生記粥品專家

營業中

休息中

難得摩羅街老店代找幾年之事有頭緒,千里迢迢飛撲出城少不得.........!擁著心頭好,帶一份滿足感,緩緩步向地鐡站,在大街小巷中穿插,總是不期然地在覓食.曾幾何時,生記只是一小店,但今天已逐步蠶食附近店舖,不計油麻地,單是小小一條街,已經有大小三間店舖,可惜小弟總愛舊店那一份熱鬧,與及看著一碗碗粥端出來的期待.是日太晚,魚鮫沽清,順口只點了碗雞粥,粥綿雞滑,雞肉無骨,最合本懶人心意,肉帶酒香,蘸點醬油伴帶薑蔥送入口,刺鼻感覺油然而生,好玩.........!

因為男友要戒口，我又想食粥，於是專程揸車黎食，到既時候已經係９點，見到門口個牌寫住營業到９點，所以都博一博問吓，個樓面阿姐話仲有得食．坐低左之後，負責煮粥個阿叔話冇晒魚骨腩，咁都冇法啦，最後男友叫左個鯪魚牛肉粥，我就要左個雞粥，兩碗都係細既男友話佢個粥既鯪魚球幾好味，不過我冇試，至於ｄ牛肉試過都幾滑，但係冇牛味我果碗雞粥呢，ｄ雞好似雪雞，冇味不單止，仲好重酒味，好似係為左辟左ｄ雪味而落左好多咁至於粥底．．．我唔肯定有冇落味精，不過ｄ味道好咸，咸得黎係好涸喉果種之前係油麻地新店食過，味道都唔似舊店咁．．．真係唔知點解另外題外話，因為我地係人地收鋪時去到，食緊既時侯佢地已經開始洗廚房，負責煮粥果位叔叔可能見就收得工，所以心情非常好，好到佢一路大大聲吹口哨，同埋唱埋一ｄ好似人地做法事既歌，我亦都因為佢既歌聲實在太好聽，所以只係用左２０分鐘唔夠，就已經可以落埋柯打到食埋野出到門口！

假日的早上,跑完步回家洗埋白白都不過9點,好想食粥,但係新聞話花園街市政大廈停電,唔知我嘅favourite妹記有冇受影響,而剛巧今期某飲食雜誌介紹生記,便專程到此一試.他們的粥有分大细size,我因為想一併試埋本雜誌推介的鮮牛丸米,所以要了碗細及第,見周圍人人都叫油炸鬼,唔執輸要埋.料係幾足,豬潤,豬心,粉腸,肉丸每樣都有兩件,不過每樣都冇鮮味,尤其是肉丸,味道和口感都似超市那些現成貨,而粥底十分淡和稀,完全嚐不出所謂的豬骨湯底,最差的就是油炸鬼,食落似隔夜,好在有碗蔥豉油,如果唔係都幾難唔浪費D粥同油炸鬼.很失望,已經冇mood試其他"推介". 山長水遠嚟到,反正仲有quota,一於去蘭芳園嘆埋奶茶同豬扒飽至返歸!

魚腩粥不要以為好方便咁夾晒ｄ魚腩出黎先，尤其係我呢ｄ食野食得咁慢既人！！食到尾就會覺得ｄ魚好鯹，因為凍左！！唔夾出黎就唔會鯹！！同我一齊食ｏ個位人兄明知都唔提醒我！太可惡勒！！！

今晚專登去食,唉,食到半路已經覺得好味精feel,粥底絶對唔係靚,勁普通,仲有d稀,料係ok,但成30蚊碗,駛唔駛呀?最奇怪係我見人人都叫油條,以為係好嘢,但原來勁唔掂,完全係隔夜feel;勉強可以話個碗鼓油蔥,d蔥係ok,但應該唔係佢種,所以佢地整體真係唔係好得,去海皇粥食都無咁勞氣!

