王牌冰室 (已結業)

今日去到大圍朋友講有間叫王牌早餐不錯而且仲要勁近大圍站所以我們就過來吃，來到時不多人，坐下見到午餐都多選擇，我就叫了一份沙爹牛肉特濃湯底公仔麵配火腿炒蛋熱檸檬茶，價錢四十四元少貴，沙爹牛肉麵來到顏色的確幾濃，食落去幾香但沙爹味又不叫十分濃，比平時的味少濃，湯不叫十分多，所以比較快冇湯，麵比較淋身，牛肉都多又大片，牛肉味一般，炒蛋有點老了同凍，多士好味軟熟又多牛油，飲品正常不錯，因為成份份量都不少，食完都幾飽肚，價錢都可接受。

服務態度奇差，特別係收銀阿姐同個女侍應。漏單，錯單，黑面，當你隱形。全場得個男經理態度好。啲嘢食係幾好食，但係如果你以為自己可以好似澳X咁，一路鬧客一路有人排隊食，你哋有排都未夠班。近排發食物份量例如豬排、雞排份量減半。其實係唔係應該檢討下點解少咗人食？

其實野食賣相同味道唔錯，但係樓面不是落錯單，就是送錯枱。明明非繁忙時段，得幾枱客，想搵人落order，見到果位亞姐就掛住同收銀傾計，就叫其他見唔到果啲伙記落。果位收銀同亞姐一傾冇停，仲越傾越大聲，鬧之前個外賣客落單改黎改去，攪到佢好㷫，仲話個客好嬲，最後仲取消埋張單。如題啦，如果個老細想繼續做落去就唔該多啲落鋪整頓下伙記，咁做落去有客都俾啲亞姐趕走哂。（原本生意都唔多，但食物都啱食，唔想佢消失埋）

成間d 阿姐服務態度奇差下午茶時間落去成間店都無5台客叫左野食都係叫個豬扒撈麵姐已經等足20分鐘先去追佢仲要好好語氣問佢諗住叫人都已經成班阿姐圍住收銀位吹水好啦個阿姐黎到已經同佢講「唔該我等左廿分鐘野食未到， 幫我睇睇」明明見個阿姐問廚房先叫廚房做番就同我講整緊唔好意思都唔講聲仲要掉番張單落我枱野食係唔差亦算好食但態度影響一切食客心情已經係上樓舖服務都唔好點叫人再爬樓梯上去食如果換左班阿姐日日去食都無問題好少寫食評但為求比劣評一定要寫夠佢200字

同朋友一齊咗佢嘅滑蛋蝦叉燒飯 我地兩個一齊腸胃炎咗除咗痾就係痾 無錯係好大份 抵食但食完腸胃炎 就真心唔抵絕對真人真事而家仲係廁所到痾痾咗成日啊！！！！！！！！！！！！

滑蛋大份覆蓋到成個飯 叉燒係同埋蛋一齊煎 滑蛋上碟時仍保持半熟狀態 令整個飯都維持到濕潤 豉油並非甜豉油 鹹豉油有翻燒味飯既味道 叉燒半肥瘦又大件厚切 好食😋係可以再黎呀！

服務態度極差，叫人落單員工視而不見，落錯單不只，還將責任推到客人身上，去食嘢慘過乞食，食品咸都爆，呢間嘢免費都唔會再去！！未過一間咁差嘅餐廳，員服務態度及食物都極度惡劣！！！

睇番食評，去年八月第一次試這餐廳，當時還是新開業不久，食物還可，唯當時冷氣系統仍未搞好，邊食邊擦汗，怕熱既我，之後都唔敢再來! 今日同女兒出大圍市中心辦點事，又要煩惱吃甚麼好???經過美食市集，才想起未帶女嚟試過呢間，便提意嚟王牌冰室，起碼不用像樓下food court,買完飛，仲要罰企的去等食物嘛！我叫了個"常捌餐"，有薑汁雞湯豬潤通粉(薑湯雖然未致於勁薑，但、薑味還可以的，豬潤焯得很嫩，入面剛好，唔會有唔熟的情況，我就幾鐘意喇)，牛乳炒滑蛋+牛油厚多士+火腿(全部都正常，合格既)，杯凍啡上檯時被赫一跳，咁多奶既?懷著忐忑心情搞勻杯啡，試飲一啖，有啡味，唔錯噃!! / 亞女叫了"午壹餐"，叉燒牛乳炒滑蛋飯，我試了兩啖，滑蛋唔錯，叉燒ok，仲好大塊，整體上都不錯。凍檸茶正常。/ 兩人埋單$100元，咁既價錢，交到咁既功課，都算唔錯的了。/ 後話：今次入去呢間餐廳，冷氣充足，除了樓面反應慢了半拍外，與一年前相比，已有進步，可以再嚟。

今日出大圍搵食，見冇咩人又未食過所以就試吓呢間！一入間餐廳就聞到少少臭味⋯唔知係啲油味定膠味⋯餐湯係羅宋湯，唔夠味，味道好淡王牌叉燒牛乳炒蛋飯本身見隔離枱嗰碟又大碟又好似好好食，所以叫咗！點知原來麻麻地架咋⋯叉燒偏硬！有So味，雞蛋唔夠滑，個飯仲有啲涷添⋯諗住魚香茄子穩陣啦！點知都係麻麻地，唔夠惹味！睇吓啲汁勁多⋯普通醬汁撈飯！唔夠香！整個常餐，炒蛋都係唔夠滑！方包正常！最期待嘅瑞士汁雞翼公仔麵，點知係苦㗎⋯燶左陣苦味⋯唉！你睇隻雞翼黑蚊蚊咁，麵全部都係燶味，一啲瑞士汁嘅甜味都冇⋯好失望！原因之前食嗰啲都已經麻麻哋，所以費事叫佢換⋯

