王家沙 (已結業)

太古坊的上班一族，走到太古城內的食肆午膳皆是平常事，腳程十多分鐘，正好作餐後運動。 王家沙乃上海點心狀元老字號，但過江龍水土不服，給予我的印象一般，而且盛名之老式點心早已失存，現在只留下老招牌。裝潢非常雅緻招牌點心小籠包及生煎包我們今日没有點，這頓午餐，我反而發現有兩款開心新發現。上海醃篤鮮  上海本幫菜式，口味鹹鮮，每位$45。細細一盅，真是一人一份，但見材料豐富，主要成份的鮮笋及五花腩滿至露出湯面，湯頭奶白帶黃，喝一口，濃郁香醇有肉香，味道豐富滋味，泛著少許黃油之光但不過份， 笋清香脆爽有鮮味， 咸五花腩肉肥美軟滑，配合小棠菜同吃，飲食均衡一點， 百頁豆腐滑溜質感厚，吸了湯汁味道豐富。這個湯，值得推薦。薑汁鴛鴦湯圓 女經理推介，果然好介紹，吃得出是新鮮自家製，米漿煙靱有力。豆沙餡料的一果外表尖頭及有些坑紋，也許方便辨別， 芝麻的一棵圓圓滑滑，芝麻味甜度適中，幼沙口感，吃得滿咀甜蜜，薑湯辣度強，唯欠一些薑香。意料之外的滿意。其他嚐到的就水準一般，環境非常舒適，服務良好，乾淨企理，重臨的話定必再回味這兩道。

天氣嚴寒，無人願意煮飯，一家人便順利成章地去揾食啦。喜歡食魚的我當然點了燻魚作前菜，以及松子桂魚做主菜啦，加多一個津白，剛好夠食。最後叫多個酒釀丸子做甜品及紅棗蜜滋潤一下，非常滿足的一餐！燻魚有驚喜，外皮脆、魚夠滑，平時最怕就是醬汁太甜，但師傅這個醬汁調的甜度剛剛好。松子桂魚這款經典菜色一直是我至愛，火候控制得剛剛好，外脆內滑，酸甜醬汁又夠晒開胃，松子又多😊津白－ 菜煮得剛好，又啱季節，夠晒甜，鹹肉調一調味，吊起了菜的甜味呢。酒釀丸子－上海館不能沒有的甜品！這家酒味不太濃，適合我家人不愛重酒味的口味呢，而且唔甜又夠桂花香味，一讚！紅棗蜜－ 在這寒冬，飲一杯熱的紅棗蜜，暖暖胃又滋潤，正！備註：經理好細心，服務一流！

一個地方，總要口袋裡有個地方可以隨時去同客人食飯，而你又會不得失體面的。有時候，像我們要對客，難免同客人要食下飯，往往時間，人物，價錢，環境，樣樣要顧及，順德哥情失嫂意，當你選過地方時，你就知道為什麼這件事可以是最煩惱的事情。我口袋裡永遠有個長青的選擇，長青者，任何時候，天氣，日子都適宜，係太古城工作了兩年多的我，王家沙是我的不二之選。佢就有如神燈一樣，食物，環境永遠冇令我失望，最重要價錢唔貴，也算有體面，坐得舒適自然是肯定，裝修不錯就算你見邊種客人都可以合式。這個下午，難得有人來我公司找我午飯，不想想太多，便來到了這個地方來個簡單午飯。吃得呢類上海的菜，往往中段都以肉為主，我的習慣，往往首先選一些清清地，食一個咸肉百頁小棠菜，對，呢個清得黎都幾有個性，我鐘意佢勁多百頁，百頁又長又多又煙韌，同我一樣的話叫佢準是沒錯。四喜烤麩為前菜開幕，我喜歡這個濃味的，香菇，木耳和麵筋，誰也搶不了誰的鏡。每次我食上海野都最喜歡食酸辣湯麵，原因好簡單，又可以飲酸辣湯，又可以食麵，一個選擇，可以滿足我兩個要求，自然就是我心水的食物，這類的酸辣湯非常足料，絕對是我杯茶，有時候，一個人下午叫一碗麵也會吃得滿足

