甘味讚岐手打烏冬 (已結業)

一人中午速食，眼見店內人客不多，未算迫爆，故選了這間餐廳。甫入店內，午餐選擇不多，只有6-8款午餐set可供選擇，最後點了午餐D——麵鼓雞扒番茄湯烏冬；期間我一直忙覆電郵，過了20分鐘，竟然還沒送上午餐，離譜的是桌上的茶杯仍是空的，店員又沒加茶。我催促店員跟進食物，卻被反問能否等多5分鐘，我選擇等，結果等了9分鐘食物才送到餐桌。食品質素ok，雞扒炸得脆，咬落多汁，最緊要是夠熱（等咗咁耐唔熱就弊）；惟烏冬略嫌太「林」，有點失望。

烏冬係我由細到大既最愛之一，平既又食、貴既又食、急凍既又食、新鮮既又食。讚歧烏冬係我心水之選，麵身方方地，又粗又煙韌口感十足。呢度既黑豚餃子芝士鍋烏冬($60)，原鍋熱辣奉上，食完啲湯都仲Keep住熱。日式餃子既黑豚餡帶點胡椒味，幾有特色，但餃子皮硬左少少。最驚喜係個拉絲芝士，好似張被咁蓋住曬啲餃子~ 同埋係拉會拉絲既！原本以為係hea野點知又比足料幾有誠意喎~ 蕃茄湯底可接受，雖然係茄膏開出黎既味道，但放左兩角蕃茄落去都算切合主題，係可以接受既。

見好耐無去，再試。結果都是失望！叫了幾款壽司，上枱時紫菜都是淋哂酥炸魷魚鬚，炸槳超不掂，又實又厚且淋淋地豬手烏冬，太肥膩，豬手勁多肥膏，因為肥豬手浸在烏冬一起上，連湯都被影響！肥到不能飲湯！還叫了牛肉炒飯，等了超過40分鐘，好明顯是夾單才炒，等無可等在我們催促下才炒出來！極度失望！3人消費共340, 坦言講，咁ge 的質素極度不值！

今日好想食麵類，係第一城商場有一間食手打烏冬，所以入去試試！佢有一個必食王道推介嘅麵豉雞扒蕃茄湯讚岐手打烏冬，好似唔錯喎！另外，柯打咗豬軟骨讚岐手打烏冬，呢度冇套餐，想飲野要散叫！不過呢度嘅麥茶都幾好飲，所以唔想飲凍飲齋飲茶都可以喇！麵䜴雞扒蕃茄湯讚岐手打烏冬嘅湯底好濃，酸酸地嘅蕃茄湯好開胃，雞扒皮脆肉嫩，但食唔到麵豉味！而豬軟骨讚岐手打烏冬湯底清冇油，豬軟骨可以再腍少少就冇得頂！整體食完碗烏冬都夠飽，環境都坐得舒服！

同friend去左呢到食lunch，叫左個黑蒜油豬手鍋燒讚岐手打烏冬，係鍋燒黎。佢個烏冬份量唔多，胃口大啲嘅人可能要叫啲小食先夠飽。同埋覺得個湯底有啲鹹。不過烏冬本身就都好好食，好彈牙。

又到晏晝放飯既時間喇，又想食d酸野，於是去左讚其食番茄🍅烏冬。由於呢間附近都有好多中學，所以午餐餐牌都有分學生餐，同正常午餐。呢度既午餐都相當抵食，大約$50-$68既價錢有埋飲品，仲可以以優惠價追加小食。為食既我，就緊係有加錢啦🤣番茄雞扒烏冬番茄烏冬好香濃，仲有幾舊鮮番茄、青豆、勁多熟蒜，呢度既烏外都好滑口，都彈牙。雞扒份量都好多，食落去都係嬾滑。炸番薯丸呢個我好鍾意食，外脆內軟，我仲叫佢俾少少沙律醬我

剛好在附近，見晚餐時間人比較多，有見優質旅遊服務這個標誌便進來吃晚飯。我見晚飯餐牌選擇甚多，便選擇了他的蕃茄素菜手打烏冬和晚飯special 枝豆。等了十多分鐘，晚飯終於來了。晚飯special 枝豆沒有太大味道,但吃下去暖暖的。再試試蕃茄素菜手打烏冬，覺得烏冬沒有太大彈性，湯底應該只是拿普通罐頭蕃茄湯湊合。素菜Toppings 非常一般，只是有幾塊生菜和一些金菇，一點味道也沒有。我看到我朋友的糙米豬扒飯也不太好，它的糙米比較硬，應該沒有把它用水浸過便煮食。我想如無必要我不會回來吃晚飯的。

