甘饕 (已結業)

平時去開隔離敏華食叉燒飯，多次路過甘饕都冇意欲行入去用餐，見今日蘋果日報介紹，心思思去試吓燒鵝飯，下午茶時段，一個燒鵝飯茶餐都成$50比其哥貴$10。入到去只係得3枱客，侍應姐姐話隨便坐，坐低後又叫你起身坐過隔離枱同人搭枱，已經有啲冇隱，咁你起初就唔好叫人隨便坐啦！梗係叫返個燒鵝飯食，碗飯嚟到好靚，點知睇真啲5嚿燒鵝有3嚿得層皮同肥膏，真係有啲搵笨。由滿懷期待去試，直至見到碗野真係好冇隠，話之你好唔好味，都唔想再去，冇下次！

避免排長龍的等候， 上午11時45分到達這鬧市中的食店。 早到真的有著數， 不用排隊！ （ 一到中午十二時， 已經坐滿八乘客人）點菜叫了燒鵝飯加奶茶， 以及一碟五香牛展。 這碟燒鵝飯 用了鵝背的位置， 肉質很滑， 燒鵝皮和鵝肉之間暗藏香濃鵝汁， 勁好味！ 如果白飯上面鵝汁可以再多些就更好啦。 杯奶茶都還可以。 五香牛展十分入味， 根的位置大有少少爽口， 食落有些少咬口。同個職員傾兩句， 仲醒咗一條鮮鵝肝潤腸給我試一試， 勁！（可能我自己偏愛鍾意食潤腸）。結帳時一百五十元有找， 銅鑼灣區，價錢絕對合理。 會再返嚟試其他嘢！

甘饕😋我的至愛香港銅鑼灣購物區中嘅美食天堂燒鵝至尊, 燒味經驗豐富💁🏻‍♂️(鏞記酒家承傳後人）新開張環境優雅, 舒適享受, 並非一般燒臘舖坐得咁擠迫, 同事食飯, 同家人食飯都可以放心. 燒鵝皮脆, 鵝肉香噴噴肉汁鮮美💞另一至愛🐷乳豬: 皮非常香脆, 中間冇肥膏, 因為師傅專門手勢精心處理, 外邊一般餐廳唔會咁做👍🏼燒排骨👍🏼用秘製醬料, 幾次都另叫外買返屋企做餸😁.叉燒: 所有小朋友嘅至愛, 叉燒蛋飯. 銀彈足夠可以叫大少叉燒飯, 特別嘅部位做叉燒, 好矜貴, 賣晒就冇. 🤴🏻豉油雞： 真係出街食嘢都真材實料, 攪到我食多幾碗飯☺️其他小吃我愛拍青瓜, 海蜇, 子薑皮蛋, 滷水豆腐（我男友話真好味, 皮豆腐香, 內裏好滑溜）如果時間許可, 下午茶時光🕝有意外驚喜, 附近返工嘅朋友仔快啲去👩🏻‍💼👨🏻‍💼.

Heard some hype about this place but since I haven’t had any good experience with roast goose restaurant I wasn’t bothered. However I found myself tempted after walking by and seeing it was usually full so can’t be that bad. Anyways took the plunge and went with a couple of friends and tried this place for lunch. we ordered the roast goose with rice and another with char Siu. Quite surprised to see 3 types of char Siu. The roast goose was nice and juicy but I particularly liked the char Siu whi

搭小巴的時候，見到有新店開張，初初不為意，但是見到越來越多人，心思思想試一次。我們早上11.45到達但是坐底不久就已經坐滿人。地方簡潔舒適，就算坐滿人都不覺得擠迫。燒鵝髀飯皮香脆又多肉，連的鵝汁都好好味，撈飯一流。本來咁早不想吃太多飯但是不經不覺已經食晒！😆蜜汁叉燒 燒鵝飯這個有驚喜，叉燒肉質嫩滑，多汁，平時食叉燒又硬又乾，這個不錯。個餐包例湯，今天是蓮藕豬展湯。足材料，味道不過不失。隔離枱點了一些小食，賣相吸引，味道唔錯值得一試。好滿足的一餐

在繁忙時間 等位食位 比人打佔！ 5月3日。我在門口等待入座！期間 已有一張大台既 客人 埋左單離開！但未 安排我入座 可能安排比我後面多人用啦 ！ 在間中一4人檯 中有個人 埋單 離開 自然會到我！ 但剛好客人離開後 有一個話檯一齊既 但 另三人已食到一半！有空位又可安排 比我 咁姐係點？

臨上小巴番屋企見到對面有「甘」字派燒鵝，想同甘牌比較一下，最後買左：燒鵝下莊（$198)，叉燒（$78)，鵝肝（$60)。燒鵝皮唔脆，冇鵝味，肉削！合埋眼食以為食緊瘦鴨。叉燒應該用左大量鬆肉粉，完全冇肉味，淨係得甜味！肉質其差！鵝肝直頭食左一舊就放低左。如果甘牌燒鵝係10分，哩間甘饕就係0分！整體水準比茶餐廳攞貨更差！沒法同甘牌燒鵝或一樂燒鵝比較！大家樂既燒鴨都好食過佢！各位千祈唔好比個「甘」字呃左！P.S. 漏左講斬燒鵝同叉燒既師傅，癡刀癡到癡孖筋！舊舊肉都癡！

