玲玲制作 (已結業)

嗌咗花膠雞髀湯飯，得呢個好食，花膠湯冇味精，好飲，但係沒有如圖中有成隻雞比，只係得三四舊雞，肉好味，但要成日$108 一個湯飯，就真係好貴，下次唔一定會再嗌。黑椒豬肚湯，豬肚可以，但是湯一浸臭味，結果成碗冇飲。嗌左個醉豬手，真係一啲一啲都唔入味，豬手好鞋，果汁就咁加上去，可以話十分之差，仲要成$70，一啲都唔達標，小心中伏。手撕雞還可以整體來說價錢偏貴，豬肚湯和醉豬手十分失望，真係算得上難食下次唔會再幫襯

今日唔知食乜好，見呢間標明無激素無味精，好似幾健康咁就試吓，堂食店面都好似得一張摺枱咁姐姐個服務幾好，幾nice，好熱情咁介紹嘢食我嗌咗個麻醬雞，開頭食落都ok，雞係幾嫩滑，唔會「鞋」，但麻醬味道就有啲淡，唔太食得出咩味，佢係冇麻醬嘅香，但又有麻醬嘅膩越食就越唔想食，寧願食白飯，但為咗唔浪費，好辛苦先食得晒啲雞同埋送嘅嘢飲又係有色無味，都唔知自己飲梗乜嘢😂其實啲雞質素都幾好嘅，但希望味道上都可以改善吓啦，加油！

觀塘東廣場又係覓食好地方，有不同小店。今天來到這間，座位不算太多，桌椅也是放在商場公眾的位置。店舖店員不多，但也能快速為我們執拾枱面。店舖衛生不錯，餐牌上的選擇不算多。我們選了手撕雞和豬手，兩款都可以選擇搭配不同醬料。口水手撕雞：味道一般，醬汁不夠多辣味也不夠，雞肉還好夠嫩口，較少雞皮，健康為主的是不錯，份量足夠。沙薑豬手：爽口，不會太多脂肪，可是味道不夠入味，份量多。選擇飯及冷面，飯較軟，冷面太乾了。也跟餐送了兩杯淡淡的羅漢果茶，消暑不錯。性價比還算合理，飽肚之選。

來到東廣場有好多間食肆，見呢間都幾多人，2點仲有下午茶餐，專食手撕雞， 有多款醬汁揀，仲可配冷麵、烏冬、白飯，$40 就試下。今次揀左口水汁手撕雞配冷麵，仲有杯茶 跟埋(但唔知咩味 怪怪的)，雞都算多， 口水汁夠辣， 冷麵彈牙，好味。 見有人食烏冬，係湯烏冬，下次再試下其他汁(仲有蔥油，麻醬，麻辣 ……)$40 係觀塘都食得豐富，都抵食 但預左一路食會一路比經過的人望你食咩～唯一缺點就係全部食物飲品都以膠盒膠杯盛載， 每人食完都浪費左2個膠盒1隻膠杯， 要想想辦法解決啦

因為時近5:00pm, 運動完肚餓又未夠鐘食飯，所以叫左個手拍青瓜頂頂肚，$20一盒，有酸辣味/沙薑味，我叫左酸辣。$20一大盒，份量都幾多，開頭食都唔太辣，之後愈食愈辣，不過d青瓜好脆好爽口既👍🏻而且店員仲會有杯凍清茶送比我飲，好窩心。其實呢間小店最出名係手撕雞，下次試下手撕雞先！

I take a boxing class in Kwun Tong and I find 玲玲 when I search for dinner near my boxing gym room. They provide different dressing for 口水雞. I like spicy, so I ordered the spicy one. The dressing is not spicy enough for me. The chicken is fine, but the rice is too hard. Not a bad choice if you only want to feed yourself.

