甜甜味 (已搬遷) 新店位置

好耐之前想幫襯，行幾次都無開門，早個多月都摸咗次門釘，原本無再諗住食到，點知公司姐姐去開買嘢見佢有開，即刻打電話問我哋食乜 😜😜買完要行約 10 分鐘返公司，個雞蛋仔仲脆，有啲紅莓無咁漏，藍莓梳乎里好彈，蜜糖多士仲脆口，同埋好香。個梳乎里同多士跟一大 pat cream, 好味就好味，但好邪惡，所以都係點到即止 🤣🤣

好少行過黎土瓜灣街尾依邊搵食，睇過幾次網上報導話老闆本來係酒店餅師，再出黎開鋪，佢同其他人唔通係佢唔係出黎賣貴價靚切餅，而係平民雞蛋仔order 左個肉鬆雞蛋仔，皆因隻味比較特別唔係成日有，而價錢都只係十幾蚊唔貴。無其他食評講咁耐，大概等左十多分鐘，終於到手啦仲有靚靚包裝袋，平時d 鋪頭都係啡色纸袋就算嘛，用心老闆，加油！

雞蛋仔好味到冇朋友！雖然要排隊、但值得;暫時呢區無人能及(個人意見)地方雖細;老闆用料絕無馬乎！價錢公道、希望快D暫揾住腳有一班街坊搬去附近較大地方可以一邊食、一面打卡分享比為食鬼嘅大家！

舖頭位置唔算就腳，地鐵站要行15分鐘先到🦉不過絕對值得一行叫左黃糖雞蛋仔($10)同埋水蜜桃窩夫($25)黃糖雞蛋仔10蚊一底大大份唔會好甜仲每一粒都脆卜卜👀水蜜桃窩夫用新鮮水果唔會有好假嘅甜味而且窩夫焢焙味十足💃🏾前酒店師傅做過Marriott幾年，有技術有禮貌又有心😍一間90平方尺嘅小店唔算有咩裝修，門口得兩張膠櫈俾你坐低等，但食嘅就係嗰份心機嗰份心意，香港嘅小店最值得欣賞嘅就係呢份情懷等候當日唔算多人，5分鐘就有貨，實在快靚正!一定會再黎

雖然冇人在意，但都係趁得閒同有記憶喺度，拿拿臨找數講返第二及第三次幫襯甜甜味嘅食評先~第一次幫襯OREO雞蛋仔，感覺甜度調味OK，但質感遠遠不如已結業的小食部，不過都決定畀機會佢，第二次幫襯嘅係蜜桃窩夫。或者即叫即整係老闆的堅持，但我想講真係幾慢吓，我幫襯前根本冇人排隊，但都等咗約10-15分鐘先有成品。味道方面，個窩夫確係做得唔錯的，熱騰騰又軟身，黃糖調味剛剛好，賣相不俗，個盒、餐具亦幾精美，同舖頭出面較烏煙瘴氣嘅環境可謂完全格格不入。第三次幫襯嘅係兩款梳乎里──紫薯醬士多啤梨梳乎里、花生醬梳乎里。今次係星期六嘅傍晚時份，由於前面有人排隊，而老闆亦係即叫即整，所以都等咗七、八個字，少啲耐性都唔得……先評價梳乎里整體質感，老闆呢款梳乎里嘅質感比較實，同而家比較興嗰種空氣質感完全兩碼子事，我個人就麻麻地，覺得鬆軟一啲會較吸引。加入紫薯醬同士多啤梨嘅梳乎里味道當然較佳，不過士多啤梨唔太甜、少酸，同紫薯醬嘅味道亦未算搭配得到。至於較寡嘅純花生醬梳乎里，花生醬算香，不過由於質感始終實，食完唔會有幾好味、值得再購買嘅感覺。個人認為，要為甜甜味嘅甜品排名的話，我會覺得窩夫>>雞蛋仔

需然話有營業時間同聯絡電話，但電話打極都無人接，下午 2時多去到又無開門，試過 2 次都買唔成，可能真係無緣啦！老細其實有良心嘅，上次去到有開門，但就話隔離搭咗棚好多小強唔敢整嘢食，但今日專程再去無開門就好失望!

近日見有報道，土瓜灣開咗間由前酒店大廚開嘅小食店，仲要賣我好鍾意嘅梳乎理班㦸🥞，去開嗰頭，梗係跑去試啦。舖仔細細，老闆一腳踢，由於冇明確排隊指示，想食嘅人都會直接同老闆order,老闆每次都好有禮貌🙏，話俾人知，喺邊度排緊隊，我等咗大約半個鐘，老闆俾人問咗10幾廿次，但都keep住有禮貌，有笑容👍🏻不過排隊位置喺馬路邊，附近有好多食肆，泊車攞車次數都幾頻密，有少少危險，另外樓上喺舊式住宅🏨，夏天要開冷氣，可能要擔☔排隊等咗半個鐘左右，到我喇🙋‍♀️我叫咗糖漿梳乎厘($29)，原味雞蛋仔($10)，冇睇錯🙈今時今日有$10雞蛋仔，真係好難搵到，咁啱經過前一條街，$19😲(土瓜灣都依個價😰)好喇吹咗咁耐，講食物喇，先講個雞蛋仔，食一底，我就會好飽，因為似蛋糕仔🍰多過似雞蛋仔，雞蛋仔應該外脆內軟，但依個雞蛋仔裏面接近冇空位，咁好難做到外脆內軟🤔但個味係Ok,質感有代改進到我最期待嘅班戟喇，梳乎厘班㦸，就好似梳乎厘咁，空氣感好重要🌬但依個梳乎厘班㦸，都係似蛋糕🎂多過似梳乎厘班㦸，好實在感🈵️，而且食唔出有蛋味🥚🚫，唔知係蛋問題，定個糖漿太搶，都幾失望😔總捨而言，食物質素，質感都唔係好達水平，但睇到

