玉桃軒酒家 (鱷魚恤中心)

營業中

休息中

話說今日同朋友去觀塘區飲茶，心絲絲想飲中湯！朋友講呢間茶館d湯大大煲同好足料！再加上2個人飲太回本！ 我平時都好鐘意飲湯，因為有時工作唔係太多時間成日自己煲湯，我就好鐘意有人新鮮熱騰騰既湯就甘奉上我地面前！朋友話呢度飲湯仲可以同套餐：叫左個午市孖寶套餐都係$198原盅姬松蔘茸燉湯螺頭湯真係唔係講笑除咗湯嘅餡料多之外！仲有好多雞爪同埋螺頭肉、仲有紅棗真係非常之補身同埋養生！份量仲要大大煲我諗三四個人飲都得啊超抵！燒汁豬頸肉炒烏冬本身炒烏冬都已經好難抗拒、估唔到再加上個豬頸肉更加香濃！重點係份量大大碟非常之抵食！之後我哋都嗌咗少少點心、點心大點中點都唔會話價錢好貴都係$30.8-40.8左右：-原盅豆豉鳳爪-糕點馬拉糕-芒果布甸玉桃軒觀塘䲔魚恤中心6樓全層

超強颱風過後我同老公岀去飲茶，近近地去觀塘大食一餐。2個人5個點心加一個飯好飽好滿足。潮州蒸粉果$23.8（小點）潮州粉果，餡料爽口，沙葛加上脆花生，非常爽口仲有肉碎同蝦米好香。菠菜鮮蝦餃$42.8（特點）蝦肉彈牙，菠菜份量合多，餃皮好薄，唔錯。安蝦鹹水角$35.8（中點）外皮香脆少油，外脆內軟，裏面餡料有蝦米豬肉，鹹香十足。四寶滑雞扎$42.8（特點）好多料，有冬菇，魚肚，雞肉同埋火腿，大件夾抵食。香滑流沙包$38.8（大點）就快中秋節，好掛住奶黃流心月餅，專登點籠流沙包，d流沙夠多又甘香。叉燒飯$58叉燒偏瘦，少少燶邊，如果多啲汁撈飯就更好。

夏日炎炎，和朋友逛完街便來到觀塘的玉桃軒酒家吃點心消暑。 蜜汁叉燒腸粉腸粉幼滑，不會太粉及厚身。蜜汁叉燒有口感層次。大良炸鮮奶鮮奶條即叫即炸，一咬開滿滿的鮮奶，奶味濃郁。南翔小籠包小籠包外皮煙韌，豬肉餡料彈牙有口感。一咬開滿滿的湯汁，很滋味。蟹籽燒賣皇燒賣外皮軟熟，燒賣肉質口感彈牙，口感十足。香滑奶皇包奶皇包外皮夠軟又煙韌。奶皇包餡料甜而不漏，推介。鮮蝦菠菜餃晶瑩透白的外皮，配上彈牙鮮蝦與健康的菠菜餡料，口感十足。蒜蓉蝦春卷即叫即炸的春卷，內餡蝦味濃郁突出，春卷炸得香口，非常有層次。

昨晚尼到位於官塘鱷魚恤中心的“玉桃軒”酒家與三五知己晚飯，談談天、說說地，一樂也！這裏地方寬敞，光線充足，完全沒有擠迫的感覺，坐得都頗為舒服。鮮淮山鮑魚雞煲 $188熱辣辣的鮮淮山鮑魚雞煲端出來香味四散，鮮淮山外脆內粉，十分入味。鮑魚咬落有少許靱，雞的肉質食落感覺嫩滑，這道菜味道不錯，不過感覺太濃味，有少許偏咸。涼瓜斑頭腩煲 $168熱辣辣的涼瓜斑頭腩煲端出來香味撲鼻，斑頭腩肉質鮮嫩，十分入味，涼瓜爽口，甘而不苦，味道雖然不錯，不過我仍感覺味道太濃，有少許偏咸。燒腩仔 例 $148半肥瘦的五花腩燒腩仔皮脆肉嫩，咬落微微的肉汁香味流進口腔裏，再點上少許芥辣醬，刺激了我的味蕾，豐富了燒腩仔的味道。

