生生餐廳

營業中

休息中

午餐時間正好路過，距第一次上去已一年有餘，沒有特別的期待反而有小小驚喜。自助沙拉品種雖然不多但勝在新鮮乾淨、是日西蘭花餐湯也還滿意。主菜比目魚伴燴青豆新薯~魚美味！羊扒配泰式菠蘿飯的菠蘿飯尤為好吃~餐後提供咖啡或檸檬茶，總的來說是還想再來的餐廳。

尋日個friend 過黎搵我食lunch, 想搵個可以吹水嘅地方，之前本來去利東街果間D字頭bar and restaurant 都ok, 之前食咗，而家黎呢度，我地walk-in 12點半都仲有位，地方夠大，lunch 有大約7至8款選擇，我叫咗豬胺，朋友叫咗bbq ribs, 包飲品湯同沙律，湯同沙律係自助，有紅腰豆，粟米，沙律菜等，4款醬汁，自由配搭，味道正常，蔬菜都新鮮。主角到場，豬胺到先，有薯菜同梨味醬汁，都幾清新，豬肉柔軟，煎到略脆，少少鹽調味，配埋個醬汁都好好味，朋瘦話佢個ribs都好好食，之後見隔離枱有甜品，細問之下，原訂枱有甜品送，下次要留意返先。餐飲叫咗熱檸茶同咖啡，朋友話咖啡淡咗d.仲有其他，有幾會再試埋。

再一次到來幫襯這間餐廳，🤤龍蝦湯味道比之前的味道香濃好多，香煎三文魚入口鮮嫩，聽服務員說這裡的甜品木糠布甸是這裡最好食，我就點了個試下，沒想到真的出乎預料的好食，口感是雪糕的木糠布甸😍侍應的服務態度也不錯，下次有機會一定會再來

我用app訂枱有九折，侍應知道後，態度勁惡劣！好似我哋乞食，埋單用Visa時，又改口要500 先至可以用！不可一，不可再！我本來都係曾經做飲食業，都不齒佢哋嘅服務態度！諗住佢哋係社企，幫下佢哋！點知食到背脊骨落！

聖誕節突然一家人想食自助餐、見到這間社企餐廳聖誕節平安夜自助餐成人一位$388！15/12前交錢可以有九折！$400唔駛可以食到自助餐真係好抵！當晚六時準時到達！見食物都開始出黎！當然必食主打西班牙烤乳豬！皮脆肉嫩！海南雞都好好味！無雪味！另外烤西冷扒好林又有肉味！拍得住$400幾蚊塊烤牛肉果間餐廳！聖誕節當然有火雞！出奇地燒得剛剛好！冷盤有三文魚同翡翠螺和沙律！都十分新鮮！甜品最出色係焗面包布甸！好正宗！是晚我飲左五碗蟲草花雞湯！完全係媽媽煲既味道！正！雖然是夜自助餐無一般酒店咁多選擇！但眼闊肚窄！貴精不貴多！好好對待自己個胃！希望下年聖誕再黎食過！

{生生餐廳}係一間好有意義的餐廳，係社企，主力幫助社會有需要既人士。詳情可到佢地facebook page。今日一行13人黎食lunch，場地好大、好闊，最岩開Party! Lunch Menu 係Semi-Buffet ，餐廳中央有沙律吧，提供3款沙律，同埋是日餐湯。主菜有好多款：「香烤西班牙乳豬」賣相已經100分啦！好香，咬落塊皮一個字「脆」！燒得好好，火候剛好，色澤均衡，肉嫩Juicy!「香煎豬扒拼大蝦伴焗甜薯」大滿足！海陸都有齊，豬扒略簿，但係唔會乾爭爭。大蝦夠大，煎得金黃，食落香口！甜薯焗得好好食，香甜！「香煎雞扒伴牛肝菌汁」雞扒好大塊，煎有點焦，但食落好香口。個牛肝菌汁一般般，飯量較小，岩女仔食。「香煎比目魚伴意瓜薯角」比目魚外皮煎得焦香，食落脆口，魚肉很嫩，不會乾身，點埋個汁，正！

