班戟館 (已結業)

並唔係第一次幫襯但係每次都淨係食甜品，今次一於試埋個咸食小舖得三張枱，宵夜時間黎九成要等枱今日4,5 點呢D 鐘數黎，咁啱冇客唔使等位梳乎厘鬆餅嘅水準一直都仍係高水平味道同熟嘅程度都係剛剛好，希望可以一路keep 住另外追加咗個carbonara 賣相同味道都唔錯喎份量都唔小其實以咁細間餐廳，廚房又細可以提供到咁多款唔同嘅嘢食，真係算幾厲害咖喇以呢區嚟計，某d食物價錢唔算平但係絕對唔過份，都明白小店想用心經營，提供多樣化食物，所以會繼續支持

上次黎呢度食完巨人班戟，即係逢星期五先會有嘅三層souffle pancake, 今次就try try American style pancake, 即係薄薄一塊，比較煙銀嘅班戟。我同朋友揀咗海鹽焦糖醬pancake，有一種小時候食拖肥糖嘅味道，但係有加入左海鹽嘅鹹香，中和返甜味，好鍾意呢隻sauce 。班戟都整得唔錯，鍾意佢嘅外圍煎到脆脆地， 裏面都仲係軟林林，蛋香味濃郁，我同朋友都食得津津有味。同埋我哋都好欣賞店方所注重嘅小細節，例如會不時為客人增添餐具，同埋佢哋用嘅碟都10分可愛，唔錯唔錯！

呢排成日都係instagram見到一個好靚嘅souffle pancake, 雖然係遲咗少少，但係今日終於嚟到呢度朝聖。屯門其實都真係幾遠，但係我覺得呢個班戟值得我入嚟。呢個只係逢星期五先會有嘅巨人班戟，有幾款唔同口味，例如雜莓、士多啤梨等，但我哋揀咗楓糖味。每一層梳乎里班戟都好軟好彈，裡面濕潤綿滑，出面就有啲似蛋糕嘅口感，好特別。我就鍾意佢嘅雞蛋味好重，將楓糖漿林喺面，份外甜美。仲要配埋blue Berry cheese cake ice cream, 酸酸甜甜凍冰冰，真係好好食！

前排又去咗食屯門好出名嘅班戟館，其實都已經光顧過好多次，但難得地佢哋嘅水準每一次都可以維持到，值得一讚。逢星期五先有嘅👉🏻巨人👈🏻，即係三層souffle pancake疊埋一齊，絕對唔係虛張聲勢。每一層都做得好細緻，蛋香味好濃郁，質感細滑，介乎班戟與梳乎厘之間，有種食落會彈下彈下嘅感覺。楓糖口味其實就係原味班戟，配上楓糖漿，旁邊仲有忌廉同埋雪糕。我每一次都會將雪糕換第二款口味，藍莓芝士就係我嘅最愛！有忌廉芝士嘅鹹香，又有藍莓嘅酸甜，真係食到停唔到口！

想與朋友食梳乎厘班戟但又想近近地 之前聽朋友對班戟館的評價不錯，所以決定與另一位朋友試試看。雖然鋪面非常細小，內裡只有3張四人枱，但鋪裡放滿大大小小的裝飾，非常有心思和特色，加上鋪內燈光被調暗，還播放著柔和的英文歌，令客人可以放鬆心情享受美食，以下的裝飾我非常喜歡😆：當天和朋友點了2款食物share：香煎虎蝦墨魚汁意粉 - 虎蝦爽口彈牙，可吃出墨魚汁有較濃的牛油、忌廉和蒜頭味，令整碟意粉非常可口美味，而且墨魚汁的份量是剛好整個意粉的份量，所以每一口都充滿墨魚汁，不會覺得意粉乾身沒味，用油份量剛剛好，可以令意粉滑身但吃光後碟面是不會留下多餘的油！上菜時溫度屬於熱，整體是非常滿意的意粉曖昧 (士多啤梨梳乎厘班戟) - 梳乎厘的size 比想像中小。當碟放在枱上時，梳乎厘真的非常彈身，甜度可算是剛剛好，因為我比較不太愛吃甜的便覺得可以再淡多小小🙈 但一般愛吃甜品的人一定會覺得剛剛好。而旁邊的士多啤梨醬甜度也剛好，還有紅莓在內，建議每吃一口梳乎厘可以配小許cream 、雪糕和士多啤梨醬，可以令口感更豐富！

