珍一料理 (富榮大廈) (已結業)

經歷咗咁耐以來嘅疫情，相信好多人都冇乜點去旅行！同埋已經好經常都冇乜點同朋友聚會啦😂所以有時候喺香港，都會好想試吓唔同國家嘅菜式，當自己去咗旅行都好💙今日就去咗呢間位於荃灣嘅珍一料理，試吓呢度嘅川菜！雖然只係外賣店，不過依然好有水準！而且價錢方面亦都係好平，可以話係一間性價比好高嘅外賣小店！叫咗一份奇味豬手，牛筯凍同埋雞腎！我個人幾鍾意食呢度嘅豬手，首先呢個豬手份量好多，而且豬手好入味，仲要好林！咬入去嘅時候啲汁湧出嚟好正！然後就係呢個牛筯凍！呢個好特別，入口有好Q蛋嘅感覺，而且好香嘅辣味！

之前食完一直都未有分享，去咗荃灣嘅一間叫珍一料理，食好多川菜，涼菜。佢嘅裝修都非常之特別，雖然呢一間分店只可以叫外賣，但其實都幾多人食。因為近公司，同埋有時都唔夠時間去附近嘅餐廳等位食中午，呢間雖然有時都要排隊，但始終外賣係比較快。同埋真係非常之抵食又開胃。咁嗰日就同另一位同事一齊叫咗兩個餸加一個大白飯。 叫咗個東坡肉，香麻牛蹄筋，個東坡肉仲會有幾舊百葉結，加埋汁都好好食！ 東坡肉超級入味 ，非常適合送飯！ 咬口鬆軟，個香麻牛筋都係好好食，唔會超級麻辣但又好吊味。 之後我哋食完都好多同事開始叫。哈！ 偉大嘅感染力😆😆😆✌️

今晚屋企冇煮好多餸，所以爸爸叫佢附近買啲餸。但因為唔想煮嘅關係，就買咗一啲自己好想食嘅餸。 你就嚟咗呢間珍一料理，因為喺附近嘅關係，加餸真係好方便。叫咗個平時好鍾意食嘅麻辣豬肚條，哈！ 呢個麻辣豬肚唔好講少，份量又多，辣味又夠，最重要啲豬肚夠爽，同埋切成一條條，超方便入口同送飯。因為屋企人本身都好鍾意食辣逗號但平時屋企有好少整一啲辣嘢，所以呢間就已經變成咗平時一家送就會嚟嘅地方。 非常建議大家可以試吓！ 基本上有五成嘅嘢都試過。涼拌系列係個人最喜歡☺️☺️😍

喺荃灣打滾開嘅我諗無邊個唔識路德圍，作為美食匯集小區，堂食掃街定還是屋企加餸斬料都一定滿足到你嘅要求！冰冰涼涼嘅涼拌最易迎合大家口味，呢間新開嘅珍一料理，聽名似台灣菜，但實情係四川野，連小酥肉都有，如果唔係熱氣一定整返份。涼拌麻辣都有多種不同葷素選擇，除拌麵拌粉外亦可單點小菜，雙拼三拼試多幾味。呢日媽咪唔煮飯，我就買咗兩份三拼肉類同一份三拼素菜：牛腱、五香牛肉、爽脆豬耳絲、香麻牛蹄筋、脫骨豬肘、麻辣雞絲雲耳、藕片、海帶同高麗菜，好似食九大簋咁🤪🤪首選推介豬耳絲同牛蹄筋，爽脆彈牙，伴酒必備；中意素菜嘅必試高麗菜同藕片，前者爽甜多汁、菜葉充份吸收辣油，食落又香又惹味～藕片拉到絲，卜卜脆又無渣。瘦肉之選非牛腱牛肉莫屬，瘦得嚟唔柴，冰涼加上無肥膩感，食多兩片都唔會滯。辣妹全部點哂大辣，辣味雖然唔夠，但店家用嘅辣油好香，加埋花椒嘅椒麻，特別香口惹味好送飯，已經俾我MARK咗入翻啅LIST✍🏻