我個仔由細到大，都好喜歡食烏冬，我哋每個星期日都會在家煮做午餐，食完之後便出去做運動、行街同購物，然後再食完飯便回家，今天就不用煮了，因為有個家長約了我哋一起去到沙田第一城附近商場，去食（甘味讚岐手打烏冬） 這個餐廳地方都好大寬闊，座位都坐得好舒服，食完後我們已約定下次就一起過來這裏食，十分方便。個仔最鍾意吃蕃茄湯烏冬，我就叫咗煎雞扒烏冬，原來仲有咁多不同款式的美食，咁就不用自己煮了，過嚟食都好方便。

店內環境舒適，靠牆都是卡位凳，出面商場還有一個角落都是這烏冬店的範圍。阿女最鍾意吃蕃茄湯烏冬，今次佢揀咗熱賣的麵豉燒雞扒蕃茄湯讚岐手打烏冬，大大碗蕃茄濃湯烏冬，讚岐烏冬確實好滑，大大塊雞扒煎得十分香口。老公鍾意食魚，揀咗個比目魚蕃茄湯讚岐手打烏冬，比目魚啱啱好煎熟，又香又滑。我自己鍾意食醋飯，揀咗個角切魚生飯，配有沙律粟米及海帶麵豉湯(較淡)。飯好大碗，魚生份量好足夠，似乎還要比飯多，有三種魚生及蟹籽，新鮮，還有蛋粒、青瓜粒，上面灑了紫菜碎，賣相都非常吸引。小食前菜也有多款選擇。搵次要嚟試下佢嘅鰹魚湯烏冬，最近好像新增了兒童餐，個餐具趣緻可愛，吸引小朋友。餐廳還有二十穀米飯，唔食烏冬也可以吃釜飯。結賬連加一平均每人70蚊，經濟實惠。

放工實在太累了，所以去屋企附近吃一餐簡單的晚餐。一直未試過這間烏冬店，既然不用等位便決定試試看。看到餐單有點殘舊，照片不知怎的看似不大吸引，所以頓時沒有抱太大期望。不過竟然又有點驚喜！去到烏冬店當然也是點烏冬啦，果然非常滑溜。其中一個點了蕃茄燒雞扒，燒雞扒能做到皮脆肉嫩。不過蕃茄湯底就普普通通，尤其放涼以後。另外點了一個鍋燒豬手烏冬更是大愛！上菜時湯底非常熱辣辣，豬骨味濃，豬手也夠淋！另外也點了枝豆，本身我對這樣食物沒太大好感，但老公一向愛吃。上枱時也夠熱，灑上少量鹽，味道也ok，而且份量也算多。雖然見到這店評價好壞參半，但我覺得烏冬起碼有一定水準，所以我也會給笑笑臉～

第一城入面有好幾間日本餐廳，今晚同朋友幫襯甘味。可能係平日夜晚嘅關係，比人數唔多，所以唔使等位就已經可以入座喇！😉落單嘅方法，係要係紙上寫低食物嘅編號或者號碼，再交俾餐廳嘅侍應就ok 喇！等大概10分鐘之後食乜就陸續送到嚟。首先嚟嘅係三文魚壽司同埋芝麻他他醬三文魚手卷三文魚壽司中規中矩，而手卷嘅味道同口感都豐富啲比較吸引。然後就係蕃茄湯雞扒烏冬。首先有蕃茄湯底酸酸甜甜，大大增加食慾；餐廳採用嘅讚岐烏冬爽口彈牙，雞扒大塊得來亦都煎得剛剛好！另外我哋點左三文魚海鮮炒飯，炒飯嘅醬汁豐富，一粒粒嘅三文魚增加炒飯嘅口感，所以好快就食晒成碟炒飯喇！兩人總共都係食咗＄260左右，價錢唔算太貴，個人最推介湯烏冬。

