甜館

營業中

休息中

入到馬鞍山，食完飯想揾下馬鞍山附近有什麼甜品。搵咗呢間甜品， D位為之間好逼夾， 職員態度非常之差， 冇禮貌， 叫咗啲甜品，但係好耐都未嚟。 甜品又甜又難食， 真係冇下次！

原味朱古力醬窩夫🧇🧇配綠茶雪糕🍧🍧，窩夫超香蛋味，勁脆，食落係好香，再配埋個綠茶雪糕，超夾，另外仲有啲紅豆蓉，都係好好食，每次嚟到必嗌雷沙芝麻湯圓，湯圓好好味，上面撒左啲黃豆粉，唔太甜，正

馬鞍山之黃店甜品🍮✨脆皮雪糕四兄弟 $37✨日式紅豆小丸子伴雪糕 $34都有段時間無食過就禁淋上去既脆皮雪糕，呢杯雪糕滿足你4個願望，有齊哂4款唔同味道既雪糕🍦味道正正常常，脆皮令成禁雪糕多左口感～至於個小丸子伴雪糕小編覺得無咩特別😹入面既小丸子🍡可以彈牙d會更好！好味指數：7.3/10——————————————————————🏠 甜館📍 馬鞍山鞍祿街18號MOSTown Street新港城中心大街(1期)地下25號舖

馬鞍山區入夜後，想揾野食都幾難，除左糖水舖！新港城三期有二間甜品舖，二間都勁多人，今日就試這間先，等左/0分鐘终於有位了……坐位好迫，唔舒服，叫左心太軟連雪榚，但個賣相🙄差太遠吧！味道不過不失，但無想再幫襯既念頭囉

👣甜館馬鞍山新港城中心大街(1期)地下25號舖要係馬鞍山找美食真係好困難，反而甜品店就有好幾間，成日經過甜館都好想試下佢既甜品，特別係以下呢款：🔸魔鬼三重奏🔸$43朱古力心太軟 - 朱古力醬濃味，一切開堅係爆醬，味道唔錯，唯未有心太軟個種外脆內軟既感覺朱古力雪糕 - 普普通通，嘗試加上係心太軟上食，希望做多幾層次，熱得黎又冰凍既感覺朱古力奶凍 - 味道太淡，如果食上以上兩款再食會更無味，其實轉做咖啡奶凍可能仲好，三款朱古力加埋太撞味同搶味呢個甜品原本個設計係幾吸引，但味道上差咁dd，哂左......甜品好味道：5/10環境舒服度：5/10整體分數：5/10

天氣啱啱轉涼，個晚餐又食得唔係幾夠飽，所以忍唔住要去食碗糖水醫下肚。行去新港城三期嗰邊，其實係有好多細細間嘅食肆，今次經過呢間叫甜館，晚上九點多到不用等位，就入去試吓啦。見到餐牌有一個叫天山說蓮子海底椰汁露，好似好吸引，加上見到旁邊嘅食客都叫咗一碗，漂嚟好香嘅椰汁味，所以我有食一碗先。服務員另外一碗騰騰嘅甜品，好香椰汁味，而且唔會太甜，好好味。入邊仲有好多天生雪蓮，佢嘅質地有啲似雪耳，另外亦有一啲細細粒嘅海底野，口感有啲似蒟蒻。朋友食嘅極龍芝麻糊，我就覺得一般，可能因為太甜，食到個喉嚨都有啲唔舒服。

食完飯梗係要去食埋甜品先叫圓滿。呢間舖因爲好細間，所以長期都要等位。好好彩唔洗等太耐就入得。夏天口乾想食d冰涼既野，於是叫左個牛奶綿綿冰，店員話今日有隱藏menu蜜瓜綿綿冰，綿綿冰都係牛奶只係士多啤梨會轉做蜜瓜，既然係咁就一於試下點知一黎到，嗯？綠色既？食落係蜜瓜味...好似同店員講既唔一樣wo...因為如果綿綿冰都係蜜瓜味我就未必會轉order。點都好啦，又唔係食唔落都唔打算叫舖頭換，但店員講錯信息都無黎交代聲就...😅轉左第2隻味事少，上枱時冰已經溶成咁事大，對比frd既抹茶冰：猶豫緊到底係咪食緊同一種冰😅😅😅溶溶地質感已經唔太好，成碗冰好彩有其他配料支撐下先未至於太失望，但問心果句係有後悔到轉蜜瓜味。不過又咁講，唔可以一竹篙打一船人，frd叫既抹茶綿綿冰同荔芋西米露我都有試，前者抹茶味夠濃、後者芋頭料好足。

