甜館

營業中

休息中

飯後想要甜一甜 ， 想吃心太軟，所以選擇了甜館。 店舖較小，所以有時要輪候很久，這次因爲早了想吃甜品，所以不用等位便能入座。 看了看，本來想吃朱古力心太軟的，忽然看到紫薯心太軟，好像很久沒有試過，就點了來吃，甜品配雪糕，選擇了曲奇口味的。同行朋友則選了芒果甜品。 這次的心太軟味道稍稍甜了一點，配雪糕才剛好中和了那種甜。有紫薯的香甜味，偶爾吃一吃也不錯。朋友點的則表現正常。 可惜的是由於店舖較小，所以不好意思久坐，吹水聊天，就要另外尋找地方了。

是晚係屋企食飽飯之後，就同友人黎食..順便傾下計 日式紅豆小丸子配曲奇雪糕...呢到啲小丸子係細版湯丸黎...無咩味..但呢碗既糖水就好甜...好怪..味道一般...

係幾時都係噤多人,同埋大多數時間要等位嘅香港,食飽飯搵間糖水舖輕輕鬆鬆坐低同朋友傾下計並非客易之事。以我所知,馬鞍山至少有5間糖水舖,當然質素有參差,但過左晚飯時間後,間間舖都9成要等位,呢間都唔例外。甜館個位置算最好的一間,座落於新港城住宅區樓下,無論係新港城行街定係附近居民黎食,都唔駛太怕天氣熱而行到身水身汗。食物方面,數年前食過佢地嘅窩夫,絕對係,不過製作需時,為免等太耐,今次無叫黎食。湯丸係朋友(貼心男)食嘅,佢比較喜歡中式甜品,所以係選擇唔多的情況下叫左呢個。貼心男俾湯圓嘅評價係正面的,可惜我見個糖水底有芝麻餡飄浮,應該係有湯圓煮過龍,要扣少少分。另一朋友(奇才男)就食呢個芒果樂園,芒果呢類甜品,落下芒果汁,唔過份甜就無可挑剔了。跟著就係(通識王)食嘅宇治金時。因為天氣較熱,通識王本身想食冰類甜品,可惜呢間無呢類野,所以先叫左呢個。紅豆配綠茶絕對係不敗配搭,個雪糕夠味又夠凍,通識王都消到暑。最後係我叫嘅特盛紅豆小丸子涼粉。未知中文水評係唔係唔好,不論係紅豆分量定係成碗嘅分量,都俾唔到(特盛)嘅感覺。碗野整體係穩陣,係小丸子的彈性未夠好,有進步空間。以甜館嘅性價比及位置,絕對值

食完晚飯都仲係8點幾，就去左食甜品。去到所謂飲食沙漠既馬鞍山，甜品點選擇都唔算好多，見到咁早已經有一堆人喺門口等外賣既甜館，就決定入去食下。今晚有小小涼所以叫左2個熱既甜品，北海道牛乳燉蛋白同南北杏木瓜雪耳。燉蛋白都幾滑身，食得出用左日本既3.6牛奶，甜度同份量都適中，唔錯唔錯。至於木瓜雪耳都好足料，有4,5舊木瓜，滿滿既雪耳同好多南北杏，糖水方面覺得可以減翻少少甜，如果大碗多少少仲好！堂食最好9點前到，因為一夜左就開始越來越多人，因為店面唔係好大，如果唔想等位就快d去喇！

今日同成班朋友燒完野食，就唸住去甜下（話晒都炎炎夏日去BBQ, 都想去潤返下....朋友係馬難鞍山人，就由佢發板去甜館，一入店內睇餐牌，都多選擇，有中有西，我就叫左簡單甜品，楊枝甘露，朋友們就叫左芒果樂園同開心樂園....甜品好快黎到，賣相都唔錯，試一試佢先，一入口，有點失望， 唔夠凍，西米有點煮過龍， 太淋，冇乜口感另一個開心樂園都好少少，但生果就欠新鮮，西瓜唔太甜，涼粉尚可！芒果樂園賣相幾好，但都係唔夠凍！食後感，來一次便夠.....