小時候，母親大人每次帶我到上海餐館 。然而都會點小籠包，所以對上海小籠包有種深刻的印象，也許這就是<味蕾回憶>吧!而王家沙是其中一家曾經去過的上海餐館。只是有次在某王家沙分店，因為點錯了非上海的菜式，食得不愉快。今次太古城的朋友想在樓下王家沙晚餐，真有點擔心會否重蹈覆轍。於是向朋友表明，只選上海菜式。朋友都贊成!到上海餐館，當然要選主打的上海菜。今晚每款都是上海風味菜式，夠保險吧！先來特色小食鎮江肴肉一邊是粉紅色豬肉及豬皮，另一邊是亮晶晶的啫喱。粉紅色的豬肉香酥鮮嫩，一咬即散，不粘牙，其肉香又頗似德國鹹豬手。晶瑩剔透的啫喱，亦有點點香味。曾經以為是豬皮熬煮出來的骨膠原呢!古代中國沒有魚膠粉，是如何研製出這種小食。配上陳醋及薑絲，一流。四喜烤麩四喜指烤麩，金針花，木耳及花生。烤麩是類似麵筋的豆制品，在蒸煮過程中形成了很多小孔。索汁真一流。烤麩配上另外3款素食配料，健康有益，老少咸宜，故曰四喜。醬汁帶甜，木耳金針花爽脆，是很開胃的小食。腌篤鮮又是上海特色湯品。腌=鹽/腌制過的鹹肉篤=文火炆炖鮮=新鮮豬肉配上筍和菜膽，放入大大煲內，再加很多很多水，水要足以浸没所有食材，慢慢炖

今晚四個傻婆又出嚟食飯吹水, 我見好耐冇食過上海菜. 又係太古睇完戲. 所以就揀咗太古城王家沙. 店舖好大好光猛. 不過可能人客不是太多. 所以環境好寧靜, 比我感覺好舒服. 不過, 可能我地四個太嘈, 好似成間餐廳只係聽到我地四個把聲.  仲要讚吓職員. 每個都好有禮貌. 個男經理仲好細心. 因為見我朋有抹鼻, 就攞咗好幾張紙巾比佢. 所以值得一讚. 仲有就係餐廳的裝飾好特別, 牆壁用餐具做裝飾. 吊燈就用茶壺, 所以真的不得不影相. 因為真係好靚, 好特別. 醉嘉美雞, 酒味剛剛好, 而且雞肉好嫩, 又好滑. 唔知係咪嘉美雞嘅特點呢!(因為我未食過嘉美雞). 美味燻魚, 糖腊汁做得好好, 唔會太甜而影響整碟餸嘅味道. 燻魚好滑. 完全唔 "鞋". 因為之前係其他店食過, 多數會"鞋". 所以王家沙這個餸要比LIKE. 韭皇炒鱔糊, 這條鱔應該係大鱔, 因為切咗一條條都見到好肥大. 好有口感. 韭皇又香. 不過醬汁過濃, 食第一啖OK, 但食落就比較咸. 蘇式鮮肉小籠飽, 皮薄餡靚又夠湯. 唔需要點醋都好好味. 王家沙咸秶飯, 滴滴式式, 一客有兩條, 四個人分剛剛好. 不過朋友見我

放工後，6點入座，唔使等二人嗌左5樣侍應會唔會覺得我地好大食 時間尚早，所以等左陣就有得食啦麵食無驚喜，不過不失，麵條可以再進步一點，因為翡翠是現拉的始終更討人喜歡！麵條可能係廠貨非常普通，可以跳過點其他菜式。酸辣湯麵的湯有點太水令成件事好似淡左ｄ！幸好夠料拉返少少分小籠包太心急食，無影到！一籠4粒，皮簿餡靚，多湯汁  而且唔會覺得油，亦唔會食到肥豬肉 好味道！！嘻嘻 果然係皇牌！ 香芹手撕雞第一次食，有少少驚喜 睇相驚好辣，好紅！不過食落真係同菜名一樣！香！ 雖然ｄ雞絲老有點乾但味道調較得好，一口接一口！做前菜、配菜就最岩! Good Pick, Yeah 豆沙鍋餅亦普普通通，勝在夠熱，餅皮可以再烤脆一點點，紅豆餡甜度適中最後的豆沙鍋餅先令一餐上海晚餐更完美！實在滿足！ 好彩早人一步，走果時巳經要等位^_^

