生昌潮州海鮮酒家

營業中

休息中

今晚阿仔突然間好想食打冷，諗嚟諗佢屋企附近都冇邊間好食，最後決定揸車去大圍， 如果自己揸車，可以直接泊喺生昌旁邊的露天停車場。 我哋到步後馬上被安排入座室內長抬， 三個人坐得非常闊落，讚我哋點咗以下食物:潮州鹵水墨魚併生腸…… 墨魚有甜味、生腸爽口。淨豬紅…… 由於我們一家都不吃韭菜，所以問老闆可唔可以走韭菜，結果係得嘅，好味！菠蘿咕嚕肉…… 呢碟餸係阿仔正愛，一個人食曬碗飯。 蒜蓉豆苗…… 上枱時仲熱辣辣，好大碟，重分量。整體每碟餸菜都非常大碟，我哋一家三口食唔曬，如果約一班朋友嚟就更加好！

上個月去生昌食左個金湯蓮腿雞煲翅真係好足料，足夠4個人食。今日心思思叫左個外賣返屋企嘆，即刻出事，個外賣碗仲細過個車仔麵碗，份量減半，料就更少，3分2係菜。打電話去問，佢地話外賣碗係咁細，唔同堂食個煲，依個答案太新穎…有圖有真相

老前輩請食飯，大家都係家己人當然去食潮州菜，所以今個晚上又去大圍生昌朝聖。我們都喜歡到這裡食的原因總結三大個理由，平👍靚👍正！🥢烏頭魚有大、中、細三個價錢，我們二個人就選擇了條細 $128黃油烏頭淡淡魚香片片肉， 醺點潮州豆板醬完美的配搭。🥢蠔仔粥 $60食潮州菜的必食其中之一，大大粒蠔肉鮮香味甜。😋弄一鍋蠔仔粥之靈魂就是他 「大地魚」乾，為一鍋粥有劃龍點晴之效。🥢鹵水拼盤 $100墨魚🦑拼豬頭肉，墨魚超爽口重點不黏牙。👍🥢潮汕特色糖水「清心丸綠豆爽」$30完美的一頓潮菜句號前一定要有碗綠豆爽。餐牌多謝老前輩🙏🏻

生昌潮州海鮮酒家 (大圍).⚜️蠔餅，蠔仔粥⚜️.非常大嘅蠔餅入邊有超級多蠔仔，炸得非常香脆，蠔餅之外仲有蠔仔粥，都係非常之鮮甜！有海量嘅蠔仔，一大班人食打冷真係唔可以唔食呢兩樣野啊！(⁎⁍̴̛ᴗ⁍̴̛⁎).⚜️鹽焗烏頭⚜️.鹽焗烏頭相信好多人都食個啦！凍嘅魚會令到魚質更加厚實，魚🐟層皮就會比粗鹽包圍着，但係呢個人覺得個醬汁超級鹹啊！因為魚肉有事再加埋粗鹽已經好鹹，加埋個醬汁哇勁鹹(；´Д`A.⚜️潮州凍蟹⚜️唔知係咪因為我哋放得太耐個凍蟹，一路無人食識得點樣分來食，我喺食到中後段先可以食，可能前面嘅餸菜太過惹味，令到我覺得個蟹係冇乜味道(｡ ́︿ ̀｡).⚜️滷水拼盤⚜️呢個拼盤呢不論賣相定味道都相當之吸引，佢有鵝腸，墨魚片， 紅腸，五花肉，花生🥜等，個外牆非常之爽口，好食！—————————————————————-環境：⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️.📌生昌潮州海鮮酒家 (大圍)大圍下徑口村151號地下 (田心警署對面)—————————————————————- #hkig#hkigfood#hkfoodie#foodie#food#food#foodstagram#hkfoodl

今日同朋友踩完單車過左來大圍食生昌潮州菜😬👍我地4個人成枱都係餸都係$6xx✨仲要大大大碟，份糧好夠我地叫左鹽焗烏頭王$128大大條，好鮮，仲流黃油真係好正好正仲有👇🏻👇🏻👇🏻👇🏻👇🏻👇🏻馬拉盞炒通菜，豪仔餅，椒鹽九肚魚，韭菜豬紅滷水拼盤(豬大腸...鵝腸...雞腎)最後仲叫左個甜品。。。就係而到好出名既白果芋泥😍😍😍😍👍👍👍👍👍食到飽飽 大🈵️足ar