早排心思思想食西班牙燒豬就想起之前午餐試過既一間生生餐廳佢既燒豬做得唔錯 一直想再去所以就搵埋朋友仔一齊再食夜晚既menu 選擇不算太多除左燒豬仔，我地都叫左店員推介我地試既牛肋骨同羊架仲叫左個德國腸同白菌煙肉意粉牛肋骨半份 $178份量不算多 只適合二人食初頭店員問我地要不要加蒜蓉包仲話幫我地叫多汁 點知上到台我地都打左個突好彩佢一份蒜蓉包都係得3-4塊唔係唔知用黎點咩好了雖然牛味都幾濃 但有少少overcooked肉身唔夠腍 有點un 羊架配黃薑飯由於我唔食羊 所以無試到但朋友就話呢到既羊架麻麻地德國腸不過不失 但CP值低主角燒豬仔黎啦店員會先上全隻比我地影相然後再拎番入廚房切開隻脆豬燒得香脆 肉好嫰滑調味亦不錯 不太要點醬汁加味但缺點係本身隻豬都唔係好夠熱冬天本身都凍 加上餐廳冷氣都好大但隻脆豬就無任何器具暖住油份較多既位置好快就瓊左令人食到好漏 不想再食結果食左半隻都食不下最後個意粉終於係比較熱既意粉醬汁味道都做得幾好有野菌香 不錯唯一缺點係意粉較碎同淋身比較難夾極體黎講呢間社企餐廳都算係中上但不少細節位仍有進步空間希望下次再黎既時候會做得更好

*深感受騙*要食諗清楚本人預訂了18:00的3位50%折扣在當天預訂時間的約一小時前才收到電話說只有20%off但之前是確認了有50%off最後仍堅持只給我們20%off本人及我的朋友們對此事件深感憤怒及覺得受到欺騙，亦對你們的服務失去信心和信譽。炸薯條的表現最好（$68）份量都夠多牛肋骨半份超唔抵食 （$178）紅咖哩汁幾好味但份量真的只有好少叫做半份但基本上只得一條骨店員亦不算很好服務我本身都好想支持多啲社企但今次真係好嬲同埋呢個價錢有很多餐廳比佢有更好質素及服務不會再幫襯了

最推介紅菜頭蘋果沙律同西班牙乳豬，其他掛住食，無影低。客人唔多，星期五人流都少，有啲擔心做唔做得住。太早打烊，十點已經提示你，不過可能是社企，多啲關心員工，唔會令佢地太遲收工。其實幾近地鐵站，但係好易行錯，留意。

用某App book檯有半價，試完覺得必須推介一下，因為唔止好味，性價比真係好高😋我哋兩個人食咗一個蘋果紅菜頭沙律、芝士焗薯條、半隻烤春雞、半隻西班牙乳豬、一杯熱檸蜜，都只係$405☺️我哋食完，餐廳個哥哥就真心驚歎一聲：「真係食得曬㗎喎😳！」其實係因為好味，先會食得曬呀😋乳豬即叫即整，熱辣辣，皮脆肉嫩，加埋酸酸甜甜嘅黃梅甜燒汁，真係食到停唔到口。提提大家，乳豬製作需時，趕時間真係唔好叫啊！春雞都係好好味，一啲都唔肥膩，我好少食雞皮，不過佢哋整到個皮好似薯片咗脆，真係忍唔住食埋啲皮🤤焗芝士薯條超大份，上面有啲bbq粉，好熱好脆！紅菜頭蘋果沙律配柚子汁好fresh好開胃🍎💕係灣仔有間咁靜嘅餐廳慢慢坐慢慢食，仲可以支持社企，真係好值得去！

專登揀社企餐廳，不只是因為平，而是食得更有意義。第一次來搵路亦走錯幾次，原來就係灣仔區嘅中心，你一次就識啦，入口喺交加街。餐廳非常大，而且乾淨企理，侍應生亦有禮貌，很開心渡過一個與朋友聚會的晚上。

