生昌潮州海鮮酒家

營業中

休息中

今日收工就同屋企人去咗係大圍田心警署對面，呢間好出名嘅大排檔度食嘢，生昌潮州海鮮酒家。大排檔隔離有個露天停車場，有駕車既朋友仔，食完飯記得問大排檔攞返張單去減泊車費。今次點了，烏頭魚，滷水拼盤，滷水鵝片，蠔仔粥，炸蠔餅，椒鹽鮮魷，同大樹菠蘿。招牌菜滷水拼盤很爽口彈牙，不過份量較少。蠔仔粥粥底十分足料，啲料仲多過水。抵食，必食，一定食。椒鹽鮮魷炸得很爽口，而且炸漿不會太多，抵讚。菠蘿好甜勁多水，不過食之前自己咬個芯出嚟。總結 : 味道雖然不錯，但價錢略貴。

好耐無去哩度食野喇 今晚8點幾去到 雖然都好多人 但係都容易揾到位嘅 睇左個餐牌好耐 最後決定都係食 鵝片 炸蠔餅 山楂骨同埋一個甜品(潮州大四喜)😀😄😋😋識叫一定會叫這碟鵝片吧 有分三層 最上個層 全部都係鵝片 肉質很不錯 啖啖肉 鹵水汁很入味呢 而且吃的時候 還是暖的👍🏽😊中間個層是鹵水豆腐 大大舊的 平時我唔鐘意食豆腐架 但哩度嘅豆腐好好味 好有鹵水味 同埋都幾滑喔 而最底層就係花生 勁多花生 成碟滿哂 多到食唔哂 啲花生係煲淋過嘅 再加上鹵水汁 會不自覺地吃很多吧😂😆炸蠔餅 只有一個size 都很大個的 炸得好脆下 有好多蠔仔 基本上每咬一啖都有 真係好好味 又香喎 配埋個醬汁 哩碟係山楂骨 醬汁是甜味的 不過唔夠山楂味喔 🉑️以多返少少山楂味呢 肉很棒 煮得入味之餘 一咬開 肉就離骨 正呢😋😊炸得幾好 相信火喉應掌控得不錯吧最後當然少不了甜品 名叫潮州大四喜 這個甜品是店員推介的 因為掛住食所以忘了拍照😂😅食物一上枱時 見到實物以為中左伏😑😓但一食就即刻發覺 原來係好！好！味！架！😍😍👍🏽👍🏽佢係一種潮州糖水 由白果 鮮淮山 綠豆 清心丸 煮埋而成的 有一種清新清熱氣嘅感覺 正

一直聽朋友介紹說田心警署對面有一間由村屋改建而成的潮州打冷的酒家， 並且 這裏的鹽焗烏頭魚質量非常之高，所以今次專登慕名而來試試佢。呢間潮州打冷最特別之處係由幾間村屋打通而成，大多數位置都係用村屋嘅花園改成 畀食客食嘢。黎呢度目的為咗鹽焗烏頭魚，所以第一個就點呢味鹽焗烏頭魚，魚嘅肉質非常鮮甜，而且仲有好多魚油流出，無泥味，唔會好似出面咁有苦味， 配埋鹽焗嘅效果，令烏頭魚更有層次感。鹵水拼盤基本上係潮州打冷必食嘅，味道上算中規中矩，唯一就係分量比較少。蠔仔粥 算係多蠔仔呢間潮州打冷酒家有少少偏貴，但係佢出面有好大個停車場可以泊車， 非常方便。

我住附近，成日都好多人等，但味道已經大不如前，價錢亦貴左好多，但成日講簿利多消，正如老水拼盤，以為好大碟，但下層只是豆腐花生等，要成3舊，失望！係得烏頭係ok! 蠔仔粥為何會腥? 眼見一間老舖搞成咁，做生意都要有d良心，不過食過既客應該明白，越多人質數不能保證

食打冷好多人都會去九龍城，但其實大圍都有間好出名，就係生昌喇！佢地上至鵝片拼盤，下至生猛海鮮，小至潮式甜品！黃油烏頭係必點！烏頭黎至本地元朗！完全無泥味，仲有黃油香！好滑！配合埋佢地嘅豆醬，無得頂！豬紅唔夠入味蠔仔粥嘅蠔仔好肥好鮮味！粥同蠔嘅比例岩岩好！上湯浸小白菜，清清地，唔錯！呢個芋泥甜品，真係一家要試，好好味雖然係芋泥，但都食到小小細粒嘅芋頭，佢上面會加左蔥油，但個人認為唔係咁夾，下次我會叫佢試下走蔥油，睇下效果如何先！