川菜是中國傳統四大菜系之一，是中華料理集大成者的代表。膾炙人口的經典菜不得不提「夫妻肺片」，近來更正式成為「中國菜」四川十大經典名菜之一。一打開，一陣獨特的四川涼拌香味撲鼻而來，經過滷煮的牛肺、豬耳等食材加上醬油、紅油、辣椒、花椒、芝麻和花生，濃香麻辣，別有風味。除此之外，這裡也有一些不辣的選擇。五香料理方面，有葷也有素，今次就點了豬耳、牛腱和雞腎三拼。所謂五香是指花椒、肉桂、八角、丁香、小茴香，當然在製作時，每家食店都有其獨門配方，吃着真滋味!萵筍和秋葵都是非常有益的食材，也常見用作涼菜。萵筍含有多種維生素，鐵含量也較豐富。涼拌萵筍絲，既脆爽，又多汁。秋葵富含纖維、礦物質、鈣和維生素，有獨特的味道與口感，粘稠的汁液混合麻醬，真的開胃。現在「加餸」不一定要選燒味，買點四川涼拌也不錯!#hkfood #hkfoodie #foodporn #hkfoodblog #foodiehk #foodbloghk #instafood #hkfoodporn #foodblogger #instafood #foodies #hkig #hkiger #吃貨 #hkfoodie #食評 #美食

今晚嘅晚餐喺路德圍嘅川菜小店度買外賣加餸，店面同埋食物睇落都好乾淨同整齊。叫咗三樣王牌料理黎試一試佢，分別有：👑東坡肉好嘅東坡肉需要花大量嘅心思同耐心燉制而成，依一嚿嚿嘅東坡肉肥瘦層次分明，香而不膩，加埋個濃郁嘅醬汁，用嚟送飯真係冇得頂～打咗結嘅百葉好可愛，吸收咗醬汁後好好味👍🏽👑夫妻肺片食材好豐富：有牛肚、牛腱肉、牛肉、牛蹄筋等等……好爽口入味，帶有少許麻辣🌶食得好過癮🥶👑椒麻手撕雞不一樣嘅手撕雞～顏色有點似滷水雞，但帶有椒麻香。可惜肉質唔夠嫩滑，手撕方面可以撕得再細條d

途徑荃灣買外賣，見到一間川味風味專門外賣店，專門有辣又有唔辣的涼拌醃製料理，真係見到都流曬口水，立刻上前望望有咩好食。呢度真係勁多唔同既川麻料理，真係樣樣都想試今次兩個人食，我就少少地買左半隻椒麻手撕雞，三拼辣同三拼不辣的料理，三拼辣分別有香麻牛蹄筋，辣拌牛百葉，爽脆豬耳絲，三拼不辣的有牛筋凍，牛腱，雞腎。另外再點了一份東波肉飯，十分豐富。首先手撕雞真係又嫩又香，秘制的手撕雞醬，加上好多花生配料，味道真係超正，食到停唔到口。辣與唔辣的三拼料理也是十分有睇頭，份量亦多，我自己就偏向喜歡辣的，無論牛蹄筋，牛百葉同豬耳絲都辣得來超級入味，平時用來送飯送酒都超正超啱口味。而唔辣的牛筋凍就係必選，好多人都鍾意食，我都覺得口感超jelly,彈牙qq 的好讚鬼。最後一定要勁讚這個東波肉飯，東波肉超入味肉質超嫩滑，個汁都正到不得了，撈埋飯食簡直覺得食緊人間美食，必是東波肉啊。第一次試珍一料理真係不錯的品嚐，咁多野都只係$150 到，超抵食，列入必食名單之外賣店。

