珍姐海鮮火鍋飯店

營業中

休息中

係中環食飯一講JJ, 你地會諗到咩?梗係鼎鼎大名既<珍姐>啦!😜今日同朋友係中環食lunch一齊拜會珍姐,見到門口排曬長龍就知珍姐正啦!朋友叫左個羊排飯($80),當香莤遇上JJ, WOW真係無得頂!👍🏻👍🏻醬汁好香椰汁味, 有少少辣味, 不過好香~ 唔會搶左個汁既味道.羊排酥香, 配上個醬汁, 真係一流!!😋我朋友都忍唔住食曬個飯!我就叫左個雞飯 ($50),雞肉非常嫩滑, 完全唔鞋👍🏻👍🏻油飯亦夠香, 我減緊肥都忍唔住食曬成個飯!平靚正!!珍姐夜晚係火鍋店, 下次夜晚要再拜會下珍姐先😝

打邊爐最緊要食材新鮮，同幾個朋友黎試，呢度鋪仔細細，估唔到都好有驚喜。先上湯底椰子竹絲雞，夥計哥哥先幫每人滔一小碗嚐嚐湯底味道，椰子雞湯非常香濃，貨真價實無味精。我地重叫左即炸魚皮，幾款鮮牛肉，手打墨丸肉丸等等。。。魚皮真的即炸，非常鬆脆香口，上桌重熱熱地，牛肉新鮮嫩滑，幾款牛肉都各有特色，十分新鮮，絕對不輸日本和牛，手打墨丸肉丸均十分彈牙，總之樣樣都好好味。。。難怪座無虛席，中環打邊爐鋪頭唔多，要食一定要訂位。

📍珍姐海鮮火鍋飯店.中環火鍋店👍🏻..來中環, 除了賣醉以外😂其實仲有很多選擇.今次就選了一家火鍋店.位置就正正是蘭桂芳附近.如果酒吧開業, 食完火鍋再飲翻杯, 簡直是人生樂事. 希望酒吧快些重開, 回復熱鬧日子..講翻間火鍋店, 這裡主打手切及外國牛肉.店子已為顧客選取了最優質牛肉.點菜前, 店員會給客人介紹各款牛肉部份, 以供客人挑選..個人比較喜歡封門柳, 牛味濃, 肉質口感豐富.除了牛, 海鮮亦是不錯選擇, 選取當天時令海鮮, 令人食得稱心滿意..湯底都唔錯👍🏻椰子竹絲雞煲，清甜好飲😆未開始先飲左一碗👍🏻..仲有款門鱔魚旦, 爽口彈牙, 外出比較少有, 唔試損失😂😂..Taste : 8/10 Service : 8/10 Environment : 8/10Revisit : 8/10

講到中環嘅茶餐其實珍姐海鮮火鍋飯店都係一個選擇常餐 ($50)炒蛋配多士加個通粉同菊花蜜炒蛋幾滑多士係用麥包搽咗蒜蓉牛油炕過好香沙爹牛肉通粉用咗好似牛腩既牛肉粒菊花蜜清甜但少少淡咗啲整體黎講唔係話非常好食但$50係中環食到個lunch呢個質素算係咁

𝘽𝙞𝙜 𝙅𝙅 𝙎𝙚𝙖𝙛𝙤𝙤𝙙 𝙃𝙤𝙩𝙥𝙤𝙩 𝙍𝙚𝙨𝙩𝙖𝙪𝙧𝙖𝙣𝙩 珍姐海鮮火鍋飯店, 𝘾𝙚𝙣𝙩𝙧𝙖𝙡🍳Like many other Cha Chaan Tang, food here is not phenomenal, but definitely affordable (filling too), especially when it comes to having lunch in Central👍🏽Very simply local food with spam, fried eggs and sausage on rice😋, costs around $60 (without any drink though). .📍G/F, 9 Wo On Lane, Central #HappiMuffinHongKong🌟#HappiMuffin Rating: 7/10💰Price: $60-80 pp