今日同屋企人來觀塘📍鱷魚恤中心飲茶簡左位於六樓🥘玉桃軒酒家 有多款優惠點心👏🏻明爐燒味、精美小食場內樓底高！空間感夠開揚～難怪人氣滿滿食物質素、味道唔錯！點心即叫即蒸！上碟夠熱想食美味又真材實料點心、推介大家可以試試叫左8款食物！埋單人三百內🤪🥢鮮蝦菠菜餃 ～皮薄餡靚🥢山竹牛肉球 ～軟軟有口感🥢大良炸鮮奶 ～微甜香口🥢藥膳浸雞腳 ～養生之選🥢蝦籽燒賣皇 ～大大粒好足料🥢時菜鯪魚球 ～入口夠彈牙🥢五式點心拼盤～跟有蒸包、蝦餃、素菜餃、薑汁紅棗糕、粉果！一次過食到多款點心🥢油雞湯米線 ～ 雞肉鮮嫩～一人份量剛剛好📍觀塘開源道79號鱷魚恤中心6樓#觀塘美食 #香港美食 ＃香港必食 #香港探店 ＃香港打卡 #香港旅游 #香港必喝＃尖沙咀探店 #香港好去处 #觀塘推荐食品 #美食 #玉桃軒 #飲茶 #中菜 #小炒 #米線 #燒味 #燒賣 蝦餃 #牛肉球 #腸粉 #香港飲茶 #港式飲茶 #港式點心

位於觀塘鱷魚恤嘅❣︎玉桃軒酒家❣︎係一間食粵菜點心嘅酒樓，今日一個普通嘅星期五2點去到全場滿座😵喺香港好耐冇見過呢個畫面，呢到嘅價錢合理，食物水準唔錯👍🏻環境乾淨舒服，難怪滿座之餘仲有人等位👍🏻👍🏻❣︎蒜茸蝦春卷❣︎$30.8春卷炸得香脆可口，鮮蝦彈牙，有成四條噤多，好多時其他酒樓都係比三條。❣︎豉汁蒸排骨❣︎$39.8排骨肥瘦適中，肉嫩骨細，蒸得又滑又腍。❣︎潮州蒸粉果❣︎$22.8表皮光亮煙靭，內餡嘅沙葛，花生粒同韮菜超有咬口，口感爽軟滑潤。❣︎韮王鮮蝦腸粉❣︎$45.8腸粉皮薄口感滑嫩，蝦仁彈牙，韮王清甜軟嫩爽口。❣︎菠蘿咕嚕肉❣︎$78呢個真係超抵食🤑👍🏻出面通常$118起跳，咕嚕肉外脆內軟，酸酸甜甜，配料嘅青紅椒好新鮮鮮甜。❣︎蓮子紅豆沙❣︎$28.8紅豆入口軟腍，好清甜。

位於觀塘鱷魚恤中心的中菜廳「玉桃軒酒家」於網上口碑不俗，今天帶同爸爸前來享用午餐甫走出電梯可見大量水晶吊燈，極具貴氣；內裡裝潢雅觀企理，面積之大適合作為婚宴場地-🔹鮮蝦菠菜餃菠菜餃晶瑩剔透又非常飽滿，外皮細薄輕韌，菠菜鮮嫩，蝦肉爽甜，調味恰到好處-🔹薑蔥牛柏葉薑蔥比例平衡，加入胡蘿蔔絲令賣相更美觀，也令口感更豐富；牛柏葉輕爽嫩滑，非常入味-🔹清湯牛腩煲佐以鮮嫩蘿蔔，牛腩肥瘦適中，肉質緊實細緻帶啖啖肉香，清湯加入暖胃黑胡椒更飲到輕怡的藥膳味道-🔹滑蛋蝦仁份量十足，蝦仁大隻得體蝦肉爽彈鮮甜，滑蛋蛋香濃郁，加入蔥花及適量調味，滋味又營養滿滿

位於觀塘鱷魚恤中心的食肆多如雲，此酒樓在6樓佔據了一席之地。走進餐廳，是一個寬敞明亮的空間 。整體裝潢富有中式韻味，高聳的天花在華麗的水晶大吊燈映托之下，營造出一個華貴的用餐體驗。無論是朋友樸相聚或家庭聚會都是上佳之選。2點開始下午茶時間，鮑汁炆鳳爪浸泡在濃郁的鮑魚汁中，加入花生元素，非常入味。日本樱花蝦腸粉口感滑溜，加入樱花蝦的環節，既保留了原本的味道又增加了甜美鮮香。鮮蝦波菜餃，餡料飽滿多汁，餡皮薄而Q彈。味道天然沒有過多調料，是健康之選。時菜蒸鯪魚球，一盅三件，搭配上清爽的時令蔬菜，上枱後加入胡椒粉同鼓油增加味覺享受。山竹牛肉球，一盅三件。肉質鮮嫩，淋入醋相得益彰，帶有微酸的山竹香氣。北菇棉花雞，集合雞肉、北菇、魚肚於一身。一盅滿足曬三個願望。姜汁燉鮮奶，份量十足，即叫即燉，溫潤甘甜，甜味適中。

