生記粥麵 (已結業)

今日完全是慕名而來入到去間鋪環境幾好下，坐低叫左魚腩粥一碗，另加皮蛋一隻(另上)首先上的是薑蔥鼓油一小碗然後到皮蛋，估唔到是糖心，幾好，幾好！再到魚腩粥，真是得魚腩同粥，蔥都無條，我估好唔鍾意食蔥的人會好開心，試一淡粥，好咸，難怪蔡SAN會鍾意，因為飲酒的人多數食得咸，的魚腩當然唔腥，事關都比的咸味蓋過晒，出面多數用薑汁酒辟腥，但呢處我食唔出，的薑蔥鼓油是甜的，用來點魚腩正好平衡番的咸味。食完真是幾飽肚，不過對我來講太咸喇另外值得一讚是幾位阿姐的服務好好！

是因為在附近出沒, 順便來這間新店一試, 點了個鯪魚球粥, 粥底較正店的味濃而較烯, 鯪魚球足料之餘也富有彈性, 粥內之生菜新鮮無比, 不過食完碗粥後覺得個口....拿, 我冇話過佢地落左味精架下！

大約夜晚七點幾，在門口等位時，已經見到坐近門口既係幾位外籍人仕，心想︰真係好食到連鬼佬都黎食粥？望左一陣就有位，臨入去前看見門外其中一張海報寫着︰好滿粥…望到menu，除左粥，仲有麵…今次專誠黎食粥，梗係埋頭睇下有咩粥啦！唔洗講！我要食魚粥，男朋友要食雞粥…不過見到咁多材料配撘，梗係心多多啦！叫左一碗魚腩魚球粥，一碗滑牛滑雞粥，一碟郊外腐乳唐生菜同一碟炒米粉(哩到無炒麵食)。先來炒米粉，無乜味喎…材料有紅蘿蔔絲，炸菜絲，芽菜仔，少少肉，真係好淡，好彩唔油。生菜size普通，唔會好多油，不過不失吧了！到左戲肉喇…先黎魚腩魚球粥，逄有魚的粥都跟一碗有薑絲既豉油…嘩！都幾大碗咖…粥底唔"杰"好有魚味，鮮甜好味道…仔細望下，有六粒鮻魚球，魚球好好味，喜愛有少少蔥及少少陳皮混入魚肉，唔會好搶魚味時有帶有DD香味，魚球真係好滑，滑到跌左落碗豉油度彈到周圍係…魚腩白雪雪，都有四件左右，都係好滑，唔會煮到"鞋"哂。加埋D蔥絲及薑絲同粥一齊食，就更加香！滑牛滑雞粥，一望埋去滿是粉紅色的牛肉，滑雞在底，試一啖粥，好有雞味，同魚粥既味道有分別。牛肉剛剛熟，又係一個"滑"字！不過牛肉味唔濃…雞肉無皮又無骨，咬

要冷氣有冷氣, 要麵有麵, 要粥有粥, 開到夜晚十點鐘,外賣仲要減三蚊,肉丸又彈牙,如果你係我,你會揀邊度?

今晚返學前同男友專誠過黎食,之前食過上環果間都系覺得好一般.我地叫左魚骨雞粥$29,清湯牛腩牛筋麵$24魚骨雞粥---呢間既粥底始終吾系我杯茶,雖然系魚湯粥底,但吾夠杰同綿!雞則吾夠滑,且無雞味.魚骨就一般!無炒過始終爭d!清湯牛腩牛筋麵---吾覺系清湯,似鹼水湯!牛腩中規中矩,牛筋呈奶白色,偏爽口,但似乎吾夠入味!麵反而幾彈牙兼無鹼水味.環境尚算令人滿意,夠光猛及乾淨,服務方面新開張吾會差得去邊.埋單$53,食物質素真系吾見得好出色!試一次已足夠!

7月23日傷風咳未好，加上皮膚出風疹，不如清清地食粥。粥品單拼$26，雙拼$32，三拼$38。魚腩粥- 粥棉魚鮮滑，好。清湯牛腩- 牛腩腍，湯略嫌過濃。正如四圍貢所說食後不口乾，應只是味濃，不是味精。環境光猛企理，比上環店寬敞舒服。

我已經去左試兩次, 質素同上環生記無乜分別, 魚骨腩一樣咁正, 不過麵食方面個上湯太過濃(唔係味精,因為完全唔口渴) , 唔洗等位,可能未有太多人知道. 分店裝修比總店好, 唔再係大排檔格局, 一樣係每晚9點鐘打烊, 星期日休息.