玖子茶 (如心廣場二期)

營業中

休息中

最近👦🏻👧🏻喺荃灣如心廣場發掘到一間性價比唔錯既馬拉菜餐廳 - 玖子茶，成餐飯食咗唔洗二百蚊都已經可以捧住個肚走！加上餐廳裝潢充滿特色，下次出開附近一定會再Encore！🌟招牌星馬雞-配油飯&椰子雞湯星馬雞肉嫩滑無比，雞皮之間有啫喱，而油飯飯粒香氣十足，食落有乾蔥等配料增加香味；椰子雞湯清甜，椰香飄溢。🌟砂煲肉骨茶-配白飯砂煲上既肉骨茶熱辣辣送上好夠滾，肉就有排骨、肋骨、豬軟骨三款不同部位既肉，多肉又唔會太肥，肉類點埋黑醬油/蒜頭🧄就岩岩好唔會單調。湯底幾重蒜香同藥材味，調味亦偏甜，容易入口。配料就有枝竹、豆卜同鴻喜菇🍄‍🟫。🌟鮮油咖吔多士多士烘至金黃酥脆，咖吔有幾香椰子味🥥但唔會太甜，配埋牛油🧈，冰火交融，令人滿足！🌟馬拉魚餅拼炸蝦餅馬拉魚餅係相對重香料+辣嘅魚餅，爽口彈牙。而蝦餅就用咗麵包糠包裏住，比較薄身，點埋泰式辣醬唔會熱氣。

🔹️玖子茶🔹️ 雖然前排去完馬來西亞玩，突然掛住喇沙同咖央多士，同朋友聚會講起荃灣如心開左間星馬菜餐廳，就去探下店先😆 🥢酸辣無骨鳳爪鳳爪口感爽脆，酸酸辣辣真係好開胃 🥢斑蘭咖央多士多士烘得幾脆，醬料都算多，店家仲細心地把多士一分為四方便食 🍝星洲魚片魚蛋喇沙摻摻喇沙摻摻可以揀米粉，米粉有點咬口唔會好爛，口感唔錯！喇沙湯底無咁“傑”身，少少辣，調味做得幾好 🐥招牌星馬雞油飯配椰子雞湯雞肉去晒骨又滑身，小小油脂，有三種調味料點配，我個人覺得泰式酸辣醬真係最夾，食星馬雞必須要配油飯

餐廳環境氣氛好好，好似返返新加坡街頭夜市，而且食物性價比高，所以頗多食客！🥢招牌珍寶帶子喇沙摻摻粿條：✨推薦✨椰子🥥香味濃郁，帶子嫩又彈牙，同粿條爽滑口感好夾👍🏻🥢砂煲肉骨茶配星馬雞油飯：入秋🍂要進補，肉骨茶藥材味濃，加埋炆到淋既排骨，沾甜醬油食更滋味。星馬雞油飯香口，雞肉則淡口。$69就可以試齊兩款✌🏻。🥢鮮油咖映多士：+$12加配半份多士，即焗咖映多太美味了。🥢玖子芋圓：三色芋圓加涼粉紅豆冰。🥢馬來西亞拉茶：✨推薦✨茶香口感滑，少甜味道剛好。🥢街頭白咖啡味道：🔅🔅🔅🔅新鮮：🔅🔅🔅🔅分量：🔅🔅🔅衛生：🔅🔅🔅速度：🔅🔅🔅（5🔅為滿分）

朋友話想荃灣行下，因為個邊都好多好野食，行經見到呢間格局中式嘅餐廳覺得好似幾有特色又幾靚就入去試下啦！麻辣口水雞配白飯&時令雞湯本人好愛麻辣，無辣不歡，見到麻辣口水雞當然唔會放過啦，一上菜就見到佢放面嘅配料顏色比較淺色，以為會唔夠香辣，點知食落係好好味好適合送飯！而口水雞我就轉左雞脾肉，所以食落啖啖肉又新鮮，非常滿意呀！時令雞湯就係椰子雞湯，飲落清甜！星馬炸雞飯好欣賞呢個咖哩汁，佢係偏辣而唔係偏甜嘅咖哩，好適合我同朋友嘅口味，而且炸雞食落脆口，脆漿亦唔會過厚岩岩好，好有誠意！椰汁斑斕糕食完飯點小得飯後甜品，斑斕一上碟就係熱辣，係新鮮蒸起嘅糕點，食落幾軟糯，唔會好甜，但如果重斑斕味就更佳，係好適合長者黎食嘅甜品。馬來拉茶拉茶唔會死甜，有帶茶香，如果愛好港式奶茶嘅朋友就應該會好鍾意啦！

