珍味食堂 (已結業)

上網睇見到原址轉左名，仲多左好多食物的選擇，所以再黎一試。先黎芝士年糕，外脆內暖，正！再黎火灸芝士翠玉瓜，係芝士控必試！日式串燒拼盤，有燒牛舌、燒大啡菇、燒煙肉卷同燒雞翼，即叫即燒，上枱果陣好香好熱辣辣，牛舌好有咬口，有肉汁，大啡菇就有少少乾，但都不失鮮味，燒煙肉卷配上原粒荔枝，清新，雞翼亦都燒得剛剛好。川式燒茄子，超大條，鋪滿哂蒜蓉，微辣，茄子juicy 清香，同行人士唔食茄子，所以我一個人食哂一條，超滿足，不過食完好大口氣，哈哈。最後仲有大阪燒，份量唔太大亦唔太細，剛剛好！店員推介餐廳黎緊晚上會有會員活動，有機會都想參加。

4，食物: 西班牙保濕豬鞍，煙三文魚沙律，夏威夷薄餅。原來轉了名久違了的厚福街，對上一次來已經是上年聖誕節，記得上次嚟呢度就係鐘意有個露台，一入門口見到招牌唔同左，應該是轉了手，不過我地都坐低左，望望下發覺個餐牌又好似差不多，再細問之下才知道原來這裡是改了名，宜家叫珍味食堂，他還笑笑說珍味食堂依然可以坐到深夜。其實我地唔係太肚餓，主要想地方吹水，食小小野。我叫左個，夏威夷薄餅，係7吋餅底，對於我今日就啱啱好，另外亦點了西班牙保濕豬鞍，入口發覺真沒改錯名，肉汁仍然鎖住，仲好嫩滑，呢度同朋友傾計食飯真係幾好，可以行出露台呼吸下又得，係裡面凉冷氣又得，唔錯。

夜宵好去處，環境一流，食物吸引，有送酒燒烤，又有飽肚set dinner, 服務態度親切，原來仲有會員活動，食下嘆下抖抖氣，點解宜家先發現原來厚福街有間咁正嘅露天餐廳。今日放工9點幾10點，想係尖沙咀正正經經食番餐，去到厚福街 抬頭一望見到有間露天餐廳就上去睇下， 喺五樓嘅藍馬大廈 環境ok喎!室內有冷氣嘆，個露台又可以抖下氣， 再睇下個餐牌， 都幾多嘢食喎。原來呢間會所餐廳仲有會員活動，好似話 5， 6月係塔羅之夜， 逢星期二晚幫趁有得玩。入會好簡單，唔使比錢，之後仲有discount.隔離枱會員仲有野送，真係有玩有食有野送，嚟梗星期二我會再嚟! 哈哈 !

今晚去返尖沙咀想食串燒，但原本果間已經轉左做「珍味食堂」，都係食串燒，所以照入去試下。餐廳的環境同舊鋪無分別，反而菜式多左好多野揀，除左原本的串燒外，仲有西餐、日餐同海鮮。傳統四式芝士薄餅依個薄餅真係即叫即造，即造即上枱，非常熱辣辣，餅皮金黃色，好香口，配上不同的芝士醬，濃郁又有口感。火炙芝士翠玉瓜哈哈，又係芝士，芝士燒到半溶在翠肉瓜面，提升鮮甜味，而翠肉瓜燒完仲好juicy, 唔會太乾，正。鹽燒鯖魚鯖魚份量都算大，燒得岩岩好，皮微脆，魚肉鮮滑，檸檬有夾夾出汁，唔會整污糟手，好細心聽餐廳講做會員會有優惠同間唔中會有唔同活動，有時放工攰攰地可以再黎嘆下玩下。

今晚約咗個好耐冇見既中學同學食飯，誤打誤撞下訂㕦呢間餐廳，原來佢之前叫深宵食堂，依家改咗名。老闆推介我地叫酒飲可半價叫指定嘢食，所以我地叫咗酒，另外半價要咗海鮮拼盤同串燒，另外加咗個黑松露玉子燒⋯先黎松露玉子燒，好香松露味，一切開仲要係流心架⋯好正跟住黎個海鮮拼盤，有生蠔、海膽、蝦、帶子，新蠔同刺身都好新鮮，海膽大大舊，超好食⋯最後串燒即叫即燒，有燒牛舌、燒大啡菇、燒煙肉卷同燒雞翼老闆都好好人，又介紹食物俾我地，又同我地傾計！下次再黎！

