋隻溫泉蛋，我個仔食到舔舔脷。我老公就叫咗個黑咖哩三重奏，我一向少食炸野同辣野，但d炸物完全唔油膩仲好脆好香口，黑咖哩就好特別同好味。我就叫咗碗义燒拉麵，個湯底同埋d麵感覺好日本feel, 竟然做到係日本食拉麵的水準，好有驚喜。我見隔離枱食鰻魚飯，d鰻魚飯舖滿成個飯面，睇見都好想試。依間小店食物價錢唔貴，但食物質素非常好，感受到老闆真是用心經營，用心製作，值得推介，一定會再試。

屯門很少有平靚正的日本料理，仲要在龍門居地面舖，舖內裝修有獨特品味，一級享受。每次去都有新款式食品，每次都有驚喜。真方便，在平民食肆中有咁平靚正嘅特色美食，仲好好味添!老闆親自下厨，那份心思、熱誠，對食材精挑細選，吸引我要試完再試。我未試雪山牛丼之前滿以為味道是隨意配搭，會吃到怪裡怪氣的感覺。試了入口才發覺超級好味，很特別，意想不到食牛可以有這個效果。今日用埋火山牛丼，來作生日蛋糕，與家人在一起慶祝生日真難忘。