甜館

營業中

休息中

上次提到這裡的服務態度沒有甚麼問題, 想不到事隔幾天, 是晚來到這裡就受了不少氣. 是晚回家前想吃點甜的, 就來了這邊, 已經接近一點, 店子還未關門, 還有幾檯客人, 店方也沒有任何意圖告訴我們不再營業.我們揀了腐竹糖水, 賣光了, 再揀西米焗布甸, 也是賣光了, 之後再揀西米露, 又賣光, 我們只是說了句, 哎呀, 又沒有了, 店員竟然大聲地講這麼夜來當然沒有得吃. 為何要那麼大反應? 最後, 我們要了兩杯果汁及一客心太軟, 奇怪的事來了, 店員是相當大聲大力地去洗碗, 一時間是兵令繃冷, 讓我們吃得不自在. 跟著店員又是態度相當差地遞上食物. 想問, 是否我們太晚光顧, 影響了他們?蜜瓜汁 $16: 文迪的選擇是蜜瓜汁.西瓜汁 $16: 8分, 我要的是西瓜汁, 幾鮮甜, 份量也不少, 解渴一流.心太軟伴雪糕 $38: 8分, 繼續跟上次一樣的選擇, 就是心太軟配綠茶雪糕. 水準依舊, 質感好, 流心度令人滿意, 朱古力幾濃烈, 綠茶雪糕雪得夠凍, 一冷一熱的效果出色.但是, 這樣子的態度, 實在令人吃得相當不舒服. 這裡的食物是有水準, 但這個對待客人的方法, 就不能認同了.

是晚在家突然收到好朋友的電話, 原來就在樓下, 好, 就一同吃吃甜品吧. 再附近的第一或者唯一選擇, 還數到這裡. 四個人吃, 就要了以下幾款分吃吧.芒果汁 $18: 朋友們要的是芒果汁.蜜瓜汁 $16: 8分, 我跟文迪的選擇是蜜瓜汁, 幾鮮甜, 飯後沒有吃生果, 飲杯蜜瓜汁也好.心太軟伴雪糕 $38: 8分, 幾樣甜品都要等, 想不到先來的竟然是心太軟. 是晚又是揀了綠茶雪糕. 朱古力跟綠茶的組合, 其實是幾匹配. 這個心太軟, 流心度足夠, 一切開是澎湃的流出朱古力醬, 又夠濃烈. 質感幾實淨, 軟硬度剛好. 滿意之作.Bailey 甜酒梳乎厘 $28: 7分, 梳乎厘發得幾高, 質感對辦. 不過聲稱用上百利甜酒, 但怎也吃不出酒味, 只像在吃原味呢.脆糖西米焗布甸 $26: 8分, 上次吃過芋泥版, 今次就吃脆糖版, 焗得幾香, 面頭的脆糖皮幾脆, 不太甜, 這個特別版的西米布甸, 又幾好.見這裡有不少投訴服務的食評, 但我們兩次來到又沒有大問題. 加上這裡的甜品是令人滿意的, 還是區內最值得推介的甜品店.

朋友說馬鞍山的甜品店不多,我也很認同,第一次來到看到它的裝修不錯相信甜品的味道都不會太差......原先想試試我喜愛的心太軟,但未試過這家甜品店的食物,還是先選其他甜品試試看,於是便叫了一個雲尼拿梳孚厘.......等了大約十分鐘便有了,看到樣子已覺得應該會好吃,果然沒有令我失望,不會太甜又脆脆的,很好吃很喜歡!有機會會再來試試~

朋友好耐冇見, 於是話去食堂水傾下計. 馬鞍山區夜晚可以食糖水的地地一隻手數晒, 之前未試過呢間所以去試下.地方好細, 等了近半小時還要搭枱先有位.打開餐牌, 都算多款, 個樣同係市區既差不多, 起碼上得枱面. 叫了粟米南瓜糖水, 酒"讓"丸子和一點奇異果的糖水.南瓜同丸子都OK, 奇異果既就酸到頂唔順要問服務員拎啲糖水加入去剛剛食完, 服務員就收晒啲野, 問仲叫唔叫野食.轉頭又有個服務員過來話出面仲有人等緊, 如果傾計可以坐出面, 讓返張枱俾人.如果你只打算食完就走的話都還可以, 打算坐耐啲就咪去了.

水準一般，價錢貴。相對唔抵食。最重要係大細超，人多幫趁就快Ｄ。兩三個就唔該等吓，「一係就等、一係就走，冇得objection」，這句話由老板親自講出口！真係今時今日重有咁嘅服務態度。逢勸幫趁前三思！