我地難得一家人聚首一堂，所以就決定一齊去打冷我地就去左顯徑果間到食，我bb介紹，佢話ok，夠曬潮州風味九菜豬紅：有少少辣，豬紅都幾實滷水鵝片：好多肉，個汁唔錯滷水拼盤：都好豐富，魷魚好爽口烏頭：好搞笑，條條都有出世紙豉椒炒蜆：都好多蜆煎蠔餅：同平時有d唔同，厚d蠔仔粥：好正宗總括而言，食物味道都ok，係員工服務態度差d

大圍都出名多野食，要搵野食都唔會困難，不過呢間打冷小菜就並唔係係大圍市中心地區，起碼唔係大圍火車站附近，而係係顯徑村附近既，如果大圍火車站行過去，都要15-20分鐘，所以未去過既朋友唔識行或唔想行既話，都可以係大圍火車站坐架的士去，10分鐘內會到，係正門口落。講返食物質素，我地一班人去gathering，全男班6個人一共叫左6個菜，加幾支啤酒，本身都怕唔夠食，因為大家都幾大食，哈哈。。。不過大家睇下相就知。。好味得黎大大碟。。性價比高到不得了。。大家睇睇d相。。。鹽焗烏頭 (招牌菜) 👍🏿👍🏿👍🏿👍🏿👍🏿好好食 不過咸身左d，不過肉質好香好林鹵水拼盤 (招牌菜)上到枱都重熱，每樣都做得好重鹵水味好林上方: 咕嚕肉 👍🏿👍🏿👍🏿👍🏿👍🏿不得了，香脆內軟，味道岩岩好下方: 沙茶牛肉炒芥蘭 👍🏿👍🏿👍🏿👍🏿👍🏿牛肉大大塊，沙茶醬同芥蘭既配合度高沙律醬燴蝦球 👍🏿👍🏿👍🏿👍🏿👍🏿正喎比預期又，以為會好膩，但唔會之餘配上蝦球係正點的大蠔餅打冷野真係唔少得蠔餅，呢個蠔餅一d都唔hea，粉薄唔油，入面多汁多蠔好香口最後我地都將所有野食曬無剩，所有菜式都性價比極高，真係好快又會再去食😂不過都要留意，因

朋友之前食過呢間潮州菜，話好好味好正宗，於是話今日帶我去食。其實位置真係唔近火車站，都幾遠下噶。我地點左必點噶蠔餅，蠔仔粥，烏頭，仲有一個花螺。烏頭我地要左大條，好好味，雖然係凍噶，但好鮮，完全唔腥，點區配噶醬真係一流。第一次見到甘厚甘足料噶蠔餅，炸得好脆，而且粉少，食落啖啖都係蠔，又鮮甜，好正啊。花螺不過不失啦，有d過酸。最後係個蠔仔粥，又係好足料，蠔仔超級多，反而飯有d少，個粥都好好味。呢一餐真係好滿足，兩個女仔清曬四個餸，飽到上喉架

食潮洲菜大部分人都即時想起九龍城，該區的確有很多潮洲及學佬人居住，故一想起潮洲菜就會落九龍城，也正因為太出名這區都比較貴，今日有個朋友話去大圍潮洲菜起初我都猶豫，結果令我驚喜，遺憾係起初沒有打算寫下來，所以只得一張相片，食過後太好味一定要同大家分享。「鹽焗烏頭魚」採用上乘烏頭魚所以沒有泥味，啖啖魚香超正「花枝蝦蟹棗」即用墨魚、蝦肉及蟹肉打至起膠造成丸狀再經油炸，這味餸要做至彈牙相當有難，而且工序繁複，這裡的蟹棗算有80分了「潮洲蠔餅」火喉剛好故餅身不會太多油，無比香脆！「蠔仔粥」大地魚是這味蠔仔粥精髓，香口大地魚配上大大粒蠔仔加點胡椒粉，唔該添多碗「潮式鹵水」自選白搭鹵水，三餸都係$100 超抵！「韭菜豬紅」採用潮洲沙茶醬所煮出豬紅特別香噴噴。「薑薯清心丸綠豆爽」潮式糖水代表，糖水清甜，薑薯爽口，清心丸煙韌，令我對中式甜品重新認識。

