影片
港鐵上水站 A3 出口, 步行約8分鐘
繼續閱讀
營業時間
星期一至二
10:30 - 19:00
星期三
全日休息
星期四至日
10:30 - 19:00
以上資料只供參考, 請與餐廳確認詳情
食家推介
相關文章
四年無幫襯一不離二執多劑，最後朝聖的機會，珍苑明天228榮休了﹗最後一次幫襯要食好多好多先得。老闆無明示什麼原因，只回應不是移民，不知道會否再開，可能因為加租壓力吧﹗久違了的真軟啊，有段長時間無探訪，發現加入不少新菜色而且仲有飯餐提供添。本諗住安安樂樂醫醫肚，再次被阿伯搭枱，仲要有三個阿伯大包圍唔那帶口罩不停噴口水，無奈地唯有極速倒碗麵落肚，不到三分鐘消滅即閃速逃﹗可口可樂，沒有了最好味的玻璃樽裝，換來高瘦鋁瓶，怪怪的甜味，傳統罐裝較正常。黑芝麻鮮豆漿，是外購樽裝貨不是自家製有點失望。自家滷全翼，暖笠笠甜彈滑結實，熱熱不霉，黏膠雞皮跟燒味店有所不同。蝦子撈麵，炒得甘香無比的蝦子顆粒鋪滿幼麵上，密密麻麻未入口已聞得到芬芳撲面﹗落少許高湯較易跟幼麵撈得均勻，每條麵都要沾滿蝦子才肯罷休！準備就緒連辣椒油都放棄不加，我先要食其真身原汁原味。狠狠地大啖大啖吸啜，蝦子味濃厚鮮甜，幼麵略凍了一點點，不過爽到索索聲讚不絕口。蛋香蝦香湯甜無異味，食得我興高采烈，長啜長有一氣呵成！水餃蝦子撈麵，阿嬸稱強制性只可以雲吞或水餃跟蝦子撈，那麼奇怪的政策？可否解釋一下？其他麵檔牛腩、牛雜、豬雜、任何丸都可以，只不過係另上再跟碟蝦子撈麵。大量甘香蝦子鋪得滿滿搭上纖幼脆麵配合得天衣無縫，咸香使人一再回味，加上辣椒油如虎添翼，欲罷不能﹗我的味蕾懷孕了。大地魚清湯，濃厚大地魚清甜味，係大海的味道啊﹗腐乳通菜，幼幼旱通不喜歡，不夠爽甜、不夠翠嫩，還有點點澀味。幸好熱烘烘仲有惹味腐乳醬，咸鮮帶輕輕辛辣，挽回少許分數。蠔油菜芯，菜芯超級爽甜翠嫩多多汁。牛肚牛腩撈伊麵，重重份量啜啜啜好滿足﹗最敝腩汁太少不夠搞使得淡茂茂，而且伊麵太濕烚過龍，麵香蛋香欠奉。白雪雪淡茂茂伊麵要掛上大量香辣辣椒油才能挽回一丁點分數，提味醒神和味舒暢。崩了的瓦碟就不要給食客用吧，崩口人忌崩口碗啊。炸醬撈伊麵，味道似乎跟伊麵格格不入，我錯了﹗炸醬只可以配幼麵，就算粗麵都不合味道。甜甜伊麵味道十分奇怪，都係配爽彈生麵較合適。加兩大羹辣椒油都於事無補，唯有急急消滅掉算了吧﹗伊麵嚥韌完整啜得長長久久十分舒服，我真係好鍾意食伊麵﹗忘記了撈伊麵係用大餅伊麵，免強全部清晒飽到上心口，頂住個胃啊﹗墨魚丸蠔油炆冬菇撈粗麵加腩汁，想起兒時係酒樓很喜歡食的北菇撈麵，真的使人懷念﹗巨丸圓轆轆白雪雪真材實料，彈彈充滿墨魚香，還間中咬到墨魚肉碎，不粉不黏清爽美麗﹗感激沒有剪斷我的長壽麵，可以一氣呵成長啜長有，感覺良好狂野暢快﹗耐心地將蠔油冬菇、兩大羹辣椒渣及腩汁撈得均勻，每條粗麵都要沾上亮麗光澤與色彩﹗彈牙滑滑的質地更添食慾，香辣味濃的助料回味無窮，此味只應天上有。咖哩牛腩撈伊麵終於給我最愛不散碎的長長伊麵，可以長啜長有一氣呵成無間斷。嚥嚥韌韌無過濕無過腍而保持麵粉香甜，再撈辛辣咖哩汁如虎添翼﹗伊麵掛滿咖哩狠狠地吸，汁跟麵同時間消滅殆盡非常高興，捲著鬆化牛腩同噬更加有趣滋味。淨冬菇魚蛋起角方方大大粒的傳統潮州板魚蛋極具彈性及拉力，咸鮮突出味道奇濃。冬菇厚肉菇味非凡，咬落汁甜美滑嘟嘟，蠔汁清新提鮮。雲吞水餃河粉，大大粒雲吞十分有睇頭，蝦爽肉甜皮滑，不過咸不太鬆散。水餃除蝦及肉外，還加入爽口木耳，包得結實格外美味。牛丸牛腩粗麵，已經好少見有界花的牛丸，雖然快熱快熟，但肉汁多多少少會流失一點，嚥嚥韌韌不覺爽彈不覺多汁，牛味是香濃的。