玥

營業中

休息中

每年生日都會去 #玥 食飯皆因我倆好鍾意台灣美食自從她於朗屏橋底停業後便沒有這個慶祝習慣了🥲好彩有次行街比我再遇到相約卡佬於我生日一齊食❤️鳳梨雜莓咕嚕肉跟手工麵➡️例牌必點，因為咕嚕肉脆漿真係整得好好，唔厚又夠脆➡️還用多款新鮮生菓入饌（台灣鳳梨、士多啤梨、藍莓）➡️更加入士多啤梨乾，增加口感，有驚喜😍➡️甜酸汁的酸甜度調得剛剛好➡️+5轉手工麵，手工麵夠腍滑順喉❤️鮮蚵安格斯滷牛肉飯➡️蚵仔有大有細，大隻最適合單獨入口，吃出其滿滿柔滑的蛋白質！➡️+15 醉蘭王溏心蛋2隻，蘭王蛋香足夠，還有淡淡酒香➡️每個餐都跟上小菜一小碟，今次係柚子拍青瓜，不單有柚子味，是看得到有新鮮柚子肉在碟中，好有heart❤️水蜜桃晶球冰茶➡️大量新鮮水蜜桃，冰茶夠茶味，晶球更是我最愛❤️黑糖珍珠拿鐵➡️黑糖拿鐵不會死甜，珍珠夠Q彈，不錯今次一試食物飲品好滿意新店裝修靚兼且位置方便簡單小菜已見小店好有心食物能夠keep住當年水準我和卡佬會繼續支持回訪

自從交通廣場大裝修後，改咗名做Yoho Plus 加點，地下角落頭位有間餐廳「玥」主打新派台灣菜。午市套餐由$68起，仲有素食套餐，照顧埋素食者。套餐送前菜及蜂蜜綠茶升級一條飲品扣減$10前菜分別係熱情果汁醃木瓜片同沙田柚醃青瓜粒，估唔到咁清新開胃。🍜玥。招牌牛白湯牛肉麵$88湯底用牛骨煲，清甜呈奶白色，牛腱切薄片，肉質軟腍，粗身麵條Q彈。🍍鳳梨雜莓咕嚕肉$78咕嚕肉炸得香脆，除咗鳳梨，仲有草莓同埋藍莓，加埋個酸酸甜甜嘅醬汁，開胃惹味。本身跟白飯，加$5轉新竹米粉🐮安格斯滷牛肉+$20平時滷肉多數係豬肉，今次試吓安格斯牛肉，肉質都好軟腍，醬汁微甜味道唔錯。🦐澎湖花枝蝦餅兩件$46蝦餅Q彈之餘，中間有D花枝粒增加口感。🥤凍秋紅香水檸檬大紅袍茶味香醇，香水檸檬清新香氣。🥤冬桂芝士奶蓋醇茶桂花烏龍加桃膠芝士奶蓋綿密，桃膠軟滑又滋補。依家餐廳有「鳳梨鮮莓咕嚕肉」遊戲，記住食嗰陣時估吓有幾多粒藍莓🫐🫐，埋單話俾店員知，餐廳會送番$5現金卷俾你，下次任何消費即可當錢用，送完即止，仲唔快D去食😆

同朋友一齊過嚟食飯，叫咗麻油雞 ，牛肉蚵仔燉飯，藥膳湯羊肉，炒水蓮，濃蝦湯麵，樣樣都好有水準，特別係個麻油雞，雞件非常嫩滑入味，水蓮又好嫩口，最後叫埋個甜品，非常大碗抵食👍🏻

偶然搵元朗新店時發現同木玥巷幾乎同名既店, 咁岩啲餐牌有好多相似之處。好懷念個米粉之下去左。蟹肉金絲炒新竹米粉 $88仍然炒到一啲油都冇, 完全冇炒麵既油膩感。份量比以前多, 麵都比以前長。但配料既量少左好多, 不論芽菜定蟹肉都係。以前上碟係金黃色, 而家係橙橙地, 應該係加左色。入口冇左以前既驚艷感, 之前真係好有鑊氣好香, 而家冇左果啲香氣。加上配料太少, 成個麵真係好普通, 埋單要97蚊真係非常唔值。

週六午餐時間需等待15~20分鐘服務生不太有禮貌食物品質還可以安格斯牛肉小蠔配飯，小​​蠔沒有鮮味蟹肉炒新竹米粉, 很好吃，因為沒有太多油炸雞湯麵, 炸雞酥脆裡面也不太乾台灣風味飲料很好喝人均消費港幣120元

早兩日喺又新街附近，見到間裝修幾唔錯嘅台式餐廳，一於入去試吓。睇完餐單，叫咗皮蛋三杯雞飯同鮮蚵安格斯滷牛肉飯。皮蛋三杯雞飯真係好好味，雞肉嫩滑，味道夠香！牛肉飯都軟熟到唔得了，d蚵仔都好大隻，好滿足。另外，仲叫咗杯士多啤梨晶球蘇打同埋芒果晶球蘇打，清爽得黎又有咬口，正！餐廳環境好有台式feel，真係好舒服，值得再來！