最初只是因為媒體介紹去試吓的!當然要試名氣燒鵝啦！最愛鵝髀的我見鵝髀飯只是$103，還跟住家味例湯，燒鵝皮脆冇肥膏，肉香，有鵝味，是我最愛的口味😍😋👍🏻，非常好味抵食!幾個朋友都讚好!之後好似中咗鵝毒般😅，隔幾天經過就食!叉燒試了蜜汁，和大少，又有香味啦！兩者都不錯喔！只可惜大少叉燒是經常售罄的!食了好幾次鵝髀飯變了$128，只因為很多人外賣鵝髀走飯!要加價平衡，都覺合理的，真心覺得有質素的鵝髀飯在銅鑼灣區絕對唔貴!店員有禮舒服，繼續支持!

放假去試試在銅鑼灣新店開幕的食店甘饕食下午茶，這店舖是中環鏞記後人大仔開的，之前是在水星街甘飯館開的，但已結業，現在銅鑼灣重開例湯，燒鵝和大少叉燒一定要試，本人推介必食，因為我也試過其他同類同字頭的燒味店，嘗試過後個人認為燒鵝和叉燒是更勝一籌的，例湯也不錯沒有味精夠老火好味，但價錢要$20碗，其他美食也有很多，例如有鹵水豬耳豬腳仔等等⋯⋯但因為餐牌種類繁多，真的要去幫襯多幾次才能試得曬，暫時試咗燒鵝和大少叉燒，下次會再去試其他，店員話乳豬同燒排骨也是推介的，下次再試

滿懷希望去食甘字派燒味飯，结果是連大快活都不如的水準，味道差，份量少，73元一碟四宝飯連一件像樣的雞件，燒腩仔，义燒也没有，還有超薄紅腸,總括所有都是迷你版。全無味道，白飯奇少，連细食的我都吃不飽，真是失敗中之失败。侧聞要燒鵝肶要128元，一隻鵝要600元，那麽贵又不好味的燒味飯真少見，睇怕很快換畫。

第一次寫報告，因為吾想各位跌錢。前幾日八點左右去試下新野。一坐低， 話為環保， 冇水冇茶供應。 咁好啦 叫檸茶， 對吾住 冇檸檬。 好 叫野食， 試下d出名野， 肥燶义焼，對吾住賣曬。好叫普通义燒 + 燒鵝下庄 + 油菜。再叫碗淨瀨， 對吾住冇瀨粉。OK叫碟太子撈面，諗住穩陣喇，以前係中環食太子撈面真心好食，面爽又有鵝油香。d野好快嚟曬，但係燒鵝下庄變下欄，皮吾脆，冇乜邊舊有肉，就算有，d肉又有渣。我老細直頭吞吾落，𦧲返出嚟。我話食义燒喇，係就係好淋，但係就一大陣鬆肉粉味。我唯有低頭食我個太子撈面，點知一大陣梘水味，搵個湯𠺘下口。中招，無添加全味精。全晚再正常係碟白灼油菜全走，好彩全走，如果吾係又吾知整d乜嘢化學醬料落嚟。有冇攪錯，咁嘅價錢，叫乜冇乜，仲要彼d💩d客食。 唉 好心d嘢未得就吾好開啦，整臭曬甘老先生辛辛苦苦經營返嚟嘅名喇

正如標題，這間甘饕正是甘飯館的 2.0 版本。相信喜歡食燒鵝的朋友，對「鏞記」絕對不會陌生。而「甘牌燒鵝」與這家甘饕 (甘飯館2.0) 都是源出中環鏞記，分別由第三代傳人甘崇轅及甘崇軒主理。跟甘飯館有點不同，甘饕是燒味專門店。店內光線明亮，地方整潔，有座位約三十個。雖然飯店外觀看來像茶餐廳，但感覺上侍應的招呼都比一般茶記親切有禮。餐廳有一個後門通往洗手間，但不要被後門這個詞語嚇怕，它與一般的後門有所不同，其實在門後盡是一片綠草如茵 (當然不會是真草啦)，這顯然是老闆在店舖裝修上所花的心思。食物方面，當晚我與老公點了乳豬燒鵝瀨粉、义燒燒鵝飯及前菜和例湯。這家燒鵝上碟時會在燒鵝上淋醬汁 (個人覺得味道像稀釋了的麻醬)，對於希望吃到較香脆燒鵝皮的朋友可要求分汁用蘸醬汁的方式食這個燒鵝既可食到甘饕的特色又可咬到香脆的鵝皮！真心覺得自己是天才另外值得推介的就是乳豬，精髓是乳豬皮 - 豬油、肉汁再加上質感像薯片般鬆脆，真的不得了不會死硬死乾。至於那個前菜青瓜亦非常出色，青瓜爽脆入味，感覺不錯，你看我吃了大半才記得拍照就知道！