到玉桃軒食晚飯，主要想食佢隻片皮鴨，以前在康怡吃了很多次，覺得好食又大碟，所以今次都揀左玉桃軒食，可惜而家片出嚟鴨肉得半隻，以前鋪滿一個圓大圓碟。成隻鴨未批曬就拿走，鴨肶不能留，加錢才可兩食。最離譜係佢話鴨套餐只加30就有多碟小菜，原來套餐係鴨388+30, 但如果只叫鴨全隻係288, 變相個小菜係130元，埋單先知佢兩張餐紙有取巧之嫌，其如小菜價錢亦很貴。以後食片皮鴨可到樓上星海食，冇咁覺比人取巧搵笨。

上茶樓飲茶食點心是中國人嘅熱門歡聚地方, 更係中國獨特嘅飲食文化。酒家位於觀塘鱷魚恤中心, 點心即叫即蒸, 款式眾多。裝修美輪美奐, 進餐環境優雅, 枱與枱空間感足夠。四寶雞扎大大件用料份量十足, 香滑腐皮包著厚滑魚肚, 火腿和幼滑雞件, 吃起來好有滿足感。上湯鮮竹卷湯底清甜, 鮮竹卷皮香餡料滑溜充實。蟹子燒賣皇燒賣皇餡料豐富, 蝦肉爽脆, 配以蟹子更加可口充實。北菇棉花雞北菇好大隻, 加上厚厚魚肚和香滑雞件, 口感滑溜清香。山竹牛肉球大大粒肉質幼滑, 配以喼汁味道更加鮮味。時菜蒸鯪魚球好有質感, 爽滑有魚味, 配搭胡椒粉最啱。還有香煎蘿蔔糕、七彩炒米粉和潮州蒸粉果, 一邊飲茶一邊吃點心, 休閒寫意, 享受嘆茶樂趣。

尋日去咗玉桃軒酒家嘆茶🫖平日都好多人，滿哂！試下佢哋嘅即叫即蒸點心，真係一個非常滿意嘅體驗。呢度嘅服務非常好，點心即叫即蒸，好快就送到我哋枱上，新鮮熱辣辣，非常好味。首先上枱嘅係玉桃蝦餃皇。蝦餃皮薄透光，內裏包住大大隻鮮蝦，蝦肉鮮甜彈牙，口感非常豐富。薑葱牛栢葉係另一道必試嘅點心。牛栢葉煮得非常入味，薑葱嘅香氣滲入每一絲牛栢葉，口感爽脆。酥炸鯪魚球外脆內嫩又彈牙，每一粒鯪魚球都炸得金黃酥脆。咸菜黑椒豬大腸係一個非常有特色嘅點心。豬大腸煮得非常入味，有黑椒嘅香氣。豬大腸爽脆多汁，配埋咸菜，味道非常獨特。安格斯牛肉腸粉用料非常講究，牛肉嫩滑多汁，腸粉薄而滑溜。牛肉味香濃。最後係古法馬拉糕，呢個傳統甜品非常受歡迎。馬拉糕鬆軟，甜度適中。每一啖都感受到傳統嘅味道。玉桃軒酒家嘅即叫即蒸點心真係非常值得一試。每一道點心都新鮮熱辣，味道好，而且服務亦都好。如果你鐘意食點心，可以試下！

這間海鮮酒家位於觀塘的鱷魚恤中心，主打巧手粵菜及精美點心，店內環境寬敞典雅，特高樓底配搭華麗水晶燈飾，可用作婚宴場地，適合多人聚會。 晚飯超級大優惠至尊自選組合選擇豐富且非常划算。京烤片皮鴨 - $388侍應席前切開每日新鮮出爐的烤鴨，一片片鴨肉軟滑多汁，略帶少許油脂非常香口，鴨皮夠薄身香脆；煙煙韌韌的餅皮充滿彈性，以熱鍋保持著溫度；配搭爽脆的青瓜、京蔥及惹味的京醬提香。菠蘿咕嚕肉經典粵菜，外脆內軟的咕嚕肉毫不油膩，汁醬酸甜醒胃，咬開軟腍多汁，有濃郁的豬香味，還有三色椒、洋蔥及菠蘿等配菜。原隻椰皇響螺燉花膠 - $128/位直接用椰皇當作燉盅，打開散發著濃郁的椰香，爽口的響螺韌中帶脆，鮮甜更勝鮑魚，又有充滿膠質的花膠，入口清甜滋潤。上湯浸唐生菜 - $98清澈不膩的鮮雞湯，鮮美帶淡淡蒜香，唐生菜鮮嫩翠綠帶點爽口感，份量十足。薑汁雙皮奶(送)潔白細嫩的雙皮奶甜而不膩，充滿淡雅的奶香好順滑，又有薑汁的微辣。 