空姐女友又加回來，我馬上帶她到附近的王家沙吃晚餐，女友是上海人，她最愛家鄉上海菜，令我也變得和她口味一樣，每星期我們總會到上海菜館品嘗不同的上海菜!第一款我們叫了醉嘉美雞，簡單來說是醉雞，雞身又軟，真上酒味，真的一絕！韭黃炒鱔糊我一定要力讚，韭黃很清香而且鱔糊超鮮味，可以說是一味很鮮的菜，真的很有鍋氣，女友吃得津津有味!雪菜毛豆百葉也很清香，百葉很爽口，毛豆很甜很新鮮，真不錯！最後女友吃了桂花酒釀珍珠丸子，酸酸甜甜，很香！女友說今晚的鱔糊真鮮味，我亦有同感

今天和妹妹欣欣逛太古城，我們狂掃Zara買靚衫，我們濕平完畢，妹妹提議到王家沙吃上海菜，真好，我很鍾情於上海菜，尤其是小籠包，所以便立即衝去王家沙了，我們在減肥，於是祇點了四個菜!頭盤我們選了葱油紅哲頭，真的很入味，海哲頭很香很爽口，一碟滿滿的，一点也不欺場!蟹粉小籠包一籠四個，蟹粉很多很濃，也很新鮮，加上鮮肉，入口真的很有口感!我們叫了酸辣湯麵，很大碗，而且麵很爽口，酸辣湯很夠辣，一碗麵兩個女孩子吃剛剛好!妹妹最愛甜品，我們叫了豆沙鍋蒪，皮薄而豆沙很多，又不會太甜，味道恰到好處！我和妹妹今晚嚐到道地的上海菜，真是太好了！

 6點鐘去到, 所以唔駛等位, 餐廳佈置感覺舒服, 同埋牆上用碗筷做牆紙好有特色, 好靚一埋到位就見到平時最鍾意食ge腌菜已經放左係枱面, 隔離枱冇人坐都放左, 感覺係一早放好晒係枱面, 唔知佢放左几耐, 點人行過吸晒塵, 搞到我都冇咩胃口食la, 其實應該等客人坐低左再攞來會好點lo鮮菜肉小籠包~湯汁夠多, 皮薄, 可以咬破少少皮再慢慢飲左點湯汁先,夠鮮味, 又唔會太咸, 唔駛點薑絲醋都好食牛肉餅~有好香的芹菜味, 牛肉味唔算濃, 但好多湯汁, 有少少咸, 同埋食落感覺唔會好油, 不過個皮有點黏牙, 做得唔夠好 擔擔面(唔辣)~上枱好香花生味, 但食落就唔係好覺, 不過個湯底都算幼滑,唔會太濃, 肉碎咸咸地配面食啱啱好, 面質地唔會太硬/太軟紅燒大排湯面~排骨有驚喜, 好冧, 肉有淡淡薑味,腌得几好食, 不過可惜係一大塊上, 冇切件, 食起上來有點唔方便菊花蜜~沖得太甜, 都係鍾意淡返點清清地好點高力荳沙球~上枱見到有粒凹左, 有點失望, 不過味道OK, 入面的荳沙好香紅豆味, 唔會太甜, 面頭的糖粉適量, 唔會過多, 唔會漏

叫左脆皮雞， 腐乳通菜同蝦仁炒飯， 3碟野得2個字形容！超鹹！！！！ 一味得個鹹字， 菜拎到嚟又凍又硬出曬水但仲好鹹，我老公係重口味人都頂唔順！ 脆皮雞d皮唔脆但係用豉油浸又係爆鹹！ 飯普普通通但都偏鹹本來想叫高力豆沙但$38得2粒勁唔抵無叫待客態度勁差！ 經理級以上最差！！ 女嘅叫佢比個menu嚟睇完全唔應你！ 男嘅埋單問拎返張單就咁著卡同單「劈」係污遭嘅臺面！！不知所謂個晚食完返去半夜仲2個都肚痛！ 絕對唔好去食!!!!!