平時成日經過已經好想試吓， 行過嘅時候都會見到有人排隊今晚屋企冇飯食，又見到人少少，於是就決定買返屋企同屋企人試吓原來佢哋都有午市套餐同埋晚市套餐供應， 不過我就冇買到套餐首先我買咗半隻椒麻手撕雞， 已經起好晒肉，食落去有好香花椒味條脷都有 麻痹嘅感覺另外就叫咗兩個三拼， 第一個三拼係牛筋凍、牛腱、五香牛肉都幾香五香粉既味道，份量都幾多另一個就係麻辣豬肚條、秘鹵豬爽肉同埋蓮藕片個麻辣既味道好香，好鍾意個 蓮藕片，個味道好夾，口感好爽最後就係東坡肉飯，個汁有少少甜，係我鍾意嘅味道，食落去又唔會好肥膩間唔中買返去加餸都唔錯

星期五唔想煮飯，所以就同屋企人都決定買外賣，天氣咁熱，食啲辣嘢同埋涼拌會更加開胃， 經過路德圍見到呢間外賣店好吸引，就決定買來試一試。我哋揀咗兩盒飯，一盒五香料理三拼同川麻料理三拼，每個拼盤都可以各自揀三款小食，分別有葷菜同素食。食辣嘢就梗係要配飲品。之後就急不及待返屋企開餐喇。川麻料理三拼($55)：辣拌牛柏葉同辣滷金錢肚夠哂入味又有口感，藕片好爽脆，份量亦都好多呢個川麻料理我真係非常鍾意，佢嗰隻麻香喺口入面嘅感覺歷久不散，而且令人非常回味，佢隻麻香係令人食完一件又想即刻追住食另一件嘅感覺，屋企人食完之後都同我講下次即使喺屋企煮飯，都可以買一盒拼盤嚟加餸，因為非常方便而且真係好好味。五香料理三拼(50)：牛腱好香又大大件，豬耳很爽口，四喜烤麩索哂汁味，正！講下個飯，我覺得東坡肉飯($40)非常出色望到佢個光澤已經非常開胃，咬落口有肥膏香味但又唔會覺得油膩，調味亦都好好，非常入味，最吸引嘅地方係佢真係炆得好腍，配飯一流。牛腩飯($45)個牛腩都好入味，辣味好香，而且份量亦好多。另外要講一講飲品，桂花烏龍($30)一打開個樽蓋已經聞到有桂花嘅香味，非常值得一讚， 而佢嗰種花嘅幽香同烏龍茶

荃灣路德圍好多餐廳林立，今次黎到一間門面好靚藍綠色主題既珍一料理，門口已經好多人排隊等拎外賣，我地買左個東坡肉飯，東坡肉大大舊，肥瘦適中，好香口，又唔會太咸，飯既份量都唔少嫁，呢度只限外賣岩晒果d要加餸既朋友，再買左支下火羅漢果菊花茶如果可以再濃味d就好，比較淡左少少，我地仲叫左一盒五香三拼，有牛腱爽口，牛筋凍，軟淋淋好好味，牛筋雪凍既冷盤真係唔錯，再加上腐竹清清地，想食辣都可以選擇其他辣味冷盤。

夏天熱辣辣冇乜胃口，見到荃灣好似新開左間川麻料理，就外買幾個餸返屋企食先，懶得煮飯😹選擇都幾多，有川麻亦都有五香既料理，齋菜例如四喜烤麩、豆干都有，花多眼亂！為咗試多幾款餸，我就要咗個川麻料理三拼 $55😻五香牛肉、啜指雞翼尖、蓮藕片，就算係三拼，份量都算多😼蓮藕片好爽脆，夏天食唔會有負擔，又夠開胃！五香牛肉都夠晒入味，幾嫩滑，平時加餸煮個麵都應該幾正😽椒麻雞飯都幾新奇，之前淨係食過口水雞醉雞，椒麻雞有椒麻香，但唔似口水雞咁油，又平又抵！😻最後再加左支桂花烏龍，好濃郁，沖兩次都ok！