近嚟Pokemon go 大熱 已經嚟幫襯咗幾次 今次一個人收工之後又口痕又嚟食個糖水先返屋企食咗個芒果樂園 小丸子煙韌 芒果好味 加埋球雪糕滿足晒宵夜食糖水嘅渴望甜館都係馬鞍山食糖水嘅一個選擇

好耐都無係馬鞍山食過糖水，雖然今日係平日的夜晚，但係都預左食完唔可以坐多陣傾下計。原本唔係想食甜館，只係見呢間咁岩唔洗等位先入去食。野食係唔差既，係衰在d態度唔好，所以前幾次都係叫外賣拎走食好過。上次堂食都係幾年前既事，一食完就即刻收走哂d野要趕人走唔好阻住佢做生意咁。可能因為附近多左間新派的甜品店，甜館相對多位d，所以今次就俾多次機會佢。我地兩個人，因為唔想坐門口位就揀左入面的4人坐。個waitress講明等陣人多都係要搭枱，這是先小人後君子嘛?因為未食晚餐的關係，我叫左個飽肚d既紫遇情迷比利時(紫薯脆餅+雪糕+窩夫)，個窩夫係即刻做既，等左一陣，上到黎仲係熱辣辣。雪糕都有四 , 五款可以揀。我就揀左曲奇，不過雪糕球略嫌有d細，食左一塊窩夫之後都無左一大半雪糕，窩夫上面的蜜糖又太多。食哂雪糕之後再食窩夫就真係dry左d。食完坐左一陣開始有一兩枱人等，個waitress 終於出手收手我地d碟都叫我地調位讓俾出面個人坐。雖然唔係無禮貌，不過有時去得糖水鋪都係想食下野，坐一陣，傾下計。無奈馬鞍山始終都無唔到間坐得舒舒服服的糖水鋪。

適逢3月14日白色情人節，與男朋友放工後甜一甜。今天天氣有點冷，見到馬鞍山甜館的熱糖水選擇很多，就决定坐下來一試。店內位置不大，坐位都比較擠迫，要有心理準備坐得不太舒適。 冷熱中西甜品選擇都很多。我們選了天山雪蓮子椰汁海底椰露，擂沙湯圓，桂花桃膠紅蓮冰糖。下單後等了好一會兒都未有糖水上枱，結果等了差不多大約半小時才有糖水！不知道為何糖水的製作過程頗久，當時店內座位還未坐滿呢！以為好野要等耐啲，但糖水一到面前賣相已經有點麻麻。兩碗熱糖水都起晒泡，而且碗邊有破爛。 先嘗天山雪蓮子椰汁海底椰露，椰奶味十足配有海底椰和蓮子，小小的一碗味道不過不失。 再試季節限定的桂花桃膠紅蓮冰糖，這碗的泡泡十分明顯，已經令入口度大打折扣，和餐牌相片相差很大。糖水桂花味道很出，但吃起來還有另一種分不出的味道，不太合我胃口，哈哈，整碗送給男朋友的胃𥚃去了。 擂沙湯圓是芝麻餡，配以日本黃豆粉，本人覺得不加粉好吃點。食物等待時間較長，賣相和圖片不符，而且味道普通，整體有點不濟。

週日晚飯過後，大約八點多，和家人心血來潮想找點甜食，經過甜館剛好有一張卡位，我們二話不說就入坐了非常難得地不用輪候，實在興奮。椰露紫米湯丸 椰露：椰汁香濃，味道可口，甜度適中紫米湯丸：一共五粒迷你湯丸，體積有如小波子，紫米皮薄，韌度適中，紫米餡料偏少卻味帶甜，感覺特別評價：湯丸太細粒，未能盡顯這款甜品的精髓之處，尚有一點進步空間鮮磨栗子露糊中帶栗子碎粒亦加添了奶/椰汁，更顯香滑評價：味道微甜，栗子粒軟硬適中，飽肚感強，值得一試天山雪蓮子椰汁海底椰露材料：天山雪蓮子、雪耳、海底椰、椰汁香濃的椰汁帶出清甜的雪蓮子和爽口的雪耳，清潤可口。雪耳非常入味，唯獨美中不足的是海底椰不夠，全碗得兩小粒看得到的海底椰，有點失望，但味道出眾，實在叫我食過番尋味評價：精心烹煮，用料上乘，稍微增加一點海底椰份量，相信感覺會加倍昇華日本紅豆栗子窩夫伴雪糕紅豆：味濃且甜，軟硬適中栗子蓉：偏甜，混了點朱古力醬，味更甚生果：新鮮雪糕：香滑濃朱古力味，味道不錯窩夫：五小件，遜色之作，微熱，味淡，薄身，不軟亦不脆，沒有蛋香，感覺一般評價：窩夫的失準令這味甜品遜色不少，有待改進