甜品味道還可以，但收銀的老頭真影响人心情，服務太度太差。 本來店面就小，這樣的店一般都带有本土的人情味，吃的都是鄰居常客。一張臭面，望這店早關本大吉。光顧一也嫌多。

區內甜品店其實都唔少 近既有甜匠 遠既有甜意 許留山 係雲雲既甜品店當中 呢間算係唔錯！雖然入到去位唔多 而且有點迫 但據知好多人都會專登駕車入黎就係為左食呢間糖水店 講到推介當然係佢既招牌菜心太軟 已經食過五六次 由最初得一款朱古力心太軟 演變到出埋綠茶心太軟同紫薯心太軟 全部食過晒！個人最鐘意係綠茶心太軟 因為本身係綠茶控 綠茶雪糕相當好食 綠茶味香濃 而且唔會有苦澀味！而心太軟當然都係綠茶味啦 外層熱拿拿 用匙切開心太軟 綠茶醬緩緩流出黎 外層心太軟皮軟綿綿熱騰騰好好食 再點一點綠茶醬 簡直完美！

其實馬鞍山糖水舖本身都唔多😕，之前「小紅帽」同「梨巴王子」都執埋😟所以選擇真係所淨無幾，今次係我第一次試「甜館」，味道同賣相嚟講都算係唔錯～😉🔸紫薯心太軟伴雪糕($56)🔸心太軟因為係即時整嘅關係，大約等咗15分鐘左右先到😝賣相都唔錯，一吉落去啲紫薯流心就出嚟啦💜 個心太軟就唔算好熱，嚟到係暖暖哋嘅，外面嗰層唔會太厚同濟，不過個人就覺得整體嚟講紫薯味唔算好濃，有少少紫薯味咁，不過都值得一試！😋🔸蘋果脆批伴雪糕($42)🔸朋友叫咗呢個，試咗1,2啖😝 如果蘋果肉多啲就好了，呢個食完應該會有啲飽。餅底加雪糕幾好味！🔸法式燉蛋($33)🔸都係朋友叫嘅，焦糖面脆卜卜，味道同平時嘅燉蛋差唔多，不過不失。🙂

夜晚晚想傾下計，又想食下嘢，於是我哋兩個嚟到甜館。因為我哋想坐靠牆位置，所以都等咗一陣呢~今晚我哋叫咗窩夫同芋圓，窩夫脆卜卜，唔錯呀！而芋圓可以再煙韌多少少，咁就會有口感啦。

唔知大家有無食過其他糖水舖既黑珍珠系列..都係滿滿黑珍珠撈汁加配料，呢間成碗勁稀果汁咁..零零舍舍個少少黑珍珠，一大羹有幾多粒係可以好快數到㗎同埋味道都唔好35蚊勁唔抵食.......

十點幾同朋友行完街，想揾地方坐下食啲野，就去左甜館。平日夜晚無咁多人，唔洗等就有位。兩個人share左個朱古力心太軟。因為即叫即焗，所以一坐低就落單，傾住計等左15分鐘左右就有得食😋雪糕揀左曲奇味，一切開個心太軟就超多朱古力漿流出黎。其實已經係甜館食過好幾次，但每次食都係覺得咁好味！

上網睇好多人都話唔會再幫襯同埋服務差，今日咁啱行經店舖，即管入去試下先！店鋪就真係好細，有啲迫……而甜品款式都算多，有刨冰類、有中式甜品、有心太軟、有梳乎厘我哋叫咗一個朱古力心太軟，同一個士多啤梨班戟加雪糕…… 講真甜品唔係特別出色， 一般啦……但服務態度就唔係網上講得咁差囉， 我哋支匙羹唔小心比心太軟整污糟咗，服務員見到即刻……係即刻好主動畀過支新匙羹畀我哋，服務都算加分嘅……所以如果下次再經過我都會再幫襯

點解有間糖水舖可以服務態度咁差劣，嬲到我要即刻寫食評話說我諗住外賣買啲糖水返屋企食， 咁我就同個阿叔（老闆？）講話要一個$48既「鮮雜果配楊枝甘露」點知最後黎嘅竟然剩係得楊枝甘露，楊枝甘露上面冇雜果 又冇一個兜仔載住啲雜果......之後我就問返個阿叔 點解冇雜果，佢竟然話我冇講到話要雜果 仲叫我下次講清楚啲啦！明明就係佢自己落錯單.....跟住我話加返錢要雜果佢又話唔可以再加仲要黑晒面咁 跟住之後有個女人行出嚟 好樂咁趕我走叫我唔好阻住佢做生意！真係未試過買甜品買到咁嬲啲嘢食又貴又唔好食!!!!!!!發誓我唔會再去依間糖水舖食😡😡!!!!!!