纖幼的粗麵彎彎曲曲特別掛湯，有咬口而彈中帶滑，麵粉香及蛋味突出，難得高質。牛筋伊麵，結實黏膠的牛筋非常入味，清甜的柱侯汁，我喜歡綿腍質地的呢。終於食到一次完完整整長長滑滑伊麵﹗真係老懷安慰。嚥嚥韌韌掛滿辣椒油拖著濃郁湯汁，啜得開心愉快一氣呵成，唔洗食到疾住疾住。貢丸蠔汁炆冬菇麵，圓轆轆大大粒貢丸，真材實料菇味香濃飄逸，爽彈的質地趙得過癮﹗而且豬肉甜味出眾非凡，實在味力沒法擋﹗特級爽彈的生麵，爽到索索聲，幼幼帶湯力強，啜得格外暢快﹗胡椒豬肚丸牛腩撈粗麵，都話唔好剪斷我既長壽麵咯，係要咁聞塞架呢﹗短戚戚的粗麵啜到疾住疾住成肚氣，本來兩啖一氣呵成吸啜完成，依家分十啖續少續少夾黎食非常疲累﹗雖然食住香滑彈牙粗麵還是開心的。彈牙爽爽滴汁豬肚丸，出眾的胡椒味辛辣中散發香甜，滋味無限﹗牛筋腩河粉，牛腩軟塾鬆化而味道較早年略淡，牛筋膠黏帶彈都係偏淡。結實爽滑河粉有點碎，用羹連湯啜吧﹗湯頭味道滿意，配河粉加點胡椒粉加點辣椒油更精彩。淨河粉，高湯濃郁，直接拿起碗連湯汁帶滑滑河粉灌入嘴仔，豪氣地一啖過消滅，狂野滿足﹗淨豬手，每舊都係主要筋皮沒丁點肉，爽而不軟綿的豬皮加脆脆的豬筋，溫和的滷水味道，平凡無意見。
繼續閱讀
最近聽到同事講上水有間麵鋪幾好食😋，於是今日就一齊去試下究竟同事有無放伏啦😆~ 麵鋪嘅面積唔係太大，樓下已經無哂位啦🥴，好彩樓上都有位可以坐😁，不過就比樓下有啲焗啦🙈-墨魚丸雞翼湯河粉加腩汁 🍜- HKD 48首先就叫咗個雙拼河粉🍜試下先，食麵緊係要先飲啖湯先啦😙~ 腩汁味好濃好入味加分呀😍。河粉唔會一夾即斷幾有咬口🤤。而配料方面，墨丸雖然幾彈牙但係就無乜墨魚味比較失望😟，反而雞翼就幾重滷水味又幾嫩滑👍🏻~-豬軟骨牛腩撈麵🍝 - HKD 55之後就叫埋個雙拼撈麵試下啦，依間嘅撈麵會配埋一碗加蔥清湯🥣，飲落都幾濃蔥味😋。配料方面，牛腩食落好夠腩汁味，而且肉質都好滑唔會太老，份量都俾得幾多👍🏻。豬軟骨食落都唔錯，肉汁豐富食落口唔會太乾身🤤。麵底方面就比較硬身難咬啦🙈，如果唔鐘意硬麵底嘅朋友要注意一下啦😉。-最後值得一提嘅係依度嘅職員都幾好服務😍，見我地有袋同背囊都會主動俾張凳我地放野，同埋佢地對客人都幾有耐性，值得一讚👍🏻🤩。
繼續閱讀
最後一天排隊都要去食😌開舖前已經排隊等候😩其實今個月已經第三日🤣兒時回憶幾十年老店👍🏻味道有水準❤️今日都係食最愛水餃雞翼撈麵😘最後喺收銀機枱旁邊除咗張紀念卡🙃
繼續閱讀
📍上水 珍苑麵家珍苑屹立上水多年，2014年曾經結業，15年重開，結業消息一出，平時多人食嘅珍苑更加大排長龍。星期六1點幾到好多人排，雖然舖頭有2層但堂食位好少，所以要等好耐，由等位到碗麵嚟到差唔多要一個鐘🫠不過落單個陣都講明要等耐少少。𓇠 雞翼水餃麵 $48 𓇠湯底鮮甜，係清清地嘅蔥花同大地魚味。雲吞同雞翼各3隻，幼麵好彈牙！鳳城水餃係招牌！自己包，餡係蝦、荀絲同豬肉，名符其實嘅皮薄餡靚🤩滷水雞翼脹卜卜，有雞鎚、雞翼同雞翼尖，肉質嫩滑，炆到淋曬入味，平時唔鍾意食雞皮嘅我都食曬😋PS 自助斟水，仲有懷舊玻璃樽可樂🥤原本12/3結業，但提早28/2光榮結業，祝老闆一家身體健康，好好休息，享受退休生活❣️▪️類別：#yinkifoodie_港式 #yinkifoodie_noodles 🔺味道：5/5🔹服務：4/5🔸環境：4/5
繼續閱讀
平時成日都去食珍苑，係一種十幾年的習慣🫶🏻我就最鐘意食撈麵，麵質係比較彈牙的😋雲吞料亦都十分足夠😍當然就緊係小不了的辣椒醬啦🌶🌶🌶雲吞牛肚撈麵 $55
繼續閱讀