又話係上環好出名的我叫左牛筋麵d麵非常咸茄d牛筋滯死左x____x 食剩最大舊個牛筋已經要投降好辛苦咸到周身唔舒服

近期好像有定數，幾篇食評都以牛腩河為軸芯，就再以此一較高下吧！九龍區的生記已經幫襯過，今次移施回總店見識見識；座下當然是點掛頭牌的蘿蔔牛腩河多青，下次再幫襯之裡的粥品！落單時問有否爽腩，答案很快已回覆沒有，其實都幾奇怪，早上的時候都沒有，可待何時？蘿蔔牛腩河是清湯腩的模式，鮮鮮甜甜的湯底配上蘿蔔牛腩是天作之合；湯底是絕對不錯；蘿蔔亦都是比起很多食店出色，夠腍身之餘又沒有渣，而蘿蔔的清甜是原始的，沒有人為加糖取巧；反而牛腩不算怎樣凸出，而有點肉渣亦令其失點分數；河粉不過不失，配合清湯及這裡的招牌辣油就變得不錯；最後這裡的蔥是用了老身的，固多青反而破壞了整體性了！

這幾個月來吃過好幾次，每次都覺得粥底很稀。而且吃完之後喉嚨kam得幾緊要，反而粥料就無問題。另外她的炒米粉永遠都濕濕碎碎的，實在有改善的必要。

今次第二次黎(好幾年前黎過一次),唔...依稀記得d牛腩都幾un...果然今次都唔例外...叫左牛腩牛丸河，係清湯，都幾甜，牛腩都係un左d...牛丸幾彈牙，不過唔係太鍾意佢太重既胡椒味，還是華南好食d

今晚同左男朋友黎呢度食晚餐，叫左牛筋麵，超怪囉..唔知點解係白色既...仲有碗魚腩粥..我又唔覺得特別好食囉..又怪喎..成二十六蚊..唔知點解咁多人話好食？

唔怪得平時晏晝咁多人排隊啦，好在我哋呢日一行三人晏啲去，唔使排，叫咗個清湯腩+手打牛丸面，啲牛丸好彈牙，好好味，唔同一般喺街食到嗰啲，啲牛腩好冧，個湯唔太多味精，下次唻要試吓啲粥先。

上星期六晚８時過後才到。二少奶想吃魚腩粥, 伙記說己賣光, 祗好點鯪魚球粥。我點肉丸粥。粥底稀杰適中,沒有妖邪咪。米粒爆開花。粥底看得見有少少幼幼的堯柱絲。我點的是小碗, 約有６至７粒豬肉丸。肉丸是用新鮮豬肉琢的。如果肉丸內加入琢碎的?? 菜粒或頭菜粒,提昇香鮮味和加重口感, 效果會更好! 鯪魚球如加少少陳皮粒效果會更特出。叫了一碗清湯牛腩米。牛腩不好,可能沒有特別關照一聲,瘦兼鞋。但湯底不錯:清及不油,牛肉香味。回家途中,感到thirsty, 師父又作怪, 不知是粥底還是粥料? 究竟何處有不落任何師父的粥可吃哩?

冒雨排隊黎食~ 好俾面吧~lunch時段真係好多人~ 舖裡人客背對背咁食~講返個粥先:叫了20蚊細雞粥~冇錯!係好綿, 但第一啖食咯去, 就feel到佢落好重味精~ 扣了分啦雞就好滑~ 果碗有葱的豉油很貼心哩~

趕住返學, 記得好耐以前食過, 再試下有冇失準. 叫左個雞粥, 粥底幾好, 夠綿, 又有味, 再食雞, 嘩, 正, 好滑, 一d 都唔鞋, 而且仲幾多. 我叫左細碗, 但一d 都唔細, 係正常size, 女仔一定夠食. 成日都咁多人, 係真材實料既....下次試下d 面先...

中午食lunch,就係附近揾間啦.生記就係我不貳之選.叫左碗清湯根楠河~份量適中,湯底味道o岩o岩好,清得黎又有點楠味.牛根幾爽滑,但牛腩就一般啦,個人覺得九記既牛楠更加稔同滑.加少少辣椒油,即刻醒胃.價錢就中中地啦,上環區24蚊一碗河尚可接受.不過間舖頭真係好細,所以平日12點9門口都排左十幾人.環境好擠迫,背對背咁滯.(諗起舊年有日譚詠麟黎生記食lunch時,我就係坐係佢背面!!)仲要差唔多食完就即刻問你要唔要,感覺不太好.但我都會體諒生記既,lunch時間短而舖頭細,點都做多幾轉生意先.我係生記fans之一,一定回頭!