珀麗心軒 (已結業)

友人從遠方來, 簡單方便, 就在他們下榻的酒店吃晩飯.心軒在Open rice的食評意見很分歧, 讚美很少, 批評很多, 然而, 佢做緊半價優惠, 風險減少了一半.環境唔錯，唔係好大, L 型, 唔會好迫好嘈.除了鮑參翅肚, 全線半價優惠. 七個人吃晚餐,叫咗6個小菜:鮮奶炒帶子:炒得很雪白, 又滑又香，一點也不油膩，第一度菜已令人很滿意，是必吃推介。西蘭花星斑片: 星斑片很大片, 肉質細膩, 味道鮮美, 另一推介.芝麻蝦球: 在大大的 蝦球沾上沙律醬和芝麻, 爽口味美, 又一推介.蓮藕駝鳥肉 : 蓮藕炒得很清爽, 駝鳥肉也很嫰滑, 又一推介.雜菜煲: 正常沙薑雞: 似啫啫雞, 沒有什麼薑味, 令人有點失望.大家想吃甜品,但又怕太多, 苦思之際, waiter介紹中式甜品拼盤, 這是一個很好的建議: 有桂花糕和三尾魚, (紅豆味, 芒果味, 芝麻味),它賣相精緻, 我更為它起了一個有意頭的名字: 七星伴年年有餘, 友人高高興興地拿出相機為它拍照. 心軒的小菜水準相當不俗，材料足,色香味都照顧周到,更難得是小油小咸,可説是有營食肆之選.由於五折, 埋單實在令人驚喜, 只是六百幾蚊

朋友約食飯，來到做著半價推廣的心軒，沙士後已少聽到酒店傳來如此優惠，簡單的小聚，看看半價後的質素如何。拒接名人訪問，作風低調中菜廳，裝潢跟年前來無大分別，樓底高天花吊著靚靚五葉花，領班的依舊是那位大叔，甫坐下看看餐牌，沒有High Light全線半價，侍應亦要問才告知，似乎大家都未接受到這轉變，追問下才知推廣做到五月未。朋友姍姍來遲，寒暄過後，點了幾味簡單小炒，一湯一涼菜，夠吃上好半晚了。涼菜是薑絲門鱔凍，十餘件海鮮凍，折實價廿四元，平到笑，門鱔客家人多數用來炆，拿作肉凍真的夠特別，肉凍口感「紮實」下了不少魚膠定型，夾有不少薑絲同魚粒，味道很薄要靠醋汁才能帶起味道，看來在心軒，似乎應該叫醉鴿穩陣。湯要了西瓜燉老鴨，湯味道濃郁沉實，一點也不油，老鴨已燉至散腍，加了些西瓜味道也甜上半分，是碗認真足料的燉湯。紅酒焗大蝦幾特別，一客兩大隻，淋上略甜的果汁，味道幾天然但輕如無物，個性欠奉，似乎應該加返少量醋帶起酸味，海蝦三兩左右，稍作調味後開邊焗，不過火肉質自然彈牙，蝦頭的部分充連著蝦膏，鮮味好吃，朋友不好蝦頭，自己是多多益善，謝過。炒鮮奶吩咐了走帶子，簡單的吃回奶的滑與香就好了，炒得不太油吃起

剛食完朋友既喜宴,個場首先唔係好光,最唔掂既係個投影器,完全見唔到新郎新娘既樣!!!勁爆光,差勁!食物方面,中規中矩啦,不過冇一道菜係特別好食,個浸湯食既炸粉果就勁多油...汗!服務方面,個女侍應好明顯冇接受過任何培訓,極速收碟,側邊既人未食完,已經跨過佢收我隻碟,再企係度等佢食完立即收佢隻碟!! How Terrible!唔知平日黎食飯係唔係咁樣,不過一定唔會幫襯下一次!

年內光顧了幾次，質素中上，貴，無問題。最近一次中秋做節，中招了！選擇極少，基本上逼你食貴价套餐。貴預左。無得揀?算啦，過節。叫了四人餐，再加菜。點知...水準大跌，如同三流酒家擺酒。翅勁多味精，小孩說"口拿"喉。蚌唔靚，如嚼蠟,素菜無鮮味,像預先整好翻熱。海鮮細條，兩位餐似Ｄ。菜吃完了，只半飽。等了一個小時，炒飯終於上了,飯底不是新鮮炒的,乾無光澤,翻熱的！最慘係個茄汁，肉絲臭的,竟然變坏了！部長堅持無臭，我開始想call食環署！又或者照吃，然后食物中毒入院，等你上頭條！大佬,你個大廚要做節咪關門一天羅，我無迫你營業啊！多謝心軒,令我識得欣賞一哥豬扒飯,敬業樂業,一年四季都穩定。中秋都唔滿座，有原因"口既"。以後唔會去！請都唔去，過了個多月，仍有陰影！

最近跟左個同事去呢間心軒食晚飯，環境算係唔錯，靜靜地無會好迫好嘈。叫左個tasting menu黎試，好抵喎，八道菜都只係268蚊，仲要全部都加左燕窩係裏面添。<br />八道菜，每碟既分量都唔會太多，細細份，細細份甘，好可食哂八個菜。<br />最鍾意個燕窩焗蟹蓋，焗到個皮金黃色，好香，蟹肉都好足。最尾個個木瓜燉燕窩就最女士啦，好滋潤。<br />整體黎講，呢八道菜都偏向清淡，唔會好油膩，感覺幾清新。