下午茶時間又到~今日又係大圍搵食~黎到呢間叫王牌冰室既餐廳食個下午茶，抖一抖~入到去真係哇左一聲D冷氣勁到好似置身於雪柜一樣..真係名副其實入左間冰室.....小插曲~~~~~我地搵好個位坐定定之後，見到張檯極之污糟，所以就叫個姐姐抹檯啦(好正常啫)...果位姐姐望住張檯再望住我地...跟位黑住面幫抹左個檯...全程佢同後面另一個姐姐唔知係度鬧咩好啦好啦..既然都入咗去，就著番件褸嗌野食啦~其實我係見到門口放左熱狗張相而入去既噤就梗係嗌番隻熱狗試下啦~男朋友就想食麵，又想食雞翼見到menu話係生炸..佢就即刻叫左個蒜香生炸雞翼雙撈麵黎試喇。蒜香生炸雞翼雙撈麵12erfrr熱狗沙律餐已經好耐無食過熱狗既我，覺得呢隻熱狗係好食既，配埋個什果沙律都真係唔錯～不枉我為左佢而入呢間餐廳。不過如果比我再揀，我唔會再黎呢間lu....

愈簡單的菜式，就愈難煮得好吃。今天去了大圍「搵食市集」晚飯，Food Court 大大小小的餐廳早已試過，唯獨只有這間茶記還未一試，決定今晚看個究竟。作為一個食評家，我只會寫我真實想法。坐下來點了一個咖哩雞扒，我這個食評家，吃出了一份驚喜。驚喜在於廚房的心機，雞扒外皮煎到脆卜卜，肉質幼嫩，富有彈性，做到外脆內軟，同時亦有飲汁而不會乾。至於咖哩汁亦超越一般茶記水準，椰香適中，扮演點綴角色，與濃郁咖哩味相映成趣，沒有喧賓奪主。汁的質地亦Creamy，送飯一流。所以說，茶記也有高低之分，分勝負的未必一定是食材、環境，有時只是烹調的心機。

話說上次經過見到呢間餐廳menu已經好想食呢個西多士，咁啱入到去就冇曬！所食咗其他嘢！今次放工經過特登再去一次，趕得切下午茶有得食呀一嚟到勁大份量嘅西多士本身仲諗住係好多花生，一切開流出嚟，點知一切開係有花生醬，但份量唔算太多，但係味道都唔錯不過不失啦 但視覺好滿足

本來以為睇其他平台講大圍有揾食市集有間王牌冰室，就約朋友來試下，點知真係食到一肚氣，下午二點幾去到，已经覺得無咩人，心諗唔係有伏先無人？到點餐時，有個女侍應真係好無禮貌，我想叫雪山朱古力，佢話無，我問有無凍朱古力，問了兩次都無答我，我話即係點，佢話無果d我先會答你，我話你咩態度，佢更加串，話佢咩咩態度，係甘架啦，我話叫經理來，佢就話你最好投訴我，無問題架，估都估到佢地個經理更加唔當一回事，有甘嘅經理就有甘嘅侍應，之後等到野食到更加唔駛諗，叫午餐個湯以為係人地飲凈，唉，無食到兩啖就走左，真係永遠都唔會再來，真係好差

店員態度極差,食個午餐要受多次氣,憑乜嘢！第一,午市見剛有枱,進去坐下時被喝要去門口等位,當時那個收銀枱的人態度好差,行到門外只有一個人在等,但不是等四人枱,最後還是坐回我們之前的座位,第二,點了個午餐是跟有例湯的,只因食到一陣都唔見送來,就問一下其中一人,卻回應好唔得閒,等得閒時就拿給我,這是什麼態度？第三,落單時點了一份三文治,但我們食完飯都未來,就問一下整好未,收銀那個女人很悔氣地要說三文治要等半小時的,完全沒有理會客人的感受,敢問這間餐廳的待客之道是什麼？已被我列入黑名單,再不會去.

今日特登走過來大圍食呢個王牌冰室，其實對於佢嗰個滑蛋叉燒炒飯都期待左好耐，因為之前喺九龍城見過一啲都好似好貴（暗然銷魂飯滑蛋叉燒飯），而呢一度就坐落喺大圍火車站隔離地點10分方便。上枱睇到佢個叉燒飯都幾好味熱辣辣，見到啲滑板個生熟程度都好好而配果個鼓油亦都好香，食落一啖一啖都幾好味。佢又唔係好貴佢有幾個揀有啲可以配蝦仁🍤，價錢大概都係五十幾至$60附近。對於我來講都可以接受對比九龍城嗰邊嘅份量都比較多，所以我都會推薦食呢個滑蛋叉燒拼蝦仁飯。唯一彈一彈就喺廚房經常都播歌仲要播到好大聲咁如果鍾意就真係鍾意唔鍾意就唔鍾意。當晚係應該播緊譚詠麟嘅演唱會！