珍味食堂三文魚凱撒沙律沙律菜微微冰涼, 口感爽脆, 水份十足, 伴上份量剛好的沙侓醬, 酸酸甜甜好醒胃, 配合三文魚的魚香，味道好好。迷你海鮮凍盤（生蠔，凍蝦，翡翠螺）蠔肉厚薄適中, 不會單薄, 輕輕一切，蠔肉已切離蠔殼, 能將整隻蠔滑入口中, 多麼的享受, 蠔味濃有點creamy ,又有點甘甜,淡淡的蠔味在口腔中流動, 層次豐富。凍蝦真材實料, 不肥美, 軟彈煙韌，仍然好有爽口，味道香到流了口水, 凍非常鮮甜, 口感嫩滑。翡翠螺慢慢從螺中取出，單是賣相已經十分吸引， 彈牙有嚼勁，肉十分厚身， 鮮甜美味，質感和味道在我而言有九十分!夏威夷薄餅我們嘗到熱辣辣的香脆薄餅，和新鮮的醬汁，味道有層次。餅皮炸至金黃，尤其香口，配上濃郁芝士醬，味道更佳。美國頂級安格斯肉眼扒先試牛肉，肉質非常鬆軟，很容易切開，切開時見到油脂從肉中出來，油脂香陣陣傳出，肉與脂肪比例剛好一半，脂肪的香氣與肉香在口中非常濃郁，卻又沒有很厚的感覺，加上醬汁，令肉味更為香口，對喜愛肉類者，定是最為吸引。川燒豚肉串豬肉外表煎得金香，口感軟綿綿，帶有露蘆筍的清甜和爽脆。這實在是很邪惡的小食, 魔鬼的誘惑。蘆筍的香味在口中慢慢流出

星期日Ben爺去完木球會， 路經尖沙咀厚褔街， 為避開街上熙來攘往的人群， 因而選擇了樓上舖餐廳 進行Ben爺的晚餐。餐廳剛剛六點鐘開始下半場， Ben爺便變成晚餐時段的第一名客人。 先來一客生蠔( 特價 58元两隻）試試餐廳的實力， 生蠔賣相肥美， 新鮮嘅生蠔 只需要少量檸檬汁用嚟提鮮， 醬汁根本是多餘的， 生蠔還保留著淡淡 的海水味， 口感脆身， 毫無疑問非常新鮮。餐廳 經理 根據Ben爺的口味 再介紹 煙三文魚雜菜手捲（68元）， 用三文魚來代替紫菜， 創意 度十足。 菜式醒神開胃。好了， 前菜吃完 要開始主餐了， 餐廳經理介紹今天的羊肉新鮮到貨。 那就要試試 他們的法式保羊架（218元）有多厲害。羊架製作需時， 所以先來一客跟套餐的 芝麻雞翼， 雞翼熱辣辣 外面滲滿芝麻， 所以外皮特別 脆而肉汁則鎖在雞翼裏面。 芝麻香惹味， 送酒一流。 但 因為還有一個商務會議在晚上開， 所以不能喝酒只能來 一杯龍眼冰潤一下喉嚨。十多分鐘後主角出場， 當真氣勢逼人!  原來所謂的法式保， 就是用麵包糠來鎖住羊肉裏面的肉汁， 香味撲鼻， 用刀叉把一角切下來， 熱力是由裏面散發出來， 肉汁四濺!