今日去到荃灣西的如心廣場2期，見到呢間裝修好特別的餐廳，於是就決定入去試試！餐廳出面有哂各種時段的餐牌，上面都清楚列明哂每個時段由幾點至到幾點，好方便睇餐廳門面就已經同商場其他店舖的裝潢好唔同，門口位就已經好有星馬大排檔感覺入到去裝潢更加係xDD 真係好靚好特別~舖頭用QR Code落單非常方便我同朋友就叫咗份「泰式蒜香風味炆䱽魚配白飯」同埋小食試試。條魚超大條，一食落有種辣辣地既蒜蓉味，用黎撈飯一流而且䱽魚又多肉，兩個人分黎食都好夠食小食方面，我地試咗「我知你啦薄餅配咖喱」個薄餅小食本身就有配咖喱比你所以唔洗額外叫多兜咖喱呢個真係唔錯！仲要個薄餅有好塊，呢個價錢真係抵食野飲跟餐就睇唔同分類加$$, 配埋晚市既set加幾蚊就可以飲到d特式野飲出面可以自助碗杯同水紙巾，店員都幾nice，對呢間餐廳印象好好

荃灣如心廣場2樓有好多餐廳，平時都唔覺眼，但最近發現有間平平地嘅星馬菜 (๑´ڡ`๑)大概五六十蚊一個set，上菜速度快，份量多，質素都唔差!!🫢一定飽住走🤰🏼🤰🏼𝟙芝士蔥酥蛋餅 $29蛋餅入面有蔥粒，包住煎流心蛋同半溶狀態嘅芝士，夾埋一齊食好夾!!食落去都幾酥脆😋𝟚芝麻蝦多士 $39一份有5大件！多士表面塗上蝦膠，麵包食落鬆軟重油香，仲有陣陣芝麻香味😆蝦膠食落彈牙有咬口!!配埋千島醬一齊食，唔會太油膩，食完一件會仲想再食多件🫢😋𝟛砂煲肉骨茶配白飯 $58✨推薦！砂煲肉骨茶帶有少少回甘嘅藥材香味🤤入面有豆卜、金菇、腐竹同杞子，排骨炆得好軟腍又入味，食落去骨肉分離，唔使擔心咬唔開😋個湯仲要超好送飯食!!𝟜招牌星馬雞喇沙摻摻 $66✨推薦！喇沙湯底味道香濃，辣辣地而且椰香十足！米粉夾埋油麵，食落好夾，兩款麵都滑身，米粉比較似粉絲，透透地好有口感，唔係港式米粉嗰隻嚡身感覺～兩款麵嘅口感形成對比就好有層次！🤤海南雞係分開上，雞肉好嫩滑，配上平時海南雞三色醬，特別係酸辣醬，好開胃！✨✨

荃灣都有新加坡牛車水美食街，可以享用南洋美食，餐廳室內裝修好有特色，充滿新加坡牛車水風情沙嗲串燒牛肉 $29香烤串燒牛肉好香好味道，配搭特色沙嗲醬料份外美味班蘭咖吔多士 $29特色班蘭咖吔醬夾多士，多士好味道唔油膩，甜味適中又清新酥炸花枝丸 $39香脆彈牙酥炸墨魚丸，外皮好鬆脆星馬咖喱香煎豬扒飯 $55充滿星馬咖喱料，香煎豬扒飯海鮮蝦喇沙摻摻 $53喇沙湯底好香椰子味，好有星洲風味，米粉及麵各半半，還有蝦、魷魚、魚腐魚蛋等，還有雞蛋美食掃街好味道