其實呢間舖頭開左唔係好耐, 自己都會同d朋友幫襯...因為區內好多糖水舖都執笠了...一向都冇咩野...黎過幾次....水準ok...亦唔會有唔舒服既感覺但琴晚既經歷, 實在係令我不吐不快!約左朋友一齊食糖水...我比預定時間早了5mins到達門口的男員工安排我坐一張二人檯...由於朋友未到....我也只好玩iphone打發時間之後呢位男性員工就過黎話: 小姐, 請問你朋友大概幾時到...o個陣我都只係坐左5mins我話: 佢就到架喇....於是佢行開左...其實由o個位男性員工過黎問我朋友幾時到...我都即刻打電話比朋友...但係冇人聽...唔夠3mins....另一個女性員工就過黎要同我落單咁我話: 我要等埋個朋友黎到先....終於朋友都聽電話...話行緊過黎...好快到....再過左2,3mins...o個位男性員工就話: 小姐, 我地呢度唔可以比你坐o係度等咁耐架!仲有其他人等位架!(但當時落大雨, 出面都冇人等!!)我都忍唔住話: 你無理由用d咁既態度對d客人架...如果你話我唔齊人, 要我企出面等...我冇所謂...又係佢叫我入去....宜家好似趕客咁...d態度仲要好差.

個日5個人食完飯行過見呢間野有人排隊,就試下佢啦,點知.....等位等好耐,叫左"心太軟"水準一般,但等左20分鐘。雜果窩夫,生果少,生果唔夠凍,北海道牛乳太淡唔香,紅豆桂花糕的紅豆唔夠"林",紅豆小丸子無乜特別,坐位超逼,有個白髮伯伯服務超惡劣,成日要人調位坐,就佢的生意,食一陣野都要坐來坐去,左調右調,真係好煩,有卡位又唔捨得比人坐,唔知想點咁...finally...價錢一d都唔平,質素一般,服務惡劣,總之食完有領野感覺....其實生意仔,仲要搞到黎食野既人,食都唔安樂...唉...!!!

我們一家住附近,好多時候都會光顧一下,最近一次係早兩日夜晚10點左右我們約了另一家人共6人(4大2小),當晚較靜不用等位我們一家先到，有位老服務員帶我老公坐最入那張卡位,之後有另5位大人進入,老服務員見狀便要我們一家起身轉枱當時我老公說有2位小朋友較細一個3yrs old,一個未到2 yrs old坐卡位比較適合小朋友,老服務員大聲叫導因我們未齊人要再等......由於當時太憤怒我們結果冇食去了另一間.............我好想同老服務員講你"今時今日咁嘅服務態係唔得",你只會招自滅亡...我們在這住了多年,已將你們的服務超差與家人,朋友,2位小朋友的同學們家長分享了這"不快經驗".............我們2家人已不會再去這家店!!馬鞍山還有很多甜品屋選擇的,不用貼$$$$$$$買難受!!

夜深回到這邊, 還想找點甜的吃, 就來了這裡. 晚上超過十二點, 還要等位, 應該在這區也無乜地方會是如此. 兩個人, 加上夜深, 不能吃太多, 要三客甜品好了. 哈哈.心太軟伴雪糕 $32: 8分, 先來的就是心太軟, 是晚揀了綠茶雪糕. 一切開, 朱古力醬的流出度都幾澎湃. 外層做得幾實淨, 質感幾好, 朱古力的濃度也合標準. 跟上的綠茶雪糕, 也跟朱古力起了不俗的化學作用.芒果吉士千層酥 $32: 8分, 即做的, 夠熱辣辣, 酥皮幾鬆脆, 芒果都幾鮮甜, 而雲尼拿吉士也幾滑, 整體配搭幾好.芋泥西米焗布甸 $22: 8分, 焗得好香, 面頭帶脆皮, 芋泥份量剛好, 不會太甜.三道甜品都有水準, 一定會是附近最值得推介的甜品店.

今日個傻佬冇啦啦話收公之後去試下甜館 ! 我緊係冇問題啦 XD因為佢開左都有一段時間我都未去幫襯過 之前行過佢都冇開 !之前行過見到佢玻璃貼左menu d相真係好吸引 !! 今日終於可以試下啦 由於我唔記得佢夜晚開幾點 所以我7點45已經到左好可惜ge係原來佢8點先開始做夜市 !咁我地2個就4圍行下差唔多8點再返黎 !!點知到左8點都未入得 有個叔叔好好人咁叫我地等陣等多5mins就入得去啦 !由於之前我已經比佢個心太軟吸引住 所以我已經唔洗揀 雪糕就係配紅豆味 XD而個傻佬就揀左 栗子紅豆窩夫配朱古力雪糕 !等左10mins左右 終於有得食啦 @v@heehee 好抱歉我掛住食唔記得影相 !! 因為實在太吸引 窩夫好脆岩岩整起真係好好食 唔係淋身係堅脆 !!個朱古力雪糕食得出唔係雀巢果d家庭裝 食落發現雪糕里面係有朱古力片 ! 正 !!到我個心太軟 賣相又係勁吸引 !!哈哈哈 用匙羹篤一篤佢 里面ge朱古力流晒出黎 之後聞到好香個紅豆雪糕都幾好食 ! 有一粒粒ge紅豆而且唔係太甜 好味 不過如果成個心太軟食晒之後就會覺得好甜 .. 食返個紅豆雪糕就岩岩好 !埋單加埋都要hkd$68

