影片
營業時間
星期一至日
11:00 - 16:00
18:00 - 22:00
以上資料只供參考, 請與餐廳確認詳情
未坐低已經同你講食物要等20分鐘以上（無問題，我唔趕時間）隔離枱等左三十分鐘，催極都未齊👍🏻我好幸運，十五分鐘有食物，鐵板餐吉列豬扒加雞扒，豬扒酸既，反映過後成份餐收走再做過，點知比返「一塊吉列豬扒」比我😂😂搵職員跟進，兩個女既乜都唔知👍🏻男既就好似聽唔到咁🤦🏻♀️講第三次先有反應今次就話重新做過份餐比我，吉列豬扒轉牛扒😑咁點解我一開始叫牛扒係冇既呢？重新整既鐵板餐變左牛扒拼雞扒，第一啖既牛扒仲酸過之前既吉列豬扒🤦🏻♀️🤦🏻♀️最後我同個男職員講唔需要再重新整啦，我唔食啦！無下次！無下次！無下次！
繼續閱讀
之前食過幾次都唔錯，於是尋日中午放飯時段大約12:30左右一行6人諗住再去食lunch ， 去到門口話未有位要等10分鐘，我哋都話冇問題照等，入到去坐低，有個女侍應幫我哋落單，但佢落到亂七八糟，跟住就同我哋講佢返咗兩三日工，唔係好識落單，但過程都玩左我哋10分鐘，之後就叫個熟手阿叔過嚟同我哋重新落過單，又玩咗我哋5分鐘😒，都算啦大家但求有餐晏醫肚，大約又到10分鐘後先上湯同飲品，之後湯飲完連杯凍檸茶啲冰都就嚟溶，仲未上正餐，嗰陣時我哋已經又再等左差不多20分鐘，於是就當然係追單啦⋯⋯佢哋當然梗係話廚房整緊啦，但轉個頭聽到個女侍應同個熟手阿叔講廚房冇單，我哋聽到之後覺得非常震驚，然後不停追問到底係整緊還是冇單？其實真係唔緊要我哋中午食飯時間有限，不能無限地等，你話漏左等幾耐你咪同我哋講囉⋯⋯竟然個新來女侍應叫我哋自己問廚房喎，嗰下真係火都嚟埋，咁我想問下次如果真係再有機會嚟食係咪叫客人直接入廚房落單，好心啦，你既然新嚟唔識答你就唔好出聲啦⋯⋯但嗰刻個熟手阿叔哩埋喺後面龜縮，之後見我哋群情洶湧先至走出嚟同我哋講唔好意思，但當時已經13:30 ，我哋比班友玩左成個鐘仲要只係飲咗個湯，同兩啖野飲，佢哋猛話因為好多外賣所以做唔切，咁不如你哋唔好做堂食啦，結果我哋嬲得滯就起身走人。首先我真係未試過追單竟然叫我自己入去問廚房囉，搞笑唔搞笑，最後我哋即刻跑去買麥當勞返公司食，仲要遲晒大大到。呢間野真係唔駛旨意再有下次。
繼續閱讀
上個月食過一次午餐，整體質素唔錯，性價比高，值90分。今日心癢癢中午再走食，質素突降，只有30分，點解咁講？1. 餐廳11：30開門，12點去食，叫肉眼鐵板竟然話肉眼sold out，唔合理🙄2. 西餐可選紅湯白湯好正常，但兩次去到都話紅湯未煮好只得白湯，我話等紅湯侍應話要等1個鍾，結果正1個鍾後我食完正餐都係無紅湯，然後個白湯嚟到一pat嘢咁😔得幾粒粟米，磨菇都無塊，唔熱微暖，口感好差。唔知煮個紅湯係咪真係咁難，目測7成客都揀紅湯，如果無我寧願你一早老實講無囉，點解呃人話煮緊，然後白湯又唔好飲，趕客😑3. 我叫個雙扒鐵板餐，啲side dish係凍嘅，得啲扒熱，豬扒都還好，但塊雞扒，塊皮濃濃地以為正常，但咬落去啲肉原來未熟，lur都lur唔切😔😔😔 同個叔叔待應講咁佢都算好幫我換過塊雞扒，出到嚟塊扒係熱辣辣嘅，但正中間都係唔熟，可能塊扒厚所以中間煎唔得熟，其實可以叮叮佢先拎去煎就可避免呢個情況😑4. 黑椒汁稀到水咁，仲明顯見到成層油喺面。之前唔係咁㗎，以前個黑椒汁好好食，係成個鐵板餐嘅靈魂，而家...5. 餐廳坐唔滿，10枱客都無，但每枱平均要等半個鍾先上到主菜，估佢廚房唔夠人所以出餐咁慢？但樓面有成4個侍應行行企企，1個叔叔其他女仕(其中一個女仕指指點點無落手做，係新老闆？)，啲客追單只識講廚房整緊，人手分配好有問題結論：唔知係間餐廳轉咗手定轉咗廚師，食物質素好明顯地差咗好多，以食最多係份量多食唔晒而食剩，但今次係因為難食到唔想食而剩。我諗短期內都唔會再去幫襯。P.S. 食完1個鍾內即刻肚痛，black list🙄🙄
繼續閱讀
以前成日食呢間餐廳，覺得好味又抵食，但經過今日食llunch經歷，覺得唔同曬。今日入門口，已經發現侍應轉晒人。平時最少有兩個熟手侍應。今日得一個侍應，一個傳菜阿姐。兩個態度都好散漫，舉手想落單都唔多理你。落完單，我地4個人，足足等咗成九個字先至上菜。咁耐先上菜既原因，我聽到個待應話係因為接左好多外賣單。我隔離枱有位客人，等到夠鐘返工，個餐先出黎。個待應仲夠膽死問人外唔外賣。 我哋等咗九個字，終於上菜。 惡夢開始，我叫華田走奶， 上既係普通華田。同事叫牛扒飯，畀左豬扒飯。同事杯熱檸茶苦過涼茶。最慘既係，啲牛扒同埋洋蔥汁都係有酸味。大家有時間先好幫襯。
繼續閱讀
成日爆場，難得經過有位就入去食個午餐。之前食個午餐五十幾蚊就嘆到，不過今年就加左價，俾市套餐最平都$55起主打係港式西餐，環境裝修其實都幾靚幾舒適食牛扒鐵板上都係70幾蚊套餐有西餐湯，同飲品真心抵食到爆炸啊❤️好鐘意食佢個牛舌餐，仲可以選擇一樣配料，我叫左煙肉，配薯菜，薯菜有粟米同薯條❤️職員禮貌好好👍🏻同埋唔會食完勁趕時間你，成個進餐時間都好舒服
繼續閱讀