玻璃屋

營業中

休息中

突然想吃椒鹽豬扒飯，善用OPENRICE美食搜尋功能，記下了幾間餐廳，排隊逐間品嚐。首先挑戰是元朗玻璃屋，名字古怪，不像一間餐廳，門口可泊車，非常易找。門面只簡單張貼幾張菜單及相片，說明自己是餐館，不是賣玻璃的。內裡裝修是上一輩西式快餐館擺設，連收銀機也帶種歷史滄桑感。約1980年左右，那時香港經濟起飛，漸受西方文化影響，說要飲西茶，就是現今奶茶的意思。估計此餐廳是當年產物，很想邀約店主拍攝，為歷史留一個紀錄。藍色木椅卡位，左右牆安裝玻璃鏡，後方紅磚塔砌水吧，還有「出路」牌也很懷舊。沒餐牌，賣的都在牆上，自己看吧。今次來當然指明吃椒鹽肉排飯炒底。沒點選粉紅紙推薦之什扒飯，因自己不太喜歡人家把廚師牌腸仔入饌賣給客人，沒有烹調難度可言，是侮辱廚師，也侮辱客人。椒鹽肉排飯份量頗大，賣相紅紅綠綠，頗為開胃。師傅先炒作飯底，加蛋加火腿絲猛火快炒上碟備用。然後處理豬扒部分，粗切蔥段洋蔥蒜頭辣椒，將豬扒煎至微黃，再爆香調味料落豬扒均勻入味即成。我的秘訣是邊炒邊下淮鹽或椒鹽味粉加重香口味道。評這兒特點是用炒飯底，飯也粒粒分明夠鑊氣，遠勝其他餐館只提供白飯。調味蔥段洋蔥是切粗粒，份量也大，奇怪是味道不夠

住在元朗應該不少人士認識這間玻璃屋，已經接近有32年的歷史，中午來到的時候很多人，這裏的招牌椒鹽集扒飯炒底，今天兩個人叫了一個招牌飯和，椒鹽集扒炒公仔麵，雜扒飯炒底扒的份量很多，但炒飯底的飯偏爛，公仔麵以乾炒形式來說，抄得比較濕。。。😔跟餐會有凍飲和熱飲，凍檸茶還可以無限添飲

呢個餐有:牛油方包 火腿奄列 西煎餐肉腸仔 沙嗲牛肉米粉 熱茶走呢一個餐係$43沙嗲牛肉米粉，佢嘅沙嗲牛肉好少，但係沙嗲味好香濃，米粉嘅份量都好多，啲米粉嘅口感唔會好林，有少少爽口同硬硬地西煎餐肉腸仔

玻璃屋係元朗出名既良心小店，因為啲野食夠哂抵食大份！絕無偷工減料😚其中最多人推介係佢既椒鹽雜扒飯炒底，65蚊，但份量足以比兩個人食😱今次同朋友黎食下午茶，叫咗個雞扒麵同西多士餐（各$33，凍飲+$2）雞扒麵啲雞扒係切開咗細細塊咁去炸，好夠鑊氣，味道就偏重偏咸至於西多士就間間茶餐廳都差唔多，都好味既！😋 不過最正係佢地呢度既凍檸茶係可以任refill唔嬲老闆仲成jar凍檸茶放係我地枱話：「成枝比你地，自己隨便斟啦！」，霸氣十足😎雖然我同朋友都係第一次黎，但都感受到呢間小店既人情味🥰，有機會再黎試埋佢其他菜色🤪

玻璃屋係一間位於教育路既小店，已經屹立元朗好多年，佢最最最(好重要，要講三次)出名就係椒盬豬扒/雜扒系列，可以食炒飯(揀炒底)或者炒公仔麵 ，多數人都係食炒飯，炒飯我已經食過好多次，所以今次轉食炒公仔麵。玻璃屋比較特別既地方係凍檸茶可以任fill你知啦，香港地夏天咁鬼熱一杯凍檸茶真係唔夠照所以呢個做法係相當人性化及富人情味!

之前上網見到啲人推介食玻璃屋嘅椒鹽雞扒飯炒底，終於的起心肝走去試吓，叫咗個椒鹽雜扒飯炒底，個炒飯唔夠鑊氣唯一欣賞佢係個炒飯底係一粒粒唔會一pat pat！至於嗰啲扒好一般唔唔會話特別好食，應該唔會再專登過嚟食啦！

元朗嘅美食實在太多，數極都數唔哂。呢間食店嘅鋪面雖然好殘貴，經過一啲都唔起眼。但如果你喺討論區問全香港最好食嘅椒鹽雞扒飯喺邊度，呢間鋪絕對佔一席位。其他餐廳依家好少可以配炒底，呢度不單止可以選炒底，而且仲用足料，一啲都唔吝嗇。而且個份量大到嚇親，基本上一個飯可以俾2個人食到飽。食緊嘅時候老闆仲好親切問我夠唔夠飲。除咗份量，佢嘅椒鹽比例配得剛剛好，唔會偏鹹或者偏辣，做到辣中帶鹹，鹹中有辣。食完一次已經心思思想下次再來encore😋😋😋