珍味食堂我們選了「歐陸二人餐」煙三文魚凱撒沙律合適份量的沙律, 好多沙律菜, 沙律菜都新鮮爽脆, 煙三文魚配了芝士咸香薄片, 脆囗的麵包可以增強那口感，咸香脆囗交織一起吃感謝好捧。迷你海鮮凍盤（生蠔，凍蝦，翡翠螺）生蠔單是賣相已經十分吸引和好靚， 色澤好光鮮和厚身，鮮甜多汁， 肉質鮮嫩，食落有口感，十分肥美豐富。凍蝦凍蝦外殼有光澤，食下去有鮮味，十分肥美，質感爽囗，每人有兩隻，食得好滿足。翡翠螺口感軟潤, 滲出淡淡鮮味，口味清新和爽甜, 質感有彈性又油潤。夏威夷薄餅Pizza 似是Home-made ，感到特別親切。她們的pizza餅底脆卜卜，餡料鬆軟煙韌，薄餅已經細心切好，方便進食，pizza 有濃厚和嫩滑的芝士，配合波蘿，清新之餘又美味可口。美國頂級安格斯肉眼扒煎香过的牛扒, 內里保持色泽粉嫩, 肉质鲜美, 甚有牛香, 脂肪比例适中，而因牛扒稍熟, 肉味丰富而有层次，又有嚼劲, 蘸上此香浓的酱汁, 令牛扒加分。配菜很精致, 选了翠肉瓜和薯条，翠肉瓜清甜, 薯条脆口昧道好。鹽燒雞皮雞皮燒得香脆,油脂都逼了出來;雞肉的腌製入味,且夠嫩滑,其美味足以令人一吃再吃!川燒豚肉串豚腩肉質軟嫩

今天同朋友去尖沙咀一間樓上鋪食了個超抵食的晚飯,不但止味道好, 仲有好多菜式的選擇, 真的是好食又抵食, 所以一定要同大家分享下. 這間於尖沙咀厚福街一間商業中心5樓的樓上鋪, 因為我們當天收工收得夜,去到間餐廳時已是夜晚九點後, 入到餐廳竟然仲有唔少枱食客, 而且越夜越多人上來食嘢, 睇來好多人都知這間餐廳是琛夜食堂. 座定之後睇下個餐牌, 原來有好多選擇, 有西式肉眼扒, 西班牙豬鞍扒, 有烤魚等等, 仲有日式串燒及中式燒海鮮, 仲有甜品添, 款式相當豐富, 我們便叫了幾款最想食的, 有中式的燒海鮮,包括有貴妃蚌, 蒜茸燒扇貝及秘汁燒鮑魚仔, 仲order了日式芝士鰻魚玉子燒及西式的露筍蟹肉海膽忌廉飯加煙三文魚雜菜卷, 仲有我最喜愛食的心太軟及藍莓芝士蛋糕. 最先上來的是煙三文魚雜菜卷, 見到煙三文魚卷放在碟邊, 而碟中間是一堆淋了日式芝麻醬的沙律菜, 首先我將煙三文魚卷放入口, 濃郁的煙燻香加上三文魚的軟林, 仲有卷在中間爽脆的新鮮青瓜, 哇! 多重口感在口腔中, 好好味! 再食沙律菜, 超級新鮮, 食落口索索聲, 食了這碟煙三文魚卷頓時胃口大增, 剛好貴妃蚌,扇貝及鮑魚仔都啱啱

夜晚9:00睇完戲有些少肚餓，男朋友建議去食個消夜。男朋友突然間想食日本菜，我地去左食珍味食堂。男朋友話餐廳新開張，所以就想試下啦！男朋友叫左幾款食物開心share！我地叫左芝士玉子燒、海膽忌廉飯、海鮮拼盤、心太軟和Cheesecake！味道質素非常高！我最愛芝士玉子燒，芝士份量非常高，拉絲度極高，雞蛋非常滑溜蛋味極濃郁！海膽鮮甜份量都唔少呀，忌廉濃香飯粒軟腍！海鮮拼盤夠新鮮，燒帶子好爽甜！我地一人叫左一個甜品，心太軟流心度高，蛋糕軟熟，甜度適中！

這裏環境舒適、清幽，最適合與三五知己、家人歡聚。正因如此，今年的母親節，我們一家決定帶媽媽來這裏慶祝。連兩老都食到特別推介：新鮮肥美的海鮮、野味的牛肝菌雞柳石鍋飯、香噴噴的鹽燒雞翼、秘製的燒牛柳、燒羊架