海南雞嫩滑可口，雞肉以冰水過冷河，皮薄爽滑，雞肉味道濃郁且已經去骨，方便享用。另外雞油飯則以上湯、雞油、蔥、乾蔥及調味料等製作，令到飯粒香氣十足，而且仲有椰子雞沙仲叫左串燒，牛肉串燒，串燒都係好味。牛肉串燒燒得啱啱好，外層香脆，唔會黏埋一舊，而且牛香味甚濃！另外叫左椒鹽大蝦，每隻蝦都大大粒的，而且蝦殼都可以食埋的，勁香脆， 蝦頭都有蝦膏，蝦肉都扎實彈牙，佢蝦殼外嘅胡椒香味濃郁, 微辣惹味, 令鮮味更提鮮不少。

荃灣星馬街頭美食入去到懷舊感十足！好似去咗星馬啲街頭咁打卡一流～是日精選晚餐泰式蒜香風味炆䱽魚 配白飯 $84小小辣再帶啲酸 開胃十足 用咗好多蒜頭同洋蔥🧅等等配菜調味令䱽魚好入味 肉質好嫩滑而又小骨食落啖啖肉 攞埋啲汁撈飯一齊食勁正！我知你啦薄餅配咖喱 $29性價比高 有好多塊金黃酥脆嘅薄餅 咬落外脆內軟 點埋咖喱一齊食好惹味酥炸花枝丸 $39炸到金黃色嘅花枝丸好香而且咬勁十足！點埋甜酸醬就無咁dry～斑蘭咖吔多士 $29個人覺得唔夠多牛油唔夠邪惡😆咬落去散發住淡淡椰子味爽爆檸檬茶 $18馬來西亞拉茶 （跟餐）$5飲落口感比港式奶茶更順滑富有茶香之餘重可以keep到陣奶味！玖子茶 (如心廣場二期) (荃灣)荃灣大河道98號如心廣場二期2樓214號舖

今日諗住去如心廣場嘅冒險樂園玩～ 玩到肚餓就見到玖子茶個menu都幾抵食 就決定入去試吓啦🫡我哋兩個叫咗一份麻辣口水雞套餐 有一碗椰子雞湯同油飯 佢哋嘅椰子雞湯好香 一飲落去就知係新鮮現煲 👍🏻😎 佢哋嘅口水雞亦都偏辣好好食 🤤 雞肉好新鮮入味 男朋友就叫咗一份海南雞喇沙 佢哋嘅海南雞係分開上嘅 咁就會保證啲雞肉唔會浸到好老 喇沙湯底好香 再配埋嗰隻拉麵😏😏簡直係Perfect match 海南雞一樣咁嫩滑 但係我自己比較鍾意食佢哋嘅麻辣雞多啲haha😳😳之後因為太為食，所以加咗兩份小食～ 一份係鹽酥雞軟骨 超級大兜 超級抵食 每一粒都係剛剛炸起卜卜脆好好食 😋 另外一份就係咖央多士 超多咖央醬 好正 一咬落去啲醬慢慢流出嚟 兩個人食到咁飽都唔使$200 真係好抵食💁🏻‍♀️ 大力推薦佢哋嘅小食比大家

最近行經荃灣如心廣場一期，發現左間幾抵食嘅星馬餐廳，裝修仲幾靚，叫做玖子茶。因為價錢唔貴，都幾親民，閒日晚市都有八九成滿。今次叫左海南雞飯，雞夠滑，油飯夠香，醬汁齊全，仲送埋湯，都幾抵食。朋友叫左肉骨茶，試左一啖，有相當濃厚嘅藥材味，但係又唔會好苦，調味唔錯。肉骨茶都有好多配料，而D肉都炆得夠腍，送飯一流。小食另外試左蝦多士，比預期中大件，估唔到係蝦滑配法包，味道出奇地好食，咬落去好鬆軟，蝦滑都好彈牙，有驚喜！飲品有相當多選擇，跟餐叫嘅話加幾蚊就OK，朋友叫左凍桔仔話梅水，非常生津解渴！我就叫左熱美祿，夠晒香甜。埋單200蚊都唔洗，好抵食，性價比幾好！！