之前去過好幾間社企餐廳，呢間算係榜首了，服務非常好，食物亦好有水準，嘢飲亦好唔錯，只係甜點有一半都not available, 有d失色，但除location外，已算係一間可常去的餐廳！

平民高級西餐✨ 生生社企餐廳😎晚飯時間行行下灣仔街市果頭，發現左個特別餐牌，盲中中就入左去，入去又要搭lift，又要九曲十三彎，好似勁高級咁，用雲石設計既裝修幾靚，豪宅入面既食肆果然零舍唔同。😆😆 行行下見到介紹牌，發現原來依間係社企，一間更生人士既餐廳。點餐既時候，侍應既態度勁好，好到有少少誇張，而且間餐廳太隱蔽，全場得我地依枱客，好似包場咁哈哈。 😂😂 點左2個set dinner ，個肉眼扒配薯菜7成熟有酒店水準，肉汁夠多，個醬汁同塊扒好夾❤️，賣相吸引。三文魚扒煎得幾香口，份量夠多勁大塊，但係意粉就乾左少少。湯就龍蝦湯比較濃味，唔適合我依種清淡人士，反正周打魚湯味道岩岩好，香口但飲完就濟濟地。🤔🤔 整體上以花x 餐廳價錢竟然食出酒店水準，物超所值。服務係好客，小編都比較愛飲水，飲十次佢斟十次，速度好快。（可能只係因為得我地一枱客）XDD加分位係依間餐廳好有意義，幫助社會上有需要人士，比錢都比得心甘情願。💕 為食指數：8/10推介程度： 8/10打卡指數： 9/10性價比： 8/10

昨晚一早訂了枱，因知道乳豬是需要時間烹調，已一早問是否要訂及一早落定order。當天上午也double confirm 多次。到當晚吃飯，也對待應表明已預定1/4隻乳豬。最後竟然等了90分鐘才到（正常應是45分鐘），我問經理得到的解釋是本來隔離枱訂了半隻，但臨時加至一隻，所以將我們預留的1/4隻比埋隔離枱先。有冇搞錯!!!!!!!! 如果係咁樣的話，應該一早同我哋講，點可以咁樣做生意，你嫌張單細，就唔好俾人有得選1/4隻, 有得比個客選，應一視同仁⋯⋯最後講多樣，個龍蝦湯唔夠熱⋯⋯⋯唔係我唔支持社企，覺得因你張單細就可以恰你⋯⋯⋯真係冇下次⋯⋯⋯

今日同同事工作完途經灣仔去左生生社企餐廳食個晏慢慢休息下享受我地既午餐先望下個餐牌有咩吃先,諗左一陣今日就點左以下食物:香煎豬肉眼拼虎蝦配蘑菇汁伴焗蜜糖甜蕃薯SET同扒波特菇露筍南瓜意大利飯SET是日餐湯beef barley soup同埋煙鴨胸田園沙律加麵包個湯牛味都好足,用麵包點下湯黎食,索下D牛肉湯提昇個麵包個味道鴨胸都好香但唔會太肥膩口感.沙律菜好FRESH,一食就係新鮮香煎豬肉眼拼虎蝦配蘑菇汁伴焗蜜糖甜蕃薯--隻虎蝦都算大隻同實肉,蝦如果唔新鮮係會梅唔會實肉豬肉眼煎落去丫丫好,唔會燶之外仲鎖死肉汁,外面金黃香口,入面夠熱...有咬口之外仲唔會太肥膩蘑菇汁都幾香菇味點綴下d肉更好味,甜蕃薯入口甜甜地又可以飽肚,岩晒我扒波特菇露筍南瓜意大利飯--南瓜飯軟硬適中,同時又唔會太乾或好濕...都做得幾好菇同露筍鮮香味慢慢入落飯度令到飯都好香鮮味望到係開業2周年甜品免費升級至Haagen -Daz迷你雪糕杯就唔好講野,即係食啦識食梗係Haagen -Daz,免費升級真係正到嘔,滿足晒啦食完美食仲有個甜品