這天晚上我約了朋友去觀塘吃晚飯，經過家人的推薦，我們便決定來到這間酒樓試一試，店內環境樓底高，十分寬敞和清潔衛生，空間感十足，環境很舒適，裝飾設計高貴大方，店內客人非常多，證明食物質素應該有一定的保證，有提供濕紙巾給每位客人鹽焗花生小食十分爽口京烤片皮鴨套餐($388)青瓜條爽口，蔥，鴨餅皮鬆軟和新鮮，溫度夠熱，片皮鴨非常皮脆肉嫩，肉味非常濃，非常新鮮，份量十分多，配上鴨醬玉桃軒小炒王韮菜爽口微彈，蝦乾嚼勁，魷魚爽彈鮮美，帶子軟硬煙靭，非常新鮮，芽菜彈牙，腰果稔香軟彈，份量非常多黃金大蝦球($168)蝦球爽彈鮮美，非常大隻，非常新鮮，用鹹蛋黃調味，外層十分酥脆，賣相非常吸引紅豆沙味道恰到好處，不會太甜，煮得夠淋普洱茶茶濃，水夠熱整體來說，食物的質素非常高，食物的份量非常多，食物的用料非常新鮮，食物的賣相非常吸引，食物的選擇非常多，價錢相對合理，而店員亦有良好的服務態度和積極，所以我認為這間酒樓是值得再去惠顧

有朋自遠方來，今晚聚一聚。我選擇到觀塘食大家都喜愛的北京片皮鴨。餐廳大廳裝修華麗，天花的玻璃吊燈，別具氣派。座位寬敞舒適，空間闊落。餐牌上有“片皮鴨”、“白灼蝦”、“龍躉”、“龍蝦”....等多款超級優惠套餐選擇，我們點了至愛的“北京片皮鴨套餐”，可以另自選一款小菜，加一百元還有“二食”。片皮鴨由服務員推出來，一大隻脹卜卜的烤鴨，外表已經吸引，色澤紅潤，泛著油光。服務員在枱旁以純熟的手法將鴨片切下，有全皮的，有皮肉相連的，整齊地放在碟上，讓客人品嘗不同口感。薄餅更用熱水暖著，保持溫度和柔軟度。把薄餅攤平，放上酥香鴨片，加上青瓜、京蔥和甜醬，然後把薄餅捲起餡料，放入口中，真是啖啖滋味。自選小菜：“菠蘿咕嚕肉”，新鮮炒起，咕嚕肉肥瘦適中，配上新鮮菠蘿及青椒，酸甜爽口，份外開胃。升級二食：“薑蔥炆鴨件”，鴨件炆得入味，加上爆香的薑片、大蔥、蒜頭，滋味醬汁，特別惹味。“蒜蓉炒芥蘭”，翠綠芥蘭，以蒜蓉炒香，爽脆入味。這裏能夠以特惠價錢品嘗正宗北京片皮鴨套餐，而且品質上乘，大家都吃得津津有味。

勁離譜，去到諗住等下午茶，等到佢話拎得咪㩒飛，前邊都有一台等下午茶，跟住直接問我地幾多位，跟住安排咗入座，入到去冇下午茶點心紙就問個部長，個部長就話咦，你依家入咗做唔係下午茶㗎喎，我哋就話我哋頭先拎飛係拎下午茶飛，同埋出邊個reception叫我哋入嚟，之後個部長就話咁你等一陣再拎下午茶點心紙，轉個頭個reception入黎話以為我地係茶市依家未入得，要我地出返去等，好彩有拎飛果張紙，同佢講我地係拎下午茶，拎完就問我地幾多位，我地咪入座，佢堅持話未入得丫，要出去等丫，我就話我地前邊果張都係下午茶架喎，跟住佢就話，係咩，就走左跟住我哋到兩點再問佢拎下午茶點心紙，職員十問9吾應不過都好公道d講，其實一直都有黎飲茶，今次係個別事件，野食都吾差既