今晚冇人煮飯 於是就一於叫外賣啦 經過路德圍嘅呢間珍一料理 見到好多人幫襯咁就試下啦首先叫左個三拼鹵水拼盤 秘製滷水豬爽肉 又入味又爽口 雖然偏肥但係一啲都唔油膩鹵水牛展 夠曬入味橫切面係跟肉分明好靚 脂肪比較少健康人士啱曬爽脆豬耳絲 入面有一絲絲嘅軟骨 咬落卜卜脆紅燒豬手飯 豬手有五六舊 舊舊都超大嚿 而且炆得夠入味 咬落去豬皮爽口彈牙 而且膠質好豐富 送飯一流 飯同餸係分開放 啱曬唔鍾意咁多汁嘅人 飯底好大碗 男人都夠飽呀加錢仲有桂花烏龍茶添 夠曬冰凍 同時好解渴 茶底夠曬香濃 仲有淡淡嘅桂花味

喺公司ot o到冇時又未收得工 所以就買個外賣返公司邊做邊食 喺公司附近嘅呢間珍一料理 平時都有幫襯開又抵食又經濟餐廳衛生情況唔錯 而且明碼實價 所有鹵水餸菜 涼拌菜都放喺門口嘅玻璃櫃 夠曬衛生三拼即食餸 牛展 夠曬入味而且一啲都唔韌 又有鬆化嘅感覺牛筋凍 係呢間舖頭特色嘅餸菜之一 牛根煙煙韌韌 而且仲有啲啫喱狀嘅醬汁 好有清涼嘅感覺五香牛肉 分量都幾多牛肉係薄切 配埋麻油味香濃嘅醬汁一齊食 味道豐富口水燻蹄飯 口水分蹄醬汁都係唔辣非常惹味 燻蹄肥瘦適中 外皮好爽脆用嚟送飯超正 飯餸係分開放 唔使驚好油膩葡萄烏龍茶 濃沃嘅葡萄香氣 好醒神

真係好鍾意去路德圍搵食行過見到「珍一料理」未試過呢間外賣店就試一試佢先..係食川菜嘅重口味之選.川麻系列叫咗個三拼 $50秘滷豬爽肉 四喜烤麩 泡椒鳳爪聞到麻香味重對我嚟講係小辣辣度剛好 夠哂開胃惹味.椒麻雞飯 $40幾抵食 好大兜飯雞都幾嫩配菜有好多青瓜同花生.加購咗羅漢果菊花茶 $15好清甜無糖 無脂肪 零卡路里下次試吓其他茶.@zelicatessen_hk原來有好多間分店另外有樣嘢好搞笑每一份嘢食都好多花生.

炎炎夏日，食返啲涼拌小食都唔錯，荃灣有間涼拌小食，外賣買返屋企，嘆冷氣，食小食，飲返杯酒🍻，這就是人生💁🏻‍♀️通過櫥窗望到超過20款食物，樣樣都好想試，分別有川麻料理，五香料理，王牌料理，令人心思思，唔知食邊樣好。✔️五香料理三拼，小辣🌶牛筋凍➕豬耳➕雞腎🐓五香味道有淡淡滷水味加甜味，加有少量胡椒味及辣味，惹味可口！➡️牛筋凍好似啫喱咁，爽滑有咬口➡️豬耳爽口食落咯咯聲➡️雞腎切到一片一片很薄，但吃下去仍然有爽口✔️夫妻肺片🐂夫妻肺片主要以牛來做配料，裏面有牛腱肉，五香牛肉，香麻牛蹄筋，辣鹵金錢肚等等，一次食到唔同嘅材料，花椒香味同花生芫茜撈埋一齊，入口帶有小麻，好香好好食😋✔️冷萃抹茶🍵食咗啲辣野，飲番杯冷萃抹茶，解膩又解渴🧊