極品封門柳豬油撈麵（例牌）$70開頭$70例牌會驚個份量唔夠，但上碟望落都幾足夠，個牛好好食🤤🤤🤤望落雖然有啲粉紅色，驚太生，但食落有驚喜😍😍不過個豬油撈麵就一般，豬油味唔夠突出，麵質就ok，但略嫌有少少甜同偏淡味，我覺得個撈麵可以重口味啲🤣🤣而配撈麵嘅湯就……飲落似係打邊爐湯底，我淨係飲左幾啖就放棄左🙊🙊-凍伯爵薄荷檸檬茶$20見到餐牌有伯爵薄荷檸茶覺得好吸引，但$20覺得都幾貴，糾結咗一陣，最後都決定叫啦，飲落苦澀味好重，而薄荷葉嘅味唔夠突出，微微飲到伯爵茶嘅味，整體不過不失啦，但$20/杯性價比唔高，唔洗專登試🤣🤣😂😂-拔道腩雞飯$60個雞係雞髀肉，連埋個皮食嫩滑得嚟又唔會覺得好油膩，好食😍😍😍美中不足就係覺得個飯濕左啲，淋咗啲啲🙈🙈🙈

成個星期之前去咗，到而家都成日掛住佢地嘅扇牯牛，好林又好牛味；和蜆仔豬骨煲，豬骨味很濃郁，加埋蜆仔嘅甜味，仲有啲起膠，一個字－正！服務認真一流，唔係單純有求必應或有禮貌咁簡單，而係好有heart嗰種，難得！店內裝修懷舊活像舊式大排檔，播放00年代廣東歌，一片喧鬧，客人個個高聲談笑，樂在其中！仲有好多吸引嘢食上次未叫啊！好似燒羊扒、嫩牛四併、海鮮吓咁！我而家簡直係對Big JJ “念念不忘”啦，希望真係會“必有迴響”啦。乜解？排緊隊後補等緊電話響confirm booking 囉！

又一間中環良心飯堂，午市賣碟頭飯，晚市就專做火鍋，一入舖頭就見到「老蘭嫩牛」嘅招牌，相信老闆對佢地嘅牛肉好有信心。午市門口人山人海，好彩翻枱速度快，都係等左15-20分鐘左右，留意人齊先入得。座位幾闊落，搭枱都無話好逼。店內播放八九十年代嘅廣東歌，朋友話童年回憶翻晒黎。🍽珍姐咖喱羊扒飯 Lam Rib Curry with Rice ($70) 羊扒外層有薄薄嘅炸衣，脆得黎唔油，羊肉一咬就撕得開。咖喱汁甜甜地好香椰汁味，濃稠度剛好，啱啱食嘅時候覺得小辣，但後勁十足。利申我本身對羊肉接受能力較低覺得有啲羶，因為想食咖喱而叫左，咖喱汁真心好食，如果有得配其他餸就好啦。
🍽頭抽蔥油豬扒雙蛋飯 Porkchop, Fried Eggs, Soy and Scallion Sauce with Rice ($60)豬扒多到兩個人分都得，肉質夠腍，有啲乾身，加埋穠邊太陽蛋同香蔥甜頭抽撈飯一流，係熟悉嘅味道。午餐唔包飲品要加$10，不過食物質素唔錯，中環價黎講可以encore。餐牌：