心軒這飯店做的中菜精緻得來味道也不俗:- 花膠海參菜膽燉勾翅- 上湯清甜且料足- 雞油花雕蒸蟹–蟹肉鮮美，但蟹可再大一點- 玉露骨香龍脷球–用龍脷起肉後炒蘆筍，龍脷的骨炸香做伴碟，用作送酒也不錯。但醬料的味道蓋過了魚的鮮味- 稻草牛西施–巨形牛肋骨用稻草紮好再炆，肉嫩味濃郁且有陣陣稻草的清香味- 香芋茸浸青江菜- 芋茸的做法像西式南瓜湯的做法，嫩嫩的小唐菜浸在濃湯中，創新之作- 瑤柱雞粒煲仔飯–味道不錯，可惜是用碗上而不是用煲仔上，少了煲仔飯的風味- 中式甜品拼盆–是不同味道的布丁。以數條不同顏色及味道的大金魚形狀上碟(有芝麻、芒果、椰汁香芋味)等因六週年的關係，以上套餐有優惠: 除優惠價外，預先買劵不另收茶介小費另外這裡的環境及服務也不錯，吃慣了傳統的中菜，不妨到此嘗試下。

八點鐘上氣功班，六點半約了媽媽在這裡吃一個quick dinner。這裡以一人一壺茶、一人一籠點心聞名，以前在地舖也有時不時幫襯，現在搬了上酒店二樓，已很少去了。昨晚我先到，揭開餐牌，由頭到尾看了兩次也不能決定菜式，主要原因是這裡的素菜菜式很少、用蒸的菜式亦少得可憐，不太啱我和媽媽的口味。幾經辛苦，終於決定：-排骨大芥菜煲(芥菜生咗啲，排骨不過肥，略嚴啲汁太水汪汪，所有材料像滲在一煲好混濁的湯裡面-紅燒玉子豆腐(超普通，唔識comment)-蛋白燕窩(推廣其間賣$40，蛋白非常嫩滑，燕窩非常垃圾，又爽又鞋，下次都係食番普通燉蛋白)這裡的環境和service的確唔錯，加埋個靚廁所，女士應該會喜歡。

這裹賣點是: 一人一茶& 一人一點心.但老實講以這樣的$$會有更多更好的choices:1. 要$50多元的粥又細又不究綿2. 個芒果xx筒,D芒果既酸又小3. 其他點心也不見太恃出!Service: 不錯、但常落錯單!

上星期五, 我跟朋友去喝茶. 她說那裡的環境和點心不錯, 所以, 我樂於一試. 一時左右, 只有3 枱客. 十分清靜. 因為全窗簾遮蔽, 我看不見街景. 不過, 四周佈置很有品味, 是一種眼睛的享受.先來1 人1 壺中國茶. 所有餐具都很別緻, 頗堪玩味. 我們點了一些點心, 除了擂沙湯圓有3 粒, 全是1 客1 件. 小籠包–比一般的大, 皮薄, 肉汁俱佳擂沙湯圓–美味, 很欣賞奶黃包–為了方便與朋友共嚐, 放涼了才吃. 有少許失色. 趁熱食會較好.南瓜魚麵–有特色, 南瓜和蟹柳成2 長條, 再用魚麵捆成.鳕魚鮫–有蝦和鳕魚, 味道清淡, 合我口胃.還有一個點心, 忘記了.某些信用卡結帳有9 折, 9 折後合共$12x. 個人認為, 那裡點心的份量不能滿足男士. 如果要找一個清幽寧靜的環境吃飯, 就應該滿足到你了. 我們閒聊到2:30 才離開.

D 茶幾有味喎.可能個人口味問題.係酒店裡面個間咪似酒樓囉.地舖係似食日本餐.點心幾好味.飲茶黎講唔算貴啦.

這裡的點心不是以一籠籠計，而是以每件計，大部份約$12-$15不等。計落其實不便宜，但對1至2人或口味各有不同的人來說，以每件落單這方法提供了不少方便。點心的味道不錯，即叫即蒸，很新鮮。蝦餃巨型，內有幾隻中蝦；惟芒果卷對我來說就韌了些。服務方面值得一讚。經理為補償因入錯單而令我們等了半小時食物而自動送上兩客木瓜船布丁(每客$38)。一切怒氣都消失晒啦!

星期日9點開，1030去到都未有人，裝修唔錯，似食日本野多過似飲茶，有個托盤，每人一壺茶，每碟點心都係一件。佢地標榜唔用味精唔用豬肉，d野都幾淡，蝦無蝦味雞無雞味，係件鵝酥終於有d鵝味。d野造型唔錯賣相都靚，素菜會做得好過肉類好多。d菇做得非常滑，值得一讚。煎堆同木瓜布丁都唔錯，有特色。不過d茶就差絕，一d都唔值....好唔掂，無茶味，哎，重學人收咁貴。d侍應4個都係高大後生，無乜禮貌，手腳慢，錯單，無反應，普通茶樓伙計好過佢地。個menu都奇怪，有d mark有個太陽，話只做午市，咁上午9點算唔算午市？如果寫晚上6時後停止供應就唔會有誤會。2個人食十多碟野，$400飲個早茶有d咁服務真係唔多高興。

玩高檔中式食府格局,燈光昏暗,餐具擺設樣樣講究.地方好細,最多只可容納約70人.各人分開叫茶,位位一壺,承惠@$35.餐牌小菜普遍$80/$100以上,唔算好有特色.因有朋友推薦過話食物好好味,所以滿有期待.結果大部份食物過鹹,唔好味,令我有d失望,希望佢只係偶有失準啦.環境總算唔錯,坐得好舒服,不過係同隔離太近.

呢間係一間比較靜的中式廳,午飯時間先有點心,$10件其實都幾貴,但係件件都係即叫即做,咁就唔算貴,普通一個山竹牛肉都好食過人.一定要試芝麻腸粉,都唔明普通腸粉都咁滑.