咁高質出色竟然冇人講？超水準台灣菜 x 中菜 fusion餐廳🇹🇼元朗街坊真係有口福🥺絕對值得回訪嘅小店🔥-👍🏻招牌牛白湯牛肉麵 $88 私心最推薦！同一般台式牛肉麵唔同牛白湯非常有驚喜🤤湯頭用牛大骨煲48小時陣陣牛骨清香同八角香料味四大塊牛展心炆得非常軟腍筋位啫喱狀入口即溶麵底好似拉麵咁幼滑彈牙忍唔住成碗清晒，真心好正🥹-👍🏻鮮蚵安格斯滷牛肉飯 $88 蚵仔每日新鮮，大大粒超肥美鮮味十足冇沙唔腥，咬落仲係有汁🤯滷牛肉醬汁帶甜濃味牛肉非常入味，肉質唔會太柴整體份量都唔少，呢個價錢都抵食-👍🏻皮蛋三杯雞 $78🔸配白飯或手工麵+$5用生啫煲即叫即整，唔係預先整定再返熱雞皮微脆，厚肉大舊，肉質都唔錯皮蛋有炸過，口感好特別蜜甜入味帶微辣，濃而不鹹加上九層塔、洋蔥、青紅椒嘅香味整體非常惹味有鑊氣，送飯真係一流！-👍🏻松露菌燒鮮腐竹 $78 🔸配白飯或手工麵+$5估唔到齋菜都做得出色腐竹鮮嫩軟滑，加上大量菇菌調味適中唔過鹹，黑松露味好濃好香-👍🏻黃金蕎麥鹽酥雞(小食) $58必食！炸到黃金酥脆，唔會硬/油淋淋大嚿厚肉又多汁，有少少九層塔香味🤤適量椒鹽調味，另配上秘製甜酸汁-🔸其他菜式價錢參考以上

位置闊落坐得舒服，環境乾淨企理，店員有禮貌,食物方面我叫咗一杯珍珠奶茶，牛肉麵都幾好味，琥珀合桃外面的糖衣好薄，啱啱好唔會過甜，好耐冇食過咁好食琥珀合桃，值得推薦本地餐廳。

今日亞女上完堂， 接完佢唔諗住去咁遠食， 就入左哩間餐廳， 點左兩款蚵仔滷肉飯 同 三杯雞配寛面滷肉似用咗牛肉去做，蚵仔幾新鮮配搭幾新穎三杯雞食落有驚喜，第一次食三杯雞係落皮蛋味度都算夾，都幾好食， 甜甜地易入口，連女女都鍾意食

元朗出名多野食近排新商場開幕 又開咗好多新食店好耐冇食台灣野 於是就試試呢間玥呢間算係高級版台菜價錢定價偏高 卡位係超大玻璃街景1️⃣鮮蚵手工安格斯滷牛肉飯蚵仔目測都有十隻 相當足料隻隻漲卜卜 都幾新鮮用牛肉做滷肉飯又幾夾2️⃣麻辣鴨血推介呢個！鴨血同豆腐吸收晒啲滷汁啲精華每一啖都爆汁 好入味麻辣好過癮如果有埋寛粉就一百分3️⃣樹子香菇炒水蓮水蓮脆口掛汁樹子酸酸 幾開胃份量就偏少4️⃣黃金蕎麥鹽酥雞外皮炸得好酥脆肉質鮮嫩啖啖肉！總結高質台菜可以一試

掛住食唔記得影相添，第一次同家人食完覺得好好，所以襯中秋節屋企食飯，就帶多啲屋企人嚟食。因為預訂咗，所以一去到就可入座，外面都有一定人數等緊，幸好有訂位！今次人多啲，可以叫多啲嘢食，其中鱔片、腐竹、水蓮三道菜都係屋企人從未食過，覺得好有驚喜的菜色，大家都食得好開心，覺得好食。因為平時食台灣菜，一般都係嗰幾款，但喺呢度可以食到其他台式餐廳（甚至其他不同菜色的餐廳）都無嘅菜色；而且手工精緻，的確係出自半島酒店大廚的功架，色香味俱全，絕對物超所值的一餐～下次會再光顧！