我最鍾意食卡邦尼意粉，依間係我食過當中算係數一數二好食，每次個水準都好穩定，口感同味道都一流，價錢唔貴今次食咗鴨肝多士，塊多士整得好香，鴨肝都算大塊同埋好食，切開三塊，一啖一塊，好鬼正牛扒我哋揀咗安格斯，就算唔點汁都好好食。配菜都好多，睇得出係有用心的製作的最後當然要叫翻個可麗餅，海鹽焦糖可麗餅，真係超好食，我比較鍾意可麗餅個口感我覺得比班戟好，上面灑上焦糖碎同焦糖醬，再加焦糖味雪糕重點推介不過因為用心製作關係，如果趕時間就唔好去啦

今日放假諗住睇下屯門有咩食，諗住見佢好似幾好味，評價又幾好，又平日都3點開門, 咪諗住去試下。點知四點幾去到，唔知係休息定未開鋪。無得試，失望而回，唯有行去其他地方食下午茶。

平時都好少入開來屯門，今次既然入嚟，就要試吓朋友所講嘅好好食班戟。原來虹橋都真係有幾多嘢食架，嗰度附近有小食檔，買下全消，仲有幾間新開嘅甜品店，夜晚食完飯過嚟就可以食下甜品，食下消夜。叫咗呢個只係得星期五先有嘅三層souffle pancake，每層睇落都係好厚,但係好輕飄飄, 好有空氣感咁。食落去覺得咁都唔錯,唔會話好似食緊空氣感,乜都冇。佢嘅蛋味都好濃，加埋藍莓芝士雪糕，有cream Cheese 鹹香，藍莓嘅甜美，加埋pancake, 一凍一熱真係好好食！

舖頭細細 每件班戟都講到明要等45分鐘聽完真心嬲 諗諗下唔坐都坐底左就睇下你有幾好食.等左差不多40分鐘到抱住 我要寫衰你既心態食第一啖食完 出唔到聲面有一層薄薄既焦糖 而班戟就係軟淋淋佢唔係完全空氣感既班戟 表面有一層熟既 入面先係空氣感既班戟你會好明顯地感覺到個層次感先脆 再軟 然後化如果你追求好似梳孚里果種食落口乜都feel唔到既話尼度唔岩你.雖然間野服務唔算太好舖位爆細但坐得舒服同埋如果為左班戟我會再番轉頭既.熱戀 $75

身為一個正宗既港女，我決定將我第一篇食評奉獻比甜品！呢晚同朋友仔試試已經開左一排既pancakeee!老闆娘好親切，幫我地三個有選擇困難既少女（？）諗好食咩！其實我自己並唔係特別鍾意soufflé 既口感，但我都食左好幾啖！蛋味好香！我仲搶曬旁邊啲士多啤梨醬黎食，係生果自己既甜，唔係亂加糖果種甜味相比之上，pancake 完全正中紅心！即叫即整既pancake 上檯時暖粒粒，唔會熱到食唔到，但應脆得脆，應淋得淋 絕對要回頭再食

Coffee hunter is not disappointedThought i could only find some nice pancakes here, but surprisingly, the coffee was pretty awesome.The coffee gave a sense of fruity aroma that I loved, and when it’s poured into the ice cream, the sweetness blended in well. But the place was quite small, you may need to wait up a bit....