住大圍嘅人都冇邊個唔識呢間打冷，因為佢大碟抵食而且keep住咁多年都好好味！通常三五知己嚟屋企玩完都會一齊去呢度食打冷。椒鹽鮮魷魷魚炸得透，炸皮薄，魷魚香，調味正！送啤酒一流～鹵水拼盤最鍾意食豬大腸！又軟又入味又香！魷魚都好入味又軟，紅腸就比較普通～黃糖蕃薯&芋頭本身想要反沙芋頭，但係呢度冇，估唔到呢個黃糖蕃薯&芋頭咁正！糖漿份量夠曬點勻每一舊，而且炸得好透，熱辣辣，蕃薯同芋頭都夠曬甜同軟，加上外皮脆脆地，點埋糖漿食真係唔錯～豬紅就偏油同鹹dd，味道都ok嘅。鵝片真係值得一試！鵝片切得比較薄，好軟熟、入味，肥瘦均勻，鵝味濃～底下層豆腐吸曬d鹵水汁，又夠曬厚，好好味！

今次叫左3個餸，味味都好滿意😋😋-（前幾日，去咗九龍城，食一間話所謂嘅潮州菜，相較之下，真係高低立見，尼間價錢同食物都叫岩比例。）個烏頭好香，有黃油，又滑，正！睇相就知蒜香炒豬骨…香蒜好香，鑊氣夠鵝片…正常的，都好味😋👍🏼整體都好滿意，肯定會在光顧，試埋其他。喜歡吃潮州菜的話，尼間真係可以一試可惜嘅係糖水，我誤會左以為是綠豆沙，原來是蕃薯，有d硬...但都好，唔太甜。始終糖水，都覺得九龍城合 x最正。

猶記得昔日家人很喜歡到生昌吃飯，但隨著五花八門的餐廳岀現，已經越來越少特地前往吃飯了。今天和友人想吃潮州菜，腦中浮現這間老字號，便決定去回味一番到達後發現餐廳面積十分大，除了四個舖位，室外的位置都擺滿桌子，因此縱使人多，要找到位子也不難。值得一讚的是餐牌上所有菜式都是明碼實價，所有海鮮如蝦、蟹都寫明價錢，不像其他餐廳以時價標籤滷水餣得夠味，底下還附送豆腐，吸了滷水後味道不錯蠔餅上桌時熱騰騰的，但是這個份量對三個人來說還是太大，慢慢吃待它涼了後就沒有這麼好吃了這間餐廳每碟菜的份量都超大，這窩蠔仔弱最少可盛十碗粥岀來，但吃下去啖啖蠔肉，風味十足我們都被烏頭的大小嚇倒了，百多元一條烏頭，我想足夠6個人分甘同味吧，非常超值，檸檬汁配上滑溜溜的魚肉，果然是絕配

本身唔係成日打冷,所以跟住朋友黎食我都無say~一坐低就叫左碟鹵味鹵水自選百搭裡面有好多款鹵味,我其實只食紅腸蛋同魷魚,朋友話鵝腸其實都好爽好好咬我就話魷魚夠曬口感,紅腸仲好夠味,有得追加滷蛋的話我應該會無限追加,因為隻蛋有鹹香但蛋黃仲keep到原味,蛋白同其他食材一樣夠咬口,唔怪得個個都要食滷味,而且佢一碟份量超大!4-5女仔食的話要最細size都得我地每個人揀自己喜歡嘅小菜,打冷當然要食潮D!潮州煎蠔餅 $88佢個顏色偏深,雖然話係煎,但都有D炸嘅酥脆感~最抵讚係蠔仔超多,入口啖啖都有蠔,鹹香滿瀉,一D都唔油膩,係我食過的蠔餅top 3!蠔仔粥食粥的朋友就一定要呢碗粥try try!!!湯底海鮮味爆發~~但一D都唔腥,新鮮蠔超大粒,粒粒都好滑無沙,仲有蔥花減膩,飽肚又滋味作為菠蘿控嘅我,見到鮮菠蘿三個字即刻雙眼發光鮮菠蘿糖醋果肉 $88D菠蘿真係新鮮嘅菠蘿,無罐頭菠蘿嘅味道,唔會死甜.D肉外層炸得好酥脆一D都唔油,配埋爽到爆嘅三色椒,送飯一流!食食下鋪頭姐姐強烈推薦我地食條魚,所以叫左鹽焗烏頭,阿姐果然無介紹錯首先魚皮順利一秒剝落,完全不留痕,魚肉好有煙熏感覺,因為係鹽焗所以鹹味分

好好彩無落雨，不過都係無由大圍火車站行過去。由大圍火車站去2分鐘到游泳池對面，行5分鐘左右。之前有朋友介紹呢間潮州野幾好食，今次黎試下。803K到游泳池對面落好易搵，掛晒LED燈沙律蝦球，好足料既，蝦球勁大粒，不過真係好多醬。腐乳通菜要一讚隻雞，好耐無食到咁有香味既雞，好多都係雪味，同埋半隻都已經幾大份。蠔餅勁大份，都落左幾多漿粉落去，不過蠔量都幾多。同蠔仔有仇，再叫左一鍋蠔仔粥，都真係好大鍋下，4個人食唔晒。有啲後悔無叫潮州打冷野同埋烏頭，下次再食!!!