回頭度🍪7/10｜人均消費💰~$100-150-🤍手工安格斯滷牛肉飯 $88第一次食唔係豬嘅滷肉飯🍚感覺幾特別牛肉甜甜哋幾入味 牛脂配飯幾香口🐮個汁都甜甜哋幾惹味 配飯一流😋雞蛋都好香蛋黃味🍳味道🌕🌕🌕🌕🌑-🤍玥. 招牌牛白湯牛肉麵 $128牛肉嫩滑又大塊 牛味都好重😍牛丸都算彈牙 風琴豆腐都好大串可惜麵條偏淋 湯頭都冇咩記憶點🥲味道🌕🌕🌕🌗🌑-🤍黃金蕎麥鹽酥雞 $68雞肉蛋黃味幾重 都炸得脆身🍗可惜雞肉偏乾身 唔夠juicy🥲味道🌕🌕🌕🌗🌑-🤍蟹肉金絲炒新竹米粉 $128米粉都炒得乾身 帶有蛋黃味🤩蟹肉粉量都唔少🦀算係有驚喜嘅一道味道🌕🌕🌕🌕🌑-整體味道🌕🌕🌕🌗🌑抵食🌕🌕🌕🌗🌑-

位於元朗嘅新蒲點,有間時尚嘅台式餐廳———玥🫶餐廳簡約而現代嘅裝潢,搭配柔和燈光,營造出一種舒適而放鬆嘅氣氛😌餐廳嘅座位安排寬敞自在👍🏼今次我哋order咗幾道招牌菜💁🏻‍♀️💁🍤金沙蝦球蝦球色澤金黃,外脆內嫩,搭配金沙醬汁,口感層次分明🥣栗子露湯圓湯圓外皮Q彈,內餡嘅栗子醬香濃,搭配清甜嘅湯底,超正🐷酥炸豬排蛋白炒飯豬排外酥內嫩,炒飯粒粒分明,蛋白嘅輕盈感讓整道菜不會過於油膩,反而增添了清新嘅口感🦀️蟹肉金絲炒新竹米粉米粉炒至微脆,蟹肉嘅鮮甜與金絲嘅香氣完美結合,讓人停唔到落嚟🥂我們揀咗2款飲品,冬桂香水檸檬茶&春茉芝士奶蓋醇茶☀️特別適合炎熱嘅夏天

星期日一點左右行到去加點，都發覺幾多人等緊位。可以預先用GULU app 拎位，但我地去到先知，就照拎飛等了，等左大約15-20 分鐘就入得。餐廳d 位都幾舒服，可能都新開冇耐，抺下d 枱同凳俾小朋友坐個陣都發覺幾乾淨，抵讚。 有bb 車就要放餐廳外面，入到去都冇咩位放。星期日都有lunch set，價錢唔算貴，有兩個前菜，加埋普通野飲 +$8。叫左個炒飯 同埋一個招牌牛肉麵。烏魚子味就唔多食得出，但炒飯炒得乾身有蛋香。 前菜一個係蒜味四季豆，另一個係熱情果汁，唔知d 一片片爽身係咩黎。招牌牛肉麵就好失望，手工麵唔係我想像既麵，而係好似超市買個種日本拉面，食到尾熱力都令到面質糊哂。湯有d 古怪甜味，唔好食。牛有4 片，都大，淋身，不過冇牛味。餐飲一杯冬瓜茶，仲可以揀甜度，揀左凍/正常甜/少冰，茶味幾濃，本身茶係熱，攪均之後就剛好少冰，都好飲。另一杯竹香鐵觀音，係杯好普通既茶。都未必有下次。因為佢招牌都做唔好，唔想再亂試又食左d 唔好食既台灣野。

元朗除左有新商場Yoho mix開幕，旁邊既交通廣場都翻新左，外牆變得colorful！商場內都有1-2間餐廳，當中最吸引我目光既系呢間餐廳，以新派台灣菜為主，走高檔路線，價錢雖然比同區台灣菜貴少少，但以食物質素同環境都算合理。無花果黑醋骨 $95餐廳推介菜之一，黑醋醬汁夠傑身，味道夠濃，吾會好酸，旁邊放左無花果乾，幾特別既配搭。蜜薑脆鱔 $108個人最鍾意既一道菜，因為鱔無骨，魚肉彈滑，無魚腥味，外面有一層薄薄脆炸過外皮，啖啖肉食得夠滋味。有蜜糖既甜味再放左炸過既薑絲同九層塔，中菜比較少見到既菜式。皮蛋三杯雞 $98用個熱鍋裝住保溫，加左皮蛋既三杯雞，皮蛋好入味，雞肉幾滑，味道亦吾會太咸，幾惹味。鮮蚵手工安格斯牛肉飯 $98佢既做法有啲似台式滷肉飯，不過將豬肉改做牛肉，牛肉好腍，好易咬開，而且比豬肉少啲脂肪，再加埋脹卜卜既蚵仔脹，幾岩我口味。冬桂珍珠奶茶 $28一上枱超大杯既2杯飲品，感覺比平時街買既台式飲品抵飲，桂花烏龍茶底味好香濃突出，珍珠煙韌。春茉珍珠奶茶 $28呢杯以高香茉莉做茶底，茉莉既清香味濃，同樣好飲。每枱會有手工琥珀合桃，琥珀合桃好好食，甜甜地又好脆口。