我地明明叫左朱古力心太軟要曲其雪糕，但女服務員明明自己寫錯單寫左朱古力雪糕，女服務員就話我地叫左朱古力雪糕仲話我地叫錯，女服務員拿走個碟野之後再返轉頭黑晒面發脾氣話請你食，食完之後我地比錢走又叫我地唔好左住佢做生意！以後唔會再去尼間野食！

早幾年經過馬鞍山探朋友試過呢一間甜館，朋友同我都覺得唔錯，上星期再黎馬鞍山同朋友吹水講返起呢間野就再去試下。佢話都好耐冇去，平時都係樓下間小x帽。但我想食返，去到見唔洗排隊就入去食，我叫左個拿破崙，朋友食楊枝甘露，佢話個楊枝唔夠芒果香，似落左芒果糖漿然後我試下個拿破崙，點解個酥好似係淋淋地……好失望 之後我地諗住坐多陣，有個女員工就已經不滿地望住我地。問我地食完未？希望有機會再去會有改善，前題係會再去的話。*

我同朋友星期日去，開0330(pm)-0030(am)，我地0340到達，入面無人，立即有位坐，入面有10張枱，其中5張放哂開哂箱既水果，佢地係哂緊(?!)定話吹緊冷氣(?!)，我唔知，我淨係知好凍！然後我地開始睇menu，整體價錢都幾平，而我地點左

綠茶心太軟吃得多，但是高質的就不多。這次的綠茶心太軟伴雪糕，賣相是好，先切開看看，流心度相當高，驚喜十足。每次吃心太軟，最怕外層乾，但這次外層質感不俗，不會太實。綠茶味道香濃，甜度OK，加上是新鮮焗起，熱辣辣，跟香滑雪糕同吃，一冷一熱，味道幾match 。加上紅豆，味道香甜。價位都ok，小小甜品店來說都唔錯。

土多啤梨雜果窩夫配綠茶雪糕(外賣) $41唔知大家會唔會覺得食完晚飯之後唔食埋甜品就好似唔完整咁呢？我就係個咁嘅人。同朋友喺附近食完飯之後，因為我要求要食甜品，所以佢就陪我黎食試下呢間。鋪頭唔大，大約容納到20個人，而且裝修都幾靚幾整齊。鋪頭出面已經貼左menu，睇相都幾吸引下。不過一入到去，只係遲疑左幾秒，即刻俾個店員問我地要食咩。我地當堂呆左，不過唯有都係攞個menu黎揀野食，以為呢度嘅policy係揀完先坐低。點知嗌完，個店員就俾左張外賣劵我地，要我地等約10分鐘。我地完全反應唔切，就咁就俾人屈左我地叫外賣，冇得舒舒服服坐係度食，仲要收多我地一蚊。不過都俾左錢，冇理由唔食，又冇得轉堂食，唯有死死地氣等野食到。個窩夫就算擺左落膠盒，賣相都幾靚嘅，而且將雪糕分開黎擺。雪糕係好食嘅，綠茶味好重。士多啤梨醬都ok，有咬到一粒粒果肉。其餘嘅就真係唔合格。窩夫勁硬，好似食緊餅乾咁，同外脆内軟嗰d爭成條街。雜果分量就太少。呢個窩夫唔値$40，而且服務態度又差，以後都唔會再黎。

有晚去左馬鞍山搵朋友吹水，之後去搵甜品食最後揀左去甜館食我自己就叫左個比較平既特濃北海道牛乳燉蛋白，只係廿幾蚊暖暖地，但係味道就唔多夠，亦唔係幾甜，即使係餐牌內較平既一款甜品都唔太覺得抵食反而見到隔離台叫左個魔鬼三重奏，賣相好似唔錯，下次有機會都想試試環境方面，店內實在比較逼，坐得唔係幾舒服，如果有多D空位就好D而店內衛生都算做得唔錯，服務就正常水平