去到糧尾 食野緊係追求性價比啦🙇🏻‍♀️今日想介紹好抵食既茶仔椒鹽雜扒飯抄底 $62一拎到上黎小妹口都合唔埋😲因為 真 係 超 大 份 ❗️朋友一早就講左好大份架啦但拎到出黎都仲係比想像中大😱兩個人食到超飽都食唔哂呀!有雞扒豬扒火腿腸仔 滿足哂 #食肉獸 既願望呀仲有好多葱呀椒鹽吊味 好香口!炒飯同肉都炒得好乾身 抵讚👍🏻雖則椒鹽味唔夠濃 但勝在大件夾抵食👏🏻兩個人share又得 打包返去又得重點 檸檬茶係無限refill架‼️唔洗出聲 店主就好細心地問仲要唔要茶底老實講 呢到既茶底唔夠味 無港式茶既澀味😕但服務態度同人情味撘夠❤️

是日office 的同事仔話要來呢間小店午餐，我就跟住來食，其實我有20年左右冇來過呢間小店食野，想起當年老爸帶我來係為咗見佢的同鄉~~~同事仔話佢以前有段日子成日食，所以知道老闆在沙士時將店舖購入，所以呢間小店才不怕租金上升而被迫走~~~小店的裝修簡單，好多野都比較舊，始終多年來冇重新裝修，衛生都算中規中矩~~~同事極力推介我食椒鹽雞扒公仔麵~~~我食落感覺係ok，而且勁大份，個麵唔太乾又唔會淋，食落都合格~~~在食曬之後終於見到老闆，我就拎老爸的相給他看，果然我冇記錯老闆正是老爸的鄉里，原來我跟老闆係同一個祖先BTW ，我唯一後悔係未找數就跟老闆傾計，搞到老闆唔收我錢，我搞到勁唔好意思，始終人地跟我老爸熟絡，我只係好奇對方有冇跟我老爸聯絡而已，之前我老爸做咗大手術後無乜工作，所以一得閒就約朋友見面傾計，始終經歷過生死才會珍惜身邊的人和事。

小弟讀書時代既飯堂，近年竟然變成元朗美食之選之一😏情懷既味道，重來都係無價，你細個飲過既好立克，媽咪麵，富豪雪糕，到今日再食番，點都有加成🌟🌟舖頭唔大，加埋廿個位左右，始終係地區小茶記，裝修陳設唔好多要求，實如其名，成間舖內部都有玻璃😂😂再一次叫椒鹽雜扒炒飯底，大大份，視覺衝擊一流，人大咗，真係未必成份啪得晒落肚😄😄 入面講真，豬雞火腿腸仔範範有，好似winning自製球員全部數值99，仲要紅色箭嘴向上🔺玻璃屋個椒鹽系列從來都無得輸，飯同肉都保持乾爽，椒鹽係面吊起肉味，炒飯底又令肉味同番飯夾到，自己最愛係肉同飯溝埋一齊放入口o趙其實幾年前係咪比人投訴話唔得，我又覺得質素未變，你山長水遠入黎元朗，乜都打折吖，但份情懷味道，對我呢啲元朗小孩就無價💓💓

店唔算大 坐到幾枱👀叫左最岀名叫椒鹽豬扒飯炒底😆好醒目淨係叫左一個 2個人share😂😂😂因為真係好大碟😂2個人都夠哂飽好足料👍🏻值得一試👍🏻👍🏻👍🏻

再戰玻璃屋, 上次試左大碟飯, 今次要試大碟意粉。叫左黑椒雞絲炒意粉, 一樣咁大碟, 不過意粉好淡, 無乜味, 黑椒都無乜, 食到有D悶。雞絲其實唔係雞絲, 係雞扒切碎左, 肉都幾大件, 呢方面加番分, 不過都是佢GE 椒鹽飯好食D....

FOOD BLOGGER話抵食夾大件,真是無講錯。我叫左好多人都叫GE 椒鹽豬扒飯。一望,真是好大碟!! 仲要唔止飯多, 係連豬扒都多!! 豬扒入味, 唔乾唔硬, 反而幾林。連埋飯食好味, 唔使豉油都得。有好多蔥同炸蒜粒, 夠惹味!BTW, 飲飲下檸茶, 竟然俾多杯茶底我地, 話可添飲, 超好人啊!因為平又大件, 所以都多人等架, 但都唔會等太耐GE

之前看到元朗人介紹這間玻璃屋咁咪試下囉。買相都0K..但味道就麻麻食到一半至發現.......件豬排係生架嚇到我死!件豬排生成咁都可以俾客人食真係好過份同老闆講D肉生架，佢只答唔好意思真的無下次如果你地去食時真係要望清楚

喺某個谷見到有人推介呢間茶餐廳，決定搵日試一試。今日剛剛有一大班學生一齊食lunch，所以都要等左約10分鐘先有位。我地兩個人食，一坐低就叫左谷友推介嘅椒鹽雜扒飯(炒底)+干炒沙嗲雞絲意粉+兩杯凍OT。上菜喇…真係好大碟，啲餸多到就黎跌出來。味道方面，雖然有咁多調味加上炒底，但出奇地一啲都唔油膩。最後兩個人KO晒呢碟飯。至於碟炒意粉，因為我地實在太飽，唯有打包佢返屋企食。另外值得一提嘅係…當我地食到一半，樓面姐姐為我地refill杯凍OT 又feel到係有好多街坊黎幫親，感覺好有人情味。