☾︎ 彷彿走入時光隧道💛食肉獸必點海量封門柳撈麵 ☽︎ 𝒂𝒕 𝑩𝒊𝒈 𝑱𝑱'𝒔⠀⠀Bookmark了 @bigjj 許久，終於有機會來試了，可惜最想點的咖哩羊排已sold out，給了我一個再訪的理由了～這裡晚上是打邊爐的，也很吸引！⠀這裡裝修超復古，歌單也是很old school，一邊吃會忍不住一邊跟著唱😂⠀這次試了3款lunch set，封門柳撈麵給預期有落差，反而另外兩款很有驚喜，整體覺得超高質，絕對是回頭之選✨⠀⠀ఌ︎ 拔道腩雞飯(雞胸) $50⠀因為只賣剩雞胸了，但個人蠻喜歡吃雞胸所以沒所謂😂 而且必須讚一下，雞胸超級嫩滑，很好吃！不沾甜醬油都夠味。雞油飯不錯喔，不油膩，飯就粒粒分明，也很好吃！⠀⠀ఌ︎ 栗米魚柳飯 $60⠀很有驚喜的碟頭飯！首先，炸魚柳很大塊，而且很厚肉，炸粉很薄，質地嫩滑！栗米汁不會很甜，調味剛好，整體就是好吃，兩個字：高質🤯⠀⠀ఌ︎ 極品封門柳豬油撈麵 $100 雙份牛肉⠀正常牛肉的話是$70，但作為食肉獸，當然要來雙份的😏⠀封門柳真的有夠多的，鋪滿整個碟，而且不會過熟還帶有一點粉紅🤤 牛味突出，質地有嚼勁但不會靭，食肉獸表示滿足！反而是豬油撈麵有點是失望，麵質不

喺中環返工咁耐， 原來有間性價比同質數咁過的餐廳。 餐廳位於中環和安里，即係老蘭附近一條橫街， 街尾重有個化寶爐的物體， 好容易揾。12:45pm 去到， 目測都有20-30人等緊， 珍姐真誇張， 等左15-20分鐘入座， 餐廳環境就唔算大， 但都算乾淨。 我就點左頭抽蔥油豬扒煎雙蛋飯。 同事就極品封門牛柳豬油撈麵。頭抽蔥油豬扒煎雙蛋飯， 上菜都極吸睛， 2隻太陽蛋有燶邊， 頭抽蔥油香氣四溢， 如果只有頭抽蔥油應該都可食幾碗飯， 實在太香了。 豬扒煎得剛剛好有小小脂肪， 正。極品封門牛柳豬油撈麵， 牛柳就牛味濃， 肉質上乘， 豬油撈麵又香又滑， 麵身爽口， 呢間一定要返轉頭。

見朋友成日去呢間小舖打邊爐今個HAPPY FRIDAY終於都預埋我啦！叫左3set 火鍋料 + 海鮮，份量多，款式多，好新鮮，食極都仲有餐廳氣氛好，枱大約只有十張左右服務好，有禮貌先講講火鍋料，比較特別有封門柳、牛胸爽、陳皮魚蛋、手打魚羊丸（好好味)；菜餃子、雲吞、雞都整得好好食好嫩滑海鮮預先都訂左三份，有聖子，象拔蚌，花竹蝦，大蜆。湯底係豬骨蜆，好濃，先會比你飲湯先，再開始慢慢打邊爐，總括來講就係正，有下次！

星期一去中環整指甲, 難得出城, 本來打算先去珍姐食個晏先, 點知掛住睇奧運遲咗出門口, 去到珍姐已經坐到滿晒。見門外話有外賣, 咁唯有買個海南雞飯去整甲店度食啦! 店員話過左2 點仲送凍菊花蜜。拿拿林拎左個外賣就上去開餐啦! 一打開個飯盒, 熱焫焫! 正! 飯係油飯, 淋上食店自己煮既豉油, 豉油有辣椒粒同檸檬葉, 辣辣地又有檸檬葉既香味! 惹味! 雞有一半雞胸同一半雞脾, 勁淋同滑, 正! 而且雞有雞味個飯黎講, 我好怕淋飯, 但係呢個油飯見到粒粒分明, 又入味! 讚! 喺中環可以以$50 買到一個有質素既外賣, 晏D 仲包埋飲品! 好抵呀! 