老闆態度有禮，等左接近3個鍾，雖然味道唔係十分出眾，但勝在老闆既熱誠，等左咁耐都冇見老闆停低休息，而且價格合理，蜜糖吐司$19，我認為蜜糖吐司係最好食。會再光顧

在土瓜灣少有的甜品鋪，鋪頭雖小，但看得出老闆有心思的佈置，用心經營。今次點了梳乎厘（煉奶味），他是即叫即整的，等候時間約10分鐘，非常合理。新鮮熱辣辣的梳乎厘，打開盒子已經傳來香噴噴的蛋香，內裹仍然保持濕潤，口感一流，味道很好

自從「維他奶」附近的小食部結業之後，家妹經常希望在土瓜灣尋找到價錢便宜又好吃的雞蛋仔。可惜本人試過兩三間無論平的貴的，質素都差強人意。直至今日放假，忽然想起之前見到有媒體報導過土瓜灣美景街開了一間水準不俗的小小甜品店，一落樓下行一兩分鐘就到了，就去一探究竟。由於快到晚飯時間，所以決定只先試試雞蛋仔。店面真的很細，只做外賣，得老闆一個人一腳踢。雞蛋仔有幾種口味，記得有黃糖，提子乾，肉鬆和Oreo。老闆很友善又好有笑容，我問他推介邊一款雞蛋仔，他都好老實咁話睇客人口味，不過對他來講原味就最食得出雞蛋仔味道，並無刻意介紹一些價格高少少的款式。至於黃糖同一般的原味有何不同，他解釋外面用的是白砂糖，用黃糖的雞蛋仔色澤會較深，不過香味亦較佳。我買了原味黃糖雞蛋仔，等了一陣就整好了。從老闆準備的過程所見，我估他整雞蛋仔未必去到好熟練，而整出來的雞蛋仔有幾粒黐了底要係餅模挖返出來湊合返，賣相上扣了點分數。不過賣相同味道就唔係必然掛勾的，第一啖食落去驚喜地發現超有蛋香好好味！個人認為比個d有名氣的雞蛋仔舖更好，何況價錢親民，一底只需$10，呢個價錢而家想係出面買到雞蛋仔都唔易，何況咁好質素呢！食左幾舊都

走到入橫街，有間細細又唔起眼，而且只做外賣嘅甜品店。入面只有黃糖雞蛋仔、水蜜桃窩挑、梳乎厘班戟 同 蜜糖吐司配豆腐花 4款甜品。甜品選用來貨較高，但較健康嘅黃糖代替白砂糖。坦白講，質素未必係最好，但老闆一腳踏，仍然笑住做甜品，已經相當難得。

很久沒経過美景街，今晚落車在附近，就入去行一轉；見到有間新開細細的甜品小店，很多人排隊，好奇走近見價錢不貴，就試試他的甜品。店子細細，牆上還有太子爺的藝術作品 😆。點了一個梳乎厘 pancake 及一底 Oreo 雞蛋仔; 見老闆即時製作，慢工出細貨。期間越來越多人，一邊等一邊看着老闆工作，似乎很多人都食髓知其味因為只有外賣關係，等了20分鐘左右才完成，匆匆回到家裏都差不多十五分鐘時間，梳乎厘班戟仍然軟滑溫暖，沒有變黏，甜味剛好，非常好味道；Oreo 雞蛋仔裏面飽滿，Oreo 溶在當中味道突出，想不到一間小小店舖可以製作出這麼高質素的甜品，今晚見很多客人點了黃糖雞蛋仔，下次一定要嘗試

喜歡吃雞蛋仔。昔日，當不遠處的「小食部」仍在營業時，不時也會光顧它的原味雞蛋仔過過口癮，更認為它幾近是全港最美味的雞蛋仔，一吃便超過十年。很可惜，年前因業主加租，小舖不得不結束營業，令筆者恍然若失。沒有了小食部，一直希望附近會出現一間水準相若或最少有8成功力雞蛋仔的小食店。近日在網上論壇，見有人力讚「甜甜味」的甜品，吸引筆者搜索更多資料，發現它的OREO雞蛋仔好像還不錯，便特地走去朝聖，因此還摸過兩次門釘。昨日，終見店舖開閘營業，便立即叫了一份，可惜經真正嚐試後，發現與期望有點落差，可能是筆者抱太大期望的關係吧。先談咬感方面，小食部的雞蛋仔是外脆內軟的，惟甜甜味的雞蛋仔比較「淋」，只有小部分較為脆身，吃下去有點像傳統的中式糕點鬆糕，加上每一粒雞蛋仔的體積較小，咬感一般。而所謂OREO餅碎不過爾爾，不單沒甚麼味道，也沒有為雞蛋仔提升甚麼咬感。味道方面，甜味調得還不錯，估計應該加入了黃糖漿。至於令筆者最為在意的，是食品製作時的衛生程度，筆者並不要求做到高度衛生，但最起碼是否應營業前放好相關「架生」？下單後，見店主在砧板將OREO切成細粒，之後捽著手指，將剩餘的碎粉放在雞蛋仔上，其實已有點在