第一次幫襯呢間舖頭，見下午茶幾抵食，一於就試吓2:00入到舖頭，其實舖頭都多空枱，但侍應表示要搭枱，咁我一個人，都唔想阻住人哋做生意，都冇乜所謂之後原來餐廳要掃code落單，不過呢個code有啲問題，load咗好耐都唔得，仲試過落單失敗，結果系統顯示我落咗兩次單，我即時同侍應講，叫佢幫我處理返點知，侍應同我講佢唔識講廣東話，OK Fine，我可以轉做普通話同你溝通，btw 我唔係歧視，但點解可以完全唔識廣東話…..好啦，我以為侍應幫我處理咗，另外侍應出餐嘅時候，食物照係Double出，另一個侍應仲質疑返我，大聲咁講:點解你一個人食兩個餐？我當然覺得感受好差，點解佢唔會諗會唔會去餐廳或者公司系統有啲問題先，反而直接怪責個客…如是者，我解釋返比佢聽，件事終於圓滿解決咗。不過之後有其他客人入座，侍應都係繼續唔好嘅態度對其他客人，雖然食物質素OK，但服務質素有啲參差。另外，講下食物方面，咖哋多士好似一早整定，所以送到餐黎時，完全唔脆同唔熱，好似食緊乾爭爭既多士咁。

裝修懷舊有特色之餘，食物價錢實惠，最平五十蚊有交易🤝不仿試試👍🏼食物1️⃣砂煲海南椰子雞湯 $68椰子雞湯清甜，而且椰子味幾出👍🏼雞肉都幾嫩滑2️⃣招牌珍寶帶子喇沙摻摻 $69摻摻可以改做米粉或其他，帶子Size好大粒鮮甜彈牙，喇沙微微辣，怕辣嘅朋友我覺得都可以試吓！3️⃣班蘭咖吔多士 $29班蘭多士配搭新鮮，不仿試吓😎4️⃣我知你啦薄餅配咖喱 $29薄餅好咬口，咖喱味濃，哩個組合永遠冇得輸😎

寶貝仔向海之戀補完習後去如心食晚餐醫肚，竟然俾我搵到間平靚正既星馬菜館-玖子茶。店內裝修充滿住東南亞風味，非常有特色。餐牌上有不同系列，不同地方風味既食物。今次我選擇左招牌雞系列既星馬雞配油飯＆時令雞湯。雞肉嫩滑可口，皮薄爽滑，雞味濃郁並且已經去骨，配埋油飯同雞湯，超級滿足。另外再選擇左砂煲系列既砂煲肉骨茶配白飯。肉骨茶藥材味十分香，但食落又唔會過濃，帶有點點既甜味。排骨好軟同入味，配埋白飯絕對係剛剛好。最後仲點埋我每次食東南亞菜必食既鮮油咖映多士，十分邪惡但極好味🤣🤣🤣🤣食埋涼粉芋圓，又係大滿足既一晚😍以如心廣場裡一般食肆作比較，玖子茶室絕對稱得價廉物美，份量充足時，食物又美味，性價比高👍🏻👍🏻。

朋友上班附近有一間名為「玖子茶」的星馬餐廳，定價相當抵食。今晚筆者就過來試試，順便也和朋友聚一聚舊。 筆者所到的是「玖子茶」在如心廣場2期的分店。餐廳裝潢幾特別，有如身處新加坡唐人街般。每日都會有優惠套餐，今晚就是麻辣口水雞飯餐。跟餐有椰子雞湯，味精感未算很重。口水雞肉質嫩滑，入口有一股麻香辣感，味道層次豐富。配上油飯，飯粒間帶黏感，油香味令人不知不覺吃很多。蝦多士有5大件！多士片塗上蝦膠，然後炸香。多士麵包鬆軟，帶有少許芝麻香味，蝦膠層則彈牙香口。整體不會過於油膩，還附有千島醬蘸點佐送。花枝丸炸香，中間混入了花枝粒粒，彈牙有口感。再點上泰式雞醬，酸辣味道為這道小食畫龍點睛。無骨鳳爪進食起上來非常方便。可惜鳳爪做得不太入味，無論酸或辣味都未夠到位，有一點可惜。他們的飲品都是大大杯！筆者點的是柑仔話梅水，雖然甜度固定，但不會過份甜膩。