同事們一路都話去呢間叫雞好正🤣但係佢正價時段都幾貴下，建議我等到下午茶時間食會平好多😆但好多時未等到兩點都餓暈左喇🤣所以講左半個月都未試過終於有一日忙到唔得閒正常時間食lunch🤣捉左同事們陪我去食🤤一去到⋯冇哂粉皮😨好失望呀‼️我期待好耐嘅 #口水雞配粉皮⋯唉😭唯有配烏冬啦一上檯見到全部即棄塑膠用品🙈真係覺得好對唔住個地球🌍 但叫左都要食架啦🙈食落果然係好掂‼️啲雞好滑捋捋，個汁就堅係高汁😍既麻且辣，第一啖唔算太辣，之後愈食就愈辣到流得多口水🤤 辣度我覺得大約係譚仔小辣咁上下啦🤔而烏冬份量都夠飽肚怕辣嘅朋友仔有福喇🤣佢跟茶餐會送埋一杯自家製飲品🥤um⋯⋯味道好特別😂聞落好香菊花味🌼但係飲落同水冇分別，好彩唔洗加錢，濕下口都ok由於佢座位唔多，同埋係摺檯同摺凳，堂食唔算好舒適😌如果有機會再食，我會外賣返公司食算嚕🤷🏻‍♀️反正點都係用即棄塑膠餐具#大大力推薦口水雞#希望下次食到粉皮#40蚊有埋飲品#叫雞都要等特價#觀塘下午茶餐之選#我親耳聽到好幾個人話唔要飲品#可能飲過知瀨嘢

同同事又來到玲玲！此店大部分做外賣，供客人坐位不多！所以裝潢是沒有了！店內職員亦只得兩位亞姐！但眼見舖面算甚整潔！下午茶又食手撕雞粉皮！手撕雞即叫即撕！去骨雞肉肉質冇預期中滑溜！但好在雞味十足！可以配上麻醬跟青瓜撈在一起來提味！粉皮非常彈牙， 配合少量麻醬非常開胃！略嫌麻油味不夠香！應該唔係選用小磨麻油！朋友食的麻辣手撕雞我之前曾經都食過！看見今次份量都幾算多！我都試少少，手撕雞啖啖肉整得好入味！麻辣醬汁配上雞肉非常惹味！附送菊花茶又健康又能清清腸胃！下午茶每位$38尚算彽食！如果午市及晚市稍貴$10！此店是一間手撕雞專門店！雞肉食得出是新鮮雞！喜歡手撕雞的朋友，我誠意推介比你！

唔知各位朋友仔會唔會好似我咁有時揀餐廳係睇佢有無老火靚湯飲呢，自細就對中式湯水有一種情意結，所以之前一見到呢間店舖有湯飲就入左黎試試。個日我地比較夜先去到食，所以本身想食既野都無得賣，最後叫左個薑蓉鮮雞飯、無骨豬手飯同加左個鮑魚響螺雞湯。兩個飯既份量都唔算細，反而對個湯既份量有少少失望豬手無骨而且切到細細塊咁方便食用，豬手煮得淋身但唔係軟爛，所以唔會張住個口，唔會有種好滯既感覺；另外，薑蓉鮮雞飯既雞肉非常滑，而且一啲都唔肥，雞皮下面唔會有一層肥膏或者脂肪，真係幾新鮮亦都唔會有雪味。最後，雖然個湯既份量係令我有少少失望，不過個湯超有鮮味，而且飲落唔油膩，不過中意食湯料既朋友仔要留意番係無湯料食架。每次都會透過以下6大方面評分(滿分:30分)味道 : 3.5 / 5 環境 : 3 / 5 外觀 : 3.25 / 5價錢 : 3 / 5 服務 : 3.75 / 5回頭率 : 3 / 5總分 : 19.5 / 30性價比係等緊上菜既時候會有一杯羅漢果飲都幾特別，食物都新鮮同份量唔細，店家仲有唔同系列包括：醉、撕同湯飯等等既菜式，下次有機會就可以試試。

官塘咁多商業大廈嘅當中！呢間嘅餐廳都幾特別！雖然地方唔係好大！但勝在佢嘅野食真係好健康！今天中午就約咗喺朋友公司附近！時間尚早又入左去！食了個簡單的下午茶！麻醬手撕雞，是冷吃的！有很多生菜絲塾底增加清新感！D雞肉好滑。配上這個芝麻醬！麻醬味極足酸酸甜甜很是開胃。粉皮香滑，再加上了更香口的麻醬，夠晒可口！份量剛剛好！附送的羅漢果茶服務員話這飲品好好飲！果然係冇介紹錯！飲落十分滋潤清甜！總括來說我覺得呢間店舖！雖然好細間！不過食物及飲品水準都唔錯！但是餐具用完即棄！雖然感覺好乾淨！不過就唔夠環保！最值得讚賞嘅係職員嘅服務態度！細心及有禮！令到我覺得非常滿意！有機會一定會再去幫襯！