好耐冇食甘味，今天路過，實要來幫襯一下，以前食開葵芳的甘味，近年少左食。再食晒，都保持到水准。最鐘意系贊歧手打烏冬既質地，烏冬本身比一般烏冬要粗，每一條都好Q，好飽滿。配上蟹籽蟹柳咁樣的親子組合，淨系賣相就吸引到人，佢個名仲好有霸氣咁，巨型蟹柳，食得好滿足。另外食左豬軟骨撈烏冬，我就比較喜歡湯烏冬，不過出名系贊歧手打烏冬嘛，只是鳥冬已經夠晒吸引。豬軟骨都十分入味，不失為一個好選擇。八爪魚餅，小食之一，不過不失。平時食開紫薯餅，因為前一排感冒睇醫生，醫生要我戒熱氣，現在仲守緊行為，所以今天冇食紫薯餅。至於你會問，咁你又食八爪魚餅，蟹柳....嗯，這些應該不需要戒口吧...哈哈

野菜番茄🍅湯讚岐手打烏冬 Hkd 52 (+10%)@Rating🌕🌑🌑🌑🌑@ 行左勁耐最後都係食呢間🤦🏻‍♀️🤦🏻‍♀️但午市套餐冇咩岩食就叫左Menu既番茄🍅湯烏冬🍜🤔🤔 唔好睇佢個湯好深色又好稠 好似好濃郁咁🤤？其實冇🤦🏻‍♀️ 一食就知係假到爆既番茄🍅湯 唔好諗住擺2舊番茄就Fake到我😂😂 野菜方面有菇有椰菜有青椒同蘿蔔絲🥕🍄 麻麻地啦😪😪 烏冬有啲轉過左太淋唔煙un🤦🏻‍♀️ 唔太中意呢隻烏冬既質感🤦🏻‍♀️50幾蚊食呢個一定會有更好既選擇lol

年頭先做咗會員, 估唔到隔咗一排冇嚟食, 竟然變哂樣, menu轉哂, 全部變咗定食, 款式少咗好多, 連老公愛的鱆紅魚刺身都冇咗, 真係好失望..............呢間明明叫讚岐手打烏冬, 咁係咪應該主打呢? 佢而家d烏冬要加錢先轉, 全部定哂係食飯, 冇哂意思囉~ 油甘魚刺身冇咗鱆紅魚, 唯有搵個油甘魚頂住先, 但唔得囉~ 只有4塊, 又唔厚切, 而且唔夠凍, 肉質又太林~  麵醬燒雞扒烏冬唔知佢個麵醬去咗邊? 似係炸完塊雞扒, 加d照燒汁响面, 個汁甜甜地幾好食, 但塊雞扒好乾, 兩邊硬柴柴, 仲要加$2去轉個木魚烏冬, 老公天真到以為係有果d飛飛下的木魚, 我話拎舊木魚煲個湯底咋~ 佢覺得比人搵笨咗~  什錦天婦羅烏冬又係轉木魚烏冬, 因而轉茄湯要加$4, 而且佢個茄湯都唔好味, 太勁茄膏味~ 天婦羅又唔比蘿蔔茸, 唔通跟烏冬就唔比? 都廢事問佢, 免得自己勞氣~ 天婦羅有2只幾爽口的蝦, 1塊唔甜的南瓜, 1塊冇乜蕃薯味的蕃薯, 雖然炸得幾脆, 但都幾油, 張吸油紙係吸滿油的~ 墨魚咀都係求其叫個小食, 响冇選擇之中選出嚟的~ 一兜都有大約30粒, 算係多, 開頭食都O

食咁多次, 次次都坐入面, 今晚竟然人多到要坐出面? 其實入面仲有一張4人枱, 但個經理見出面啱啱開, 同埋拆咗兩張做2人枱, 所以要我地坐出面, 不過其實坐邊都冇所謂~ 豬軟骨烏冬其實好多時諗唔到食乜, 都會叫豬軟骨, 因為佢啲豬軟骨都蚊得好林, 雖然係有色無味, 只係有少少滷水味, 個湯底都係豉油湯, 唔好要求咁高就唔錯~ 照燒雞扒烏冬今次塊雞扒炸得太乾, 雖然個皮好脆, 但邊邊啲肉就乾哂, 要浸返湯先食到, 同樣都係豉油湯~ 鱆紅魚刺身例牌叫, 因為唔係度度都有鱆紅魚刺身, 而且次次食都好新鮮~ 椒鹽魷魚鬚雖然炸得油咗少少, 同埋個面唔夠脆, 不過啲魷魚鬚都好彈牙~