由住大圍的朋友推介大圍出名的食店，果然有信心保証。鹽焗烏頭 $128大大條夠多肉，魚肉夠乾身得來又多黃油，簡直冇得頂，怪不知每枱客都必食。每一條烏頭都附有標籤，保證是元朗烏頭。蠔仔粥 $58不太似潮州粥，這個會明顯似湯飯，用吃湯飯的心態來食，這個我一試難忘，細細粒蠔仔夠鮮夠肥美，配上用柴魚跟香蔥煮的湯底，食不出蠔腥味之餘，更見湯底份外香甜入味！腐乳通菜 $68兩個人食，原以為份量一般，所以想點多個菜，怎料原來這裡的餸菜碟碟大份，連這碟通菜都份量十足~

今晚叫咗隻凍蟹成百幾蚊，點知成隻蟹冇肉得個榖同水！負責落單嗰位姐姐一句'你自己揀'嘅就沒有理會我地！後來揾老細講，都係嗰句'係你自己揀冇得換'。 要大家嘈下才能取消order. 原本這間賣的凍蟹啲質量係咁嘅！想食凍水蟹可以去這間！同埋千萬不要自己揀，有事他們不負責! 小心！小心！

一個月內第二次光顧生昌今次只係得兩個人，所以只能叫兩三道菜第一樣係鹽焗烏頭魚將魚皮翻開，已經見到魚肉上舖滿黃油魚肉鮮嫩，不用點醬汁都已經好鮮味反而點醬汁會有點過咸平時唔食魚既另一半，今次都同我爭食可想而知條魚幾吸引👍🏻👍🏻第二樣係蠔仔粥叫左一碗既份量，但兩個人食都可以分到一人3碗蠔比例算多，但飯粒較少感覺上好稀但慶幸配料充足，味道亦唔錯最後一樣係滷水大腸拼鵝肝老實說我覺得呢個係最唔抵食味道亦不外如是都係上次墨魚同鵝片會比較好食有點遺憾的是未試到冰鎮菠蘿眼見隔離兩枱都有人食賣相可以話係誠意之作，但味道要等下次人多再光顧先知另外消費滿300元，有12元停車場回贈，方便揸車之人，抵讚👍🏻👍🏻

知道爸爸喜歡吃潮州鹵水，於是經朋友介紹下選擇了生昌，朋友説要早點去自行攞住，不設訂位的。於是我們一行七人六時到達，但是當時已經坐了一半人客了。 坐低後睇菜單，價錢比外面菜館貴約2成，於是點左佢地嘅招牌菜鹵水鵝拼盤，炸蠔餅，鳥頭和炸蝦蟹丸。 鹵水鵝拼盤賣相不錯，有鹵水墨魚，豬頭肉等等，鹵水鵝顏色鮮豔，很鹵水很入味，很出色。 還有蠔餅，份量大，鬆脆好味. 鳥頭份量大，肉質不錯。 還有蝦蟹丸，炸得很爽脆，但裹面就比較軟。 此後還叫了沙茶芥蘭牛肉，蠔仔粥等等，質素也可以，最後食到飽飽的。

同事坐月放監 去佢附近打個冷。生昌都幾出名 又方便朋友 所以首度嘗試。打冷 滷水鵝片梗係唔少得。但有點失望 鵝肉都算嫩 但略嫌咸左d 唔算好香而且太肥 唔係我杯茶。墨魚拼鵝腸～墨魚和鵝腸都是一樣 好硬好un. 反而鋪底既豆腐算幾入味。整體來說 滷水係令人失望的。椒鹽鮮魷反而做得幾好 新鮮 魷魚爽口 炸粉唔會太厚 好惹味。豉椒炒蜆都不錯 冇沙。蜆肉幾肥美 炒得幾有鑊氣。另外再叫左個椒絲腐乳通菜 都不俗 炒得香口 菜又新鮮。總括來說 小炒好食過滷水。

倆口子間中都會揸車到生昌食下晚飯，如果泊隔離會free一至兩個鐘...黎生昌主要黎係食野既，環境同服務都唔好太多要求，環境嘈，如果坐外面更加要食二手煙⋯每次黎一定會叫烏頭，佢係我食過咁多間最掂既一間，魚唔腥、好新鮮，夾埋個醬食好好味！另外亦會叫雙併，生腸配墨魚，一定揀豆腐底，感覺飽好多：P再叫個椒鹽炒魷魚，炸得好脆而且魷魚好新鮮，岩岩好、好味！