當日下午我同女朋友仔係太古城UA睇完戲，我地就開始諗諗係邊樹食晚飯好呢?我就提議去王家沙，因為有女朋友仔最愛既擔擔麵同埋高力豆沙她當然話無問題啦，快d行過去。所以食評我改名叫最愛是誰我倆到了目的地，我為了安全起見，先問問門面接待員今天有無高力豆沙先，接待員回應話有，我倆就立即急不及待地入座了，因為高力豆沙唔會有太多，賣哂就無架啦。由於我倆6點去到比較早，人流唔多，但到了6點半左右，之後食店就坐絕無虛席。門外都開始有食客拿號排隊啦，所以打電話訂位比較安全。店內環境裝飾美麗，坐位也比較濶，令食客坐得舒服。1.王家沙擔擔麵$38:我擔擔麵分別有辣或不辣，我同女朋友仔都選了不辣擔擔麵份量夠，都幾大碗下，麵質爽口彈牙，面上灑了大量花生碎和蔥菜，湯底有好濃花生醬味。2.糯米燒賣$34:糯米係超正囉，熱烘烘的，皮又夠薄，但可惜份量比較少得4粒，仲要都幾細粒下3.高力豆沙$38:大大件軟淋淋好好味，豆沙熱烘烘的，但表面沙糖如果多返d比較好，豆沙也比較少，同埋件高力豆沙凹既唔係漲，唔夠美觀。

星期日係太古城睇完戲，男朋友話想食高力荳沙 ，提議去食王家沙食晚飯，我就諗起擔擔麵 ，即刻say yes ！我地6點鐘左右行過去，唔使等即時入座。中藝式既佈置，有茶壺吊燈 , 仲有茶具裝飾既卡座位添 , 場中央既座位就比較似d現代化既茶餐廳。我地即時劃定自己既至愛美食，再加一籠點心 …1.擔擔麵 (唔辣) : 最懷念既麵，一定要一人一碗先夠喉 , 濃郁既花生醬，麵質挺身彈口，yummy ！2.糯米燒賣: 皮夠薄，糯米軟熟好味。3.高力荳沙: 唔夠脹卜卜兼焗燶左d, 賣相扣分！荳沙餡份量亦少左啊, 整體仍然係好食既！呢度價錢實惠，唔可以要求太高！

同同事一齊LUNCH....竟然唔洗等有位???咁就入去食下啦....叫左個SET,6個小食+3個飯麵....- 菜肉小龍包 : 小龍包皮厚肉汁少 ...但又奇左個底勁薄一夾就散~! - 豬肉小龍包 : 附送XX一隻~! 我地同職員講先發現仲急急收走~!!!!  ****此事千真萬確~!!!!******- 各式餃子...生煎包 : 無味..肉汁少.... - 排骨菜飯: 菜飯乾既無香味...排骨超UN..... - 上海粗炒: 硬到不得了....又油... - 回窩肉少年糕 : 怪味~!!!難食到想死..... 總結: 食物質素及大小都同價錢不成正比~!!!!員工客戶服務非常一般~!不但無安撫我地仲連斗令折扣都無~!!!!以後一定唔會再去~!!!!

細個嗰陣最鍾意食嫩雞㛱麵同東坡肉，但係經過今次之後我諗我以後唔會再食呢間野。我們點了：嫩雞㛱麵：變咗滾水淥麵，雞得幾粒，淡到冇人有賽螃蟹：非常淡，連雞粉都賴得落東坡肉： 醬汁欠佳豆沙窩餅： 淡而無味，一d甜味都冇上海腌篤鮮： 湯底同㛱麵相同，並非用湯料燉成蘇式鮮肉小籠包： 皮厚肉少。

我自己就鍾意食西餐多過中,不過食上海野我就非常鍾意，因為上海野D味道夠濃,不過係有D油既,但都改變唔到我鍾意既欲望。今次去食既上海野就係王家沙。去左太古的王家沙，同朋友一齊去食就有個好既地方就係可以試好種唔同既野。叫左幾味一齊食。自己就涼盤好有興趣所以就叫左兩個一齊食,我覺得涼盤係比較難搞既菜,依到就做岩岩好,不過不失,唔算話超哂班,令外就叫左醉雞,佢個酒味非常之濃，令我有D唔鍾意,因為唔太喜歡酒,不過佢個雞就真係做得好滑,而且酒味無過哂D雞味正,之後就當然要食炒鱔糊,佢個鱔非常多同配菜五十五十咁分，而個汁就好味道,可以濃多少少係我個人口味黎講。都試埋小龍包,個肉汁夠新鮮又多,但個皮可以唔咁厚就真,不過咁樣夾又會方便。整體黎講唔錯。