朋友極力推薦既💛火鍋店冇令人失望首先地理位置方便，係LKF附近好易搵～環境裝備似大排檔，好啱同大班friend吹水～ 最後就係最重要既食物質素：超高質既牛肉湯底：椰子竹絲雞。 8.5/10一個湯底用左半隻雞左右落去煲🐔甜到呢～～未落火鍋料之前一定要飲返碗湯先對得住隻雞🐓缺點係椰子味唔突出，非常淡！希望可以改善～火鍋料： 老蘭嫩牛四併。 10/10未落單前老闆會同食客介紹佢地招牌既四款牛肉：個人認為最好食既封門柳、最軟滑既牛頸脊、好重牛味既牛匙柄、最肥美既牛胸簽試晒四款一定最穩陣！而且一碟牛肉份量多，夠四人食😋火鍋料：手工魚皮餃、金莎墨魚滑、脆鯇腩。 8/10魚皮餃既魚肉好吃，但細粒！墨魚滑既蛋黃同墨魚肉唔融合🙃脆鯇腩就真係幾厚幾脆，可惜我唔鍾意食魚小食： 手抓烤羊扒。 9/10利申：平時唔食羊。試左一塊都覺得好出色好鬆軟juicy既羊肉！令到羊羶味都變得可以接受☺️甜品： 桂花蒟弱。 10/10桂花蜜糖水加蒟蒻粒既配搭超夾！又有清熱下火既感覺～ 食完邊爐必食！飲品：伯爵檸茶。

香港人有邊個唔鍾意打邊爐？你睇我地一年四季都打你就知咩料啦！近排搵到間好～好～食嘅良心邊爐因為第一次去就叫左個$490一位嘅二人餐，份量多到根本可以四個人食(◐‿◑)埋單無加一$980，抵食到癲！湯底係豬骨硯肉煲，未落嘢食前店員會舀湯比你飲，湯底好好正！非常鮮甜(⁎⁍̴̛ᴗ⁍̴̛⁎)！餃子控對餃有情意結，個餐有有魚皮餃，雲吞，粟米豬肉餃，韮菜豬肉餃四種水準還可以，而個三寶手打滑都ok！最值得介紹嘅係個牛肉拼盤，分別有兩碟一碟有封門柳，頸脊呢碟兩種肉都充滿牛味，肉質鮮嫩，非常推薦！另一碟有匙柄，爪邊，牛舌，牛胸爽匙柄，爪邊係食油香，食落好有驚喜！牛胸爽係胸腔肋骨中間的軟骨部位，並唔係牛嘅肥膏，咬落爽彈但唔韌，又唔會肥膩個餐食呢兩碟牛都值回票價！因為份量多到爆～所以其他嘢都食唔係好落，總體非常好食，絕對會返轉頭再食！十分推～餐廳未續到酒牌，可以去附近買酒去飲，店員樂意為客人提供冰桶&酒杯🍸同埋個個店員都非常有禮貌，做足同你吹水嘅準備，店內好多熟客，成間餐廳都好熱鬧～真係好開心٩(˃̶͈̀௰˂̶͈́)و

Ig: Tummysready.午市供應碟頭飯,晚市就係打邊爐,專食牛肉同本地海鮮,食材都好高質;"老蘭嫩牛四併"最鐘意牛頸脊,好食到再encore✌🏻而當日嘅精選海鮮有貴妃蚌,蟶子,鮑魚…配料必叫”金沙墨魚滑”同”手工魚皮餃”;另外我極力推介個小食-“手抓烤羊排”,超入味,羊肉嘅肥瘦比例岩岩好,肥而不膩又有肉味🥰加上老闆好nice,去到最後冇咁忙同我地介紹性價比超高嘅紅白酒,仲同我哋一齊飲,好有人情味💛.🔻🍽 珍姐海鮮火鍋飯店📌 地址: 中環和安里9號地舖.#tummysready #tummysreadytoeat #tummysreadyinhongkong #tummysreadyatcentral #tummysreadyforhongkongstyle #tummysreadyforchinese #tummysreadyforhotpot