相對近年大熱既梳乎厘pancake，阿寶更愛食法式crepe❤️ 做crepe材料好簡單，不過要做到薄得來又有焦糖香同煙韌口感，就一啲都唔簡單☝🏻－今次點左一客傳統法式crepe，要稱得上「傳統」，一片檸檬🍋伴碟絕對唔少得！食之前首先將檸檬汁滴係熱辣辣既crepe上，每食一啖配一口雲厘拿雪糕，再加埋可麗餅既粒粒砂糖既口感，我要俾1️⃣0️⃣1️⃣分🤤－另外仲試左小店既招牌梳乎厘pancake，不過，真係，麻麻地⋯⋯口感太實，完全唔梳乎🙄

在屯門紅橋一帶，一向也是美食小區。愈來愈多新穎甜品店在此立足，其中一家是抓緊了soufflé pancake熱潮的班戟館，高質素的甜品讓我回頭數遍。麻雀雖小，五臟俱全。店舖不大，但它們提供的食品卻蠻多元。由all day breakfast至法國燒春雞，沙律至甜品，應有盡有。不過，我的目標始終是店方拿手的甜點。首先嘗試了「曖昧」，是草莓味梳乎厘班戟。上枱時已感覺到「震騰騰」，可想而知口感定是無比輕盈。空氣感雖重，但吃後不會只覺尤如無物。班戟富蛋香，伴上草莓醬，味道更具層次。.最近，店方將原個梳乎厘，變作兩個小的。份量不增不減，亦更容易跟另一半分享。再來便是「燒焦了的布蕾」－焦糖燉蛋班戟。是較結實、韌性較高，而麵粉漿味較重的American style pancake。班戟上面的一層焦糖薄脆簡直是神來之筆，「咯」一聲輕敲，讓班戟沾上一小片焦糖同吃，帶出陣陣甜美。配上香草味雪糕，中和膩感的同時，亦有冷熱交融之感。.最後還有這裡熱賣的「巨人」－berries souffle pancake。一客三件疊起的梳乎厘班戟，與「曖昧」的班戟相若，質感鬆軟，蛋香味濃，煎至面層微微金黃，令裡面比外層更軟

由細就係屯門大，讀中學甚至係讀大學既時候都好少係屯門搵野食。雖然又未至於係美食沙漠，但都係成日覺得出面多啲野食。但近呢幾年，屯門唔單止愈黎愈多連鎖大餐廳，重有好多小店都選擇左屯門呢個小區開店！最近食左幾間九龍區既梳乎厘pancake店，無理由唔支持下自己地頭既小店吧。之前有一陣子，屯門紅橋突然多左好多新餐廳，個期好多飲食雜誌都介紹，牽起左一股熱潮！今晚食完晚飯之後散步既時候經過紅橋，見到想食好耐既班戟館，大約9點半去到暫時無人。店面好有屋企既感覺，有3張枱，都係4人座！而且設計好復古，每個卡位都有自己既特色。如果係一班女仔黎一定要影一大輯相呃下Like每一個小角落都好有心機，好warm！點餐時間～～～～～～menu已經高科技到用iPad取代左了，但就未有點餐功能，依然係睇完menu之後搵返店員落單。Homemade Fresh Fruit Tea自家製鮮水果茶($42)一杯水果茶$42一杯都算係貴了，試左一啖，味道唔算太甜，茶味都算重，但果味就唔多夠。見到水果都算多，但好似就唔算太新鮮。但都係正常既，畢竟唔係長期有人買既飲料店。如果鍾意飲水果茶既朋友仔可以試一試承諾 Promesse

繼石門的梳乎厘pancake，好像開了食pancake的癮。今次來到屯門的班戟館。 甜品屋位於紅橋附近，門面不大，容易略過。但最近掛滿裝飾迎接Halloween，蠻搶眼。 小店不大，只有十多個位。加上很多裝飾，感覺有點焗促。Tablet menu夠high-tech，令我很amazing。 細看menu才知不止crepe同pancake，還有主食呢。 愛慕 $75 不止裝修，連甜品名都充滿fantasy。 Pancake看來蠻幻滑、軟熟，脹卜卜的，賣相超吸引。伴碟的焦糖菠蘿片配雲呢拿雪糕，絕不馬虎。 除了菠蘿片，士多啤梨也切得像玫瑰花般美，超有心思。 梳乎厘pancake入口蠻鬆軟、fluffy。如果蛋香再濃郁一點就更好吃。一口pancake、一口雪糕，更加滋味，絕對可以與市區的pancake店媲美。