之前家人到過此店後叫我來試試，今天趁下午少人時來。在店外看到很多款式的甜品，不過入座後桌上只有teatime 餐牌 (可能因是下午的關係，相信晚上有更多款式)，有1. 吐司套餐 2. 窩夫套餐 3. 蛋糕套餐 及 林林總總的甜點。我們叫了一個蛋糕套餐和一個窩夫套餐，紐約芝士蛋糕是水準之作，吃得出不是雪藏過久的不新鮮貨，在外面曾經吃過雪得過久的芝士蛋糕，硬得來雪得已經散失了芝士蛋糕的香味。此店子的軟硬適中，芝士香得不會過濃過膩。另外，點了雜果吉士窩夫伴雪糕，窩夫即製，等了大約十分鐘。窩夫是非一般貨色，烘得脆得來保留了香味，至於雪糕我不評論味道了 (因為我估不會是自製的)，但也可看出店子的細心，就是用匙舀上來，不會太硬像剛從千年冰箱拿出來，又不是待在室溫過久而將溶掉，而是剛剛好可放進口裡。飲品也不讚不可，巨峰提子梳打真的很有梳打的氣泡 (有時在別的店子飲梳打，上桌時居然散失了那些氣泡了，結果像飲糖水) ，而且濃淡適中。至於凍的金柑，喝時口中隱約有一些金柑的渣，輕微的。總括來說，這店子的出品絕不是行貨。

趁著新年假期尾聲，嘆番個下午茶先開工。甫踏進店裡，一陣烘焙的氣味撲鼻而來，對甜品的渴求頓時大增！店舖面積小，大概只能容納十幾廿人，但裝潢倒很舒適。我們到達時沒有客人，因此不用等位。甜品店以西式甜點為主，亦有中式糖水供應。跟老公要了一客窩夫雜果配雪糕 ($28) ｓｈａｒｅ。甜品是即叫即做，製作需時１５分鐘左右。窩夫 - 金黃色的賣相挺吸引，入口暖暖的，質感如多士般香脆，個人卻比較喜歡口感似麵包的窩夫。雪糕 ﹣ 有多種口味供選擇，大概記得有朱古力，曲奇，縁茶等。想清淡一點，選了縁茶。雪糕不太甜，縁茶味卻很淡！日本紅豆 ﹣ 紅豆很甜，配合窩夫一起吃倒是一流！雜果 ﹣ 多款水果，有西瓜，哈蜜瓜，芒果，奇異果和士多啤梨。水果很新鮮，讚！＄28這個價錢算大眾化，起碼賣相上的確有心思。這是區內少有的西式甜品店，還會再光臨！

睇到呢間甜唔店的評價唔錯，今日特地同老公去試下，結果令人失望!先講環境，一入到去，店子地方小但都好骨子。店子是L 形的，只有一張較大的桌，可容納6-8人，其餘有3張4人桌和1張2人桌。因為地方小，桌椅的設計也特別小，所以坐得不太舒服。廚房是開放式的。本身店子的整潔是沒有問題的，只不過因為地方太小，有焗促的感覺，傾計一定比其他桌的人聽到，所以如果是想坐低食下糖水傾下計，呢間絕對唔係適合的地方。原本亦未至於係環境好差，但因為店員坐位安排不當，所以令人食得更唔舒服!最初，我地被安排在近門口的的4人桌，當我地order 左食物之後，來了6位客人，客人好像知道店內有一張大桌，想行入去，點知店員拒絕，說大桌已放滿東西不能用 (其實大桌上只是放了兩樣東東，座位好整潔，只要搬開那兩樣東東就可用，我把情況拍了下來)，但店員堅持，然後要求我地掉到另一張桌，再把4人桌和2人桌合併給那6位客人。店員真是很奇怪! 這樣一來，店內更迫、更吵!另外，服務方面也是差得無話可說! 其實呢，店子有一位應該是店長呢，該女仕的態度是很好的! 另外，廚房的服務生也沒有什麼，只是有一位侍應生的態度真的很差! 雖然店內大部份的店員

跟老公晚飯後,就到甜館吃飯後甜品今次第一次黎食試左鮮果沙巴翁伴雪糕、朱古力心太軟伴雪糕 ‧朱古力心太軟伴雪糕因為即叫即整,所以要等耐小小；夠熱,而且好流心,朱古力味道濃淡適中；價錢亦都比出面既心太較平我的至愛~‧鮮果沙巴翁伴雪糕好快就黎到,上面黃色個d唔知係咩醬；生果都新鮮,不過可能而家芒果唔係當造季節,比較酸。都算幾健康既甜品仲有其它甜品都好想試....我諗以後係馬鞍山食甜品只會黎呢間唯一唔好處就係鋪頭太小位,多人起上黎都要等幾耐下

嘿嘿...好似已經係第n次黎啦!因為馬鞍山這頭住的朋友仔都會介紹lee 間野!!今次我又黎啦!! 有影相所以想寫一寫囉!1. 心太軟x2: 個心太軟都係一如以往的好食!! 好流心...hehe..2. 腐竹白果糖水x2: 這個好夠熱...味道ok既..不過稀左少少囉!為左個心太軟同埋佢既特色甜品...我會繼續去光顧0家!!係一間有誠意有品質既甜品舖..