未講食物之前，首先要講下佢地既上菜速度真係好快。剛落完單只是十分鐘，也許再更少，餸菜就來了。餓鬼們不用等太久，不是一大喜訊嗎？炸蠔餅，似乎係食打冷的指定菜色，至少我每次打冷都會叫的呢。這個蠔餅又怎樣呢。蠔的份量都算多，而且分佈算平均，起馬我夾每一塊都有幾粒蠔在裡面。蠔的大小也合理，食落的口感唔錯。外脆內軟，合味沒有太過濃，不咸而且香口。椒鹽走地豬要椒鹽炸香的方式處理的豬肉片，豬肉片細細塊的，炸的火喉很好，唔乾且保存了肉汁。大概係用左南乳先醃製再炸，南乳香慢慢滲出來，又沒有奪去豬肉的鮮味，值得推介。鵝片不太泛算，要百幾蚊但份量唔多，不過我知香港食鵝都係貴。不過質素唔錯，厚薄恰宜，而且肉質鮮嫩，肉香與滷水味不會互搶。下面是大大塊的豆腐和花生托底，划算不划算自己想想吧。

避開晚飯最旺的時間，八時後過來，有枱又有車位，但就沒有凍蟹了‼️ 結果有一整碟蟹鉗🦀 店員介紹了墨魚仔 🦑，是不是白灼的呢‼️ 很有味道，不用醬油都 OK👌🏻，中間一條透明的墨魚骨，吃完舌頭👅、牙齒也有點變黑‼️ 另外還有韮菜豬紅大豆芽朋友不怕膽固醇，要了豉椒鵝腸，結果中伏，說鵝腸不靚店員留了個細芋泥給我，說賣完就無啦‼️嘩～～～甜度超標，兩人一個都覺得多，四人一個，一人一匙都滿足了，甜點當然是甜啦‼️又幾好味

琴日女友話想食潮洲嘢，我摷食評至決定嚟呢度，食物水準真係唔差，而且種類多，價錢亦合理食物出場: 1) 炸花生: 咁都揾嚟講，因為真係脆同好香花生味，配啤酒非常好2) 辣酒螄蚶: 笫一次試，平時只試過白灼，我個人爱白灼，女友就兩種都鍾意，成碟比佢食哂3) 鹵水拼，鵝肝，鵝腎，鵝腸: 肝腎都滑，整體幾好，不過旺角新興有間，同湾仔橋底果間，大埔嗚乜居都比佢更好4) 凍蚧: 要自己出去，估唔到咁平，100蚊有一隻石蚧，一隻花蚧。 羔好香甜，肉好鲜味4) 鹵水鵝: 一個字 ，掂5) 潮洲翅: 好足料，兼唔貴因為得兩人食，所以試唔到其他嘢，甜品都試唔到小插曲係遇到個操普通話中年高瘦女侍應，開始入舖頭話兩位遇着佢已比佢呼喝， 到走時野食要打包，我女友唔生锈叫着佢攞外賣盒，我知瀨嘢……佢攞盒嚟又呼喝忙又剩好大聲咁鬧，我都按兵不動，自己裝緊嘢食時，佢攞外賣碗一邊大叫忙大吵大嚷噴口水一邊幫我倒啲翅入外賣碗，我有啲火想鬧佢，不過唔想陪佢失禮只係啤下佢，…………原本開開心心又食到好嘢，其他侍應男女都好喎，係遇着件咁嘢真係黑唔會因為一隻咁嘢累到大家嘅，依然好評，如女友真想再來會避開佢，一係影低佢

小秘書難得入到大圍，梗係要嚟「生昌潮洲海鮮酒家」食吓佢出哂名嘅滷水拼盤、鹽焗烏頭魚同冰鎮菠蘿啦！除此以外，我哋仲叫多三個小菜、一窩粥、糖醋麵，埋單$1100七個人分🙌🏻係咪好抵先？唔好以為佢位於村屋樓下，啲枱仲擺埋出街，就已為係渣嘢🤩晚晚不知幾多人特登走入嚟食飯呢！好彩嘅係今日唔使排長龍，食飽仲趕到齊齊上樓睇 FIFA World Cup 西班牙🇪🇸 vs 俄羅斯🇷🇺 賽果雖然係有啲出人意料，不過我哋咪可以乘機打多四圈🎲對住電視機⚽️剝埋花生先走囉🤣🤣

話說阿媽第一次去食，食咗之後覺得正， 就話有機會要黎食多次。剛巧今日探完屋企人，佢二話不說帶我哋去呢間食店試一試佢家鄉嘅菜-潮州菜。 脆漿過厚偏鹹， 蠔嘅份量亦都太少。 凍蟹經濟，肉實味鮮。 湯很濃，材料很足，可以見到一排排嘅翅。 烏頭有黃油，冇泥味，啲肉有啲實。滷水鵝片一般，份量少，價錢偏貴。唔係日本菠蘿， 有渣。