在觀塘上班無意中發現到玲玲制作，榜磅新鮮湯水無味精，很吸引！花膠湯 評分：［7/10］點了一杯花膠湯，味道偏淡但的確有鮮味，喝得出來毫無味精，但一小杯就要30塊錢，價錢頗貴，味道雖好但有點不值。麻辣手撕雞 評分：［8/10］這次也單點了一份手撕雞，雞新鮮，不算瘦，皮有點肥，好味！加上麻辣醬料，就變成口水雞風味，吃起來過癮～但對我來說還是有點過辣了～單點手撕雞要60元，份量也算多！下次可試試配粉皮、烏冬，lunch set 50蚊，算抵食！

一條友唔知食乜嘢， 行過東廣場就諗住醫下個肚 見到"玲玲" 標榜著新鮮雞，而個姐姐又好落力咁sell 咁我就諗住試下， 點知仲曬伏個雞話係新鮮雞 ,但食落完全冇雞味 ，呢個沙薑 整得非常之騎呢 ，完全唔係外間一般食到嘅沙薑雞飯。 而且個飯仲要係一舊舊 。個雞仲要係凍嘅。見到個賣相已經唔想食 呢個餐仲要係68元。 入面只係得六至七件雞。 分量非常之少 如果係好食嘅的話 都沒有問題 但是超級難食。68蚊包了一杯菊花茶飲品 菊花茶完全唔落糖 感覺好寒涼，無味，難食。食完之後不覺得有飽肚的感覺仲哂伏，下次去對面小廚製作食雞飯好過，人哋半隻雞都係68元。真係無下次！

工作到三點非常肚餓，被永明農塲用料吸引了，叫了一客麻醬粉皮鷄絲外賣。返到公司立刻開餐。大件事。臭既。。已經餓到一個點。惨慘。嘗試打去通知佢地D鷄已經"叔"咗，對方又幾好禮貌，叫我去換返。某天行開觀塘再去換返食物，對方推介冇骨豬手，希望ok啦，可惜，隻豬手D毛多到完全不能接受，而且肉質很硬冇肉香味。只是那個醬汁可以接受。唉........多謝玲玲送給我的湯，但希望你們努力做好食物才能留注客人。

經過觀塘，搵間餐廳下午茶都幾鐘意呢個東廣場，幾多食店選擇今次揀左呢間玲玲制作以不落味精，真材實料作招徠揀左酒醉系列試下下午茶無飯揀，不過價錢就平大半，仲有飲品送2點3去到已經無晒烏冬，得返粉皮，唔通因為係紅日？！要左酒醉鴨胸鴨胸份量很多，沒有因下午茶而減料不過我地選錯了鴨胸，本身已有味，令酒味不出單飲酒，幾好味，可以試下其他酒醉系列粉皮不過不失，撈到花生醬，都無得難食送的羅漢果茶，色夠味不夠，過淡，即使是不加糖，也不應咁淡加錢要了川貝鱷魚肉湯，又是一敗筆，味淡，無川貝味

中秋節緊係要食雞，呢間小店下晝成日都勁多打工仔外賣，用左香港既永明農場既鮮活雞，無激素加上香港製造。都係店外面有幾張台仔，之後有個櫃台仔落單，完全係小店家庭式經營，有寫左今日有咩湯同埋有啲推薦野食。其中一個招牌《醉鮮雞飯》($68)，用左雞中王牌黑羽雞，話農場雞都有走地雞既質素，真係家庭式製作，斬開左大約有四五舊雞，雞件唔算滑同埋好多骨無咩肉食，個醉雞汁酒味都幾出，可以撈埋飯食。叫飯加廿蚊有埋湯飲，今日既湯係《花膠響螺雞湯》，大約一個外賣熱飲杯咁大杯，飲落幾濃同無味精煲成，不過太細杯同無湯料食就差咁啲。店名：玲玲制作地址：觀塘成業街7號東廣場地下51號舖餐牌: