甜館

營業中

休息中

星期六重臨此地食糖水 抵讚一下之前黎食過, 態度惡劣, 自此從未光顧過上個星期我朋友黎食, 覺得服務態度好左, 決定再黎幫襯,一黎到, 成間舖滿座, 要等位 之後有個女仔安排我們入座, 呢個女仔比較特別, 只有佢著綠色圍裙, 所以比較印象深刻,而且相比其他店員態度好得多, 態度親切, 笑容又好, 唔似其他店員一點笑容都無,因我地三個人, 要同其他人搭枱, 我地都未出聲, 佢就第一時間解釋因為今日星期六多人, 所以要就一就搭枱等等...其實都知間舖唔大, 等位搭枱唔會介意, 不過態度好D, 笑容多D , 起碼聽落都舒服D!坐低後又細心地提我們早點落單以免等得耐, 我地就即刻ORDER 左一客心太軟, 法色焦糖燉旦, 同窩夫果然不要等太耐就有得食,其中心太軟極力推介, 熱騰騰的, 一砌開朱古力醬就流出來, 好味 法色焦糖燉旦就比較差, 表面的焦糖很厚, 十分硬, 一點都唔脆窩夫就軟硬適中, 份量足夠總結, 如果多d 店員態度好似呢個女仔咁好o既, 應該會有更多人再光臨, 好評如潮 !

甜館已經喺我經常到嘅甜品店, 因為長期佢地都可以保持到一定水準, 今次兩個人食左bailey梳乎厘同脆糖燉蛋首先講下梳乎厘, 外表誘人, 入口軟綿.. 正 (記住剛焗好嘅梳乎厘要即刻食, 唔係會冇晒口感架)跟住就係脆糖燉蛋, 蛋入面加左雲喱拿籽, 好香其實我感覺唔到所謂不禮貌對待喎, 白頭伯伯都幾好人呀, 老人家講多兩句又有咩問題呢...我成日都問自己, 如果自己冇問題, 又點感覺到人地對你唔好呢? 我就真係冇感覺到態度惡劣喇一間小店, 我已經覺得好正~ 香港人, 放鬆d啦

本人未試過食間野嬲到要寫食評 大家去前真係要三思首先我地一行六人到這間糖水鋪~開頭話要等齊人先入得講真依d野都明白~出面好多鋪都係咁做所以冇咩問題跟住食到一半~有多一個fd join入黎(佢d特色甜品先上左陣~大半碟未食)因為我地坐梳化位~所以一邊4個女仔坐所以跟本不佔多一個坐位惡劣既態度開始出現一位男waiter走埋黎講左句: 下次唔可以加人個陣我地冇出聲~心諗你d特色甜品仲有大半未食仲有不佔你多一個坐位係咪而家死板到要有fd想食糖水都唔得 ?之後最離譜既係~有個阿叔(可能係老細)~又行埋講: 我地唔比加人架大佬依下真係火都黎駛唔駛講完一次又一次而家訓導主任教學生嗎 ?我地話哂都係客呀最後我真係唔知間鋪諗乜我明大家出黎做生意既係想用最小時間做多d生意但你又冇諗過"我地加人個下會阻到你幾多時間"? 10mins? 20mins?係咪每一次都會加人 ?咁我想問~如果d客傾計唔走咁點計?你地要死板到爭取一分一秒去趕客走 ? 值得咩 ?不如你貼張店內規則啦1. 不得用餐多個30分鐘2. 不能傾談3. 不能玩電話4. 不能中途加人5. 齊人入場咁你咪做得最多生意lor奉勸大家依間野態度麻麻~去

晚飯後又是甜品時間, 是晚的選擇就是甜館. 這裡長期有不少客人, 這次來到剛好有門口位, 不過就比較擠逼. 當然, 最重要還是跟文迪一同吃點甜, 環境只是其次.魔鬼三重奏 $59: 8分, 先來的是魔鬼三重奏, 包括有心太軟, 朱古力雪糕以及朱古力意式奶凍. 心太軟的朱古力味道是相當濃烈的, 流心度滿意, 質感對辦, 配上的朱古力雪糕, 加入了朱古力碎碎, 但雪糕雪得太冰, 影響了食味. 相比之下, 朱古力意式奶凍是比較輕宜的, 不會太甜, 令到這道甜品是有不同的層次. 檸檬撻伴雪糕 $32: 8分, 至於另外一道甜品就是檸檬撻伴雪糕, 檸檬撻的撻皮焗得幾香脆, 中間的用上檸檬醬, 如文迪所講, 是相當瑩光的, 好醒神, 帶點酸味, 吃一口雲呢拿雪糕就剛好平衡了那份酸味.兩款甜品也是水準之作, 其實店子還有不少甜品的款式, 要一一試勻也實在要多來幾次才行. 服務方面, 店員態度是比早前來的時候有改善, 加上價位還算合理, 怎也是區內吃甜點的好地方.

受苦節前的晚上和CEO安安靜靜二人世界，放工後回到馬鞍山吃過飯，甜癮發作，附近就是‘甜館’，想起上一次惠顧有一段日子，是時候再來一趟甜品。約八點半，坐滿九乘食客，座位二十餘個，要數個座位也真不容易，說實話大部份食客是選擇即叫即焗的甜品，相對等候時間是稍長。招牌心太軟幾乎是每次必選的項目，蘋果金寶撻和檸檬撻中要了賣相靚仔的檸檬撻！魔鬼三重奏 $59魔鬼三重奏包括心太軟、朱古力雪糕及朱古力意式奶凍，75%濃度的心太軟，看看流心度是像樣，朱古力漿流動得較慢，因此朱古力漿是較杰，而心太軟表面亁身，內裡濕潤，朱古力味香濃甜美，招牌當之無愧！朱古力雪糕包含朱古力碎碎，保存雪糕的溫度是過於冰凍，令到雪糕中心結霜，影響口感，不夠滑溜；朱古力意式奶凍甜味較低，是三重奏的平衡點，但略嫌不夠香滑。檸檬撻伴雪糕 $32檸檬撻伴雪糕，可以自選雪糕口味，有雲呢拿，曲奇，綠茶和朱古力。如檸檬撻伴雪糕加意式奶凍就變為天使三重奏，收費$48是比魔鬼三重奏便宜。蛋白表面焗得均勻漂亮，中心的不是檸檬吉士，是瑩光黃的檸檬醬，奪目得來有點奇怪，味道是正常的酸酸甜甜，撻皮牛油味輕，偏實一點點，混合軟滑的蛋白和雲呢拿雪糕口感豐富，

之前朋友帶我去,食 一去到覺得環境吾錯, 好清新既感覺 我的朋友之前已經去過食過好多次 可惜我得好少相 因為個度啲甜品賣相十分吸引其實價錢真系吾算貴, 最平十幾蚊最貴都好似四十, 不過重點系好好味同抵食同埋佢甜品款式都多我之前試過一個雪糕窩夫好好食 下圖有描述下面而個系我朋友叫的 睇落就幾好食啦 而個都好平個度適合同2-4個朋友去食,最好2個去食 因為個度地方吾大 不過環境好好甜品整得吾算耐 我覺得而間店算好好 又吾貴 地方乾淨 甜品賣相好 甜品款式都多 又好好味發掘甜品必去!!!! 馬鞍山寶地

平安夜冇街去，夜晚又有d口痕，經家姐介紹去咗少遠嘅甜館食。先唔好講甜品，離遠已經見到好多人，心諗，唔通好好食？鋪頭有唔少選擇，桂花糕，心太軟伴雪糕，魔鬼三重奏，北海道牛乳燉蛋白，窩夫等等，原本想試個心太軟伴雪糕，但等了超過20分鐘，食風食夠了，冇機會試較出名嘅心太軟，改食北海道牛乳燉蛋白外賣，家姐就要鮮mango 布甸同西米露。最後食咗8個字風先可以返屋企。返屋企後立即開個燉蛋白食，食落ok暖，只係唔夠滑，味道唔夠重，食完之後竟然覺得口渴，相信有好多改善空間。家姐嘅2個甜品就just ok。另外，我見到個flexibility 比較細，心太軟點解一定要伴雪糕，魔鬼三重奏又係雪糕，如果多d選擇會更好。最好當然係希望服務再好d同快d。

呢間甜品店已不是第一次食,老實講除夠花考外冇咩特別!只是附近沒其他甜品店所以才忍到而家!可是經今次後就不再上當了!30號00:0X想堂食要等,改外賣,叫左薑汁燉蛋+日本紅豆小圓子佩綠茶雪榚+雷沙湯圓! $59等左十幾分鐘先有,回家後發覺沒雪榚!? 又漏野?!已發生多次,今次忍不住打電話去問,女店員竟問我係唔係要送返俾我!自己沒CHECK清楚還像我錯! 谷住道氣食野! 1. 燉蛋唔熱唔凍冇薑味唔知係乜!2. 紅豆小圓子紅豆唔多得過甜字+冇雪榚, $25碗紅豆沙好貴WO!3. 雷沙湯圓8粒, 8粒湯圓在底粉料在上,叫我回家玩泥沙自己攪!已後不會再上當,冇甜品食都唔會再來

每日放工都經過呢間甜品鋪,一值都想入去試一下,但見到成日話態度差但日日都咁多人等位,所以人性的好奇心下去試一下我叫左心太軟,我同事叫左雜果窩夫,首先講心太軟,賣相給力,一篤穿佢流出好濃的朱古力漿,一啖暖暖的朱古力混埋冰凍的雲呢拿,正,好好味,有唔捨得食的感覺。而我朋友話佢個窩夫都好好味,生果好甜,賣相都好。最後我想講一下各人的態度問題,我除左掛住食,我都一路留意住傳說中的惡劣態度,講真,我又發覺唔到有什麼特別問題,店員都好有禮貌,同一般餐廳無異,我諗如果真係差得咁緊要幾好食都唔會有咁多人排隊,我見過好多餐廳d人態度差過佢地多多聲啦,不過等我下次再去多次睇下先

由上次幫襯,及後看到咁多關於這間甜品屋的服務劣評,我還是給了它最後一次機會,終於上星期五和太太去食最後(相信呢世都唔會再去)一次,事源我因OT要十時半才回家,就約太太吃甜品,其實馬鞍山真的沒什麼選擇。我先去攞位,當時門外起碼有十多人,約等了40分鐘有位,我們都吃心太軟,這裡做得最好就只有這個,等吃中途,有6個人等位,結果店員要求我們坐後一行,使他們可以把枱合成6人枱我已經很不滿...到我們快吃完甜品之際,店員又走過來問我們還要點食物麼,我說不要了,他就叫了正在等位的客人企在我們旁邊,還對他們說我們快走了,等一會就可以了!!!竟然用其他人給我們壓力,逼使我們快點走,真是不知所謂的舖頭

住左o係馬鞍山9年，竟然到近幾個月先知有呢間甜品店既存在，真慚愧 夜晚8點鐘去到，竟然仲未開門 不過老闆都好有禮貌咁叫我地o係出面等一等，10分鐘後就入得成間店得五、六張檯，坐滿晒都唔夠20人，怪之得佢一定要人齊晒先入得啦 傳說中既態度惡劣老闆娘我又覺得無咩點喎，攞餐牌同落單時都好有禮貌，可能o岩o岩開鋪？叫左一個芒果小丸子拼雜果。芒果汁底唔錯，芒果唔酸，夠冰凍，亦都唔似有加料糖漿D小丸子做得比許留山既好，起碼無黏埋一舊，煙煙靱靱咁口感幾討好雜果就...... 不提也罷，下次淨叫小丸子算了魔鬼三重奏 - 朱古力奶凍＋朱古力雪糕＋心太軟心太軟的確係整得唔錯，怪唔得有咁多人慕名而來 一切開佢，D朱古力漿真係湧晒出來，未食落口個視覺觀感已經驘晒D朱古力味道好濃，唔太甜，個皮薄薄地同埋係脆的，食晒成個都唔太滯朱古力雪糕食唔出係咩牌子，不過都幾好味又有朱古力粒粒o係入面，應該唔係cheap野可能由於食完心太軟，個奶凍變到無晒味道，下次再食呢個要記住食左奶凍先!

老實說，我還是第一次踏足馬鞍山這地方，難得來到，當然要叫「地膽」朋友lamlam介紹好食處。不過朋友lamlam一貫的不。可。靠.... 竟然連新港城中心一期都不知如何前往。最後幾經波折，終於來到甜館了，她說這是她的馬鞍山朋友也公認最好了，好，就即管一試店舖面積不大，大概只能容納十多人，但環境不俗，裝潢頗骨子。MENU有許多特色甜品，不少都看來十分吸引。我點了戀戀寒天伴雪糕（$30）戀戀寒天伴雪糕的材料包括：紅豆、水果、椰汁榚。水果有許多多款，有芒果，奇異果和士多啤梨，份量很少，但勝在水果新鮮！紅豆沒有什麼特別，不過不失，不會太甜。椰汁榚質感較實，椰味都算重紅豆雪糕很有質素，上面竟有粒粒紅豆！而且味道不會太甜漏，恰如其分。獨立來看，甜品材料很有水準，可惜的是紅豆、雜果和椰汁合起來幾種味道互搶，不算十分配合。但在炎炎夏天，尤其踏了幾小時單車後吃這個戀戀寒天，的確叫人透心涼！賣相上也明顯花過心思,還是給它一個笑臉吧P.S. 忘了說，我們當天踏單車過來實在是太渴了，就要求要一杯水。誰知竟只送上一個杯的1/8份量的水是因為想我們點店內的飲品嗎？給我的第一印象真的不太好，感覺不太歡迎我們。希望店

:我從來都末遇過一間咁既服務既餐廳.今次係我第二次光顧,在一次光顧時睇open rice 睇評價,話呢間店服務有問題都唔覺得咁嚴重.今日我徹徹底底感受到我和男友前後腳行,因知道這間店好多人排隊的,,我行先去拎位,去到發現人不是太多,得一台客,那麼我就進去當是我那著一把乾的雨傘,突然間有個女店員,呼渴我 " 把遮擺出面" 一句"麻煩你"都沒有.我來消費的,還要聽妳命令,之後她問"幾位"我說"兩個,我說我他在後面行緊來.""她堅持"唔得wor.人齊先入得".我想問,你裡面得一台客.那麼其他台是否比人坐定比鬼坐呢?說時遲.那時快,我男友已趕上其實當時我真係好火滾不過算,難得和男友吃甜品,之後坐低左睇menu,大家研究一番,講下笑.都唔夠3分鐘不久,那個女店員又出現,破口講"::落左單先傾",我d 火又再湧現.係唔係需要咁逼d客人呢如果你地咁唔想做生意招呼客人不如索性接外賣罷了........何必要咁委屈自己為難客人呢?一個劣評就可以說主觀,但咁多個comment.,都話你地服務有問題,我相信並就不是巧合,唔該你們檢討下啦.....

因入座叫3人，order後多了一個人，職員不停說不可以，老板娘還破口大駡，仲報警，警員來到說我們對餐廳不滿是有權拍照上綱，叫我們可以離開，但老板娘仍駡警員為什麼比我們離開！態度很差

是晚去馬鞍山食完飯之後,突然間好想食甜品, 甜下!!於是就同肥妹仔周圍行下啦,點知去到轉角位見到呢間甜館!!所以就入左去試下喇!!我同肥妹仔叫左個心太軟,雖然無我之前去過九龍城某間甜品店咁好味!!但都OK既, 事關佢真係做唔到入面熱辣辣,好似溶岩流出來既感覺!!之後叫多兩碗糖水就收手喇!!個紅豆沙其實一般,仲差過人地酒樓打邊爐送果D紅豆沙!!至於個西米露, 可能芋頭唔當"做"!!所以有種生生地既感覺,唔太似芋頭, 似咬蕃薯咁...由於小店既關係啦, 可能一次過唔會整太多!!所以D糖水會唔夠火喉!!希望下次再去會有進步啦!!因為俾得呢個價錢, 期望有更好既水準呢!!